تشققات البطن

**بنت الملحم** · 2013-11-22, 11:14

السلام عليكم يا حلوات
أشحالكم عساكم بخير
بغيت اسأل شوه أحسن شي عشان التشققات اللي تصير بالبطن أثناء الحمل
انا هذا حملي الثالث وأول مرة تظهر لي التشققات وطلعت في آخر الشهر الثامن والحين انا كملت أسبوع من الشهر التاسع وبديت استخدم كريم فازلين اللي بزبدة الكاكاو فهل ينفع هذا لكريم ولا في شي أحسن منه
التشققات اللي عندي لونها احمر فاتح
الله يخليكم اللي تعرف شي عن ها لموضوع تخبرني

المزيد من آخر المواضيع من نفس القسم:

**مريم عدنان** · 2013-11-22, 23:07

انا استخدم كريم benostan prenatal من الصيدلية سعره 120 درهم روعة لتشققات البطن

**ام يوسف21** · 2013-11-23, 11:47

المشاركة الأصلية كتبت بواسطة مريم عدنان

انا استخدم كريم benostan prenatal من الصيدلية سعره 120 درهم روعة لتشققات البطن

اختي سويتيه وانتي حامل ولا بعد الولادة

**لولو العاامره** · 2013-11-23, 13:24

UP UP UP

**مريم عدنان** · 2013-11-24, 08:01

المشاركة الأصلية كتبت بواسطة ام يوسف21

اختي سويتيه وانتي حامل ولا بعد الولادة

ايوة استخدمته و انا فالشهر السادس حتى كان عندي شوية خطوط بيضا في الارداف بدت تختفي

**game over77** · 2013-11-23, 11:36

انا كنت استخدم كريم زبده الكاكاو اللي من بيبي شوب حق تشققات البطن ويوم خلص خذت سيباميد للتشققات وندمت لان يوم ستخدمته طلعت لي تشققات واساسا مافيني

**um-mn9our** · 2013-11-23, 14:09

مرحبا اختي انا الحمدالله ماطلعتلي خطوط بحملي بس ربيعتي خبرتني عن كريم موستيلا لتشققات البطن بتحصلينه فالصيدليات تقولي روعة وخف التشققات اللي كانت فيها بنسبة كبيرة وشوفي ع كلام اخصائية فمركز التجميل اللي كنت اروحله قالتلي دام الخطوط وردية ممكن تروح او تخف بس لو استوت بنية ولا بيضاء خلاااااص ماتخوز فدامها وردية تلاحقي على عمرج خذي الكريم وابدي من الحين مب لازم تتريين الولادة

**- ميمي -** · 2013-11-23, 19:13

قالولي حطي زيت زيتون و بعد الولاده بتروووح

**حلو مالح** · 2013-11-23, 21:02

اختي زيت الزيتون اكتير اكويس بس اصبري بعد ما تنجبي باذن الله وتكملي اربعينك على خير روحي عن طبيبة جلدية بتفيدك وبتعطيكي الكريم المناسب لبشرتك

**مس ستايل123** · 2013-11-25, 11:41

زيت زيتون اصلي وبسس
مافي افضل واجود عنه

**Sugar Eng** · 2013-11-25, 12:02

انا نصصحوني ب زبده الشيا ~ استخدمها وانا حااامل
وعقب ما اربي ان شاء الله بكمل عليها ~
الحمدلله ف بطني ما طلعلي خطووط ~ بس عالارداف كان عندي شوي من قبل
وبدا يخف

**أم اصايل** · 2013-11-25, 23:55

اختي أنا بحملي الأول استخدمت كريم زبدة الكاكاو من شركة بالمرز و بصراحه احسها عاديه للربح التجاري ما فادني أبدا و أغلب اللي اعرفهم و جربوه قالوا ما فادهم..

بعد ما ربيت استخدمت عدة كريمات و احسنها كانت زبدة الشيا الخام خفت الخطوط عني بنسبة 70 بالميه ما شاء الله لا قوة الا بالله و الزبده خذتها من تاجره يزاها الله خير و رجاء لحد يسألني بالخاص عن التاجره لاني ما برد تقدرون تدورون عليها من تاجرات منتدانا اظن يبيعونها ، و أنا استمريت عليها شهر و نص تقريبا و لازلت استخدمها بحملي الثاني..

مع العلم ان الخطوط اللي فيني كانت بنيه ، و أصلا ما في شيء يخوز التشققات أبدا من ناحيه الكريمات هيه مجرد انها تخفف من حدتها و تخفي اثرها العميق و تفتح لونها ان كانت حمرا او بنيه ، يقولون جلسات الليزر الميثورابي تخوز التشققات و الله اعلم..

لا تنحبطين و لا تهملين حالج بعد الولاده تمي دوري ع الكريم اللي يناسبج و استمري عليه حتى لو طالت المده اهم شيء تحصلين نتيجه مرضيه، و افضل تراجعين جلديه بعد ما تقومين بسلامتج..

**مهرة بلآ فآرس** · 2013-11-28, 00:19

موستيلا للتشققات

حاليا انا استخدمها خخخخ عكس بنات التجمع كلهن بالمرز
والدكتورة عطتني اياه ونصحتني فيه

والكل حولي يقول موستيلا احلى وريحته احلى بعد عن بالمرز

دعاية بالقو هههه

وترا التشققات عندج بعدها فالبدايه لحد يقص عليج ويقولج ماتخوز ولا ليزر ولا مدري شو
التشققات هاييج لونها بني او ابيض انتي توج والحين تلاحقي عليها
وتمي استعملي الكريم حتى بعد الولادة تقريبا شهر لين 3 شهور

يا انج تستعملين بالمرز زبدة الكاكاو او موستيلا بسس

**(الجوووري)** · 2013-11-28, 04:32

سبحان الله وبحمده سبحان الله العظيم

**perplexed** · 2013-11-28, 12:58

bio oil
من صيدليه
boots

استخدمه من شهور و خلصته مرتين و احطه مرتين فاليوم ... وايد ارتحت عليه

الموضوع: تشققات البطن

أدوات الموضوع

عرض

العرض المتطور