بنتي ما تحبي لين الحين

[عنودان]

السلام عليكم...
بنتي كملت 11 شهر ولين الحين ما تحبي ولا توقف ولا تزحف....
وايد احاتيها....
ما اعرف شو اسوي معاها؟؟

وديتها المستشفى الدكتور قالي متاخرة وفحصها وشاف انه يبالها تمارين تقوية الحوض...

قال لي حاولي توقفينها ... ولا اتحطينها في المشاية......الخ

يا ليت اللي عندها خبرة ف هالموضوع اطمني

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أنا وحبيبي]

عادي حبيبتي لا تحاتين ، انتي حاولي تسوين لها رياضة عن طريق تحريك رجليها ، وحطيها في وضعية الحبو وارفعي بطنها أو حطي تحت بطنها مخدة
أنا ولدي كان عمره سنة ووديته الدكتور وسوا له أشعة وقال فيه كساح اتخيلي كساح وما اهتميت بكلامه والحين ولدي عمره 8 سنوات ما شاء الله حركي ومول ما يقعد، في يهال ينمون بسرعة وفي يهال يقعدون فترة لين ما يحبون ويمشون ، عادي تشوفين بنتج فجأة تحبي وعادي تمشي بدون ما تحبي انتي ما عليج غير إنج تتوكلين على رب العالمين وتفوضين أمرج له.

[ساااندي]

ما عليها شر بتج ان شاء الله

اخت ريلي بنتها كانت جييه

قريب السنة ولا كانت اتحبي

وعقب حبت شهرين وبعدها ما شاء الله بدأت تمشي

مثل ما قالت الأخت (انا وحبيبي) ،، سويلها تمارين

وحاولي ترفعين بطنها وان شاء الله شوي شوي بتتعلم


^^

[الغــــــلا]

انتي مسكيها من ايدها وحاولي تمشينها .. وﻻ تحطينها فالمشاية حطيها ع طرف الكنبة وﻻ الكرفاية عسب تحاول توقف ﻷنه بعضهم ما يحبون يمشون على طول .. أنا الدكتور قال لي أحط بنتي ساعتين فاليوم ماكسمام .. بس بنتي تأخرت ﻷنه كان عندها نقص فيتامين D سويلها فحص بعد عسب تطمنين ..
هي سننت وﻻ بعدها ؟
اذا سننت معناته الفيتامين ان شاء الله اوكي .. والمشي عادي وايد يهال يتأخرون لين سنه و3 شهور عادي وعلى حسب الياهل يمكن بعضهم يطولون .. ودام الدكتور قال لج سويلها تمارين اتبعي نصيحته .. والله يحفظها ويبارك فيها .. ﻻ تستعيلين بتمشي ان شاء الله وبتخبل فيج

[عنودان]

انتي مسكيها من ايدها وحاولي تمشينها .. وﻻ تحطينها فالمشاية حطيها ع طرف الكنبة وﻻ الكرفاية عسب تحاول توقف ﻷنه بعضهم ما يحبون يمشون على طول .. أنا الدكتور قال لي أحط بنتي ساعتين فاليوم ماكسمام .. بس بنتي تأخرت ﻷنه كان عندها نقص فيتامين D سويلها فحص بعد عسب تطمنين ..



اختي صح كلامج لين الحين بنتي ما سننت ....
بس انا كنت اعطيها فيتامين د عن طريق القطرات واحيانا اتعايز....

بس اتعور قلبي وايد...اخاف عليها...واجلس احاتيها...
هي سننت وﻻ بعدها ؟
اذا سننت معناته الفيتامين ان شاء الله اوكي .. والمشي عادي وايد يهال يتأخرون لين سنه و3 شهور عادي وعلى حسب الياهل يمكن بعضهم يطولون .. ودام الدكتور قال لج سويلها تمارين اتبعي نصيحته .. والله يحفظها ويبارك فيها .. ﻻ تستعيلين بتمشي ان شاء الله وبتخبل فيج

[عنودان]

خواتي (انا وحبيبي) و(ساااندي) و (الغلا)

مشكورات وايد ريحتوني

وجزاكم الله الف خير.....

[ام ريوما77]

المفرووض من كان عمرهااا شهرين ومافوق كنتي تسوين لها زيت ودلكينهاا دووووم وتحاولين توقفينهااا وجي الريوول بتستقووا ماعليج الحين ابدي دلكي ريولهااا كل يوم وحركيه صدقيني بتمشي بسرعه انا جي اسوي حق عيالي ٩شهور ويمشون وحطيها بالعربه وحاولي تحركين العربه وان شاء الله بتشوفينها تمشي قريب

[ام ناني]

شوفي اختي ولدي البكر نفس الشي ما شاء الله كان متعافي ولا حبى وكنت سائرهم اسلم على عمتي الله يرحمها
قالت هاتي الولد ونومه على بطنه وكشفت عن ظهره وعلمتني ألطريقه والحين اعلمها كل حد

يوم تنورين الطفل على بطنه في أسفل الظهر نهايته يعني شي حفرتين وجه على اليمين و وحده يسار حطي ابهامين يدج على الحفر وسويلها مساج خفيف جداً بدون ضغط
انتبهي بدون ضغط قوي بشكل خفيف لمده دقيقه مرتين او ثلاث في اليوم كم يوم وبتحبي

ولا لا تعلمين البنت على الشل بتفقد حركتها الطبيعية افرشيلها فرشه نظيفة وخليها تتجلي عليها وخطيبها لعبه فيها صوت وانتي ايلسي عنداللعبه وشجعيها تي صوب اللعبه

واصدقين نفسه ولدي كمل سنه ونص ما مشى وسويت له نفس المساج وما شاء الل كم يوم ومشى

[عنودان]

شوفي اختي ولدي البكر نفس الشي ما شاء الله كان متعافي ولا حبى وكنت سائرهم اسلم على عمتي الله يرحمها
قالت هاتي الولد ونومه على بطنه وكشفت عن ظهره وعلمتني ألطريقه والحين اعلمها كل حد

يوم تنورين الطفل على بطنه في أسفل الظهر نهايته يعني شي حفرتين وجه على اليمين و وحده يسار حطي ابهامين يدج على الحفر وسويلها مساج خفيف جداً بدون ضغط
انتبهي بدون ضغط قوي بشكل خفيف لمده دقيقه مرتين او ثلاث في اليوم كم يوم وبتحبي

ولا لا تعلمين البنت على الشل بتفقد حركتها الطبيعية افرشيلها فرشه نظيفة وخليها تتجلي عليها وخطيبها لعبه فيها صوت وانتي ايلسي عنداللعبه وشجعيها تي صوب اللعبه

واصدقين نفسه ولدي كمل سنه ونص ما مشى وسويت له نفس المساج وما شاء الل كم يوم ومشى

تدرين اختي شبه يومي اسوي لها مساج بزيت دافئ ويوميا اوقفها....
وسويت لها فحص فيتامين د قالوا الحمدلله اوكي...
بس لين الحين ما في اي تطور ف حركتها...مع انها كملت 5 شهور من انها تنجلب!!1


ومشكورة اختي على الرد و ان شاء الله بجرب طريقتج...

[عنودان]

المفرووض من كان عمرهااا شهرين ومافوق كنتي تسوين لها زيت ودلكينهاا دووووم وتحاولين توقفينهااا وجي الريوول بتستقووا ماعليج الحين ابدي دلكي ريولهااا كل يوم وحركيه صدقيني بتمشي بسرعه انا جي اسوي حق عيالي ٩شهور ويمشون وحطيها بالعربه وحاولي تحركين العربه وان شاء الله بتشوفينها تمشي قريب

اختي انا كنت اسوي لها مساج دوم من كانت ف الاربعين...
وكنت اوقفها...ولين الحين اسوي لها مساج....

وان شاء الله تتحسن حالتها ...

ومشكورة اختي على الرد....

[ريم خورفكان]

ما تشوف شر حبيبتي

[عنودان]

ما تشوف شر حبيبتي

الشر ما اييج...