سؤال لاهل الخبره ..

[أوجان]

السلام عليكم ..

خواتيي عندي عدة اسئلة واتمنى اتجاوبوني عليهن بدقه وبوضوح عسب ما ارد احشركن ..

انا حاليا افكر اتسوق بالنت وطبعا الشي محتاج *ماسترد كارد * بريد محلي ودولي ..


سؤالي الاول : شو احسن شركة توصيل للطلبات من ناحية الامانه و السرعه و الدقه و الحفاظ ع الطلب ارامكس ولا فيدكس ؟
2/ مواقع التسوق تطلب فاستبيان الشحن عنوان البريد السؤال احط اي عنوان ؟
عنواني فالدولة الخارجية و لا عنواني المحلي ؟

3/ شو احسن المواقع و اللي ع شهر 1 بتكون عندهم تخفيضات قوية ؟

وسلامتكن

المزيد من آخر المواضيع من نفس القسم:

• الشارقة
• ممكن مواقع تبيع شنط DKNY
• موقع يرجع نسبه اذا طلبتي من المواقع
• سويتوو sweetoo
• هل هذا الموقع موثوق؟
• الشحن للامارات ومكسب
• كيف طريقة الشراء من موقع I herp
• ترجيع ملابس مت موقع كوزي كوكون
• عطوني مواقع اتشرا منها للعرس
• اكواد خصم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Fa.R]

1- كمبتدئة سجلي في خدمة شوب اند شيب من ارامكس
2- المواقع على حسب ، لو مايوفرون شحن دايركت حطي عنوان الشحن مال ارامكس
مثل موقع امازون العالمي . .
3- وايد مواقع تسوي تنزيلات بس ماقدر اعدهن من كثرهن هههه

جوفي الموضوع المثبت للمواقع المجربة ، ادخلي عليهن
اغلبهم مسوين سيل الحينه !

[الفراشهـ]

الي اعرفه عن شركة فيدكس .. انها شركه عالميا احتلت مراتب الاولى في اقل اخطاء في معاملاتها ..

اشوف الكل يتعامل ويا ارامكس ..
بالتوفيق ..

[Fa.R]

هو كل شركة له مميزاتها ، لكن فيدكس ماعندها خدمة فتح بريد في امريكا
أو بريطانيا ، عسب جي قلت ارامكس خدمة شوب اند شيب ، ولو تلاحظون
شركة ارامكس هي شركة شحن عالمية وموفرة هالخدمة واكثر عن بريد بتحصلين
امريكا / بريطانيا / الصين / تركيا / الهند / هونغ كونغ / جنوب افريقيا / الامارات
ومن غير أنه تقدرين تدفعين بالفيزا أو سلم واستلم . .

وعندج بعد شركات توفر لج بريد امريكي مثل Myus ولها مميزاتها لكن هي ليست شركة
شحن قصدي شرات ارامكس بل هي توفر بريد و تشحنه وبعدين
ترسله عن طريق شركات الشحن مثل فيدكس و ups
و مميزاته يجمع لج اغراضج في شحنة وحدة و عندهم خدمة
بيرسونال شوبر والي هو وسيط لشراء من مواقع لا تقبل فيز إلا امريكية وياخذون رسوم عليها . .

وبعد عندج World ship الي اسمه صار الحين ws1
أنا جربته ، خدمتهم جيد جداً إلى الان بس معقد شوي ما بتعرفيله
من اول مرة وفكرته نفس my us يجمع الشحنات ويرسله على
شركات الشحن مثل: DHL , FedEx , Aramex . .

و بعد borderlinx ماعرف عنه وايد وبعد فكرته ماي يو اس
و وورلد شيب . .

فـ بما أنج حبيبتي أول مرة جربي ارامكس مش خسرانة وهو احسن خيار كمبتدئة
وخصوصاً اغلبنا مشتركين في ارامكس فـ بنقدر نساعدج والخيار لج في النهاية