طفرت منه و من ربعه

**غدران** · 2013-11-26, 17:14

الله يهديه ويصبرج.
محد يسهر لين خمس الفير جلسه بريئة.
هاي فوضى.
اعرف وحده قفلت الباب. وطرشت مسج كتبت له انت مب زوجي زوجي اللي اعرفه بخوفه وحب لنا سافر وبعده مارجع.
ما عندي رجال يحب عياله ويحبني ويخاف علينا. صرنا مثل اليتامى.
يوم بتشوف ريلي قوله اشتقنا للآب والزوج اللي يحافظ ع عياله وحرمته. ويتقي الله فيهم وفي نفسه. ويتقي الله فيهم وفي نفسه ويتقي الله فيهم وفي نفسه.
هو بعده قلبه حي وحس ع دمه.

المفروض البيت يكون له قانون. السهر ان كثر الساعه 12. هو مب عزابي.
ماعرف شو أقولج. يمكن اللي بقولج إياه الحينه غلط. بس انا كذيه فكرت. وانتي احكم مني في تقدير ظروفكم وطبيعة زوجك.
اذا عندج حد من خوانج متفيق ممكن تحرقين قلب ريلج. تطلعين ويا اخوج بالليل عقب ماترقدين لعيال اذا كان فيه حد من عيالج كبير. وطلعي بدون ما تخبرين حد. وخلي التلفون صامت. سيري ويا اخوج السينما والمطعم. بس اهم شي تكتبين رساله لزوجج تقولين (خلاص الجهال رقدوا أترياك )
وإذا اتصل عقب الرساله قولي اي رساله اونج ماتعرفين. وقوليله وانتي اونج مرتكبه وخايفه هذي الرساله حق واحد من خواني. بخيلك اسمع صوت حد من لعيال. باي. ولا تردين عليه. وطلعي. وأستأنسي. وقولي حق اخوج أبا أغير جو. حاسه بضيق وتعب. وبهدلي الكرفايه شوي وعقي ملابسج الداخلية ولانجريه في الغرفة. وحطي بعض الأمور الخاصة. واذا ماتصل كملي السهره. يمكن يوم ترجعين بتلقينه يترياج وهو معصب. واذا مافاد كرري نفس الحركه بعد ايام بس هالمره لا تطرشين رساله. دقي تلفون وقوليله بغيت اطمن عليك متى بترجع. واذا سال ليش تسألين مب من العاده سوي نفسج مرتكبه وقوليله لا ماشي بس عشان اعرف اذا بتسهر وياي وللا برا. وكرري نفس حركة الغرفة بملابس ثانيه اكثر اثاره. وطلعي عند اخوج. ويوم بالنهار تجلسين وياه. تمي ع التلفون تتراسلين مع ربيعاتج وانتي تضحكين. حتى لو الموضوع ام النكد ضحكي. وتبسمي وقعدي لعبي بشعرج. وعقب تسحبي لغرفه ثانيه وخلي تلفونك صامت وأونج ترمسين في التلفون. وحاولي يكون صوتك مب مسموع. وضحكي بصوت فجاه. وعقب ردي جلسي وياهم بدون ما تستخدمين التلفون بس خوزيه عن الصامت. وطرشي برود كاست لكمن وحده قبل ما تدخلين عند ريلج وأحسن دعوه. عشان تتاكدين أنهن بردن عليه وانتي ويا ريلج فتحي التلفون وانتي مبتسمه وبس. واهم شي لباس وورد. عشان يعيش في شك. ولاتخبريه بشي.
هذي الفكرة جاتني بس أخاف تجيب نتيجة عكسية وياج. انتي ادرى باللي عندج.
وربي يهديه يارب.

المزيد من آخر المواضيع من نفس القسم:

**cute uae** · 2013-11-27, 15:05

الله يهديه

**ام يوسف21** · 2013-11-28, 13:14

سوري اختي غدران بالطريقه هذي بتوصل الامور للطلاق لانه ما بيمسك عمرةوعلى طول بيشك وانا اقرا كلامج شكيت كيف ريلها

**لأنني مختلفة** · 2013-11-29, 01:26

وحدة من الخوات اقترحت انها تظهر بدون ما تخبره وهالفلم الهندي ممكن يوصلها للطلاق مب أي ريال بيسكت عنها لو سوت هالحركة!!

عزيزتي انا وحدة كنت اعاني من سهر ريلي اول ما عرسنا
اول فترة كنت اسكت وازعل بيني وبين نفسي ويوم ايي شبعان من ربعه اضحك واسولف له ولا جنه شي مستوي بس كان في خلل
عقب فترة قمت ابوز وهالحل ابداً ما فاد ..

بعد كم شهر قمت استوعب هو عقليته كيف انه مب مستمتع بوجوده ويايه
لو كان مستمتع كان روحه بيحب يتم ويايه
واحيانا يكون السبب ان ربعه كلهم متزوجين وعادي الحياة حلوة عندهم
انا يوم كان يطريلي هالنقطة كنت اقوله اكيد هم دمهم ثجيل وحريمهم يبون الفكة منهم
لو انا ما احبك ما بقولك انا مشتاقتلك بيلس وياك
قمت استغل سهره في صالحي
يوم واحد اقوله وينك مشتاقتلك
يوم اقوله بتطول؟ انا يوعانة ومشتهية المكان الفلاني
وقمت يوم يطلع اودعه بابتسامة حتى لو اني ما اباه يطلع واقوله لا تطول ولا بترياك .. ولا هالله هالله بعمرك
وما اخرب عليه يلسته ويا ربعه حتى ما اطرش مسجات قمت الاحظ هو اللي يفقدني ها وينج ولا ياي تبين شي
باختصار حاولي تحسسينه ان انتي لج دور في حياته بعد
يعني قبل قولي باجر حاجزتنك خل نسير نتغدى عقب ابا اخذ لي غرض
شوي شوي بيخصص لج من وقته لو مب كل يوم في اجازته ع الاقل كم يوم وبيقدرج لانج ما نكدتي عليه وثاني شي ما منعتيه عن شي وهو مستمتع بالطلعة وياج
واشغلي نفسج وهو محد .. ترى يوم يحسونج مشغولة عنهم يركضون وراج

والله يسهل امرج ويريح بالج يا رب

الموضوع: طفرت منه و من ربعه

أدوات الموضوع

عرض

العرض المتطور

رد: طفرت منه و من ربعه

المزيد من آخر المواضيع من نفس القسم:

رد: طفرت منه و من ربعه

رد: طفرت منه و من ربعه

رد: طفرت منه و من ربعه

المواضيع المتشابهه

زوجي ما يطلعني كله ويا ربعه يمل مني..

يحب ربعه شو الحل؟؟؟؟

اتيدين سفر الريل ويا ربعه

ريلي يحب ربعه اكثر عني