قررت .. إني أتطلق..

**قلب الذيب** · 2013-12-10, 21:56

المشاركة الأصلية كتبت بواسطة غلايوووه

قلب

شفيج كل وحده قلتي لها
اليوم انتي فبيتج و باجر مطلقه مثلي

قولي كلمه خير ولا صكي هالحلج
و ربي أعلم بالغيب وبالي يصير يمكن يموت الريل وتصير ارمله مب مطلقه

انتي متحسسه من طلاقج و تتحرين كل حد يهينج ؟
لا فديتج انتي غلطانه

يالله عاد الحين قوليلي انا بعد

اليوم فبيت ريلج و باجر بتكونين مطلقه مثلي!

ههههههههههههههههههههههه ...وهل تضمنين حال الدنيا
ياختي يغير من حال الى حال ...والطلاق مول مب عيب ولا استعر منه
لان لو عيب ما نزل ربي سورة كاملة بالقران اسمها الطلاق

**قلب الذيب** · 2013-12-10, 21:57

المشاركة الأصلية كتبت بواسطة ملكة الاحاسيس

الله يشفيج... انتي جد تتكلمين ? بالعكس انا صاحبت مطلقات واعرف ان الطلاق شي مر ولا احب انصح فيه بس مش معقولة ان الاستشاريين بعد مرات هم ينصحون في حاله الضرر
انا ماعايرج ابدا لا والله لا والله استحي اعاير شخص بالطلاق
ولو كان فكرج اني اعاير اصحح لج المعلومه

انا مالي علاقه بينكم بس رديت على كلامج الاولي

ردي هذا للاناناسة مب لج يا ملكة الاحاسيس

**غلايوووه** · 2013-12-10, 21:59

صح كلامج الحال يتغير

وبعدين هذا منتدى عام
والموضوع للنقاش
و لفتني اسلوبج
و حللت شخصيتج و حبيت ارد
ومحد يقدر يمنعني من التعبير !

انتي ما فكرتي ان الحال ممكن يتغير للاحسن و تعرسين بريل وفي و يعزج وينسيج معاناه الطلاق؟

ليش هالسواد الفكري!

**ام خلود القمر** · 2013-12-10, 22:07

بعد آخر رد لج اعذرج على قرارج

صعب القدوه تنهز جدام العيال والأصعب السمعه لما تنداس هي وصلت لباب البيت الناس تنسى الويوه لكن ما تنسى الاسم

عندج بنات باجر بيكبرون والناس تتخبر وتسأل عن أهلها الله ستر هذي المره اللي بيقول الريال ما ينعاب عنده بنات من لحمه ودمه شو بتكون حياتهم إذا هذا ابوهم

رب ييسر امورج

**الأحلام الملونة** · 2013-12-10, 22:18

المشاركة الأصلية كتبت بواسطة قلب الذيب

اناناسة ...الموضوع الحياة الزوجية مب ندية
الحرمة تصبر وتتنازل لان العيال قطعة منها وهي الشجره وهم اغصانها
مع احترامي ...كلامج هذا وهالمبدا وان الحياة الزوجية ندية سبب ان صار مجتمعنا اغلبه مطلقات والعيال ضايعيين
الرجال اول والحين والى ان تقوم الساعه يخونون لان خلقة الله وفطرته جبل الرجال على حب النساء والشهوات
انا مب ضدج كانسانة انا ضدج كفكر ..واختي ترى في حريم تتاثر برمستج فاتقي الله بكل كلمة وعندج بنات
نعم تصبر ما قامت الدنيا الا بالصبر وبعدين عمله له ...زوجها مب سيء زوجها له عيب وباقي اموره ايجابيات
يعني ببين غمضة عين ربي يغير حاله ويصلح امره ويبقى هالبيت قايم ...الطلاق مرررر
انتي مب مطلقة عشان جي ما جربتي مرارة الشي وتتكلمين اللي ما جاس النار ما يحس بها
الله يصلح الاحوال مالها الا الدعاء ...اسيا امراة فرعون صبرت عليه
الخيانة والزنا موجودة من خلقت الدنيا الى ان تقوم الساعه وما رح تلقى رجل مب خاين
الانسان دايم يربط حياته بالاهداف مب بالاشخاص ...تخلي هدفها ان تعين هالانسان على الخير
وان تربي عيالها تربية صالحه ...وما في قلب امراه ما صابه سهم الخيانه
واللي ما انصابت ترى ربي ساتر امر زوجها ,,,الله يديم الاستقرار على البيوت ويصلح احوال الامه

الغالية قلب الذيب

أنت من بدء النقاش وتتدخل بمشاركة العضوة أناناسة هذا رآيها الشخصي

ولو راجعتي الموضوع من الاول حطيت ملاحظة لكن أنت ما التزمتي

قلنا كل عضوة لها حرية الرآي وتحط تجربتها الشخصية أن حبت بدون التعليق علي مشاركة الغير

فطبيعي ردت عليك أناناسة وأتهامك أنها تخرب وأن تتقي الله

وخرج النقاش عن مضمون الموضوع

الرجاء الآلتزام

**COcO ChaneL8** · 2013-12-10, 23:00

المراه هي عدوه المرأه ... الحرمه صبرت 15 سنه وحاولت بكافه السبل واقتنعت بقرارها وريلها بعده يخونها وبعده شي

اصوات نسائيه تطالبها بالصفح والعفو وتمضيه بقيه عمرها بظل رجل خاين

انا لو بمكانها و عشيقه زوجي تهجمت علي وع عيالي .. من هاللحظه كنت قطعت اي وصل بيني وبين زوجي وانفصلت

... الانسان اعلى ما عليه كرامته

اقص ايديني اذا مب اغلب العضوات اللي يطالبون بالصبر هن نفسهم يتهجمن ع الزوجه الخاينه ... هيه الزوجه الخاينه اللي تلعب

بذيلها هاي شيطان ومدري شو وصخه وما تستحق لقب زوجه والله لا يبلينا والزوج مغشوش فيها ولازم يطلقها ... بس الزوج يوم يلعب ... اختاه اصبري

سوف يتغير ..

الحين بالذمه لو ريال لعاب واستغفر الله يمارس الزنا ورقد ويا وحده فيها مصيبه ويا نقلج

هالمصيبه .. شو بيكون شعورج

بمرض انتي مالج ذنب فيه بس لانه بعلج العزيز يلعب ويهز بذيله

مرض ع جرح ع ارف

باجر العالم كلها بتعايرج انج انتي مريضه ما يخصهم ريلج نقلج ولا لا

... حبيباتي لا تتساهلون بموضوع الزنا .. العلاقه حتى لو بالفون تعتبر زنا

اقله الحرمه اللي ما تبا تتطلق لا تعامله كزوج ... واسالوا فيها دار الافتاء ... الصبر والاحتساب مب بالخيانه والغدر

صح شي رياييل يصطلبون ويتغيرون بس الجرح عمره ما يندمل الكرامه لو انجرحت مستحيل تنجبر

**زوجة الملازم** · 2013-12-10, 23:14

كان الله في عونج

**أم محمد11** · 2013-12-10, 23:26

الغالية الله يعينج انتي صبرتي صبر ايوب عليه
نصيحتي بكل اختصار وحكمة
اهجريه وخلي الهجر بينكم قايم بس لفترة طويلة ويوم بينحرم منج بيتأدب وبيتوب بس ابدا ما انصحج بالطلاق عليج بالصدقات والدعا المكررفي صلاة الليل
بالله عليج يالغالية قولي لي كم ريال وفي لحرمته هالايام في ظل التويتر والانستغرام
برايه حسابه عند ربه وانتي اجرج عظيم في الصبر والستر عليه

**الأساور** · 2013-12-11, 00:00

بنات ... حريم .. اذكرن الله ....

انا طلاقي مقررتنه خلاص .. واضح من العنوان ..... قررت ...

طرحي للموضوع أبي ابين فيه شي مهم جدا ..... الصبر على البلاء لا يعني الصبر على الخيانة

الصبر على الخيانة صار معناها .. الرضا بالخيانة

انا ولله الحمد ما صبرت على خيانته .. لاني هالسنوات كلها كنا ندور حل ... ندووووور حلووووووول

ولاني ما أصبح عندي استقرار نفسي ولا أمن .. وهو أٍساس الحياة الزوجيه " الأمن والاستقرار" فقد قررت وانتهيت من القرار .....

***التقيت بعمي فديته جد عيالي ...حاولت افاتحه بالموضوع .... وغصيت بالدمعه .. وأنا دمعتي عزيزة .... فسكت ....

مشكلتي كيف أخبرهم ... مو هل أتطلق؟؟؟؟
هذا هو موضوعي

ما قدرت أخبر أبو زوجي .. ما قدرت أخبر أمي .. رفت السماعه .. بدق على اختي أو اخوي .. ما قدرت أكلمهم ... فرشت سجادتي ... وكلمت رب العالمين ..... ان يلهمني .... ويثبتني

أخاف يأثرون على قراري .. خصوصا عمي جد عيالي ... كأنه حاس ... دايما يدعي لي الله يقويج .. الله يصبرج
خواتي اللي كلموني على الخاص ... جدا جدا مقدرة وقفتكم ....

خواتي اللي تفاعلوا بالمشكله .. وانفعلوا بزيادة ....... بعد مشكورااااااااات .. ربي يبرد قلب كل وحده ويعوضها

خير .. ويديم عليها فضله ونعمه

**ملكة الاحاسيس** · 2013-12-11, 01:18

افتعلي مشكله واحسمي الموضوع عشان ماتكونين الغلطانه قدامهم. وانج انتي الي طلبتي الطلاق عبث
صراحه ماعرف بشو انصحج بس انتي خلاص قررتي تنفصلين

**..الأماكن..** · 2013-12-11, 08:40

قبل كل هذا

هل حاولتي تصورين مسجاته ومحادثاته ويا البنات بتواريخ مختلفه

مثل ما قالوا بعض البنات .. احتمال يشكك فيج وفي عرضج .. يعني يرد المشكله والخطأ عليج

انا اقول استحملي كم اسبوع اللي بتشوفينه بس فالويك اند وحاولي تصورين ادله كثر ما تقدرين

يكون عندج كدليل ع صدق كلامج

وحتى إذا ما قدرتي تفاتحين حد بالكلام عالاقل تراويهم الادله اللي معاج وهم بيوقفون بصفج بالذات لما يدرون ان هالشي من زمان وانتي تحاولين تعالجينه وما فاد معاه كل الطرق اللي اتبعتيها

**ورقة ناعمة** · 2013-12-11, 11:06

خفي علينا يا الذيبة ..

. نحن مب بغابة

**ملكة الاحاسيس** · 2013-12-11, 12:43

ورقه ناعمه ههههه كانك فاصل اعلاني خخخخ

**ام سعووودي** · 2013-12-11, 13:58

خلاص دامج استخرتي وصليتي ودعيتي ربج .. اتوكلي عليه واتبعيه .. ترا كلنه لو نوصل موضعج لالف مشاركه مابنغير ذرة من حياتج .. لانه انتي وريلج حياتكم خاصه وتعررفون اللي بينكم وادرابه .. وربج عارف كل شي .. فاستخيري احسن وهو بيدلج على الدرب الصح .. اتمنى لج الخير والله .. ويسهل عليج اختيارج ويكون الاختيار الصح ....ويجعل ابنائج من الذرية الصالحه يارب ..

**اناناسة** · 2013-12-11, 15:46

اللهم آميـــــــــــن و الله يوفقج و ييسر امورج حبيبتي

الغالية الاساور

الله يحفظج جان من البداية قلتي تبين طريقة تخبرين الاهل عن قرارج

مب عقب ما صار الاكشن ههههههه

و عقب ما نزلت نفسي من المستوى المطلوب لاي امرأة

انفعلت و رديت رد غير مناسب ... ردأ على اهانة الاخت لابوعيالي

هالشئ خلاني

طول الليل افكر

كيف رضيت على نفسي انسى تربيتي و مبادئي في التعامل مع الناس حتى لو ما يراعون حدود الادب

و لكن اي انسان ان وصل حده ممكن يقول شئ و الكمال لله وحده

كان لابد اتمالك نفسي لان الانسان لازم يحاسب بكلامه و ما ينّزل عمره لمستوى غير مناسب بكل الاحوال..

حتى عقب ما كتبت و سكرت اللابتوب اسير ارقد العيال

ركضت رديت احذف اللي شفته غير مناسب ..

و لكن للاسف الاخت كانت مسوية اقتباس من مشاركتي... المهم

ها مب موضوعنا

كل اللي الان كاتبة فديتج صحيح و معقووووووووووووول و برايي افضل شخص

بامكانج تفتحين له قلبج هو جد العيال الله يطول بعمره

دام دوم يقولج الله يقويج و يصبرج معناته يعرف انتي بالنار و يعرف وضعج

روحي له بدون ما حد يعرف او اعزميه عندج بيت الاهل

كلميه و طلعي كل اللي بخاطرج ..تأكدي ممكن في البداية يعارضج و يحاول يغير رايج و لكن بالاخير
بيوقف معاج

ان فعلا مقررة خليج قد القرار و ان ابوالعيال فعلا يباج يوم يشوفج جادة بيترك الكل عشانج ..

ان قريتي اول مشاركة لي بموضوعج او الثانية ما اتذكر من كثر المشاركات ههههه

قلت لج انتي مقررة

و مستخيرة

ان الله كاتب له الهداية ها وقته ..ما تدرين يوم يشوفج انج جادة ممكن تحدث المعجزة و يترك المعاصي للابد

هاي حياتج انتي ان حد تدخل قولي انا اللي اعيش وياه و مب انتوا

اساور

نحن مب قد نشجعج او نمنعج ,,كل انسان يعرف شو ببيته ... تبين طريقة تخبرين الاهل خبرتج باللي لو مكانج بعيد الشر

شو بسوي

و اكيد الاخوات ما بيقصرن و بيخبرونج بالطرق المناسبة

بس لا تنسين شئ

هذي حياتج انتي .. انتي اللي بالاخير بتشوفين مصلحتج وين ..و انا مالي الا ادعي لج الله يوفقج و يسعدج

اوووبس نسيت

السموووحه امس تغير مصير موضوعج غاليتي سامحيني

الموضوع: قررت .. إني أتطلق..

أدوات الموضوع

عرض

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

رد: قررت .. إني أتطلق..

المواضيع المتشابهه

قررت اغير شخصيتي وامحي الخوف والجبن قررت ادافع عن شررفي و كرامتي

آتطلق ولآ آتحمل آلضيم...؟

قالت لة أبي أتطلق ....شوفي شو سوى فيها !!!!!

خَلآصْ قررتْ آتطلق وآوقف دراسه وكل شي !!!!!!!!!!

قررت