كيف أعرف اني مب مقصرة مع ريلي

[بنت ظبيه]

السلام عليكم

شحالكم ؟

اممممممم


بحكم ان اغلبكم معرسات و عندكم خبرة ف الحياة الزوجية

ابي أعرف كيف اعرف اني مب مقصرة مع ريلي من كل النواحي ,
سالفة الترتيب و التنظيف شغل الخدامه عيل ليش هي عندنا و معاش على الفاضي ,, و حتى لو برتب غرفتنا ترتيب على الخفيف ,

يقولون الريال يخون حرمته اذا هي مقصره معاه , و طبعا كذا مره اكتشفت هالشي << مب مهم الحين

المهم الحين كيف اصير زوجة صالحة و أحافظ على ريلي وبيتي

الحين المشكله انا مب عارفة شو الي يبونه الرياييل من حريمهم بالضبط , سالفة التنظيف وبس ؟؟

جد تعبت و انا افكر شو الي لازم اسويه عسب احافظ على ريلي

*أكشخ و البس ملابس يديده صح مب كل يوم بس تقريبا 4 مرات بالاسبوع جي تقريبا
*و أحاول أشل ولدي عنه عسب ما يتأذى من حشرته
*ومرات الخدامه يوم تييب الشاي و تحطه جدامنا يقولها صبي لي شاي مع اني موجوده جدامه , اقول حق الخدامه روحي خلاص و أقوم انا أصب الشاي , احسه يستانس علي جي

الحياة الزوجية سالفة معقده صعب ان الوحده تفهمها , ولا انتو شو رايكم ؟؟

بنات قولولي شو المفروض أسويه و انا غافلة عنه ؟؟

و السموحه منكم

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام ريوما77]

انا اكره شي عندي يوم الخدااامة تييب وتقدم للريااال ليش يعني انا أعطي فرصه لوحده غيري

هالخدامه بشر توقعي منها اي شي انا كانت عندي خدامة كنت ما اخليها تدخل ولا تييب اي شي حق ريلي بس اخليها حق الأطفال والتنظيف حتى كنت احاول أني ما اخلي اي حوار يكون بينهم والريال يحب يشوف كل شي إيجابي في حرمته مثال تهتم ف المكان اللي هي تكون فيه تهتم فيه قبل اي شي وتهتم بعيالها انتي جي مستحيل يقول عنج مقصره ويحب انها ماتررفع صورتها وتحترم رأيه أتمنى أكون افدتج

[بنت ظبيه]

انا اكره شي عندي يوم الخدااامة تييب وتقدم للريااال ليش يعني انا أعطي فرصه لوحده غيري

هالخدامه بشر توقعي منها اي شي انا كانت عندي خدامة كنت ما اخليها تدخل ولا تييب اي شي حق ريلي بس اخليها حق الأطفال والتنظيف حتى كنت احاول أني ما اخلي اي حوار يكون بينهم والريال يحب يشوف كل شي إيجابي في حرمته مثال تهتم ف المكان اللي هي تكون فيه تهتم فيه قبل اي شي وتهتم بعيالها انتي جي مستحيل يقول عنج مقصره ويحب انها ماتررفع صورتها وتحترم رأيه أتمنى أكون افدتج

ماعرف أحسه ما يباني أسوي شي او مادري كيف , خاطري اعرف بشو يفكر , خاطري اعرف شو هي الزوجة بنظره ,, امممممم مادري

ثانكس فديتج على الرد

[M.T]

يبونج تطيعينهم على الخير .. و الوحده ماتيلس تعاشي كل ماقالها شي ردت عليه . ﻻ تسايسه ..
و ابسط شي تهتمين في كل شي متعلق به عشان ما تعطينه فرصه ههه يقول هاي مب مقصرة . و في وايد اشياء لكن هاللي في بالي
و يعتمد انتي كم صارلكم متزوجين

[مراسيل الوفاآ]

اختي، الحياه الزوجيه مب بس احساس من طرف واحد
لابد انه الاثنين يكونون عارفين شو حقوقهم واتطالبين بها
اذا الطرف الثاني قصر ف شي، واذا انتي تحسين انج مقصره
او تبين تعرفين نحن ما بنقدر نساعدج، هالشي يكون بينج وبين
ريلج يمكن انتي تشوفين عمرج مقصره بس هو لا ويمكن العكس
انتي مب مقصره بس هو ناقصنه شي والعكس اذا انتي تعانين من
قصوره عندج اياه تقدرين تفتحين الموضوع وتتناقشون وتوعدون
بعض انكم ما بتقصرون ف شي وجي الطرفين يحسون بالرضا
لانه كل طرف يبا يسعد الثاني، اما بخصوص اللي يبونه الرياييل،
اول شي لا تعتمدين ع الخدامه مب لانه الريال يخون بل انتي جي
تمحين دورج كـ ربة بيت وهو ما خذج عشان بس تيبين له عيال
وتسولفين وياه ف حطي جدول للخدامه مثلا هي تغسل وتكوي
وانتي ترتبين الثياب، هي تنظف البيت وانتي اللي تنظفين غرفتج
وغرف عيالكم، اغراض ريلج تبعدين الخدامه عنهن قد ما تقدرين
وهو من يشوف هالاهتمام من ناحيتج اكيد ما بيشكي قصور منج
إلى جانب مظهرج جدامه بغض النظر عن هل تلبسين ملابس يديده
ولا اهم شي النظافه والترتيب واذا يحب يشوفج بملابس يديده البسي
واكشخي ليش لا، واخيرا استودعي ريلج كل يوم من يطلع من البيت
بـ هالدعاء: اللهم اني استودعتك قلب زوجي وسمعه بصره ولسانه
وفرجه في ودائعك فاحفظها لي يا من لا تضيع ودائعه، اختميها بدعوه
حلوه له، لها اثر كبير ف قلب وعقل الريال . .

[اناناسة]

ما قريت كل الموضوع


لان هالجملة المثيرة !! لفتت انتباهي ::


يقولون الريال يخون حرمته اذا هي مقصره معاه


على طوووووووووووووووول انطرح على بالي سؤااال

ان الرجل مقصر بحق حرمته.. مثل ما هو نشوفه عادي و طبيعي الريال يخون حرمته المهملة

هل ايضا عاااااادي و طبيعي نكتب و نقول .. الحرمة بتخون زوجها ان كان هاملنها ؟؟؟!!!


اقصد هل عادي الحرمة تخون زوجها المهمل ؟؟ مثلا لبسه مب مرتب و ما يسوي لها ليالي شهرياريه !



كبته غير مرتب

ما يتعطر

وزاره مبين من تحت كندورته !

قدمه فيه تشققات !

ما ينتف اندر ارمزه !!!

يوم يأكل ما يأكل باتيكيت !

ما يودي حرمته مطاعم 10 نجوم؟؟

ما يهديها هدايا !

ما يسفرها

يطلع ويا ربعه

خلاص تروح تخونه ؟؟!!!


او بس يحق للرجال يخونون بهالحالة ؟؟


ماحيد الخيانة سهلة لهالدرجة و بسيطة عند رب العالمين

الا ان نحن نبسطها و نأخذها ايزي للرجال طبعا !!!!

انا بقولج الغلا


الريال ان رجل ( رجل ) ما يخون حرمته لو ان شاءالله مب بس تهمله بل ما تعطيه حقوقه الزوجية

بل بيتزوج عليها


و خراب الرجل و خيانته و زناه ماله دخل باهمال زوجته له

بل ها مبرر نحن النساء نقدمه على طبق من الذهب و الماس للرجال و النتيجة ؟؟

الاستمرار بالخيانة و باقي بس نصفق لهم !

[Diana Sy]

حبيبتي أهم شيء استقبال ريلج لما يرد من شغله كلام الحلو وحاولي ماتفتحي نقاش ممكن يزعجه ولبس أنيق مع شوية دلع مب ضروري لبس يديد أربع مرات باليوم ضروري تغيير الروتين وموديل تسريحة الشعر ولبسج يكون مرة بنطلون ومرة فستان ومرة جلابية مبهرجة
لاتنسي الاكسسوار الملون مع اللباس
الابتسامة خليها دوم مرسومة حتى وقت تكوني متضايقين حاولي تتحكمي بأعصابج مب العكس
كل الي ذكرته لايعني تلغي شخصيتج
الخادمة المفروض ماتظهر أمامه إلا للضرورة القصوى خليه يحس أنت وحدج ملية البيت ودورج لايمكن الاستغناء عنه

[اناناسة]

و مقطع الخدامة و صب الشاي

الحرمة اللي عااادي عندها تخلي الخادمة تيي تحط الشاي للريال او الخدامة ترتب ملابسه

و ترتب كبتاته و تربي العيال وووووووووووووووووووووووو


تستاهل ريلها ياخذ الخدامة على سنة الله و رسوله عسب تكمل الشئ الوحيد المتبقي اللي هو حق الفراش

[اناناسة]

على العموم الغالية ظبية خلي اعصابي تهداء من هالنقطتين

برد لموضوعج ان شاءالله و ما بقصر فيج باللي اقدر عليه

لا تزعلين من تعليقاتي تراني مرات تعليقي مب بس على صاحبة الموضوع بل على الموضوع بشكل عام

و للعلم الغلا

الريال ما يبغي من زوجته بس التنظيف و الزوجة مب بامكانها تحافظ على زوجها بروحها


لان الحفاظ على الحياة الزوجية لابد يكون السعى من الطرفين

لو نحن نمسك طرف الحبل و نشده ان من الطرف الاخر محد يشده الحبل بيفلت من ايدنا


اعتقد ما فهمتي شئ صح ؟؟

بقولج شئ

بروحي بعد ما فهمت

[Diana Sy]

حبيبتي أهم شيء استقبال ريلج لما يرد من شغله كلام الحلو وحاولي ماتفتحي نقاش ممكن يزعجه ولبس أنيق مع شوية دلع مب ضروري لبس يديد أربع مرات بالأسبوع ضروري تغيير الروتين وموديل تسريحة الشعر ولبسج يكون مرة بنطلون ومرة فستان ومرة جلابية مبهرجة
لاتنسي الاكسسوار الملون مع اللباس
الابتسامة خليها دوم مرسومة حتى وقت تكوني متضايقين حاولي تتحكمي بأعصابج مب العكس
كل الي ذكرته لايعني تلغي شخصيتج
الخادمة المفروض ماتظهر أمامه إلا للضرورة القصوى خليه يحس أنت وحدج ملية البيت ودورج لايمكن الاستغناء عنه

[Diana Sy]

حبيبتي أهم شيء استقبال ريلج لما يرد من شغله كلام الحلو وحاولي ماتفتحي نقاش ممكن يزعجه ولبس أنيق مع شوية دلع مب ضروري لبس يديد أربع مرات باليوم ضروري تغيير الروتين وموديل تسريحة الشعر ولبسج يكون مرة بنطلون ومرة فستان ومرة جلابية مبهرجة
لاتنسي الاكسسوار الملون مع اللباس
الابتسامة خليها دوم مرسومة حتى وقت تكوني متضايقين حاولي تتحكمي بأعصابج مب العكس
كل الي ذكرته لايعني تلغي شخصيتج
الخادمة المفروض ماتظهر أمامه إلا للضرورة القصوى خليه يحس أنت وحدج ملية البيت ودورج لايمكن الاستغناء عنه

[حلوة واموره]

اول شي الريال المراة بالنسبة له تتمثل فيه امه او خواته
شوفي هن شو دورهن فالبيت
بس اي ريال فالدنيا يحب هالاشياء
تجهزيله اغراضه وتطبخين بروحج وتقدميله الشي بيدج تسويله جلسات مساج وعناية بالجسم تسكين يوم يكون تعبان تشاركينه اهتمامته تحترمينه
تعطير البيت ويكون في هدوء وقت راحته اشياء وايد
كيف تعرفين انه سعيد وياج بيبن نظرة الرضى في عينه او بيقولج انه اسعد انسان وياج هيك شي

[عطر 77]

هالرياييل ما اتسدهم حرمة وحده , لو تخدمينه طول العمر بعد بيقولج انتي مقصره في حقي

[(خيماويه)]

رضا الناس غاية لا تدرك والزوج واحد من هالناس سوي اللي يمليه عليج ضميرج وخلي الباجي لرب العالمين

[بنت ظبيه]

يبونج تطيعينهم على الخير .. و الوحده ماتيلس تعاشي كل ماقالها شي ردت عليه . ﻻ تسايسه ..
و ابسط شي تهتمين في كل شي متعلق به عشان ما تعطينه فرصه ههه يقول هاي مب مقصرة . و في وايد اشياء لكن هاللي في بالي
و يعتمد انتي كم صارلكم متزوجين

مشكورة فديتج

صار لنا سنتين من عرسنا