بنتي غامضتني

[مالي حد سواك]

ياريت تعطوني تجاربكم بنتي عمرها شهر ومريضة مزجمه وفيها بلغم وكحة عطيتها قطرة ماي وملح وماشي فايدة ياريت تعطوني تجاربكم يزاكم الله خير

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أنا وحبيبي]

افكري قاعة ريلها بفيكس بس على خفيف وغطيها بدلاغ وسخني زيت زيتون مع حبة سودا مطحونة وانتظريها تدفا وافركي صدرها فيه
الله يشفيها ويعافيها

[ناروتا]

اختي جربي اغلي لها شوية يانسون مع 30 مل ماء واعطيها اياه بالمرضعه اول ما يصير دافي

[ماما سلطان]

الفكس أعتقد مكتوب عليه لفوق السنة ،،، مب زين حق الرضع... أتأكدي قبل لا تستخدمينه.... بس زيت السمسم طارد للبلغم اللي في الصدر... خذيه من الصيدليه يكون مخفف ومعقم عشان ما يتحسس الطفل... أنا مرة الدكتورة نصحتني إني أفتح الماي الحار في الحمام وإنتي بكرامه ويوم يمتزر الحمام بالبخار دخلي الطفله ويلسي اشوية لأن ها البخار الحار يساعد على طرد البلغم... وبعد مرة دكتور نصحني أحط قطرات من حليبي في أنف الطفل لأنه معقم ومضاد حيوي طبيعي... الله يشافي بنتج ويعافيها والأحسن إنج ما تسبيحنها هاي الفترة والله برد...

[ثلوج الصيف@]

ياريت تعطوني تجاربكم بنتي عمرها شهر ومريضة مزجمه وفيها بلغم وكحة عطيتها قطرة ماي وملح وماشي فايدة ياريت تعطوني تجاربكم يزاكم الله خير

اذا انتي من دبي سيري عند دكتور مازن في ميدقيت
الزجام يتسرب على داخل على شكل افرازات
اول شي لازم توقفين الزجام
اذا الخشم يسيل لازم تحطيله دوا نسيت اسمه
الماي والملح مايوقف الزجام بس ينظف المجاري التنفسيه
استخدمي دوا ثاني للزجام. مع القطراات اللي توقف سيلان الخشم) اسمه فنستيل في الحكومه مايعطون، ولا بيعطونج الا قطره ماي وملح
وحق البلغم استخدمي بروسوبان هذا من تجربتي مفعوله بطيئ
عشان جي اروح عند الدكتور اخليه يوصف لي بخار ودوا البلغمم اللي يحطونه داخل الجهاز


لا تهملين بنتج من تجربتي البلغم يزيد ويسوي التهابات ويسكر الصدر

[مالي حد سواك]

يزاكم الله ألف خير ماتقصرون حبايبي وجاري التطبيق

[بـدو الخويـره]

دوا قطرات فنستيل أو قطرات زيرتك جداً ممتاز للزكام وحتى بعد لحساسية الصدر طبعا بعد استشارة الدكتور

[ليندااااا]

زيرتك ممتاز للاطفال
لكن الافضل تستشيري طبيب لان بنتج عمرها شهر وما يصير تعطيها ادويه بدون استشارة طبيه
وبعد قطرة للانف اسمها اوترفين

[أم مريــوم]

حياتي الله يعافييييييها يارب دفيها زين الجو بارد

[ام ناني]

اختي بنتج وايد صغيره على الأدوية
في بيبي شوب يبيعون شفاطه للخشم تشطف الوصخ وبترتاح
و دفئ زيت الزيتون والفكري صدرها وظهرها مرتين في اليوم
وإذا قدرتي في فترة النهار طيحيها على ينبها بس انتبهي أتخلينها بروحا لازم تكونين عدالها
عن تنجلب على ويها
وجربي تيلسينها على على ريولج وتخلين صدرها مائل على جدام ويدينج وحده على صدرها والثانية على ظهرها
وبي ينج اللي على ظهرها سويلها مثل المساج على ظهرها بضربات خفيفه لفترة ٥ دقائق

وما تشوف شر

نصيحه تجنبي الأدوية وابعديها عن اي حد فيه زكام او كحه

[ريم خورفكان]

ما تشوف شر حبيبتي

[الشحية غير]

الفكس أعتقد مكتوب عليه لفوق السنة ،،، مب زين حق الرضع... أتأكدي قبل لا تستخدمينه.... بس زيت السمسم طارد للبلغم اللي في الصدر... خذيه من الصيدليه يكون مخفف ومعقم عشان ما يتحسس الطفل... أنا مرة الدكتورة نصحتني إني أفتح الماي الحار في الحمام وإنتي بكرامه ويوم يمتزر الحمام بالبخار دخلي الطفله ويلسي اشوية لأن ها البخار الحار يساعد على طرد البلغم... وبعد مرة دكتور نصحني أحط قطرات من حليبي في أنف الطفل لأنه معقم ومضاد حيوي طبيعي... الله يشافي بنتج ويعافيها والأحسن إنج ما تسبيحنها هاي الفترة والله برد...

اختي صح كلامج انه الفكس مكتوب عليه لفوق ال3 مادري 4 سنوات بس امي فركتنا بفكس لمى كنا صغار وحتى بنتي امي فركتها بفكس لمى كان عمرها شهر وشي صح خفت بس الحمدلله تحسنت ولين يومج استخدم فكس وحتى ساعات ب فاس الأولين يعرفون و الحريم الكبار عندهم خبرتهم بس طبعا لازم نوديهم المستشفى عند الدكتور يشوف حالتهم
في اطفال مايتحملون مناعتهم تكون ضعيفه وايد نحن الكبار مانتحمل المرض كيف وهم صغار

[القيوآنيـه *~]

حق الزجـآم حطي من حليبـج ف خشمهـآ
أنا مجربـه لبنـتي يوم كآنت ف عمـرج بنتج تقريبـآ ونفع ويــآها

و ع فكــرة ترى الرضـآعة الطبيعيـة وايد تسرع من عمليـة الشفآ
وبخصوص قطرآت فنستيل ، تأكدي من الدكتور قبل لا تعطينها

هي آوكيـه لكن شوفي ع حسب عمر البيبي و وزنها يحددون لج الكمية
فديتها الله يحفظهـآ ويشفيها

[سماريه دلـع]

شربيها شاي البابونج ربيعتي سوت حق ولدها وماشاءالله خاز عنه

[ضيقة القلب]

بنتج وايد صغيره لا تعطينها أي شي دون وصفه من الدكتور