ما عرف اسولف ولا اتكلم

**وله العيون** · 2014-01-15, 11:15

السلام عليكم ورحمة الله وبركاته

حابة اعرض لكم مشكلتي مع ريلي ..انا انسانة هادية وما اتكلم وايد ، ويالله يالله ينسمع صوت مني ..تزوجت وفي فترة الملجة وانا كله ساكته وما اتكلم وايد..لين اليوم ، لما يفتح ريلي سوالف اقوله هيه انزين وحلو ، واتم ساكته ما اتفاعل معااه ... وانا روحي ما عندي سوالف ..متعودة اني اكون هادية ..يعني اداوم بس ما اييب سوالف الدوام واخبره ...وما اخبره عن سوالف صديقاتي ولا اهلي ..وما تمت عندي سوالف غير السكووت وكله اها وهيه وزين وحلو ... حتى هالشي يصير لما اكون مع اهله كله سااااااكتة تعبت من هالحالة ..

اتمنى تنصحووني وشو السوالف اللي اقدر افتحها مع ريلي

المزيد من آخر المواضيع من نفس القسم:

**ورقة ناعمة** · 2014-01-15, 13:47

صراحة ناس وايد تتمنى تكون شيه وانتي كيف تبين تكونين ....سوي اللي يريحج

وصدقيني ابدئي بسوالف الضحك مع ريلج مب شرط سوالفج تكون عن الدوام او بنات الدوام او عن الاشخاص

افتحي باب النكت الخفيفة ,, افتحي باب العيال ,, جوليله انا اباك تكون مرتاح مني وخبرني شو اللي تضايق منه عشان اعرف

افتحيله باب الثقة اعطيه مجال انه يثق فيج قوليله من الكلمات الحلوة ببمسج وبعدين ابدئ قوليها عودي نفسج من البداية كتابيا عشان تعرفين تقوليله

حلوة الحياه الهادية بالعكس لاتشوفينها غلط بيرتاح ريلج ان شاء الله وانتي بعد ,, بس فكري باي شي تشغلينه وتنشغلين

سويله اكله واكليه وقوليله علشانك سويتها فاجئيه بهدية ,, عشان هو بعد يتعلم ويفاجئج الريال احيان يتعلم من الحرمة لانه ماتكون عنده خلفية او مايعرف

سولفي معاه عن البيت وعن الزواج وعن نفسه ونفسج .. شو يحب وشو انتي تحبين من هالامور ماله داعي ترمسين عن فلانه وصديقاتج

عيشي حياتج الحين معاه بدلع ورومانسية لان هاي احلى فترة بحياتج ... والله يوفقج فديتج

**نواره الهاشمي** · 2014-01-15, 14:02

يامحسن الصمت والله

وهل يكب الناس على وجوههم في النار الا حصائد السنتهم

**عطر 77** · 2014-01-15, 14:40

احسن لج تمي جي , أسميج مريحه راسج عن الهذربان وعن ال قيل وقال
على فكره ترى الرياييل يحبون الحرمه الهاديه وخاصه اللي ما تتكلم وتلعلع وايد

**نرميل** · 2014-01-15, 14:54

انا راي مثل الاخت عطر 77تمي لا تغيرين

**حص المنقى** · 2014-01-15, 16:46

رايي من راي عطر 77

**موناليزا~** · 2014-01-16, 01:28

قلنا السكوت حلو بس مب لحد انج تكونين ممله ؟ عقب يوم انتي تبين تفتحين موضوع ريلج بيتعلم نفس اسلوبج

مادري انا اشوف الوسط احسن ف كل شي خير الامور الوسط

ماتكونين مزعجه وثرثاره واايد وف نفس الوقت ماتكونين ساكته وهاديه وممله خلج عاديه

**مالتيزرس** · 2014-01-16, 02:04

اختي السكوت أحيانا يخلي اللي حذالج يمل . فصدقيني ريلج عقب بيمل بروحه من كثر ماهم يسولف وانتي ساكتة . موب شرط تكوني هذربان . يعني ابدي سولفي معاه شو المواقف اللي تضحك تصير لج . سولفي عن الرياضلت اللي يحبها اقري وقوليله اليوم دشيت النت وقريت عن الفريق اللي تحبه . وصدقيني السوالف بروحها بتظهر . بس انتي ابدي .

**azaf2000** · 2014-01-16, 03:00

المشاركة الأصلية كتبت بواسطة مالتيزرس

اختي السكوت أحيانا يخلي اللي حذالج يمل . فصدقيني ريلج عقب بيمل بروحه من كثر ماهم يسولف وانتي ساكتة . موب شرط تكوني هذربان . يعني ابدي سولفي معاه شو المواقف اللي تضحك تصير لج . سولفي عن الرياضالت اللي يحبها اقري وقوليله اليوم دشيت النت وقريت عن الفريق اللي تحبه . وصدقيني السوالف بروحها بتظهر . بس انتي ابدي
اختي
فعلا اعرف حالات طلاق سببها رئسي هو الملل من طرف زوج
يارب احفظك واحفظ بيوتنا وبيوت سائر المسلمين . لكن اختي حاولي ان تجعلي لك اهتماما ت خاصة وتحد
تي عنها بطلاقة وحرية . بتوفيق اختي

**~ الح ـشيمه ~** · 2014-01-18, 09:43

الهدوء حلو فالبنت بس لازم يكون لج اسلوبج وشخصيتج وسوالفج الحلوه الي ريلج مابينساها

ف تقدرين تسولفين وياه عن واايد اشياء وخاصه اهتماماته وطبعاً شاركيه اهتماماتج، شوفوا فلم حلو مع بعض وسولفو عنه او خبريه قصص حلوه من قصص الانبياء او قصص اخرى

بين الزوج وزوجته لازم يكون فيه حوار وتشويق وسوالف وضحك .. عشان مايتسلل الملل لحياتكم ويحس ريلج انه يسولف بروحه وانتي ماتتفاعلين معاه

اختي غيري من نفسج شوي، يعني اكيد دامج هاديه مابتستوين ثرثاره بس كوني سوالف وافتحي مواضيع حلوه مع ريلج عشان مايمل وتكثر طلعاته مع ربعه ويحس انه فيه حد ثاني يحب يسولف وياه غيرج

لازم تعودين ريلج ع سوالفج الحلوه عشان يشتاق لج ومايكون غيابج عنه يوم تروحين بيت اهلج شي عادي او مايتشفق يكلمج ع التلفون

يعني انا احب اسأل ريلي دايماً عن الاشياء الي يحبها وبما انه بعدنا ماعرسنا اسأله عن نظام الحياه الي يحبه والاكل الي يحبه ولو انه يعرف اني ما اطبخ الا يوم مزاجي رايق

بس فيه امور واااايد تقدرين تسولفين عنها بينج وبين ريلج غير الكلام عن الناس وغير الدوام والشغل

بس فكري بتلقين اشياء وايد حلوه ممكن تسولفون عنها، مرات حتى سوي لعبه يوم تكونون فاضين اسألي ريلج اسأله تحبين تعرفينها عنه وهو يسألج اسئله، اشياء ماعرفتيها قبل بس ماتكون اشياء نكديه لاااا تكون اشياء مضحكه مثل:

- شو مغامراته ايام المدرسه؟ المواقف المينونه الي سواها ويضحك عليها الحين

- سألي عن احلى ايام طفولته

يعني فكري بتحصلين سوالف واااااايد ماتخلص بس دايماً انتبهي انج تخلقين جو حلو ومرح ومضحك مب نكد وحزن اهم شي

ان شاءالله يارب الله يسعدكم ويفرحكم ويارب تسولفين وياه ويحبج اكثر ويتعلق فيج ويشتاق لج دووم

**بنت الشوامخ** · 2014-01-18, 14:13

اذا ريلج عايبنه هالشي وانتي مرتاحه لاتغيرين !
بس عالاقل حاولي تعلقين اكثر وتعطين رايج و وجهة نظرج عشان ريلج يفهم توجهاتج وافكارج وشخصيتج اكثر

يعني يوم تحسين عندج تعليق لا تخلينه داخل قلبج وعلقي باسلوب لطيف
لانه مستحيل مع كل سوالف ريلج انتي مايكون في قلبج تعليق تبين تقولينه
ولو سمعتي سالفه من ريلج وحابه تضيفين شي من خبراتج واللي تعرفينيه ضيفي
نفس الشي مع اهله

صدقيني مع الايام شوي شوي راح تقدرين تسولفين اكثر وتفتحين المواضيع خصوصا عقب الزواج الوحده تتغير

الصمت ترى حلو في اوقاته
وقلة الكلام تريحج من وايد مشاكل بس كلن بوقته .. انا نفسج هاديه بس احيانا لازم اعلق واسولف خصوصا لو هم ضيوف مب حلوه اتم ساكته

**mouzan7mod** · 2014-01-18, 15:36

ترومين تسولفين عن الجو ولا عن آخر الاخار ولا عن البرامج أو عن المولات والطلعات و الأماكن السياحية ولا أنتي شو تحبين ولا شو تكرهين و جي ..
عن نفسي انا ريلي يموت بالرياضة و الماريات و هالسوالف .. أحاول أتأقلم مع الجو و قمت أشوف معاه مباريات و أسمع المعلقين ساعات معاه و جي
حتى قمت أعرف فرق أجنبية غير ريال مدريد و لارشلونة و جي يعني

**افناان** · 2014-01-19, 02:27

المشاركة الأصلية كتبت بواسطة نواره الهاشمي

يامحسن الصمت والله

وهل يكب الناس على وجوههم في النار الا حصائد السنتهم

**ام محمدميمو** · 2014-01-19, 03:50

الرجال مايحب الحرمة اللي بس ساكته ومالها راي كل ماقال شي اي ولا يطفش الرجال اجلسي معاه يقلك على موضوع ناقشيه اعرف واحد رغم انه يحب زوجته وتزوجها عن حب جاء عند زوجي يشتكي منها يقول كل ما اقول لها عن شي ماتقول غيراي ولا وكيفك
الرجال مايحب الثرثارة ولا اللي ساكتة طول الوقت
ومو عشانه تتغيري عشان نفسك
ومع اهله لما يتكلموا في موضوع ادخلي معاهم في الموضوع ومعلومة سمعتيها خبريهم عنها

**ام خليفة 1981** · 2014-01-19, 06:53

المشاركة الأصلية كتبت بواسطة مالتيزرس

اختي السكوت أحيانا يخلي اللي حذالج يمل . فصدقيني ريلج عقب بيمل بروحه من كثر ماهم يسولف وانتي ساكتة . موب شرط تكوني هذربان . يعني ابدي سولفي معاه شو المواقف اللي تضحك تصير لج . سولفي عن الرياضلت اللي يحبها اقري وقوليله اليوم دشيت النت وقريت عن الفريق اللي تحبه . وصدقيني السوالف بروحها بتظهر . بس انتي ابدي .

نفس كلامها
انا من يوم تزوجت وانا ع الصامت لانو محد يسولف معايا وريلي اذا جلس معايا يتم ساكت ويقلب بالقنوات
صرت اسولف مع نفسي والحين الحمدلله اسولف مع ولدي الله يحفظو العب معو ريلي لمن يشوفني العب مع ولدي
يقولي اشفيكي استويتي مهرجة
اقولو مو مثلك ماتلعب مع ولدك ولا تسولف معايا
وتعطينا طاف ولانشوف وجهك الا وقت النوم او وقت مابيكونو اهلك بالبيت
صعب السكوت عودي نفسك تسولفي مع ريلك
احيانا نفسيتي تتعب لاني مااسولف مع احد

الموضوع: ما عرف اسولف ولا اتكلم

أدوات الموضوع

عرض

ما عرف اسولف ولا اتكلم

المزيد من آخر المواضيع من نفس القسم:

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

رد: ما عرف اسولف ولا اتكلم

المواضيع المتشابهه

مواضيع اسولف فيها ..

ما اعرف اسولف مع ريلي

مااعرف اسولف ويا ريلي !

ودي اسولف مع حد

ما اعرف اسولف معاه !