ساعدوني متورطه في دراستي

[الدنيا كلها]

السلام عليكم ورحمه الله وبركاته

شحالكم بنات

انا متورطه في درااستي

تخرجت من الثانويه سنه ٢٠١٠ بنسبه ٩٠ ودخلت جامعه زايد وتميت سنه ونص ليفلات بس

عقب سمستر كامل بس انجلش ١ - الي فجامعه زايد بيفهموني

عقب طردوني سمستر كامل عشان الgpa كان نازل وهاالسمستر رديت ادرس ولازم يكون المعدل عالي ولا بيطردوني طرد نهائي

انا لين الحين ادرس في مرحله الجينيرال هاي رابع سنه وبعدني ما تخصصت المفروض اكون متخرجه ..الليلفلات وايد ضيعت من عمري

والحين في مواد احسها صعبه عليه لو ما نجحت خلاص طرد نهائي ماعرف شو اسوي

قدمت في طيران الامارات برنامج دراسه للمواطنين وسرت المقابله واليوم الصبح طرشولي مسج انه ما قبلوني مع انه عندي ايلتس 5.5

احس لو كملت فزايد بيضيع عمري متي بتخرج ومتي بتوضف انا عمري ٢١

بنات اقترحو علي شو اسوي وين اقدم

في للمواطنين بعثات ؟

لا تقولون لي ادرسي فجامعه خاصه ظروفي ما تسمح

بنات الي ما عندها رد تدعيلي امانه

المزيد من آخر المواضيع من نفس القسم:

• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria
• قبول الاجانب في معهد ابوظبي للتدريب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شعاع امل]

ينقل الموضوع الى النادي التربوي

[!! miss you]

الله يسهل وييسر لج أمورج يـــاآ رب
ان شاء الله البنات يساعدونج ف النصايح ، بِس لا تنسي ربج ادعي واستغفري وان شاء الله
كل شي بيصير تمام ، والله يوفقج ياآ رب ♡

[تاجرة1]

نصيحتي لج ,,,,,, كملي في جامعة زايد وحتى لو ضاع عمرج وماضيعتي في شي فاضي هذا شي عظيم وهي الدراسة ,,,,الدراسة يبالها متابعة واذا اهملتي يوم ومادرستي ولا راجعتي خلاص بتنسين سويلج جدول وحددي وقت للدراسة

[وافل]

انا بعد نصيحتى لج كملي في جامعة زايد , ترا عادي اكثر البنات يتخرجون اعمارهم 24 ولا 25
بعدين جامعة زايد سمعة , وسهل تتوظفين ان درستي فيها , بعدين انا كنت في نفس مرحلتج اكنت اواجه صعوبات وبعدني ما تخصصت وانا في 21
بس شو في الحين الحمدالله تخرجت والمعدل كان جيد وتوظفت الحمدالله
ونصيحتي لج بعد لا تلفين ودورين وتطلعين وتدخلين من برنامج الى جامعة ثانية خليج مكانج وشدي حيلج
ركزي على دراستج سويلج جدول وتواصلي ويا الدكاترة ووريهم انج مهتمة
ترى انج تتخرجين من جامعة زايد شي كبير

[وناس]

ربنا يوفقك الأفضل تكملي في جامعتك وممكن تستعيني بحد يلخص لك المواضيع ويحل لك الأسئلة ويترجم لك كل شئ وأنت بس تحفظي وتذاكري وأستعيني بالله وربنا معاك

[^^ Dream]

الله يوفقج حبوبة
ويسهل عليج

[شعاع امل]

اختي الدراسه محتاجه مجهود صح ماشاء الله تخرجتي بمعدل ممتاز من المدرسه وهذا دليل على انك شاطره وتحبين الدراسه

بس محتاجه مجهود بعد الجامعه يعني حتى يوم بتشتغلين بتندمين

اعرف بنات اشتغلن بشهاده المدرسه بس ندمانات ويقولون دوووووووووووم ياحظكن يالخلصتن دراسه

وفي شي اختي العمر ماله خص

في كثير ناس اشتغلوا وملوا من الشغل وتقاعدوا !!!!!!!!

او تزوجوا ونسوا شغل

يعني شغل شي عادي الواحد ينقطع عنه ويرد له حسب الفرصه اذا كانت زينه او لا!!!!!

بس الدراسه ماتتعوض يعني فلازم تشغلين مخك فيها كيف بتشتغلين اذا مب دارسه زين!

[ساحره العين]

حبيبتي انا فجامعه زايد ونفس الشي تميت فاللفلات سنه ونص وانا من دفعه 2011 والحين فجنرال 2
انتي اي جنرال ؟
بس لو حابه تطلعين سيري كليه الامارات للتطوير التربوي تتخرجين مدرسه بباجلر راتب اثناء الدراسه وبعد ما تتخرجين وظيفتج جاهزه
بس نصيحتي اج دامج فالجنرال خلاص كملي فيها وحاولي تشدين حيلج واذا انتي نفسي فجنرال 2 بطرشلج الملخصات اللي عندي حق كل المواد

[الدنيا كلها]

جزاكم الله خير بنات ادعولي

[ساحره العين]

الله يوفقج ويوفقنا كلنا يااارب

[بنت بوظبـي]

الله ايوفقج

[ملاآك قلبكـ،،]

طيران الامارات مايبون الايلس
هم يمتحنونج توفل

[الكرم والجود]

الله يسهل امورج ان شاء الله
انا انصحج لو ما فهمت شي واستصعبت شي
روحي لPAL وهم ان شاء الله بيساعدونج
ولاتنسين ان المذاكرة أول باول

[بن UAE وتت]

ليش ما تنقلين اختي للتقنية

مدام عندج الايلتس ٥.٥ وااايد حلو بتدخلين التخصص ان شاء الله ودراستهم وااايد حلوة

واهم شي صلى صلاة الاستخارة والله يوفقج يارب