عيالي التوام دايما يضاربون

**راعيه اللكزس** · 2014-01-22, 20:45

السلام عليكم

انا عندي اولاد توام وعمرهم سنه ونص بس مشكلتهم دايما يضاربون ويصافعون ويضربون اي ياهل يشوفوننه ويمطون شعرهم ابا اعلم كيف يخلون هالعاده حاولت اكلمهك وافهمهم ماشي فايده ضربتهم على ايدهم عشان اقولهم هالشي غلط ماشي فايده ابا اعرف طريقه يودرون فيها الضرب

المزيد من آخر المواضيع من نفس القسم:

**وجدان الفجر** · 2014-01-22, 22:52

ربي يحفظهم ويبارك فيهم .أختي ,أختي التوأم يستقوا ببعض , ويقلدوا بعض , سبحان الله , يعني لو واحد ضرب الثاني بعد بيضرب !شوفي منوه منهم القائد ؟ بتلاحظي من تصرفاتهم ربي يحفظهم واحد منهم اللي يبدأ يسوي الشي والثاني يتبعه , ما أعرف لو ممكن تفصليهم عن بعض في اللعب ولا لا ؟ يعني يوم يكون فيه طفل غيرهم موجود تخلي واحد من التوأم يلعب في مكان بروحه مع حد يراقبه والثاني يلعب بمكان وأنت تراقبيه مثلاً , واللي أنت تراقبيه تشيليه وتقربيه من الطفل الغريب عنهم وأنت شايلتنه طبعاً وقعدي قولي له هذا داده , شوف , وخليه يمد يد وحده يسلم عليه وأنت منتبه عن يضربه أو يمط شعره . وعقب ما تقضي وقت كفاية معاه شيليه وقالي له ياله قول له مع السلامة ( خليه يلوح بإيده له) وخذيه بعيد وخلي اللي يراقب( أو أنت) التوأم الثاني يجيبه ويعرفه على الطفل الجديد بنفس الطريقة اللي أنت سويتيها .ولو حسيتي أنهم عادي ما ضربوه , تقدري بعدها تجبيهم هم الأثنين وتقربيهم من الطفل الجديد وتكون مستعدة للتدخل السريع . ههه! , بس لو ضربوه , أمسكيهم وقولي لهم بحزم لا وأنت تنظري في عيونهم . وشيليهم على طول بعيد عن طفل . ربي يحفظهم ويبارك فيهم ويهديهم ويجعلهم من عباده الصالحين البارين , اللهم آمين.

**بناتي♥حياتي** · 2014-01-22, 23:19

هذا شي طبيعي انا بناتي التوام لما كانوا بهالمرحلة من هالعمر كانوا كذا كله يضاربوا ع اي شي ع الالعاب حتى يضاربون ع جواتي بعض ع ملابس بعض ع اماكن جلوسهم هههههه فديتهم الله يحفظهم والحين الحمدلله كبروا شوي 3 سنوات مرات بس يضاربوا مانفس قبل ع اي شي طلعوا لي الشيب تربيتهم صعبة بس حرااااااام لا ضربيهم ع ايدهم مازين هالشي يأثر عليهم بعدين اليهال لما حد يضربهم ع ايدهم لما يكبروا يطيح اي شي من أيدهم صبري عليهم شوي لين يكبروا وبيهدوا لان الحين مايعرفوا بيعدنهم صغار (الله يحفظهم لج وتشوفيهم معاريس يااااااارب بس حاولي لا طلعيهم برى واااايد ترى عيون الناس ماترحم وخاصه هم توأم)

**راعيه اللكزس** · 2014-01-23, 00:32

هم يضربون بعضهم البعض اكثر مايضربون اليهال وفي تنافس شديد بينهم وغيره مش طبيعيه وفي واحد منهم عنيف اكثر عن الثاني

**ام خلود القمر** · 2014-01-23, 10:38

الله يحفظهم

حاولي تباعديهم اذا أبوهم طالع خل واحد يظهر وياه اذا سرتي بيت اهلج خلي فتره واحد عندهم وشلي الثاني بالتدريج بتشوفيهم يشتاقون لبعض بيردون يضاربون لكن اخف

اذا اتضاربوا مسكيهم وخلي كل واحد منهم يبوس الثاني بتشوفيهم من يضاربون ويبكي واحد بيي الثاني يبوسه ويهديه

لو تضاربوا خفيف خليهم لا تدخلين بيحلون مشاكلهم رواحهم

الله يبارك فيهم

**ورقة ناعمة** · 2014-01-23, 10:57

هههههههههههههههههههههههههههههه

حبايب قلبي فديتهم ماعليه الغالية صغااااااااار فديتهم والله بوسيهم لي

**اصداف** · 2014-01-23, 17:18

الله يخليهم ويحفظهم انا عيالي توم بنت والد مشاءالله الحين عمرهم 14سنه والله انهم يتضاربون على اي شي

الموضوع: عيالي التوام دايما يضاربون

أدوات الموضوع

عرض

عيالي التوام دايما يضاربون

المزيد من آخر المواضيع من نفس القسم:

رد: عيالي التوام دايما يضاربون

رد: عيالي التوام دايما يضاربون

رد: عيالي التوام دايما يضاربون

رد: عيالي التوام دايما يضاربون

رد: عيالي التوام دايما يضاربون

رد: عيالي التوام دايما يضاربون

المواضيع المتشابهه

ميزي عيالج معBottle Labelباسامي عيالج ومستحيل مرضعه عيالج تضيع فالعزايم

عيالي التوام والحليب ساعدوني

بو عيالج يساعدج في تغير ملابس عيالج وغيرها من المهام !!!؟

بداية البناء والله يعين شاركونا بأخطاء البناء

ابي الرقية الصغيرة شو ترقين عيالج دايما 24 ساعة