يوميات عذووله ~ تابعووني وشجعووني

[عذآلي كثآر]

السلام عليكم

اعرفكم بنفسي
عذالي كثار
عمري 24 سنة ~ العمر كله ان شااء الله
وزني الحالي: 64 كجم
طولي 163 سم
حابه انزل من وزني لانه حاسه نفسي مافيه كنترول ف الاكل مادري مع انه وزني في حدود الطبيعي بس مشكلتي هي الارداف اتمنئ اتخلص منهن باي طريقه .

راح اتبع رجيم النقاط اللي هو 18 نقطه ف اليوم لانه سهل ومافيه حرمان وان شااء الله اوصل ل 57 .

الهدف الاول =60
الهدف الثاني = 57

اتمنى منكم تشجعووني وتنصحوني اذا فيه ملاحظات علئ يومياتي.

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مــــلاك شوق]

ما شاء الله

وزنج وطولج حلو

ان شاء الله تنزلين وزنج

نحن معاج وبنشجعج

موفجه

[عذآلي كثآر]

ايوا حلووو ومناسب مع طولي بس بترتاح نفسيتي اكثر لو وصلت للوزن المثالي .

خليج قريبه وتابعيني >_<

[m e e m]

وااو انتي نفسي بالظبط
ونفس مشكلتي
جسمي من فوق ظعيف بس تحت لا

طولي 163
ووزني حاليـآ وصل 62

وهدفي 58 / يمكن عقب استوي طماعه وانزل لين 56

اذا الله راد وزادت عزيمتي للوصول للمستحيل

شدي حيلج ، . . ونحن ويــاج

[مــــلاك شوق]

نترياااا يومياتج

[عذآلي كثآر]

هلا والله meem اكيد حاسه ف مشكلتي
لو الارداف تخف انا بخييير *-*
ما شااء الله
مبروك ع الوزن اليديد اكيد طالع بيرفكت عليج
باخذ لفه ع مدونتج بشوف نظامج

[عذآلي كثآر]

ان شااء الله ملاك الشوق راح انزل يومياتي بعد شووي

[عذآلي كثآر]

الاسبوع الاوول / اليوم الاول 22/12/2013


الفطور : نسكافيه 3 في 1 كنت مستعيله رايحة الدوام

سناك 1 كوب لبن كامل الدسم

الغدا سلطة تونه

العشا علبة زبادي

الماي لتر ونص

الرياضه مشيت بعد صلاه المغرب

واليوم الاوول عدا ع خير *-*

[مــــلاك شوق]

بالعافيه عليج

يومج نص ونص

اول شيء لازم تتريقين عدل مب بس نسكافيه

بعد لازم أدخلين فواكهه ف يومج

ربي يوفجج

[عذآلي كثآر]

مشكلتي الصباااح ااكون ف الدوام وما احصل وقت افطر والاكل اللي ف الدوام كله جنك فوود فافضل اتم ع النسكافيه .

اليوم الحمدلله فطرت عدل لي بااك بالليل مع التقرير

[MaroOco]

موقفه...

[lollypop.84]

مرحبا ،،

مشكلتج مثلي فالدوام
واتوهق وايد
عسب جي استويت اطلب لي ريوق صحي او اسوي فالبيت واخذ وياي
مثلا طلبي عصاير فريش + ساندويج من صب وي او ساندويج سلايس اسمر وجبن او بيض او دياي او سلطة فواكه
خلي معاج دايجستف ، اوكورنفليكس
هاي امور ممكن تساعدج تتريقين فالدوام ...

اتمنالج التوفيق عزيزتي

[m e e m]

هلا والله meem اكيد حاسه ف مشكلتي
لو الارداف تخف انا بخييير *-*
ما شااء الله
مبروك ع الوزن اليديد اكيد طالع بيرفكت عليج
باخذ لفه ع مدونتج بشوف نظامج

الكل يقول جسمج استوى حلو
وامي تقولي بسج استويتي عظام
بس انا مش مقتنعه بجسمي

ابا البس بناطلين سايز 38 مابا 40



> طاع الاخت فـ شو تفكر

[m e e m]

احين نسكافيه ريوق

>> اكبر غلط .. لان مافي شي فـ بطنج سيده كوفي
وعقب بتيوعيـن وبتضطرين تاكلين اي شي يسد يوعج

جهزيلج شي في البيت .. توست اسمر وسلايس جبن لايت
حطيه فالتوستر ، او في الشوايه .. وخيار وزيتون مايباله شي

ونفس ماقالن خواتي .. زيدي فواكه كـ سناك .. وخضار ويالوجبــات

[مــــلاك شوق]

نترياج اليوم

بتقرير احلى عن امس