حياتي اليديده !

[اوركيدا1]

السلام عليكم
عساكن بخير خواتي الغاليات !
اممم بنات انا بعدني ادرس توني متخصصه وتحدد موعد عرسي واحس مب مستعده ومب جاهزه وخيفااااااااانه ومحد عندي يكلمني ويعلمني ويطمني لو شوي ف بليز بنات خواتي المعرسات وبالاخص اللي يدرسن واللي معرسات وهن صغيرونات شو اسوي كيف اتعامل ويا هالكائن اللي بيدخل حياتي وبيكون وحده مسووله عن ريال وبيت !! واايد بنات قالو خلي عندج سياسه ذكيه عشان تعودينه ع الاشياء الحلوه وتكونين مرتاحه !! اباا نصايحكم شو اسوي ف هالحياه اليديده !
اللي ترد ولو كلمه يالله يارب تتوفق وتلقي السعاده وراحه البال ويتحقق اللي ف بالها

والسموحه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هجير الشمس]

الف الف الف مبروووك
والله يتمم لج على خير ويسعدج معاه العمر كله

[عطر 77]

موفقه

[love rak]

اعتبروها تجربة ويعيشها بحلوها ومرها
ولا تسئلين وايد كل وحدة تجربتها غير عن الاثنين
واقري كتب احسن عن الزواج

[ورقة ناعمة]

اول شي مبروك وادعي الله التوفيق دوووم ان شاء الله والله يوفقج

الغالية الحياه الزوجية مع الحياه انتي بروحج بتتعلمين يمكن نقاط مكتوبة شوي بتساعدج ...

يعني هالكائن اللي بتعيشين معاه مب عايشه عشانه فكري كيف تكونين الزوجه الصالحة والزينه وفكري كيف تعودينه على اشياء انتي تحبينه

تكون فيه ... وشوفي بعد بجوجل سوي سيرج بيطلع لج مليون شي وانتي شوفي الانسب

[Cobon]

لو حاسة انج مب مستعدة بسبة الدراسة ممكن تتناقشين وياه و اطولين فترة الملجة براحتج هاي حياتج محد بيدخل فيها ...

اما بالنسبة لج تدرسين فحاولي ترتبين وقتج و يوم عندج بريكات و وقت فاضي ف الجامعة حاولي تحلين واجباتج و تدرسين عدل

حاولي تحددين موعد عرسج بعد الفاينل باسبوعين ع الاقل ترتاحين و يكون لج وقت للراحة و المساج
بالنسبة للكائن الغريب لا تحاتين عندج وقت الملجة سولفي وياه و اقعدي و اطلعي وياه و تفاهمي معاه و حافظي ع اسراركم الخاصة ولا تنقلين اي كلمة لحد

[مس ستايل123]

الكلام شي ,, والواقع شي ثاني

احس الكلام صعب ومعقد ويخلي الوحده تحاتي
خلج تيكت ايزي والله الحياه سهله والحياه الزوجيه مب معقده
مثل ما انتي عايشه بيت اهلج بتعيشين ويا ريلج نفس الشي
اهم شي فالوحده ان يكون لها شخصيه

وعادي لو كانت معرسه وتدرس .. ما اشوف شي صعب فالموضوع

[ناروتا]

اختي اتوكلي على الله ولا تفكرين زيادة عن اللزوم,نصيبك ورزقك في الحياة وبتاخذيه,فقط عليكي تجتهدي وتتوكلي على الله

الزواج مع الدراسة يحتاج تنظيم وقت وتعاون من الطرف الآخر,فلازم يكون زوجك متفهم لوضع دراستك وموافق,حتى بعدين ما يقول مهملتيني او او او

استمتعي أختي بهالفترة الجميلة من العمر ,ولا تضيعين حلاوة الخطبة بالتفكير والخوف الزيادة
وتذكري انك مش أول ولا آخر وحده بتعرس وبتكمل دراستها,وفي بنات تصير حامل كمان,مع تنظيم الوقت والإرادة كل شي يصير
وأبدا أبدا ما تتخلي عن دراستك لاجل الزواج,لأنك ما تعرفي الحياة شو بتخبي لك

أسأل الله لك التوفيق

[مراسيل الوفاآ]

الله يتمم لج ع خير، شوفي اختي دايما نحن نحاول نفصل بين الاشيا
يعني عمرها الدراسه والحياه الزوجيه بتكون مسؤوليات سهله عليج
بس حاولي ترتبين جدولج بحيث انج تخلصين اللي عليج ف الدراسه
اول بأول ف نص اليوم والنص الثاني تخلصين مشاوير التجهيزات
+ تتعرفين ع شخصيه ريلج واطباعه، لا تتغاضين عن هالنقطه لابد
انج تعرفين لو مب 100٪ ع الاقل نص الاشيا عن ريلج واهمها
هو طبعه، اسلوبه، شو يحب وشو ما يحب يعني تخلين فتره الملجه
فتره دراسه ثانيه ل شخصيه ريلج ! عشان تتجنبين المشاكل عقب وتعرفين
كيف تتصرفين، لا تركزين ع انج بس ترضين ريلج وتتجنبين المشاكل
لانكم ف فتره ملجه، بالعكس خلي كل شي يمر بينكم درس وتجربه تتعلمين
منها لعقب العرس ومن تنضغطين شويه بسبة الدراسه عطي نفسج بريك
بأنج تتفاهمين ويا ريلج وتفهمينه الفتره اللي تمرين فيها، واما بالنسبه
لاهم الاشيا اللي تعودينه عليها، ما انصحج غير بأنج تعودين ريلج ع التفاهم
والنقاش ع كل شي يخص حياتكم وعقبها حياتج الزوجيه بتتيسر ان شاء الله

والشي اللي انصحج تبتعدين عنه، هو انج تسمعين كلام من الحريم وتحاولين
اتطبقينه ع ريلج، ابتعدي عن هالشي اختي عشان ما تيبين لعمرج المشاكل
ريلج انتي ادرى فيه وحاولي اتدورين ع الحل بنفسج اول واذا صعب عليج
الامر الجئي للحريم الكبار اولهم امج لانه الناس تعطي حلول لكن بعض هالحلول
تخرب بيوت، ابني مملكتج بنفسج وضيفي لها الاشيا اللي تحبينها وابعدي عنها
الاشيا اللي تأثر عليها بشكل سلبي



الله يوفقج وييسر امورج يارب

[(خيماويه)]

بالتوفيق

[كريستال]

اهم شي دراستج وشهادتج وتقدرين بالتفاهم تاجلين العرس شوي لمصلحتكم انتوا الاثنين

اتركي عنج كلام الحريم ما بيفيدج بشي لان كلا له تفكيره الخاص

استخيري وتوكلي على الله

وربي يسعدج ..

[بنت الشوامخ]

عادي حبيبتي
اهم شي نضمي وقتج
عشان تعطين كل شي حقه
ريلج و دراستج

وايد بنات معرسات و يدرسون


لاتحاتين ريلج
هو اخذج وعارف انه بعدج طالبه و وراج دراسه
ف لازم يقدر ويساعدج ويشجعج

بعدين ترى المعرسه لازم ماتخلي كل وقتها وكل حياتها ريلها
تعطيه حقه وتراعيه وتقوم بواجباتها اتجاهها
ونفس الوقت تجابل عمرها واشغالها

يعني حددي لج باليوم وقت معين تدرسين فيه خصوصا بالوقت اللي يطلع فيه ريلج وينشغل فيه

وطبعا الحياة الزوجية حياة فيها الكثير من المسئوليه والحلو والمر ولابد من الصبر والصبر والصبر والاحترام والطاعه للزوج ونفس الوقت حبي نفسج واهتمي لنفسج مثل ماتحبين وتهتمين في زوجج

كوني قوية في مبادئج وشخصيتج بس مطيعه وحنونه
مستقله بذاتج ونفس الوقت تبينين اهميته في حياتج

عسى الله يوفقج ويسعدج حبيبتي

[Mall.08]

الله يهنيكم ويجمعكم على خير
كل شي بالتفاهم والتعاون بيكون حلو
ونتايجه بترضيكم انتم الاثنين

والله يطمن قلبج ويسعدج اختي

[حلوة واموره]

من تجربتي افضل ان البنت تخلص دراستها بعدين تعرس لان الدراسة والزواج يبالهم مجهود مضاعف بالذات اذا كنتي من المجتهدين وتبين تيبين قريد عالي.

[افناان]

افتحي كتاب اسمه (( الصبر )) يا عزيزتي
الزواج يحتاج صبر عشان يستمر
نصيحتي الابدية لكل مقبلة ع الزواج