انا مضايقه

[اماراتيه ع]

مرحبا اخواتي ....من زمان ما دخلت وشاركت بسبب مشاغلي...الحمد لله....بس اليوم مضايقه وايد وتذكرت المنتدى افضفض لاني ما قدرت اقول لحد...المهم انا امس فتحت تلفون ريلي وشفت حوار بينه وبين وحده ويوم جاء سالته منو هاي قال هاي واحد من الشباب يلعوزني مب بنت وعصب علي قال ليش تشكين انا ما عندي هاي السوالف تعرفين لو ابا شي بتزوج ما بلعب بس انتي الغيرة مالتج بتفرقنا وزعل وطلع....واليوم ما يكلمني ولا يعبرني مع العلم اني اعتذرت قبل لا انام بس ما عبرني....واليوم انا مضايقه مرة وتعبانه ما اعرف شو اسوي ....الله يحنن قلبه علي ادعولي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حبيبة كلود]

حركاتهم هم عادي لانهم ريايل مايعبهم شي فطبعي بيقولج هالقصة انة ربيعي المهم سويتي اللي عليج طنشي وعيشي حياتج بس بتعبين عقب

[كريستال]

ما في داعي تفتشين في موبايله خلي الثقة بينج وبينه وشي طبيعي الريال ما يعرف بذنبه
أسالي نفسج أنتي شو استفدتي الحين ؟
والريال ما يحب حد يبحث وراه ابدا ويحاسبه
ولو شفتي شي اسكتي ما في داعي تواجهيه أبدا
دام هو معاج زين تركي العالم كله وخلج مع ريلج بين عيونج

الله يسهل همج ويبعد عنكم الشر اللهم امين

[ام زايدالغالي]

ماحب هالاسلوب تفتيش الزوجه
يعني كأنها تقول للهم تعالي لك وحشه
خلاص اللي صار صار
والحين حسسيه انج صدقتيه حتى لو احساسك العكس

والله يوفقكم

[عطر 77]

الله يفرج همج

[راقية بطبعها]

لو انا منج بقوله اذا زخيت فوني وشفت ربيعتي ترمسني على أنها واحد من الشباب لا تزعل ترى سوالف!
ياربي من الرياييل يوم يجذبون الشيطان ما يقدر عليهم..
عموما انا ضد أن الوحده تمسك تيلفون ريلها، نظريتي خلني مرتاحه وماعرف احسن عن ويع القلب لأن الريال اللعاب يوم بيخون عنده الف طريقة وطريقة

[في أمل]

صح المفروض الوحده ما تفتش تلفون ريلها وانتي أكيد بتضايقين لو فتش تلفونج حتى لو ما فيه شيء

[Mall.08]

الله يهدي سركم !!!!

[غنج البداوه]

طنشي فديتج مهمى لعب فالأخير بيرد لج

وريال حتى لو غلطان بيرد الغلط عليج

[اماراتيه ع]

انا ما افتش بس كنت يالسه اشوف انا دايما اطالع عادي وهو يطالع تلفوني بس ما اعرف ليش عصب مو اول مرة اشل تلفونه بس ادعولي انا وايد تعبانه

[زم_قمر_ان]

لا تزعلين استودعيه الله يحفظه لج

[مراسيل الوفاآ]

ليش تفتشين؟، اذا شاكه ف شي واجهيه ورمسيه بدون لف ودوران

[بنت بوظبـي]

لا تزعلين استودعيه الله يحفظه لج

[أم محمد11]

الغالية انا مريت بمواقف نفس مواقفج هذي ولكني مابينت له اني عرفت وخطأ كبير تبين له انج عرفتي وانج تسامحينه المفروض يكون الصمت ردج على اللي سواه وساعتها بيندم وبيعدل سلوكه
نصيحتي لج الغالية طنشي الموضوع واعتقد وايدين من الرياييل لهم مثل هذا العالم الخاص المخفي واللي يحسون به باستقلالية وتجديد لجو العزوبية عندهم واللي يحنون له دوم...وانتي بذكائج واسلوبج خليه يندم انه رمس حد غيرج في الموبايل يعني خليج فرفوشة ومش نكدية وحزينة على طول وخلي بيدج تيلفونج وطرشي المسجات اذا كان بيده الموبايل ماله وعنده شات يعني حسسيه انه عندج عالمج الخاص مثل ماهو عنده واذابيلعب برايه حسابه عند ربه و الا العتب مابيفيد

مرحبا اخواتي ....من زمان ما دخلت وشاركت بسبب مشاغلي...الحمد لله....بس اليوم مضايقه وايد وتذكرت المنتدى افضفض لاني ما قدرت اقول لحد...المهم انا امس فتحت تلفون ريلي وشفت حوار بينه وبين وحده ويوم جاء سالته منو هاي قال هاي واحد من الشباب يلعوزني مب بنت وعصب علي قال ليش تشكين انا ما عندي هاي السوالف تعرفين لو ابا شي بتزوج ما بلعب بس انتي الغيرة مالتج بتفرقنا وزعل وطلع....واليوم ما يكلمني ولا يعبرني مع العلم اني اعتذرت قبل لا انام بس ما عبرني....واليوم انا مضايقه مرة وتعبانه ما اعرف شو اسوي ....الله يحنن قلبه علي ادعولي

[امراه]

عادي قليل تحصلين ريال خالي الحين فعيشي حياتج واتوكلي على الله