مشكلتي ويا ريلي

[دعيجة2008]

بقولكم بالضبط شو مشكلتي وابغي منكم تحلونه وايد ريلي ينتقصني ومايتحمل اي غلطة يظاربني وبدا يظاربني الحين جدام اهله وكل يوم اشوف زعلان وساكت ويطالع التلفزيون
ويوم اروح وياه السوق يتوتر ومايحب يتمشى وياي يرد بسرعة البيت ويوم امرض حتى مايسال ولا يساعد يدور اي غلطة احسن مشكلتنا دوم يا حشرة العيال او غلطة خدامة هالشي يتوتره انزين انا شو ذنبي كله يعق على اللووم .................شو الحل ؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام براق]

وضحي اكثر هل كان اوكي وتغير. ؟؟؟؟.

[مذهــله]

اختي هالشي دوم من اتزوجتوا ولا شي يديد وضحي شرات ما ام براق قالت؟؟

[زم_قمر_ان]

رتبي امورج وياه لالا تجمعي المشاكل كلها مره واحده

حاولي توفرين له جو هادى في البيت اى مشكله تصير حلوها بوقتهاا

لا تراكمي المشاكل مهما كانت صغيره

[وجدان الفجر]

أختي الله يسخر لج زوجج. لكل مشكلة حل . شوفي شو اللي يضايق زوجج منج وتجنبيه . بالنسبة لأهله لو كان الموضوع يخصهم لا تدخلي بينهم ولا تدخلي بالموضوع . ولو الموضوع يخصج أنت وهو بروحكم لا تفتحيه قدام أهله علشان ما يرد عليج رد ما حلو قدامهم . ولو قال شي قدام أهله وأنت مختلفة معاه في الرأي لا تناقشيه أو تغلطيه قدام أهله . تناقشي وياه يوم تكونوا بروحكم .بالنسبة لسيرة السوق , معظم الريايل إذا ما كلهم ما يحبو سيرة السوق مع الحريم سواء زوجاتهم أو خواتهم أو أمهاتهم وحتى هذا الموضوع أثبت ببحوث علمية .يعني لو أضطريتي تروحي السوق معاه , حددي الأشياء اللي تبيها والأماكن وخذيها بدون طول لف ودوارة لأنه هذا الشي ينرفزه . وإذا بغيتي تشتري براحتج روحي مع أختج أو حميتج أو صديقتج بروحكم بدون ريايلكم .
بالنسبة للشغالة أختي أنت أشرفي على شغلها وعلميها شو تسوي علشان ما تتكرر أخطاءها ولو شي يخص زوجج سويتي أنت مب الشغالة . الريال يوم يرجع البيت من الشغل أو من مشوار أكيد يبا يرتاح , وما بيحب الإزعاج والصريخ والحشرة ( حتي نحن الحريم نفس الشي ) فحاولي قد ما تقدري تخلي العيال يلعبوا ويلتهوا وما يصارخوا ويزعجوه .

[ام مصطفى..]

!!!!!!!!!!!!!!!!!!!! الله يسسخره لج

[مريم9999]

الاخوات ماشاء الله ما قصروا ... واكيد فيه خطا مااااا بس انتي هدي ورتبي بيتج والله يسخره لج ويهدي باله ... كل رجل يبى يدخل بيته وهو مرتاح ..

ودائماً ادعي ربج وفيه ادعيه للزوج جيكي بالنت وكل يوم ادعيله وصدقيني من تجربة بتحسين بالفرق .
والسموحة منكم

[ورقة ناعمة]

لا اختي اي مشكلة نحن نقول يعق الغلط علينا ... وبعدين اكثر المشاكل يا عن العيال ونادر ماتكون عن الخدامة ....


السوق ماعليه سيري المولات وشوفي مافي ريال يتمشى بالسوق وهو يبتسم ... رياييل العالم طبعا اللي مع حريمهم ما يحبون السوق وحدهم ساعة

وبعدين خلاص حبيبتي مشكلتج مب غريبة ولا يديدة اغلبية الرياييل شيه

بس سوي له حد ورمسيه مشاكل جدام الاهل ممنوع ولا جدام حد حتى لو البشكارة .........