مشاكلي اللي ما تخلص ساعدوني

[الجمال المسمى]

مرحبا بنات

اممم ما اعرف من وين ابتدي
وهل كلام زوجي صحيح ولا انا الغلطانه
امممم بنات انا من شهرين صايره نكديه
وكله اتضارب ويا ريلي
كل يوم اصيح وهو يكرهني يوم اصيح
بس البارحه زادت حدها المشكله اني صرت كله اصبح واصارخ ما ادري بس جي هاويه مشاكل
المهم ريلي عصب مني وقال لي اذا تبينا مع بعض وما نخسر بعض ابتعدي عني سبوع وانا ببتعد عنج سبوع
وقالي لا تتصلي فيني لين ما تتأكدين انج صج تبيني وانج بتحترمين وجودي في حياتج
انصحوني شو اسوي المشكله اني وايد وعدته اني اتغير بس ترد حليمه لعدتها الجديمه
تنصحوني ابتعد فتره عنه واخليه يرتاح مني شوي وانا ايلس مع نفسي ولا لاني ضايعه وحاسه انه ريلي بدء يضايج منيي خلاص كارهني من سلوبي زفت واحكامي المتسرعه عليه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[راقية بطبعها]

انتي تعرفين أن الغلط منج ليش ما تغيرينه؟
كل الرياييل يحبون الحرمه العاقلة الفرفوشة
اللي توقف وياه وتخفف عنه الهموم والضغوطات
مب اتزيدينه نكد وصياح وضرابه ومشاكل
حاولي تستوين مرنه وتاخذين وتعطين بدون صياح
ترى الحين يقولج وينصحج بس بعدين بيطفر
و بيشرد يدوّر راحته برع البيت
بعد يمكن اللي اتمرين فيه بسب العين أو الحسد
حطي سورة البقرة في بيتج و دوامي ع الأذكار والرقية

[mouzan7mod]

انتي تعرفين أن الغلط منج ليش ما تغيرينه؟
كل الرياييل يحبون الحرمه العاقلة الفرفوشة
اللي توقف وياه وتخفف عنه الهموم والضغوطات
مب اتزيدينه نكد وصياح وضرابه ومشاكل
حاولي تستوين مرنه وتاخذين وتعطين بدون صياح
ترى الحين يقولج وينصحج بس بعدين بيطفر
و بيشرد يدوّر راحته برع البيت
بعد يمكن اللي اتمرين فيه بسب العين أو الحسد
حطي سورة البقرة في بيتج و دوامي ع الأذكار والرقية

رايي من رايها

[ام راشد وسعيد]

انتي اللي اتعرفين وين المشكله عندج بضبط حاولي اتغيرين تصرفاتج واتشوفي شو الاشياء اللي اتضليق ريلج منج والهدوء اهم شي لانج اثنى لازم اتكونين هاديه مب كله بصراخ يعني شوفي تصرفاتج وحاولي اتغيريهن .موفقه

[ام براق]

الله يعييينج شكله وصل حده من تصرفاتج

[m.dxb88]

الله يهديج ويطمن قلبج ويخفف العصبيه منج وتردون احلى من العسل

[افناان]

احفظي القرآن و حافظي على الورد اليومي و اصلحي سريرتكِ ، يصلح الله امور حياتكِ و سريرك في قبرك بعد مماتكِ باذن الله
و لا تنسِ ان الصدقة تدفع البلاء

[munamoor]

اقول لج شى !؟! سالفة الحمال مأثرة فيج صح !؟!
حبيبتي يا نظر عيني بقول لج سالفة يمكن شوي تخفف عنج
تعرفين لي خالة يوم كان عمري سنة عرست تدرين تمت 20سنة بدون عيال !؟! و يوم كملت ال 21 سنة رزقها ربها بتوأم بدون علاج و لا شى !؟!
ليش ما تروحون العمرة !؟! بنية ان ربي يهدي النفوس و بنية ان ربي يرزقج بطفل !؟!

عسى ربي يرزقج بالذرية الصالحة عاجلا غير اجل

[ms. caramel]

حاولي تقرأي سورة البقرة كل يوم
وكمان شغليها في بيتكم ..

[الجمال المسمى]

مشكورات على نصيحه
انا تعبانه وهو حتا ما فكر يتصل

[بنت الشوامخ]

حبيبتي الحل تغيرين من نفسج
انا مقدره انه التغير احيانا يكون صعب بس يتطلب وقت وصبر وقوه واراااده
ولازم تكون ارادتج قويه انج تحافظين على ريلج وماتخسرينه بايدج

ادعي ربج انه يصلح حالج ويجعلج الزوجه الصالحه مثل مايحب ريلج
الدعاء سلاح عجيب ونتايجه مضمونه بإذن الله للي واثق ومتوكل على ربه

تذكري
الريال مايحب النكديه العصبيه
خلج مصدر راحته وسعادته

اذا عصبتي اوصيج بالصمت ثم الصمت
واذا حسيتي خلاص ماتقدرين بتعصبين او بتصيحين
قومي بهدوء و غيري مكانج
توضي وصلي ركعتين

ترى جي دموعج مابيكون لها اهمية عنده اذا تنزل على اي موقف
خليها سلاح قوي ماتنزل الا وقت الحاجه و راح تهزه

[بنت الشوامخ]

هو ما راح يتصل فيج هالفتره شي طبيعي
يبا يرتاح من المشاكل
يمكن الحين كل مايتذكرج يتذكر صراخج وصياحج ف يتجنب التواصل عشان ماينكد على عمره

الحل
طرشي له مسجات ندم و شوق و هالسوالف
وانتي اتصلي فيه
خلج وايد حنونه وهاديه ومرحه
ابعدي نهائيا تفتحين وياه اي موضوع نكدي
يعني لاتقولين له : ليش ماتتصل وتسأل

المهم ابعدي عن العتب

وعسى الله يسخركم لبعض

[قلب الكندي]

مرحبتين أختي
ليش تدمرين حياتج الزوجيه بيدج!
غلط x غلط


حاولي تعدلين نفسيتج شوي
سافروا ، حجزوا في فندق او سوي اي شي تحبينه


أنا اذا حسيت بضيق او اني بطلع حرتي في ريلي
على طول اطالع ألبوم عرسنا ههه
أقول حلوه أيامنا فترة الخطوبه ويوم العرس وبتتم جذي ع طول يا رب
دايركت مودي يتغير وأحس أني أبا أتقرب منه اكثر

[قلب الكندي]

أنا بعد أقول سيروا العمره
وقولي لريلج بنفتح صفحه يديده
وانج ندمانه عاللي سويتيه !
وكلام حلو من القلب للقلب


الله يخليكم ويسخركم لبعض يا رب
ولا يفرقكم لا دنيا ولا آخره

[Cobon]

جوفي شو الاشياء اللي تنرقزج اكتبيها ف ورقة
و شو الاشياء اللي تفرحج و تخليج احسن اكتبيها ف ورقة
شو تبغين تغيرين ف حياتج من كل النواحي حتى من ناحية شكل الجسم و الكشخه و الاناقة و الدين و العيال و الزوج

ابدي غيري اشياء معينة فيج و شوي شوي بتخف عنج العصبية و ما بتكونين حنانة
اطلعي غيري جوو مع اهلج و ربعج و معاه
خلي عندج اهتمامات ثانية مثل الهوايات شرات التصميم الرسم السباحة اي شي تحبينه و ممكن تقرين كتب

ترى كثرة العصبية و القرقره ع الريااال بتشرده
ولو شرد ما بيرجع لج
و الحريم مكودات برى البيت

فانتبهي لان ما يفيد الندم عقب