تجمع شهر 7 /8/9 /2014

[عذيج الريم]

سلام الله عليكم

الله يسهل على كل حامل يارب

انا سويت فحص بس وللحين ما اعرف انا باي اسبوع او باي شهر

بس اتوقع نهاية الثاني او اول الثالث

اخر دورة لي 2-11

واتوقع موعدي يكون اول ثمانيه او نص ثمانيه

عمري 21 سنه

و عندي ولد عمره 5 سنين

وهذا الثاني باذن الله يطلع بالسلامه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت غافان]

صباح الخير

حبايبي زهرمار و Hala
الله يقر عينكم بشوفة ضناكم يا رب امييين

اليوم ما فيني لوعة
اخاف اقول هالكلام وترد اللوعة

بنات صدق موضوعنا بارد وايد
يالله سولفو

[مهرووووووه]

الوحام وايد صعب.. الله يهونه علينا.. انا موظفه ووايد اتعب فتره الصبح!!
ف ايام الجمعه والسبت احس عمري شوي احسن من ايام الاسبوع؟؟؟... مدري ليش

انا من اسبوع خذت حبوب زافرون عن اللوعه.. لاني هلكت

[زهرمار]

صباح الخير

حبايبي زهرمار و Hala
الله يقر عينكم بشوفة ضناكم يا رب امييين

اليوم ما فيني لوعة
اخاف اقول هالكلام وترد اللوعة

بنات صدق موضوعنا بارد وايد
يالله سولفو

اللهم أمين يارب

صدق الوحام جداً متعب خاصه الصبح
الله يكون ف عونا يارب

[غايه 13]

مبروك فديتج عالحمل وربي يثبت حملج يارب

انا من أسبوع الخامس بدا معاي عوارض الحمل والحمدالله

الله يبارك فيج حبوبه ..تسلمين ... امين ويثبت حملج يارب

[غايه 13]

السلام عليكم ورحمة الله وبركاته
سوري كنت تعبانه قبل يومين
والحمدلله ع كل حال
رحت مراجعتي بالخميس وقالت لي الدكتورة البيبي نزل
وعطتني حبوب واجازة مرضية اسبوع
والحمدلله ع كل حال
.
.
حاليا ما افكر فالحمل ماجله الموضوع لبعد 9 شهور جي خخخخخ
والله يسهل عليكم... والسموحه عاد ما بدش التجمع مرة ثانية...

الله يعوضج ان شاءالله

[Hala-]

آمين بنت غافان
انا مو حاسه بالوحام ولا شي الا مرات قليله احس بلوعه الصبح ومرات دوخه خفيفه
:/ خاطري اتوحم واتدلع على زوجي
وزني زايد ومقهوووره .. قاعده بالبيت وأبلع قبل الحمل كنت 58 ونص
بشهر صرت 60 ونص باقيلي 4 كيلو واصير انا وزوجي نفس الوزن هههههههههههههههههه
احس اني صايره اشم كل شي واتقرف من الروائح واكره ريحة الصاله اضل اشم فيها ريحة زفرة بيض واقعد انظف ومطهرات واعيد التنظيف وزوجي يقول مافي ريحه مادري من وين تشمي هالاشياء
اتوقع انا بالاسبوع السادس الدكتور قال المره الجايه بتسمعي دقات قلب الجنين .. ماعرف صح ينسمع بالشهر الثاني؟

[راقية بطبعها]

حلا قولي الحمدلله وحامج خفيف
انا بعد جيه ما تعبت غير من اللوعة و كله ابغي أنام
يوم اشوف اللي أعرفهم حالتهم مأساوية يستفرغون كل شوي
وما يقدرون يطلعون ولا يروحون مكان و ما يتحملون الاكل
وبعضهم يترقدون فالمستشفى تحت المراقبه و مغذي
الحمدلله وحامنا نعمة بالمقارنة مع غيرنا
النبض ينسمع من الأسبوع السادس بس انا سمعته السابع
وجنس البيبي ينعرف من الأسبوع 13

[عذيج الريم]

الله يعني انا بقدر اسمع نبض الجنين حاليا

قاعده على اعصابي ودي اروح العيادة اشوف الياهل واتطمن عليه

انا قبل عندي اكياس خوفي موجوده بعدها وتشكل خطر على الجنين

[Hala-]

عذيج الريم
فديتك ان شاء الله ما فيه الا العافيه وربك الحافظ استودعيه عند ربك وما يصيبه شي باذن الله
"اللهم إني أستودعك جنيني الذي في رحمي، أنت الذي لا تضيع ودائعك يا الله"

راقية بطبعها شوقتيني 3>
مرتين مابين الجنين اتمنى المره الجايه يبين واشوفه حبيب قلبي
والحمد لله انه ما نستفرغ بس كرهت السكر اسوي نسكافيه بدون سكر من قبل لا ادري اني حامل باسبوع كرهت السكر
عاد مادري اللي تكره الحلو تجيب ولد ولا بنت

[Best_A]

صباح الخير

الله يتمم على خير يارب

و ان شاء الله وحامكم يكون سهل

[بنت غافان]

صباح النوووور

Hala ضحكتيني
تبين تتوحمين عشان تتدلعين على ريلج
سوي عمرج تعبانة شوية واطلبي اللي خاطرج فيه
بس لا اتقولين ابا اتوحم والله الوحام عذااااااااااب
انا ابا اييب وايد عيال بس كل ما اتذكر الوحام اهون
يالله ان شا الله يعدي هالشهر على خير ويخلص وحامي
لايعة جبدي من غرفتي اكررررههههها

اليوم دخلت الشهر الثالث على حسبة الدكتورة

[مهرووووووه]

قال تدلع على ريلها قال

مثلي عليه انج تعبانه.. انا هلكت من الوحاااااام

[عذيج الريم]

حبايبي نبا نسوي لسته كل وحده تكتب تاريخ ولادتها واللي تعرف شو جنس الجنين تحط

وكل ما نفتح موضوع يديد نحط اللسته باول شي

عذيج الريم
9-8-2014

[زهرمار]

نواري
٢٤/٨/٢٠١٤