والله ملئت

[3washii]

السلام عليكم و الرحمه
بكتب لكم كل الى فيني و اتمني وحدة منكم تنصحني شو أسوي
لأني خلاص تعبت و مليت من حياتي

مشكلتي ويا امي
دوم احسها ما تحبني
يعني يوم أكون في سكن الجامعه أسبوع
مول ما تتصل علي
بس تتصل على أختي كل يوم و تسولف وياها
وانا لا اتصال و لا حتى سؤال
والله دوم أقول في بالي انا شو سويت
حتى قبل والله كانت تقولي كلام ما أتوقع اي ام تقوله لبنتها و اكبر بناتي و عيالها بعد
كانت كل ما تستوي مشاكل بينها و بين ابوي ترد السالفة علي تقولي انتي السبب
وانا والله لا دخل و لا شي
و مرة قالت لي ان شاء الله شاحنه تي و تشلج وياها
يعني انا مب بنتها وإلا شو
و ليش انا بالذات
والله حتى مرات اذا بتطلع وإلا شي دوم تقول لاختي وانا مول ما تقولي تبين وإلا شي
الا اذا انا قلت بيي وياكم


الحين ابي افهمه ليش يعني انا اللي ما تحبني
أبا اعرف انا شو سويت
والله كل شي تقولي أسويه
عطول بدون لا اتفاف
بس ليش انا ما تحبني


و احين عدنا اجازة 3 أسابيع
والله من احين كارهه الإجازة و اليلسة في البيت
مابي أتم فيه والله
والله احس براحه في السكن
حتى لو اني بروحي

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شعاع امل]

اختي حاولي تعزمينها على العشاء يعني على مطعم على حسابك

وكلميها وشتري لها هديه

يمكن هي تريد تحط في حد حرتها ههههههههههههههه

وانتي صغيره يمكن

تحط فيكي الحره عشان عند مين بتتكلم واختك الثانيه يمكن تفهم اكثر على امورها فتكلمها

بس امهااااااااااااااات ماتعرفين لهن كيف

هي يمكن تعرفك انك طيبه اكثر يعني مابتتكلمين

بس المشكله مرات الواحد يكبت ويشيل في صدره وينفجر

انتي اعتبريها عادي وامك ولازم تكون شوي رسميه معك واشتري لها هديه وانتي راده البيت وعزميها على العشاء وخبريها انك تريدين تطلعين معاها المول او تبين تشترين شي على ذوقها لان ذوقك مب حلو موليه

بس سايريها

[ام براق]

شعاااع اتقول لج اهي اكبر وحده. عموما اختي عااادي ادري انه قهر بس يمكن اتحس انج اتفضلين ابووووج اكثر. او يمكن تحس يوم يستوي شي ما دافعين عنهااااااااا. ؟؟؟؟؟؟!!!!! سبحان الله. يمكن امج بعد مو كبيره ف السن عسب جي الامومه عندها شوي جااافه. المهم الطريقه يبيلها هديه او ايلسووو يلسه مصااارحه ( لاتخشي شي). وشوفي شو طلباتها منج يمكن انتي اتحسين انج مو مسويه شي. ويمكن معاها حق والدتج.

[شعاع امل]

شعاااع اتقول لج اهي اكبر وحده. عموما اختي عااادي ادري انه قهر بس يمكن اتحس انج اتفضلين ابووووج اكثر. او يمكن تحس يوم يستوي شي ما دافعين عنهااااااااا. ؟؟؟؟؟؟!!!!! سبحان الله. يمكن امج بعد مو كبيره ف السن عسب جي الامومه عندها شوي جااافه. المهم الطريقه يبيلها هديه او ايلسووو يلسه مصااارحه ( لاتخشي شي). وشوفي شو طلباتها منج يمكن انتي اتحسين انج مو مسويه شي. ويمكن معاها حق والدتج.

مشكورة اختي ام براق الحين انتبهت مرات اقرا بسرعه مانتبه

ممممممممممم مثل ماقالت ام براق او يمكن هي تحس الاب يفضلك اكثر! تصير

[ام براق]

مشكورة اختي ام براق الحين انتبهت مرات اقرا بسرعه مانتبه

ممممممممممم مثل ماقالت ام براق او يمكن هي تحس الاب يفضلك اكثر! تصير

اوووووووووو مشكله لو كان صدق الوالد يفضلها. ربيعتي نفس الشي ابوها وايد يحبها والام ميته غيررره دوم اتضاربهااااااااااا،،،،،،. انتي ركزي وخبرينا شو نظااامج

[3washii]

عاد لين متى جي
لو أقول لكم من ايي الجامعه لحد يسال علي ولا شيات
احس يقهر كل ربيعاتى يرمسون أهلهم الا انا
و امي بعدها صغيرة بس والله الشي يتعب نفسيا
كرهه والله البيت

[ابداااع للتصميم]

الله يهدي الكل يارب

[شعاع امل]

انتي اختي قلتي انها صغيره يعني يمكن بعد مب ناضجه كام بس

حاولي تسايرينها انتي كلميها وتقربي منها واشتري لها هديه

[المول]

اختي ما انقدر انحل مشكلتج الا بقول تعالًى ( وتواصوا بالصبر وتواصوا بالحق) اصبري
على الاذى واحتسبي الاجر احيانا تستوي مشكله مع الام وتكون هي الغلطانه والله اقول
في خاطري يا رب
لوجهك الكريم ما برد لانه الله امرنا بالاحسان بالوالدين حتى لو كانوا غلطانين
ومثل ما قالوا الاخوات بالكلمه الطيبه والهديه اكسبي قلبها صدقيني ما بيكون جزاء
الاحسان الا الاحسان مهما طال الزمن

[ورقة ناعمة]

الغالية لاتركزين بهالامور يمكن عشان اخنج اكبر ويمكن تسال عنج عن طريق اختج ماعليه باجر بتكبر وبتتغير حاولي تهدينها هديه

لا تترين هيه تتصل انتي اتصلي وقوليلها اميه بغيتي شي حاولي انتي تتصلين تتطمنين تهتمين فيها اكثر تقربي حتى لوصدتج بالاخير هيه امج صدقيني بتحن عليج

[m3andah]

يمكن لانج قريبه من ابوج ؟؟
انتي حاولي تييبيلها هدايا وتعزمينها عالعشا او الغدا

وخلج طبيعية ولا تهتمي بهالامور .. وادعي ان الله يحنن قلبها عليج

[aroma_girl]

شو رايج فلاجازه تبدين تغيرين نظرة أمج لج =)

قومي ساعديها في أعمالها اليوميه

لا تجادلينها

اذا هي ما قالت لج انتي قوليلها بروح وياج هاي أمج مب غريبه يعني ممكن ترزين ويهج

لا تخلين مخج يفكر بهشي وايد الشيطان شاطر ويكبر الموضوع فمخج ويشغلج عن الأهم ربج ودينج

والله يصلح ما بينكم

[نواري الشامسي]

كيف صغيرة وبنتها فالجامعة !!!!

مستحيل ام تكره بنتهاا ولا مد من عيالها
يمكن تتخبر اختج عنج بدل ما تتصل على كل وحدة فيكم

يمكن انتي زعلتيها بشي بدون لا تحسين
روحي عندها وتمي صيحي وقلوليها نتي ما تحبيبي وجي وقولي كل شي حقها وقوليلها انا فشو غلطت يمكن تجوفج تصيحين وتخبرح لو شي فخاطرها
تقربي منها وعاونيها عسب تصيرين انتي الاحسن من خواتج
الله يصلح امبينكم

[عطر 77]

الله يهديها ويحنن قلبها عليج

[عنـــــود]

مثل ماقالوا الاخوات حاولي تتقربي منها
واهديها شي تحبه
ولو لزم الامر تكلمي معها عن اللي في خاطرج
الله يهدي النفوس