تفضيل الزوج اهله على زوجته ، اسباب المشاكل الزوجيه

[ام خليفة 1981]

ام خلود كفت ووفت والله طالع من بطن امه مب من بطني واهله الي تعبانين عليه وسهرين الليالي مب انا كيف بعد هذا اطالب اني اكون افضل منهم وبعدين شرات ماقلتي مثل ما تدين تدان هل ترضين ولدج يفضل زوجته عليج !!!

اوك طالع من بطن امة مو من بطني كلامك صحيح
يعني خلاص يرضي اهلة وبس
طيب امة ماكانت زوجة ولد عمتها واخدتو منو
وزوجها معطيها حقوقها ومعطيها حرية كاملة
بعكسها كل همها نفسها وماهمها سعادة ولدها
وتفرض كلامها ع ولدها بكيفها يتزوج واذا ماعجبها الحرمة لانها طالبت بحقوقها الشرعية
مثل السكن لانها تضررت كثير من تدخلات عمتها اخر شي طردتها وخلت ولدها يطلقها عسب
مالها حق تطلب سكن لحالها ومن حقها تجلس مع عمتها بغرفة وحدة خير ان شاء الله
بنفسها العمة عايشة ببيت بروحها وعمتها بعيدة عنها يعني زوجة الولد مالها اي حقوق
بس تخدمها هيا وبناتها واولادها وتسكت
انتي ترضي بدا الشي مااتوقع ترضي لانك ماعشتي نفس تجربتي ممنوعة من كل شي
من الخروج مع زوجك حتى من غرفتك ماتقدري تطلعي وفارضة نفسها عليكي كانها هيا الزوج
وتتحكم ببنت الناس وبناتها 24ساعة برا البيت ولا تقولهم شي وانا لمن اطلع مع زوجي لازم باذن
في كل شي استاذن منها موب حالة دي حتى اقفل غرفتي بامر منها او تاخد المفتاح مني عسب مااقفل
لو اغير ملابسي او استحم لانهم فجاءة يدخلو بدون اذن والله ماتستحي تعرف انو انا وولدها نايمين
تدخل الغرفة والله انا استحي لمن اشوفها اصلا عيب احد يدخل غرفة متزوجين بدون اذن
تكوني متزوجة ومسجونة بنفس الوقت ماعندك حرية بشي تتري الاذن بكل شي من عمتك
حتى لو طلعت اتعشى مع ريلي لازم تخلي ريلي ياخد اختو واخو معانا عشان يراقبونا لا اروح اشتري
شي واخسر ولدها كل همها تحافظ ع ولدها لا استغلو وبنفسها شهريا ترسل هدايا ومصاريف ل اهلها
وانا ممنوع علية كل شي
بالله لو كنتي مكاني كان رضيتي بالذل
وانا ماطلبت اكون احسن من ام ريلي
وبعدين ماارضى لولدي يعيش مثل ابو مالو اي حقوق
من حقو يختار زوجتو ويعيش ببيت بروحه
وانا مالي حق ادخل بحياتو واظلم زوجتو
لاني انظلمت من عمتي وماابغا زوجة ولدي تنظلم مثلي
وليها الحق تتصرف بحياتها بدون تدخل مني
الحمدلله على كل حال

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Cobon]

في فرق بين الاهل و الزوج بشكل عام
حب الاهل يفرق ع الزوج

حب الاهل يكوون بدون مقابل سبحان الله .. احب امي و تحبني بس هي ما تتريى مني مقابل
لو اخلي البيت فوق تحت ما بتقول شي لو عيالي يتضاربون يوصخون البيت عسل ع قلبها ههههههههه
اما الزوج يبغي له اهتمام و رعاية و طبخ و تربية عيال و مجابل بيت .................الخ ولو قصرتي في شي بيقول لج انتي ما تحبيني انتي ما تحترميني



لكن في بعض الازواج سكان اهاليهم و بيعطي حرمته 500 في الشهر بس حق اهله بيقرقش جيبه عدل كأن رب العالمين عطاهم طفل واحد اللي هو هذا الزوج و نسوا باقي عيالهم ال 6 و 7 اللي ما بيقصرون معاهم
و يا كثر ها النوعية صدق انا مع الحرمة تنقهر لانه مقصر معاها ماديا
و من امه قالت شي بيصارخ ع حرمته
و في بعض الزوجات من اهلها سووو او قالوا شي ركضت وراهم و تصير مشاكل بينها و بين ريلها



الاعتدال مطلوب في كل شي يمكن كاتبة الموضوع قصده في مجال الانفاق و مجابل شغل البيت
بيودي اهله و بيلبي طلباتهم بس حرمته طاف لها

اما موضوع ان يحبهم اكثر .. موضوع الحب و القلب محد يروم يتحكم فيه
... اما الانفاق و المعاملة الطيبة و الكلام الحلو مفروض يكون للزوجة والاهل بقدر الامكان و قدر الاستطاعة

[ملكة الاحاسيس]

الله يعينج ياصاحبه الموضوع كنت حاسه الكاتبه وراها قصه تشعر بالالم منها وطلع احساسي بمحله
شوفي نوعيه الرجال الي تضيع حقوق. زوجته واسرته ارضاء للوالدين عالنوعيه صدقيني وثقي. بكلامي اغسلي ايدج منه
ربي خلقه بهالطريقه ضعيف شخصيه امام اهله

[ام خلود القمر]

اصلا مااقارن او اساوي نفسي بامة
ومو من حقي كمان بس في رجال وانا قلت بعض الرجال
موب كلهم مسوين طاف لحريمهم وكل وقتهم رضى اهلهم
والزوجة بهيمة عندو يشبع حاجاتو الجنسية وبس
ومالها اي حقوق تانية لا طلعات ولا مصاريف
ولا ليها حق تقول رايها باي شي
تتم ساكتة وبس
صحيح الاب قدوة بس قدوة لحريمو موب لعيالة شرات عمي كل همة رضى حريمة ال3
ومو همة عيالة مايسال عنهم ويدور حقوق لحريمة طيب امة ليش مالها حق تقولو سكن زوجاتك
عندي ال3 عسب يخدموني مثل مايقولي من واجبك تخدمينا وتخدمي زوجتي الا هيا عمتي
وحاط كل وحده ببيت ملك موب ايجار كمان
وامة ساكنة ببيت لحالها مع حريم اولادها التانين ولا اشتكت
ناس بقمة الانانية تدور حقوق لنفسها وبس
وباين من كلامك انتو عيلة حكيمة ماشاء الله وتحلو مشاكلكم بالتفاهم
بس عندنا كل واحد يفرض كلامو على التاني ولازم كلامو يمشي حتى يكون غلط
دايما هما الصح والطرف التاني دايما الغلطان
الله المستعان الله لايبلي احد بعمات شريرات

ام خليفة الكلام اللي كتبته موجه للكاتبة اللي كتبت الموضوع انتي ناقلتنه

اما موضوع المصاريف والطلعات ريلج اللي ملزوم تفاهمي معاه مب اهله لا تقارنين عمج بزوجاته أكيد كل وحده منهم لها مشاكلها الخاصه

فهمت من ردودج عمتج تبيه يطلقج هذا أبغض الحلال عسب جيه رب العالمين عطا القوامه للريال وهو بيكون الملام الأول مب اهله

نصيحه من أخت لا تدخلين مع عمتج بنقاشات حاده او حساسه واتجنبي ترمسين عن مشاكلج مع ريلج جدام عمتج المحبة مب بالتنظيف والشغل المحبة تيي من الله تهادوا تحابوا

احيانا العمه شافت الضيم والظلم وما تلام فتقارن حياتها مع حياة ولدها اكسبي عمتج لا تخلينها خصم لج

اللبس صعب تلبسين واخوانه وخواته في البيت وريلج معاه حق

أخذي الأمور بالهداوه والطيب واقعدي معاه اتناقشي

لا تخلين البيت مكان يضيق الصدر

كثر الشكوى والذم تعب النفس وتعفى الخاطر

الله يهدي عمتج وييسر امورج

[شوشو الحمادي]

توصل فيها تدخل عليكم غرفة النوم بدون استأذان.. لاهذي كبيرة بصراحه..

واسمحيلي ريلج عديم الشخصية.. والله يصبرج عليهم

[كتكوتة حبيبي]

احيانا يفضل الزوج اهله على زوجته مع ظلمهم ومكرهم
واتهاماتهم لزوجه الابن بالكبائر
فهل يحق له تفضيلهم؟

[احلى بعفويتي]

الرياييل مناجر بعد ..

لازم يوازن ..

[um YaSs]

راعية الموضوع ما قالت شي غلط كلامها صح

محد يقول ان الريال يقصر في اهله ما يقصر فيهم مب مشكله بس الحرمه مالها حق بعد ؟؟

يوم هو يبا يجابل اهله طول الوقت ليش يعرس عيل ؟؟ جان يلس وياهم وفك الحرمه من الهم !!

مثل ما هم لهم حق فيه حرمته بعد لها حق وزود خلاص هو عنده بيت وعيال ومسؤول عنهم يعني

اغلب وقته لازم لهم .. واللي تقول طالع من بطنها مب بطني شي اكيد بيطلع من بطن امه

بس ها مب معناته يروحلها ويقصر فيني !! ليش شالني من بيت هليه عشان يفرني فالبيت وينساني !!

المفروض مثل ما يسوي حق هله يسويلي ويعطيني ويطلعني شراتهم حتى اليلسه والسوالف

خلكم منطقيين وحقانيين ..

[امل الامارات8]

ررررفع

[ملكة الاحاسيس]

الموضوع كمل سنة
الي استغربت تقول كيف يدشون على متزوجين غرفه نومهم
.صدقيني انا شفت ناس جي

[فراشه_وردية]

بالـــــــــــــــــتوفـــــــــــــــــــــــــيق