تربية

[مذهــله]

فيه أشياء مكتسبه مثلا الصلاة الأم إذا صلت البنت تقلد أمها ويكبر هالشي ويقوي الإيمان لانه العيال يتعلمون من اهاليهم

التربيه أشوفه انه نتاج صبر وايد صعبه التربيه التعليم في الصغر كالنقش على الحجر

الكلمه الطيبه تربي العيال على الأخلاق وتخلي لسانهم اطيب

اشحلات الكلمه لما الأم تبدي وتقول لولدها حبيبي تعال هو يتعود ويقول بيبي ماما

الياهل يتعلم والتعليم يبدي من الاسره معامله الأم لريلها وعيالها يبادروها بنفس المعامله

الدراسه لا تركزون اي مدرسه خاصه او حكوميه الأهم هو التعليم 8 ساعات من حياة الطفل تكون في المدرسة لمده سنتين في الروضة ل12 سنة في المدرسه ل4 او 5 سنين في الجامعه إذا الطفل ما تأقلم مع الدراسة صعب تقنعيه بالمدرسه

ليش يتعلم ؟ ليش يدرس ؟ شو هدفه في الحياه الإنسان اللي يكون عنده هدف اكثر نجاح من الانسان اللي ما عنده هدف إنسان يحاول ويسعى ويرضى باللي كاتبنه رب العالمين

الدين اهم نقطه فتعاليم الدين الإسلامي مناره للعلم والتربيه

احاول أثقف نفسي عن التربيه في السيره النبوية ووايد قصص قريتها ولها من الحكم مثلا قصة ولد عمر بن عبدالعزيز لما رجع عمر للبيت وقال برد المظالم باجر لأهلها رد عليه ولده تضمن انك تعيش باجر هنيه فرح عمر انه ولده بعد يمشي في نهجه

القناعه كنز لا يقدر بثمن زرع القناعه تخلي حياة الإنسان مستقره ويكون راضي كل الرضى بحياته وهذا الشي يخليه قوي شو ما كانت الظروف فالحمد والشكر بوابه لزياده الرزق

الله يعينا ويقدرنا على تربيه عيالنا

تبارك الله كلام قيم .. وصدقتي العلم في الصغر كالنقش ع الحجر ويا ما انشوف شباب اليوم لاتربية ولا اخلاق ونكتشف ان الام والاب هم السبب الرئيسي في هالضياع .. التربية يوازيها الصبر واتباع شرع الله وسنة رسولنا بس ماشي غيره ..كل شي في القرآن والسنه حتى التعليم والنظافة والتعامل وكل شي كل شي.. يعني الحين الواحد الي حسنوا اهله تربيته ويكبر ماشاء الله سمعته ع كل السان والمسيد مايودره من يأذن ركض .. الحمدلله.. تسلمين يالغالية.