تربية

[مذهــله]

خواتي كل وحده تعطينا طريقة تربيتها لعيالها من كل النواحي الدينية حثهم على الصلاة وكيف اتعزز فيهم حب الله ورسولة ..انتقالا للثقافات والاتيكيت في الكلام والاحترام..في اللبس طريقة الاكل كل شي كل شي.. نبي نتبادل الخبرات,, اكيد في أشياء نحن غافلين عنها وأشياء نتمنى عيالنا يتعلمونها.. نباهم فخر لنا جدام الخلق .. اتمنى الكل يتفاعل .. والفايدة تعم بذن الله.. صلوا على أشرف الخلق سيدنا وحبيبنا محمد صل الله عليه وسلم..

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مذهــله]

شو هالتحطيم ولا رد ..!!!!!!!!
‏dxbaii,
‏بنت بوظبـي,
‏وجدان الفجر,
‏amira81,
‏الدنيا فداك,
‏موزة الامورة,
‏Eleena,
‏حبيبة كلود,
‏غلايوووه
نشكر مروركم!!!!!!!!!!!!!!!!!!

[game over77]

فديتج سمحيلي بعدهم عيالي كتآكيت بس دخلت اخذ فايده وان شاء الله ذوات الخبره هب مقصرات معج

[دلوعة عيالي]

انا عن نفسي بادية مع ولدي العود عمره 6 سنين الله يحفظه ... قمت اعلمه كيف يتوضأ وكيف يصلي وهو ماشاءالله حاب هالشي ، شوي شوي قام روحه يطلب مني اشوفه يوم يتوضأ عشان يعرف ، و قمنا يوم نطلع نسمع آيات قصيرة عشان الحفظ ( في السيارة ) ، اما بخصوص الطلعة يوم نسير مطعم علمته انه يقعد في مكانه ويطلب الاكلة اللي يبيها بدون حشرة بس الصغير ماشاءالله فوضوي مايسمع الكلام ، امممم بخصوص التسوق اخليه يختار اللبسة اللي يباها عشان يتعلم من صغره يعتمد على عمره في اختيار ملابسه وينسقها ، اما بخصوص الزيارات يتعلم يسلم على الكبار قبل لايقعد ويتادب وقت العصير او الضيافة

وفي جعبتي الكثير بس اللي قدرت عليه .. ان شاءالله فدتج

[دلوعة عيالي]

لاتنسين حبوبة ... خليج قريبة من عيالج دوم ، صدقيني بيكونون حنونين عليج وبيسمعون كلامج .

[ورقة ناعمة]

انا بدت القرون تبين فيني ...............تعبت

[مذهــله]

فديتج سمحيلي بعدهم عيالي كتآكيت بس دخلت اخذ فايده وان شاء الله ذوات الخبره هب مقصرات معج

مسموحه الغالية عقبال ماتفرحين فيهم معاريس يارب

[مذهــله]

انا عن نفسي بادية مع ولدي العود عمره 6 سنين الله يحفظه ... قمت اعلمه كيف يتوضأ وكيف يصلي وهو ماشاءالله حاب هالشي ، شوي شوي قام روحه يطلب مني اشوفه يوم يتوضأ عشان يعرف ، و قمنا يوم نطلع نسمع آيات قصيرة عشان الحفظ ( في السيارة ) ، اما بخصوص الطلعة يوم نسير مطعم علمته انه يقعد في مكانه ويطلب الاكلة اللي يبيها بدون حشرة بس الصغير ماشاءالله فوضوي مايسمع الكلام ، امممم بخصوص التسوق اخليه يختار اللبسة اللي يباها عشان يتعلم من صغره يعتمد على عمره في اختيار ملابسه وينسقها ، اما بخصوص الزيارات يتعلم يسلم على الكبار قبل لايقعد ويتادب وقت العصير او الضيافة

وفي جعبتي الكثير بس اللي قدرت عليه .. ان شاءالله فدتج

ماشاء الله الله يحفظهم ويقويج ع تربيتهم التربية الصالحة ومشكوووووره عيوني جاري التطبيق

[مذهــله]

لاتنسين حبوبة ... خليج قريبة من عيالج دوم ، صدقيني بيكونون حنونين عليج وبيسمعون كلامج .

الحمدلله دوم جريبة منهم ..وتسلمييين ع النصايح القيمة فديتج..

[مذهــله]

انا بدت القرون تبين فيني ...............تعبت

ههههههه لقرون بتطلع بتطلع لكن كله بأجره حبيبتي ..الله يقويج ويعطيج العافيه يا احلى ورقه..

[ام حمده 77]

هلا اختي حبيت اشارك في هذا الموضوع

وانا اشوف التربية في هذا الزمن صارت صعبة مش مثل زمانا

ولكن الواحد يسعى ويربي والله يوفقنا في تربيتهم

بالنسبة لي كام لسبعة عيال

اللي ساعدني وهون علي تربيتهم عيالي الاكبر سن

يعني عندي بنتي عمرها 15 سنة وولدي 14 سنة هم اللي سهلو علي تربية اخوانهم الاصغر

لاني ربيتهم وغرست فيهم اللي اتمنى ومن بعدها اخوانهم الصغار قاموا يقلدوهم ويسون نفس الشي

من ضمن الاشياء اللي ربيتهم عليها :

- النظافة من هم صغار اعلمهم يفرن بالزبالة ويرتبن اغراضهم . طبعا بالمكافئة والتشجيع
- يتعاون بين بعضهم الاكبر يساعد الصغير ويداريه .
- اعلمهم السلام انهم يسلمو على ابوهم وعلي ومن ثم اهلهم الجد والجدة اعمامهم وخوالهم
- احترامهم للخدامة لانها انسانة لانهم اذا احترموها راح يحترمو الناس كلهم
وفي نفس الوقت ما احب يتعاملن مع الخدم مباشرة يعني اذا احتاجو شي انا اللي اطلب من الخدامة اتسوي لهم .

اما بخصوص الصلاة وهي الاهم من عمر ثلاث سنوات خلاص يروح المسجد يوم صلاة الجمعة مع ابوه عشان يتعود يوم يكبر

- الشي اللي ساعدني في تربيتهم وهم صغار القصص والسوالف يعني كنت اقول لهم قصة لها مغزى تنفعهم يوم يكبرون
واستغل كلامهم عشان اعطيهم امثله اغرس فيهم القيم اللي ابغيها .[/SIZE]مثل مرة ولدي قال ابوي كل شي عنده سيارات وكاميرات وموبايلات و.... الخ استغليت كلامه جدام عيالي وقلت له تعرف
السبب انه ابوك يمتلك كل شي لانه ابوك محافظ على الصلاة ويحب وايد جدك وجدتك ويخاف عليهم عشان جي الله يرزقه اللي يبه .

وانا موظفة وعيالي من هم صغار في الحضانات والصراحة اشياء وايد تعلومها من الحضانة منها الاعتماد على النفس وانهم اجتماعيين
ويكتسبون مهارات بسرعة بحكم انهم مختلطين بالاطفال ويحفظن الادعية والسور القصيرة هذا الشي بعد يسهل علي تربيتهم .

والله يجعلهم بارين فيني

[مذهــله]

ماشاء الله وربي يبارك لج فيهم وتحصدين ثمار هالتعب والتربية يارب .. ومشكوووووره يالغالية افميزان حسناتج..

[مذهــله]

الحمدلله

[مسك وعوود]

والله هالموظوع فبالي لي يومين
اريد اشوف خبرات بعضنا

[مسك وعوود]

ولدي العود بيدخل عمر 14 صار عصبي
معرف كيف اتعامل معه !!
خاصه انه بحظانتي