انا اجهظت طفلي .. وندمانه

[مـاريانلا]

السلام عليكم
اشحالكم يا امهات
انا دخلت بنكنيم يديد عشان بس اكتب هالموضوع
انا سويت شي وصدق ندمانه عليه .... وما ابيكم تلوموني ولا تعاتبوني لاني حسيت بالغلط
ولو يرجع الزمن لورا ما افكر اسوي اللي سوييته ..لكن ما ينفع الندم
اول شي انا عمري 22 .. تزوجت وعمري 19 سنه واول ما تزوجت حملت والحين عندي بنت وولد
يعني بعد ما ربيت بالاولى بعدها ب4شهور حملت بالثانيه .. وبعد ما ربيت ريلي قالي ما يبا عيال 2 يكفوا ل5 سنوات
بنتي الصغيره عمرها الحين 8شهور ....وقبل كم شهر انقطعت الدوره عني بس سويت طاف اتوقعت عادي ما توقعت اني حامل لاني اخذ حبوب منع حمل
من يوم عرفت اني حامل وانا تغيرت حياتي ...خقت اخبر ريلي بس لمحت له اني حامل
وقال اذا حملتي الحمدلله ..بس اناتعبت من صياح العيال انا برقد فالغرفه الثانيه اذا ربيتي
ونا اضايقت من هالشي لان هو من داخله كان مضايق وما يبا عيال
وانا نفسي ما كنت ابي عيال لان عندي 2 وتعبانه وياهم ...
عرفت اني حامل فالشهر الرابع ...وكنت اكل أي شي ينزل الحمل
حب الرشاد وحبه البركه ووايد اشياء ثانيه ...وريلي يوم شافني اكل هالاشياء قالي خلاص انا ابا البيبي وراضي
بس لا تسوي شي بنفسج والبيبي
قلت له خلاص ..ومره كنت اكلم ربيعتي وقالت لي اذا تبي تنزلي البيبي اعرف حد يبيع حبوب للاجهاض
وانا قلت الها ابي هالحبوب ويابتهم لي ... وقبل شهر استخدمتهم .. من غير ما يعرف ريلي ..
وياني نزيف ورحت المستشفى .. اتوقعت الموضوع عادي انه بكون قطعه لحم وما توقعت اني بتاثر يوم بشوفه
يوم ياني النزيف .. كنت ادعي ان ما يصير شي فالبيبي ...كنت اقول خلاص انا ابيه ...وما ابا انزله ...
لكن.... نزل البيبي وشفته ما بوصف الكم حالتي كيف كانت بس اتمنيت اني ما اخذت الحبوب ولا اجهظت
كنت اصيح من القهر وادعي ع ربيعتي اللي عطتني الحبوب ...قلبي كان يحترق
ما توقعت انه هالشي بكون صعب لهالدرجه ...
بعد ما طلعت من المستشفى وعطونا ورقه تسلم جثه الجنين يلست اصيح واتذكر اني انا اللي قتلته .. كنت انا السبب
ورحنا انا وريلي المقبره ودفناه ...بس لهاليوم وانا كل ما اتذكر ايلس اصيح والوم نفسي


كتبت هالموضوع عشان افضفض
لان ما عندي حد اتجرا اقوله بالشي اللي سويته

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[(الجوووري)]

لا حول ولا قوة إلا بالله

اختي اللحين ماشي فايدة ان نلومج او انعاتبج
بس الي اقدر اقولج اياه توبي لله واسالي اهل العلم في الي سويتيه يمكن يكون عليج شي
ما بزيدج اكيد الي فيج يكفيج
كثري من الاستغفار وان شاء الله الله يسامحج على الي سويتيه

[ظبيانيه ستايل]

اختي عليج كفاره لانج قتلتي نفس متعمده واربع شهور كبير نفخت فيه الروح وتكون اعضائه لاحول ولاقوة الابالله اساألي مشايخ ثقه يفتونج في اللي سويتيه لاتستهينين ابدا فيه بغض التضر كنتي ندمانه ولا لا صار اللي صار اللي يعينج

[مـاريانلا]

مشكوره اختي لانج نبهتيني
ما كنت اعرف

[Ayo.oma]

اثنين ولا واحد المفروض تحمدين ربج غيرج مب محصل واذا ريلج ما يبا مب شرط تمشين على شوره بس اسمعي نصايح البنات والندم ما بينفعج الحين

[ظبيانيه ستايل]

على كثر ماتضايقت منج ومن تصرفج ومن صديقة السوء اللي عاونتج. كسرتي خاطري لانه تأنيب الضميررر موووووت وعذاب بس الله غفور رحيم استغفري وتوبي وابحثي عن الكفاره مادري اذا لازم يعرف ابوه عشان يسامحج ،،،،، اعذريني لو اسلوبي قاسي اختي

[راقية بطبعها]

العيال نعمة من الله و رزق
وكل ياهل ينزل بركة للأهل و رزقه وياه
الحين ما ينفع اللوم بس استغفري ربج و توبي
الناس يعالجون سنيين ويصرفون اللي وراهم واللي جدامهم عشان بيبي واحد والبعض مب حاس بالنعمة

[الزوجة البارة]

انتي خسرتي ظناج وجرحج بيتم معاج طول ما انتي عايشة هذا شعور كل ام فقدت ظناها الله لا يذوق حد هالشعور المؤلم

[m.dxb88]

لاحول ولا قوه الا بالله

[m.dxb88]

بس سؤال المستشفى ماعرفو انج خدتي حبوب

[شامسية وأفتخر]

استغفر الله،،، انا اول حمل لي كان شهر تقريبا واجهضت وصحت عليه فترة لين الله عوضني الحمد لله كان قطعه صغيرة فما بالج بضناج الله تكونت له اعضاء. وشفتيه .. مب شرط تمشين ع شور ريلج هذا شريك حياه مب يملك حياتج وانتي عصيتي ربج عشان ريلج .. استغفري وتوبي ومثل ماقالوا اسألي اهل العلم..والله يسامحج.

[مـاريانلا]

انا عارفه ان الندم ما ينفع
بس انا مب قادره انسى شكل البيبي .. صح ان عمره 4 شهور بس احس انه واحد من عيالي الاثنين
اللي ولدتهم
انا بس من اتذكر الموضوع ايلس اصيح
وحتى يوم ايلس ويا عيالي وريلي .. ايلس افكر انه المفروض بعد كم شهر هو يكون ويانا

ــــــــــــــــــــــــــــــــــــــــــــــــــ ــــــــــــــــــــــــــــــ
m.dxb88
لا المستشفى ما عرفوا .. لانه يبين كانه نزيف عادي

[Mall.08]

لا حول ولا قوة الا بالله
اختي لازم تستفسرين من شيوخ الدين عن يكون عليج صيام او دفع مبلغ - ما ادري شي جي
بس لازم تتاكدين عن (حكم الاجهاض المتعمد في الإسلام) اللي اعرفه ما يجوز اذا اتم الاربع أشهر

وتوبي لربج - وادعيه انه يغفر لج

غيرج يبكي ليل نهار وما يوقف لسانه وما يتعب من الدعاء
انه الله يرزقه الحلال والذرية الصالحه

[مـاريانلا]

بنات ادعولي الله يغفرلي
انا مجرد التفكير يعذبني
ما ادري كيف استغنيت عن البيبي

[زم_قمر_ان]

اتوقع عليج صايم شهرين متتابعين

اسالى اهل العلم

والله يغفر لنا ولج يتوب عليج

كثرى من الاستغفار


http://www.aliftaa.jo/index.php/fatwa/show/id/561

الموضوع : ماذا يترتب على إجهاض الجنين في الشهر الرابع بدون عذر؟
رقم الفتوى : 561
التاريخ : 2010/03/21
التصنيف : الطب والتداوي.
الكلمات المفتاحية : إجهاض . جنين . دية . إبل .
نوع الفتوى : بحثية
السؤالامرأة حامل في الشهر الرابع، وقامت بتنزيل الجنين من بطنها بدون أي سبب، إلا كونها لا تريد أولادًا في الوقت الحالي، وكان ذلك بموافقة الزوج. فما حكم الشرع في ذلك؟

الجوابالحمد لله، والصلاة والسلام على سيدنا رسول الله
لا يجوز إسقاط الجنين بعد تكونه إلا إذا كان يُشَكِّلُ خطرًا على حياة أمه، وتزداد الحرمة إذا كان عمر الجنين مئة وعشرين يومًا فأكثر.
والذي يظهر من السؤال أن الإسقاط لم يكن له مبررٌ شرعي، ولذا فإسقاطه كان ذنبًا يجب الاستغفار والتوبة منه على كل مَن شارك في العملية.
وإذا كان الإجهاض بدواء تناولته الأم فإن عليها كفارة صوم شهرين متتابعين، وعليها الدية لوالد الجنين، أو لورثته الشرعيين إن كان الوالد مُتوفّى، ودية الجنين مقدارُها ثَمَنُ خمسٍ من الإبل.
وإذا كان الإجهاض قام به طبيب، فإن عليه الدية والكفارة، أما الأم فهي آثمة، وليس عليها مسؤولية محددة، لكن تكثر من الاستغفار والصدقة.
فإن سامح وليُّ الجنين بالدية بقيت الكفارة على مَن باشر الإجهاض مِن أمٍّ، أو طبيبٍ، أو غيرهما. والله تعالى أعلم.