بدون جرح مشاعر

[اناناسة]

خلينا نفترض انج فعلا تحبينه و تتمنينه زوج لج ..

هو ما بين لج اي شئ و لا اي حركة تدل على ذلك

و بهالحالة انتي اللي بتتعبين ..

نصيحتي احذفيه من البلاك بيري او واتس اب المهم وين ضايفتنه و ان كان في شئ ضروري يخص مشكلتج

اتصلي اتصال رسمي و ان انجبرتي تروحين المكتب خلي حد من محارمج معاج


خسارة تضيعين حياتج و قلبج على شئ ماله مستقبل حتى لو ما يكون بيدج

حاولي و صدقيني مع مرور الزمن و الوقت و الاستغفار بنية الفرج و نسيانه بتنسينه و بيتم لج ذكرى لا غير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملكة الاحاسيس]

انتي توهمين نفسج وكلامي من تجارب حريم
انتي تظنين انه السعاده معاه لنه ماشفتي شي منه ولكن توقعي ان زوجج هو افضل منه لنه اختيار رب السماوات
انتي في ابتلاء من الله عزوجل احذري تدمرين حياه هالانسان وتعلقبن نفسج بوهههم الحب
الريال يحب زوجته وعياله لاتخربين حياتهم وتدمرينها
فكري هل ترضين بهالشي مع نفسج اكيد لا
فكري وش تستفيدين لما يضيعون عيالج بالخرابيط الي تفكرين فيها
احساسج محد يلومج لكن مشاعرج.لومي نفسج بنفسج
لنج تركتي المجال لاحلام اليقظة

حاصري عمرج وكل ماطرت هالافكار تفلي يسارج وتعوذي
ابليسج يريم لج خط الدمار

[اناناسة]

التعلق بالمحاميين و الاطباء النفسيين و الاخصائيين الاسرية بدولنا و دول الغرب

نفس الشئ

بكل بقعة في العالم كثير من النساء يقعن بحبهم لانهن محتاجات للحب اللي محرومات عنه في البيت


اي امراة تفكر بالعقل بتحاول تتجنبهم و تدور بدالهم حريم

و ان انجبرت تروح للرياييل تعرف و تؤمن هم للمساعدة فقط و وظيفتهم يكسبون الحرمة و يعطونها طرق

السعادة


بس مب معناته 100% حريمهن سعيدات !!!


بل يمكن يروحن للغير لطلب المساعدة !!

[ملكة الاحاسيس]

والله في رد لاحد الخوات فعلا حقيقي
ناس تشوفينهم برع الببت وش حلوهم واسلوبهم عسل تعالي شوفيهم في بيوتهم مع زوجاتهم وعيالهم
اقسم بالله هالشي حقيقي والله حقيقي لدرجه ان وحده تشتكي العنف محد صدقها لين شافو اثاااار التعذيب
الريال برع بيته ماشي احسن منه لن وظيفته بتفرض عليه
لكن البيوت اسرار محد يدري الا عالم الغيوب
وارد اقةلج انتي حالج حال كثيرات وقعتي في شبك الشيطان
لن نقطه ضعغج الحاليه انج محتاجه حنان
صدقيني الحل بسيط
دليت واشطبيه من حياتج
وامنعي نفسج تسرحين فيه لنه مب حب
الحب اني اقدم مخافه ربي الي يسمع ويشوف ويعرف كل خوافي القلوب

[اناناسة]

ما احيد الاخت قالت هي ركضت وراه و قالت له احبك

بل بكل وضوح قالت احبه في قلبي

وين الخرابيط اللي تكلمت عنه ؟؟

و كيف نقول لا تخربين حياته و يحب عائلته و هي اصلا ما بادرت بأي خطوة


((( الحمدلله محافظة ع اخلاقي
وتربيتي ولا عمري تكلمت مع رجل غريب او فكرت اني اكون علاقات مع انه عندي فرص كثيرة
ولكن خوفي من عقاب ربي يمنعني مشكلتي احين اني افكر فيه وايد واحبه لدرجة الجنون
ولم افكر فيه انه متزوج او لا ولكن لما عرفت انه متزوج حاولت ابتعد عنه لان اللي يحب انسان
ما يحب له المضرة ارتاح اذا حسيت انه فرحان وتضايق اذا كان مضايق اتمناه زوج وف نفس الوقت
اعاتب نفسي كثير ع اللى احس فيه وهو عنده زوجه وعيال افكر ابدل فوني للنوكيا حتى ما يكون عندي تواصل
مع احد واريح ضميري ))


من يقدر يلوم شخص بما يحس و يتحكم بقلبه ؟؟؟

[اناناسة]

اروع مشاركة مشاركة الغالية ورقة ناعمه


نعم الله يعلم ما في القلوب و خفايا القلوب

و الاخت ييت تتفضفض عسب نساعدها
دام في محال للمساعدة ..




ارحموا من في الارض يرحمكم من في السماء و السلام ختام

[cute uae]

والله في رد لاحد الخوات فعلا حقيقي
ناس تشوفينهم برع الببت وش حلوهم واسلوبهم عسل تعالي شوفيهم في بيوتهم مع زوجاتهم وعيالهم
اقسم بالله هالشي حقيقي والله حقيقي لدرجه ان وحده تشتكي العنف محد صدقها لين شافو اثاااار التعذيب
الريال برع بيته ماشي احسن منه لن وظيفته بتفرض عليه
لكن البيوت اسرار محد يدري الا عالم الغيوب
وارد اقةلج انتي حالج حال كثيرات وقعتي في شبك الشيطان
لن نقطه ضعغج الحاليه انج محتاجه حنان
صدقيني الحل بسيط
دليت واشطبيه من حياتج
وامنعي نفسج تسرحين فيه لنه مب حب
الحب اني اقدم مخافه ربي الي يسمع ويشوف ويعرف كل خوافي القلوب

[hnmydsm70]

اختي الله يعينج.مثل ماقالو الاخوات هذا وهم وهو شعور وقتي لانه تعاطف معج،ووقف وياج ،وهذا ادخل لاعجاب والميول في نفسج تجاهه.ي.وهو فقط ادى واجبه،ومن متطلبات وظيفته اللي سواه معج.وانتي تصورلج انه انسان مثالي.فاصبحت تشوفينه استغفر الله كامل مكمل.
استغفري كثير واطردي عنك وسواس الشيطان والاوهام اللي صورها لج عن هالمحامي

[اسيرت شوق]

اناناسة يعني الحين حلال ان الحرمة المتزوجه تحب غير ريلها!!اذا كان الجواب لا عيل شو بنسميه غير حرام او غلط او ما يجوز
اختنا صاحبة الموضوع ما كتبت الموضوع الا واهي في اشد تعلقها بهذا الانسان
فلازم نوضح لها ان ما يصير
طبعاً كلنا معرضين ان نكون مكانها حتى مندون ما تكون عندنا مشاكل مع ازواجنا الان القلب ما نقدر نتحكم فيه بس مب معنى هذا نعطي خيالنا الحق يسرح ويمرح على كيفه مندون ما نقول له استوب
وكل كلامنا كان من حرصنا عليها ولان نريد مصلحتها اهي الحين ضعيفه وتعبانه من مشاكلها وتحاول تتعلق بقشه
هذا كان قصدي واكيد الاغلبيه جي نيتهن
ممكن احياناً يخونا التعبير او نعجز عن ترتيب الجمل والكلمات
يمكن غيرنا يتقن فن الكلام وعنده اسلوب محبب اكثر منا
بس احنا بالنهاية نيتنا طيبة

[ملكة الاحاسيس]

اناناسه انا في ردي استبقت الاحدااااااث
نهايه كل حب مثل هالنوع تنتهي غالبا بماسي اسريه ووووو
فانا اعطيها اللي راح يصير من الاخر
هي تبي حل لمشاعرها ونا اعطيها الملخص لو انجرفت ورا مشاعرها الي هيه عايشتها بالوفت الحالي
لنه ممكن ممكن تتطاول وتحاول تلفت انتباه الرجل لما تفكر فيه وساعتها
بتغوووص اكثر بالوهم
نعم فيه حريم متزوجات للاسف انجرفو بداو بعلاقات رسميه وعادبه ووصلو للفراش
لن الانسان ضعيف خلقه الله ضعيييف
بسهولة يتبع شهواته الا من رحم ربي
الخلاصه
اتذكرو الموت هادم اللذات تدكرو وحشه القبور

[امواج لاتهدئ]

مازلت اقرا نصايحكم وشكرا لكن جميعا وشكرا لج اناناسه ع كلامج الحلو
انا تطلقت واحاول ابتعد لكن ما اقدر احذف من البلاك صعبة على ولا اني بنجر
مثل ما قلت قبل اخلاااقي لاتسمح اني ابحث عن حراام عندي الموت اهون من التفكير بالحرام
الحب خارج عن ارادتي ومازلت اعاني منه واعالج نفسي بزيادة الطاعات واتمنى اروح عمرة قريبة
حتى ترتاح نفسي المشكلة الكبيرة اني احس في كل وقت هو وياي في عقلي وقلبي وكل جوارحي
حبي له عميق احسه ماله علاج وبنفس الوقت صعب القرب منه ... يوم رحت المحكمة كان في نفسي اني
اربي عيالي بعيد عن ابوهم اللي عقدني وعقدهم وخلاني اكره الرياييل لانهم كلهم واحد ولما فتحت قلبي للمحامي
ماتوقعت اني احبه او خططت لحبه لالالا ..قدر الله وما شاء فعل اشغل نفسي بالقراءة والدراسة حتى لا افكر فيه
لكنه غصب ايي التفكير ....عرضت مشكلتي لاني مالقيت لها حل وهاي فعلا اول مرة بحياتي اطلب نصايح لحل مشكلتي
اللي توقعته انه بيكون هجوم علي ....

كوني مطلقة مب معناته اني ادور ريل لالالالالالالالالالالالالالا بس حبه ياناس اتعب حالي وخلاني اكتب فيه اشعار
وقصايد .............

الله يسعده يارب ويحببه في زوجته ويحبب زوجته فيه ويملا حياتهم سعادة انا مكاني غلط وادعي ربي انه ينزع الحب
هذا من قلبي واعيش مرتاحة ....ولا بفكر بحب ولا خرابيط يكفيني اوجاع ودنيا ماترحم حد

الله يسعدكم يارب

[هندة]

اختي حتى تنسي هذا الحب عليك ان
تلغي اي شئء ملموس يفكرك بوجوده
لا تقولي لنفسك لازمني انسى فلان لانك كلما قلتي هذي العبارة تذكريه معاها
النسيان يجي على مراحل
انت حددي اهدافك ليش لازمك تبعديه من حياتك و شغلي نفسك بالاستغفار كلما ذكرتيه استغفري و شغلي نفسك بشي ياخذ وقت كالالتحاق بدروس في المسجد او تجويد المهم لا تضلي لحالك
لن الوم فعلك لاننا كلنا معرضون للخطأ المهم انك صحوت من الغفلة
الحب ليس بيدنا لكن احنا لازمنا نغلق هذا الباب و لانو مش كل زوجة عندها الزوج المثالي لازم كل وحدة ترضى بقضاء الله
ابدا لا تقولي ما اقدر ركزي كثير في وضعك و شو هو مصير اولادك في وسط هذه التجربة و بما انو هذا الشي في قلبك اكتميه و شوي شوي مش تنسي الموضوع تماما لكن الشعور يبدى يتغير و يصير اقل تاثيرا عليك
انا عندي اعتقاد و الله اعلم انك هذا الرجل جاء في وقت حرج و لولا ذلك ما كنت اتعلقت فيه وبمجرد تتحل امورك تنسي شعورك و تصير ذكرى تضحكي عليها من بعد كم سنة

[امواج لاتهدئ]

لن انساه شخص مثله لاينسى وسيظل بقلبي سره مدفون وحبه محفوظ
حتى وان لم التقي به سيكون بقلبي شئ جميل وفي ألم كثير
لم ارى شخصا بأخلاقه واسلوبه ودينه لذا لا اقارنه باحد ابد ولا ابدل مكانه
واسال الله ان يجمعني به الجنة

[ورقة ناعمة]

اروع مشاركة مشاركة الغالية ورقة ناعمه


نعم الله يعلم ما في القلوب و خفايا القلوب

و الاخت ييت تتفضفض عسب نساعدها
دام في محال للمساعدة ..




ارحموا من في الارض يرحمكم من في السماء و السلام ختام

اشكرج فديتج شرف لي هالكلام من الاخت الغالية انوسة ... ربي يحفطج

[ام لسانين!!!]

ماله داعي اقولج اللي تسوينه غلط لانج تعرفين هالشي بس ابغي اقولج شي تحطينه حلقه باذنج ولا تنسينه ابدا وتأكدي اللي بقولج اياه مب من فراغ بالعكس انا شفته وايد وصار مع كثيرين غيري ولو اصريتي بعلاقتج او باعجابج بهالشخص وبعدها بفتره لا قدر الله اعجب هو فيج وصار نصيب بينكم الايام بتثبتلج ان الكلام اللي بقولج اياه صح !!!

المهم حطي في بالج حبيبتي ان مافي انسان كامل بهالدنيا الا الله سبحانه ولكل انسان عيوب ولما يصير اعجاب او يتعرف رجل بامراه لاي داعي كان عمل مصلحه خطوبه اي شي بطبيعة الانسان يحاول يظهر افضل ما عنده ويحوز على اعجاب الطرف الثاني تذكري لما كنتي مخطوبه لريلج كيف كنتي وكيف كان !!! كل واحد منكم يبغي يحوز على اعجاب الثاني خصوصا اذا طرف مب منتبه او ما عنده نفس الاهتمام بالثاني يعني فرضا لو انتي اللحين ماعندج اي شي من المشاعر تجاه ريلج او الشخص هذا المحامي وهو بالعكس يحس بشي تجاهج شي هو فاقدنه مثل الاهتمام والاحترام والاستماع وووو غيره راح يركض وراج ويحاول يلفت انتباهج باي طريقه وبيشوفج انسانه شبه كامله وغير عن كل الناس بس هل انتي بالفعل خاليه من العيوب ؟؟؟!
لا اكيد لج عيوب وايد مثل مالج محاسن بس هو يشوفج بالاشياء اللي ناقصتنه !!
وهذا بالضبط اللي يصير معاج
اختي انا اعرف انسان يتعرف على بنات ومهمل بيته وعياله ولما تناقشينه باي موضوع تقولين العقل والحكمه كلها عند هالريال !!! ليش لانه دايما خصوصا الرجل امام المرأه دايما يبغي يبين لها انه احسن واحد والحرمه كذلك امام الرجل ما راح تبينين له انج انتي مثال سيئ حتى لو كان العيب فيج ومافيها شي طبعا !!! هاي فطره فالانسان مثلا من الطبيعي انا نحن ننصح الناس بالنصيحه الصح مثل المدخن ينصح عياله واهله عن التدخين مع انه هو يدخن بس طبعا ماراح يقولهم دخنو التدخين مافيه شي !!!

فهمتي شو ابغي اقولج ؟؟! يعني لو حصل وتعرفتي على حرمة هالريال يمكن تكتشفين وايد مشاكل بينهم او عيوب بهالرجل ويمكن لا مانقدر نظلمه بس شو اللي يضمن لج انه خالي من العيوب ومحد مثله يمكن يكون اسوء من ريلج !!!

حبيبتي لا تعيشين وهم انتي تصنعينه من خيالج لا تتأملين وتتمنين شي مب فايدج لا تنظرين للي بيد غيرج اذا ماقدرتي تعالجين مشكلتج وتعالجين المشكله اللي بينج وبين ريلج لا تتمنين ماعند غيرج !!!!
شدراج يمكن لو حليتي مشاكلج ويا ريلج بتعيشين بسعاده وبتكتشفين انه انسان ماحد مثله !! كم وحده مافهمت زوجها وكانت فمشاكل معاه وبعدين لما فهمته عدل وعرفت تتعامل معاه تغيرت حياتها تماما
واذا بالفعل حاولتي ولا قدرتي تتعاملين مع ريلج لا تنظرين لشخص صعب ترتبطين فيه او حتى اعجبتي فيه بوقت كنت بمشكله لانه قراراتنا بهالحالات ما تكون مبنيه على عقل ووعي نحكم ونقرر بمشاعرنا !! عطي نفسج فرصه لين تحلين مشاكلج مع ريلج حاولي وحاولي وحاولي اختي عشان نفسج وعيالج وعشان تبرين ذمتج قدام رب العالمين انج عطيتي ريلج كل الفرص وحاولتي معاه كل المحاولات الممكنه واذا خلاص ما نفع شي وياه خلاص هو الخسران مب انتي وبعدين شوفي نفسج والخيارات اللي قدامج وقرري قرار فكري فيه بعقلج مب بمشاعرج لا تضحين بكرامتج وعيالج عشان مشاعرج مثل ماتقولين هو ما يدري فانتي بتضطرين تصرحين او تلمحين عن مشاعرج فكري بردت فعله !! يمكن ما تكون نفس ماتتوقعين !!شو راح يكون موقفج !!!