بنتي كله تصيح !

[قلب الكندي]

السلام عليكم
شخباركم خواتي؟

بدخل في الموضوع على طول
والله احس نفسيتي تعبت وما في شي ما سويته
بنتي عمرها شهرين
كله تصيييييييح وصياح مب طبيعي
جنه حد ضاربنها والا قارصنها

يوم تصيح ارضعها وعقب الرضاعه تصيح
أقول يمكن ما تشبع عقب فتره أسويلها رضعه صناعيه
أبدل لها حفاضتها ع طول وعقب فتره ترجع تصيح

مرات أقول من بطنها
يوم يمشيها الله يعزكن تسكت شوي وترجع تصيح
ونوم ما تنام الا مره او مرتين فاليوم

أرقيها وأبوها يرقيها
كله تبا الحضن وحد يشلها ويدور بها
بس أبوي يقول أختي كانت جذي لين عمر ست شهور

من كثر صياحها أنا كله في البيت
أخاف اطلع مكان الا عند أهلي
وديناها المستشفى الدكتور فحص عالسريع
يقول عادي هذا من المغص وعطانا دوى
هالدوى عند الضروره وتناااااام نومه حلوه يوم اعطيها

هل هالشي طبيعي!؟
قولوا لي شو ممكن أسوي بعد عشان يقل صياحها

المزيد من آخر المواضيع من نفس القسم:

• اجمل تسريحات اطفال ينات بمناسبة عيد الفطر
• اجمل موديلات فساتين اطفال بمناسبة عيد الفطر
• اسباب قضم الأظافر عند الأطفال
• احدث موديلات فساتين اطفال للأعراس
• اجمل تسريحات اطفال انيقة للمدرسة
• اجمل موديلات قفطان مغربي للاطفال بمناسبة...
• طريقة تظيف انف الطفل الرضيع من المخاط
• العناية بالمولود الجديد
• اسباب واعراض وطرق علاج فقر الدم عند الاطفال
• اجمل موديلات فساتين اطفال شتوية انيقة وناعمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الغــــــلا]

الغالية يمكن فيها غازات ملعوزتنها .. سويلها نعناع أو جاي أعشاب ومن ترضعينها دسعيها ورقديها على بطنها شوي
حطيلها فكس ودفيها عدل .. والله يطمن قلبج عليها ويحفظها

[غدران]

هلا حبوبه.
اولا فكس نهائيا لا تحطين حرام جاهله. بشرتها بتروح فيها.
شوفي يوم بترضعينها شديها وردي رضعيها وشديها. لازم تتشدى وللا بيضايقها.
ودامج تشربينها حليب صناعي أكيد بتكون عرضه للغازات. لازم تتاكدين أنه الرضعة مب بارده. وثاني شي غيريلها الحليب. لا تقولي ناسب عيال أختي وللا مادري منو. كل جاهل بجسمه. تمي غيريله لين تلقين الحليب المناسب له. يعني جربي. فيه واحد اسمه أظن s23. وفيه ببلاك. وفيه سيميلاك. وغيره وايد.
والحين بقولج شو تسوين اذا كان عنده غازات. دفئ زيت زيتون وخليه فوق ريولج ع بطنه ومسحي تحت ظهره بشكل دائري. ومسحي بطنه بعد. بتشوفينه يصيح بس كالهالغازات بتروح. اهم شي تدفينه عقب الدهان. لانه البرودة تدخل بطنهم وتسبب لهم غازات بعد.
وسلامته حبوبه.

[Eliaziah]

حبيبتي في دوا اسمه انفاكول infacol هذي صورته في اللينك https://www.google.ae/search?hl=ar&s...31.tonMq41Ty_s

والله غير تدعيلي وما يضر أبدا أبدا أبدا وأنا مستمتنه مع جميع أطفال ..قبل الرضاعة..وبتسمعين صوت الغازات تطلهع..ههههه بالتوفيق و لا تخافين حبيبتي والله يخليلج اياها ولا تستخدمين أي ددوا ثاني لأن هذا انجليزي وممتاز وايد

[الشاعريه]

نفس بنتي
وما احبطج بس صدق لين ست شهور بدا يخف صياحها
كنت كل اسبوعين عند الدكتور ويقول مافيها شي ..
هالصياح من الغازات .. رقديها على بطنها بس تكونين حذالها عشان ماتختنق لاسمح الله
ودسعيها عقب كل رضعه
وانتي اهم شي ماتاكلين الاشياء اللي تزيد الغازات فالحليب .. لاتشربين بيبسي وهالسوالف .. وحاولي تبتعدين عن البيض .. الخ ..

[حبيبة كلود]

عادي في بعض الياهل جي والله يعينج يتمون لين 6 شهور احينا سنة بعد والله يقويها يارب

[aroma_girl]

الصياح كلها من بطنها عيالنا كلهم ياهم هلشي

عطيها شي يخفف المغص من المستشفى روحي عن طبيب ثاني واشرحيله حالتها وقوليله ما تنام

ومع الايام بيخف العوار

يمكن انتي تشربين غازات وأكج هب منظم وهلشي يأثر فيها وايد لأنج ترضعينها من حليبج الطبيعي

لازم انتي تعدلين أكلج

انا ما كنت أعرف هشي

بس هلشي لو جربتيه بتدعيلي بس يباله اسابيع والغازاتكلها بتروح منها

تخيلي انتي تشربين بيبسي وتاكلين أكل وما تاكلين خضروات وفواكه وايد بلكميه المطلوبه هذا كله يأثر فيها

وعسى الله يهدي بالج وترتاح البنوته

[الغــــــلا]

هلا حبوبه.
اولا فكس نهائيا لا تحطين حرام جاهله. بشرتها بتروح فيها.
شوفي يوم بترضعينها شديها وردي رضعيها وشديها. لازم تتشدى وللا بيضايقها.
ودامج تشربينها حليب صناعي أكيد بتكون عرضه للغازات. لازم تتاكدين أنه الرضعة مب بارده. وثاني شي غيريلها الحليب. لا تقولي ناسب عيال أختي وللا مادري منو. كل جاهل بجسمه. تمي غيريله لين تلقين الحليب المناسب له. يعني جربي. فيه واحد اسمه أظن s23. وفيه ببلاك. وفيه سيميلاك. وغيره وايد.
والحين بقولج شو تسوين اذا كان عنده غازات. دفئ زيت زيتون وخليه فوق ريولج ع بطنه ومسحي تحت ظهره بشكل دائري. ومسحي بطنه بعد. بتشوفينه يصيح بس كالهالغازات بتروح. اهم شي تدفينه عقب الدهان. لانه البرودة تدخل بطنهم وتسبب لهم غازات بعد.
وسلامته حبوبه.

شو يخص الفكس وبشرتها ؟
أهلنا حطوه لنا وما صار لنا شي ونحطه لعيالنا وما صابهم شي الحمد لله !!!!
أول مرة اسمع هالمعلومة

[غدران]

شو يخص الفكس وبشرتها ؟
أهلنا حطوه لنا وما صار لنا شي ونحطه لعيالنا وما صابهم شي الحمد لله !!!!
أول مرة اسمع هالمعلومة

ليش يحطونه ع ملابس الجهال.
وتراه الواحد لي تعلم فهم.
أقرئ المكتوب عليه لا ينصح باستخدامه لدون الثلاث سنوات.
لانه اي مرهم او كريم يتغلغل داخل الجسم. يعني لو كنتي تعرفين.
هذا اولا.
ثانيا بشرة الطفل حساسه على طول بجيهم طفح جلدي او أكزيما.
واللي مب متعلم مابيعرف السبب بيتحرا حساسيه من الأكل.
ثالثا يكونون هالاطفال اللي تسوالهم فكس اكثر عرضه لالتهاب الصدر.
أتمنى أكون أثريت معلوماتج.

[نويــر]

مرحبا اختيــه

دامج ترضعينها اي شي تشربينه او تاكلينه يوصل لها من الحليب
ابتعدي عن البقوليات والاشيا اللي تسوي غازات
واشربي ينسون ( شمر ) .. سوي لج دله وحطيها عدالج
واشربي منها كل فتره.. ( يفضل بدون سكر )
انا ولدي جيه كان كله يتعصر ويصيح
وعقب ماقمت اشرب الينسون ارتاح .. حتى وانا ارضعه يطلع غازات
يرتاح ف نفس الوقت
وممكن تشترين لها مطاره خاصه لليهال من الصيدليه
حطي فيها ماي دافي وحطيها على بطنها من فوق ثيابها

[الغــــــلا]

ليش يحطونه ع ملابس الجهال.
وتراه الواحد لي تعلم فهم.
أقرئ المكتوب عليه لا ينصح باستخدامه لدون الثلاث سنوات.
لانه اي مرهم او كريم يتغلغل داخل الجسم. يعني لو كنتي تعرفين.
هذا اولا.
ثانيا بشرة الطفل حساسه على طول بجيهم طفح جلدي او أكزيما.
واللي مب متعلم مابيعرف السبب بيتحرا حساسيه من الأكل.
ثالثا يكونون هالاطفال اللي تسوالهم فكس اكثر عرضه لالتهاب الصدر.
أتمنى أكون أثريت معلوماتج.

أول ما حبيت أسلوبج .. خلج انتي أم العريف
وثانيا مب كل كلام الدكاترة صح وﻻ ما بينباع ﻷي حد
وثالثا ما نشتري أي نوع أو نحط أي شي .. سبحان الله يبتي معلومة يديدة أول مره أعرف انه المرهم يتغلغل فالجسم
ومب بس انتي الوحيدة متعلمة
رابعا اللهم لك الحمد والشكر ما صار فينا ﻻ التهاب وﻻ غيره
خامسا خلي معلوماتج لنفسج ما أباها ..

صاحبة الموضوع سمحيلي انقلب موضوعج بس غير يوم تطلع لج وحده مسميه عمرها دكتورة وتعرف كل شي

[Cobon]

فديتج ما على استحملي كلنا مرينا بها الفترة

بس عطيها قطرات الغازات 3 مرات في اليوم
نسيت اسم الدواء بس خلي الدكتور يكتب لج
انا دوم اعطي عيالي و يرتاحون في الشهر الثاتني

و سوي لها رياضة الغازات عسب ترتاح

و في الاوليين يسوون اعشاب لليهال عسب يمشي بطنهم و يرتاحون بس خاصة في اليهال ما ادري اسالي امج او يدتج

احيد يدتي كانت تسوي لعيالي عيل مع شكر بس تفوره و عقب يوم اعطيهم يمشي بطنهم بشكل طبيعي يعني ما يصيحون و جي و يرتاحون و يرقدون ^..^

[قلب الكندي]

الغالية يمكن فيها غازات ملعوزتنها .. سويلها نعناع أو جاي أعشاب ومن ترضعينها دسعيها ورقديها على بطنها شوي
حطيلها فكس ودفيها عدل .. والله يطمن قلبج عليها ويحفظها

هيه فديتج أظن غازات
يوميا أسويلها ينسون الصبح
بس شكلي بسوي لها نعناع وبشتري جاي أعشاب
عسى ولعل تخف هالغازات وترتاح

[لك غلاي]

حبيبتي انا ولدي الين اليوم يصيح

ما ادري احسه دلع والا شو

بس لما يكون يوعان احسه يصيح اكثر كمل الحين سنتين وومزعج يطفر فينا
اما عن الغازات امسحي بطنها بزيت زيتون فديتج وربي يعافيها يارب

[قلب الكندي]

هلا حبوبه.
اولا فكس نهائيا لا تحطين حرام جاهله. بشرتها بتروح فيها.
شوفي يوم بترضعينها شديها وردي رضعيها وشديها. لازم تتشدى وللا بيضايقها.
ودامج تشربينها حليب صناعي أكيد بتكون عرضه للغازات. لازم تتاكدين أنه الرضعة مب بارده. وثاني شي غيريلها الحليب. لا تقولي ناسب عيال أختي وللا مادري منو. كل جاهل بجسمه. تمي غيريله لين تلقين الحليب المناسب له. يعني جربي. فيه واحد اسمه أظن s23. وفيه ببلاك. وفيه سيميلاك. وغيره وايد.
والحين بقولج شو تسوين اذا كان عنده غازات. دفئ زيت زيتون وخليه فوق ريولج ع بطنه ومسحي تحت ظهره بشكل دائري. ومسحي بطنه بعد. بتشوفينه يصيح بس كالهالغازات بتروح. اهم شي تدفينه عقب الدهان. لانه البرودة تدخل بطنهم وتسبب لهم غازات بعد.
وسلامته حبوبه.

هلا ومرحبا
هي مرات احاول ادسعها وما تتدسع > المهمة الصعبه بالنسبالي

وبالنسبة للحليب غيرته لها ، كنت استخدم اس26 بس صابها إمساك
والحين أعطيها بيبيلاك والحمد لله احسه ناسبها بس نصحوني بأبتاميل

مسكينه مستويه ما امسح لها كل يوم
بس شكلي ببدا أواضب عالمسح من اليوم