يكلم البنات

[MisS.Katkota]

السلام عليكـم

حابة آسألكم شو تسوي الوحدة لما تكتشف ان ريلها يكلم بنات من وراها ودوم يخش موبايله وهي تشوف تقصيره واهماله لها ..وهي بعدها مالجه بعدها ما عرست ؟! وفرضا لو ريلها ما يدري انها تعرف انه هو يكلم البنات هل تخبره وتعاتبه !؟

انتظر ردوردكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام حتومي]

حبيبتي اذا مالكه ويكلم تتركه احسن

صح في شباب يكلمون بالالوف بس وقت الجد ماله الا زوجته وهذا شكله لعاب

[عطر 77]

الله يهديه ويصرف عنه بنات الحرام

[الأحلام الملونة]

اذا بعدها علي البر

تفكر ألف مرة وترجع تستخير -----------

[رومنسية 84]

و عليج السلام
و الله اختي دومج مالجة بس يعني بعدج ع البر اطلقي احسن و الله يعوضج باحسن عنه و قوليله شو سبب الانفصال و ما يغير الله بقوما حتى يغيروا بانفسهم

[مهرووووووه]

لا يا اخت رومانسيه.. انا ابدا مب معاااااج!!!
تطلققققق (ابغض الحلال) عشان يكلم بنات انتي تشوفينه سبببببب مقنع!!! لا فديتج ابدا مب سببببب كافي ... لو يشرب لا سمح الله او مدمن او سبببب خطير!!! بذمتج منو الحين مايكلم بنات!!! يتسلووون بس مردهم لحرمتهم حلالهم!!

انا من رايي .. تتركه وتحاول انه تجذبه بالكلااام والسوالف وتنسيه اللي يكلمها باسلوبها ودلعها وووووو

[ava]

لك امي هدول بالعادة ايام الخطبة بيعملوا حالن ملائكة و بس يتأكد انك صرتي تحبي
هون بيبلش يرفس وانتي بتلشي تعاني ما تثقي فيون100/100 مو الكل بيتأمن فيون
فما بالك أنت لساتكم بالخطبة وهيك خليكي قوية وئد حالك
ولو كنتي بتموتي فيه ورجيه انك بأية لحظة ممكن تتخلي عنو
جننيه رخي الحبل شوي رجعي شدي كتير هدول هيك بيمشوا ....واذا سايرتيه من هلا حبيبتي فعلى زواجك السلام بدك تتعبي كتيررررر كتير والله يسعدك مع يلي يستاهلك ويكون شاريكي عنجد

[Diana Sy]

ايلسي معاه وكلميه بأعصاب هادئة وطلعي الي بقلبج وعبري عن رأيج بس بهدوء لاتحسسينه بالغيرة تروينه نقطة ضعف تفاهمي وياه عن الوضع وجوفي جوابه ركزي على ردوده من دون انفعال عقبها قرري وربي يسعدج ويختار الخير

[أم برلنتي]

اليوم يكلم بنات

و غدوا خيانات و بلاوي

وبعدين تلقي روحك كل مرة بمشكله

ربي يهدي

اني نقول صارحيه واعطيه فرصه

لو تغير وحسن من وضعه اوكي

وان لا الانفصال افضل

[mouzan7mod]

من رايي ترجع تستخير و اذا الله كاتب لها خير معاه ترى ممكن يودر هالطبع و اذا الله كاتب لها الشر ترى رب العالمين بيرزقها بالي احسن عنه

[مالتيزرس]

ما أقولج غير الله يعينج . هذا الكلام مع البنات مرض العصر والعياذ بالله . أقولج استخيري والله يجدم لج اللي فيه الخير .

[الابداع تجارة]

و عليج السلام
و الله اختي دومج مالجة بس يعني بعدج ع البر اطلقي احسن و الله يعوضج باحسن عنه و قوليله شو سبب الانفصال و ما يغير الله بقوما حتى يغيروا بانفسهم

اوف اوف طلاق !!!
الطلاق يقع لما الزوجين دايما مشاكل وصارت العيشة مستحيلة من بينهم

اختي راعية الموضوع ..انصحج بالدعاء، الله اقرب النا من الوريد وباجر الجمعة ..وان شاء الله بتعرسين حاولي تجذبينه وقولي له ليش دوم تخش التلفون ثقتي وايد كبيرة فيييك ان شاء الله يستحي من الله ثم منج

بس بقولج الحين منو مايكلم بنات

من بعد الفيس بوك وتويتر و البيبي ام والواتسب .....

مالنا غير الله

يارب استودعتك قلبه ونظرة ويدة وجميع جوارحة وبعده عن الحرام فمن لاتضيع ودائعك

موفقة حبيبتي ..

[اناناسة]

تتطلق و تتعب يوم و لا تتم و تموت موت بطئ طول عمرها

[اناناسة]

ماشاءالله الحين المجتمع حاطين ببال النساء منو ما عنده صديقات الكترونيات حتى لو متزوج !

و لكن ماعرف ان نفس المجتمع عادي عندهم الزوجات بعد يكون لهن اصدقاء الكترونيين !!!!

اقصد هالشئ بس حلال للرجال ؟؟

ان نعم

ودي اشوف آية قرانية تتكلم عن هالشئ

الرجل عادي يكلم بنات

[احلى بعفويتي]

هلا مالج وهاي سوالفه .. اقولج خلها تواجهه .. وتعطي العين الحمرا و اذا العرس جريب خلها تاجله لين ما يحسن سلوكه ... لو ما تعدل شو تبى فيه .. اذا ايام الملجه الريال يطلع عمره قيس زمانه ... وعقب العرس ينسى ابو الرومانسيه ..
وها فالملجه مهمل ... لا لا لا هاي بوادر سوء النيه ...
نصيحه لوجهه الله ... الي تقدر تنفصل عن راعي البنات لا تقصر .. لان هالنوع من الرياييل ما يشبعون ومن بنت لبنت و من حرمه احرمه ويطورون .. اذا مسن .. يطورون حق انستقرام ومن الانستقرام كيك و من الكيك سوالف فوت ومن الفون لقاءات و من اللقاءات الله يعلم شو يسوي ... لان شيطان ما يهد الي يدش بهالطريج و يزين له الحرام و العالم مفتوح الحينا ... شو يبا بيحصل ...
خلاصه الكلام تتركه اذا ما تغير و تواجهه .. طبعا من الحين اقولج انه بينكر وبيصير شريف مكه ومرته الشكاكه الي تظن فيه ظن السوء و بيزعل بعد ..

فلازم تتوقع هالشي منه .. ويا جبل ما يهزك ريح اذا متاكده من خيانته لها .. خلها تصر ع موقفها لان والله بيلعوزها بعدين ...