ضايقة فيني الوسيعة

**أسرار حياة** · 2013-10-30, 16:20

السلام عليكم بنات

وايد ترددت لين اكتب مشكلتي.. ويارب ما اندم

انا تزوجت وعمري 17 وحاليا 25 يعني تقريبا 8 سنوات.. وكانت حياتنا حلوة ونحن اوكي مع بعض

لين قبل سنتين صارت مشاكل الدنيا كلها لان كنا ساكنين مع اهل ريلي (بد الموضوع غيرة حريم اخوان)..لين الكل ضدي بدون سبب مع ان مكان عندي وقت اسوي مشاكل وطبعي مسالمة

وكانوا اهل ريلي يحنون عليه ويتصلون فيه يكلمونه عني (يكرهونه فيني ويبونه يطلقني).. وهو ماكان يخبرني وهو كان بعيد عني فالدوام ومايعرف الصدق شو (دوامه شهر بشهر)

مشكلته ان ما صارحني وبالعكس ابتعد وصار مايتصل ولا يكلمني.. ايامها تعبت وايد نفسيا .. الكل مني والدرب يبون يسبوني ويضربوني انا وعيالي حتى يهالهم وماكنت اعرف ليش وشو يخططون .. يارب لا تعيدها من ايام

كنت بس ابي اكلم حد اشكيله.. وللاسف لان ريلي مايرد علي ولا يتصل وانا الدنيا صاكة فيني كلمت كذا حد فالنت .. كنت اشكي لهم وبالمرة مثل انتقم وانا ماكنت ادري بالضغط ع ريلي

واحد تم يصر ان يسمع صوتي ويكلمي بالفون .. وتم يقنعني عطيني رقمج عادي شو بسوي فيج.. قلت اوعدني ما اتم تتصل لي ولا تقول تعلقت فيج او احبج واتم تكلمني.. جان يقول لا مستحيل لان خلاص ماعاد عندي قلب..

وللاسف كلمته .. وارتحت يومين لان كنت اشكيله وهو ينصحني وجي.. عقب يومين قلت له مابي اكلمك لان ها شي غلللللط.. تم يقنعني ان عادي وكلميني وانا لان مالي تجارب جي هبلة قلت اوكي بس الحين

وصار الاخس تم يصر يشوفني.. قلت بطرش صورتي

.. وللاسف طرشت (ماعرف كيف كنت افكر).. وبالعكس زاد اصراره يشوفني.. وللاسف شفته مرتين

ومن عقبها مب راضي يخليني في حالي .. اترجاه يفكني يقعد يصييح ويترجاني اتم اكلمه ومااخليه ويكسر خاطري

عقب جي كملت اسبوعين حسيت لا مستحيل اتم اكلمه وها غلط ولازم اتوب.. وخبرته يقول اعرف حصلتي واحد ثاني (شدخل!!)

شفت ان ماشي فايدة منه ان مب راضي يخليني (كان يعرف سامي عيالي وشكلهم وحتى ريللي)

قررت اغلق فوني اللي كان يتصل له.. وفلا سكرته شهر وريلي كان مستغرب ليش سكرته فقررت ارد افتحه ولو اتصل بقوله انا كم مرة قلت وانت مب راضي تفهم

طلع الاخ فهالشر ماخلى حد ماقاله عني وان لو يعرفوني عسب يحصلوني حقه وماخلى مكان مادورني وربعه طلعوله الرقم كان باسم منو (كان باسم ريلي فعرف اسم ريلي بالكامل)

اتصل ورديت انصدمت انه يصييييح ان الحمدلله مافيج شي كنت خايف صار ل شي..

وقلت له خلني في حالي ولاتفكر فيني ودورلك حد يبيك (لان كان كله يقول نه يرقم وكل فترة يكلم بنت وانه حركات)

كنت احس صج ما يسوا علي كلمته 10 ايام واونه تعلق فيني وفهال 10 ايام كل يوم كنت اقول مابي اكلمك!!!!

وخبرني ان يعرف كل شي عني وجي .. قلت خلك قد كلمتك قبل وخليني في حالي .. ولو صار وشفتني سو نفسك ماتعرفني وانا بعد جي بسوي
ولو صدق تحبني بتحب لي الخير ومابتسويلي مشاكل.. قال عادي خل يعرف ريلج ويطلقج وبتزوجج

قل له شفيك انا قلت مشاكل بس انا احب ريلي واموت فيه وماحب اي حد ثاني

وطبعا انا حسيت انه خايس وي وهو يحلف انه مايبي شي

وانا تميت ع رايي ومابي اكلمه.. قال خلاص سلميني صورتي يد بيد (كان عاطني صورته مع ان قلت له مابيها) .. قلت ياولد الناس بخليها لك فمكان وروح شلها او بحرقها لو تبي وخلاص

تم مصر ان اييبها .. والله والله كنت خايفة قلت بعطيه وبشرد

جان ايي يركب سيارتي .. وصار شي وكرهت نفسي واستحقرت عمري

ولو فيني عقل واحساس خلاص لازم اكون تعلمت..

المهم انا اتصلت له وقلت له انا مابيك تتصل لي ولو اتصلت باشتكي عليك.. تم يترجااااني وانه هو ماكان قصده وان انا اللل ابي

.. جان اقول دام السالفة انا ابي!! خلاص انا مابي اكلمك مابي اشيل اثمي واثم غيري

وتم يصييح ويحلف مابيسوي جي مرة ثانية.. طبعا مارضيت اصلا انا ماعرف كيف مرت هالايام كنت كله اصيح واقرا قران واستغفر واحس بنار جهنم بجوفي وماتبرد

لين الحين انا كل يوم اطلب المغفرة من رب العالمين.. انا تبت توبة نصوح

وقلت له سو اللي تسويه وقول اللي تقوله .. مستحيل اكلمك .. ياخي لو عندك ذره احساس حس.. وحاولت استفزه عسب لايفكر يرد يتصل لي.. جان يغلط علي وقلت له صح انا جي عيل لاتكلمني.. جان يقول بتشوفين بتدوريني فالمستقبل لان عمرج مابتحصلين شراتي (انا ابي افتك منك اروح ادور ع شراتك!!!

) وحاول يكسر خاطري بس انا كنت مستحيل اسمع واخر شي قال انامظلوم ومصير الحي يتلاقى وبذكرج..

ما اخفيكم اول فترة كنت خايفة يسويلي مشاكل .. هو قالي عايلته وامارته وكانت شرات واحد معاي فالدوام,, شكيت ان يعرفه او من اهله وخاصة ان هاللي معاي فالدوام حسيت يحتقرني هالفترة وشكيت يعرف شي وحاولت اشل هالوسواس لان هذاك مايعرف اسمي بالكامل ونسيت يعرف اشكال واسامي عيالي وتقريبا كل اللي معاي فالدوام يعرفون فعادي لو قاله بيعرفني..

هو قبل لما كان يقنعني ان عادي اكلمه قال عن البنت الوحيدة اللي حبها وخلته وان الحين عادي جنه مايعرفون بعض.. وكان يعرفها سنتين وقال انتي عرفتج اقل من شهر وحبيتج اكثر منها مليون مرة..

المههههههههههم والسالفة الاهم

الموضوع هذاك صار له سنة.. وانا نسيت شكله ماذكره عدل
وكنت مأجزة من الدوام مال شهرين وخلال هالشهرين مادري ليش يالي احساس ان خل ادور مكان ثاني ان يمكن يداوم عندنا.. عقب شلت الوسواس

رجعت الدوام عقب الاجازة. اول اسبوع مر عادي .. وثاني اسبوع لمحت واحد حسيته مألوف.. حاولت اركز وقلت يمكن هذاك (ماتذكره عدل)

وكان قاعد مع الموظف اللي قبل شكين ان من اهله.. جان اتعوذ من ابليس وقلت يتهيأ لي

ونشيت من مكاني وشافني وانصدم وتم يتطالعني ان مثل يعرفني.. ولما شفته سوا عمره يلعب بالموبايل ويشوفني بطرف عينه.. جان انا انصدم لما شفته جي وتأكدت ان هو

وسألت ربيعتي هذيل منو جان تقول موظفين يداد في قسمنا..جهزي نفسج اكيد بيخلونج تشرحين لهم

والحين طبعا مصدومة وخايفة.. اخاف يخبر اللي من اهله ويخبرون الشباب ويزيد اشيا من عنده وعاد الشباب عندنا يحبون القيل والقال.. والكل يعرفني فبفتضح

واخاف يوصل الكلام لريلي.. واصلا احس مابقدر اتحمل اشوفه وبتم احس بالذنب والغضب من رب العالمين.. انا ماشفته هاك الزود لان توا مداوم وهالكثر فيني لوعة واحس مب طايجة والمكان وبرجع وكله استغفر

طبعا الحين توبة اخبر حد عن حياتي اني فرحانة او لا .. كفاية اللي صابني
حتى حق اهلي

بنات ابي رايكم .. شوروا علي شو اسوي

ادري وايد طولت عليكم صدق صدق ضايقة فيني الوسيعة

ربي يستر علي وعلى الجميع يارب

المزيد من آخر المواضيع من نفس القسم:

**ام براق** · 2013-10-30, 16:40

والله الله يعييينج. كل انسان يغلط اتكون ف عوااقب وخيمه. وانتي تعرفين مدى حجم غلطتج. الله يعييينج هذيل الشباب ما يخوفوووون ان شا الله البنااات يسااعدونج انا مال غير اني ادعيلج.

**أسرار حياة** · 2013-10-30, 19:08

مشكووورة اختي على ردج .. واتريا رد باي البنات ولو بدعوة

**كسوله وادلع** · 2013-10-30, 20:20

الله يستر عليج ان شاء الله
دامج تبتي خلاص
شلي الوساوس من راسج
ربي يستر عليج

**شعاع امل** · 2013-10-30, 20:30

خلاص اختي انتي تبتي وخلاص

لو حسيتي في مشكله

غيري مكان العمل وخلاص

**sweet_AD** · 2013-10-30, 20:51

يقول المصطفى الحبيب صلى الله عليه وسلم

" كل ابن آدم خطاء وخير الخطائين التوابون " رواه الترمذي

من رحمة الله علينا أن جعل باب التوبه مفتوح,,,

فالله يستر عليج وعلينا يارب وماعليج غير الاستغفار والتوبه النصوح والله يهديج ويثبتج يارب

واكيد اني حاس فيج واحس شي يخوف والله وموقف صعب انا لو مكانج بتحاشى كل شي حتى الوقوف قدامه واذا حسيتي ان الموقف وايد محرج اطلبي نقلج يكون احس,,, والله يستر عليج وعلى كل مسلم

**A+k** · 2013-10-30, 21:23

الله يكون بعونج. سوي عمرج عادية ولا تحسينه انج خائفة منه وسوي له طاف لو حاول يتقرب منج. والله يستر

**{ آحلى دلع ..** · 2013-10-30, 21:26

الله يستر عليج يآرب

يتني نفضة وانا اقرا موضؤعج

**NiceLondon** · 2013-10-30, 21:33

الله عينج غناتي ما الومج الوم ريلج اهماله لج انتي محتاية اهتمام وحنان من ريلج لكن كان بعيد عنج لكن
من نشوف العكس حرمة مطنشة وريل يدور حنان من حرمة ثانية شو نقول نحن

الله المستعان وربي يستر عليج حبيبتي بدعيلج أنه الله يستر عليج ويحنن قلب ريلج

**أنا هي** · 2013-10-30, 23:02

الصراحه من كلامج حسيت إنج صج تبتي .مع إن الشي اللي سويتيه مب هين وحتى لو كان سببه ريلجواهماله
بس ربي يثبتج ان شاء الله ويصلح حالج ..
وإما عن هذاك يا إنج اتغيرين دوامج أو اتخلين الامور على ماهي عليه ترا للحين ماصار شي ..
ولو قال شي ترا فذمته ..يعني انتي مابترومين اتيودين لسانه ..وهم اكيد عارفينج ف الدوام وعارفين اخلاقج..
فلاتخلين القيل والقال يأثر عليج ..\
وربي يستر عليح دنيا وآخره ويعطيج ع قد نيتج ..

**ملاك92** · 2013-10-30, 23:29

إذا في مجال كلمي المسؤول يغير مكان شغلج
رقم اثنين اتجاهليه كثر ما تقدرين
و ثالثا سوي عمرج عادية ولا كانت أتعرفينه

**oneroze** · 2013-10-31, 01:16

الله يستر عليج لا تعطينه ويه ولاتبتسمين له خليج شديدة و قوية
اخطيتي مرة لا تخطين مرة ثانية ...

**لأنني مختلفة** · 2013-10-31, 01:41

والله ماعرف شو اقولج
اختي عليج بالدعاء ان الله يفكج من شر هالريال

لو في مجال تطلعين من الدوام وتفكين عمرج
او تطلبين نقل لقسم ثاني عشان ما تحتكين فيه

**شوق الدروب** · 2013-10-31, 08:33

أول شئ الحمدلله انج تبتي واستغفرتي ربج وثاني شئ ياحبيبتي ابدا لاتفكرين تعيدينها لانه حل المشاكل الزوجيه تكون بالإستعانه برب العالمين وبتشوفين كيف حياتج بتتغير الغاليه
وعلى طاري الشغل خليه يقول الي يقوله دام انج في السليم والحمدلله انه اخلاقج عاليه ماعليج منه
الله يسعدج الغاليه

**شوق الدروب** · 2013-10-31, 08:33

أول شئ الحمدلله انج تبتي واستغفرتي ربج وثاني شئ ياحبيبتي ابدا لاتفكرين تعيدينها لانه حل المشاكل الزوجيه تكون بالإستعانه برب العالمين وبتشوفين كيف حياتج بتتغير الغاليه
وعلى طاري الشغل خليه يقول الي يقوله دام انج في السليم والحمدلله انه اخلاقج عاليه ماعليج منه
الله يسعدج الغاليه

الموضوع: ضايقة فيني الوسيعة

أدوات الموضوع

عرض

ضايقة فيني الوسيعة

المزيد من آخر المواضيع من نفس القسم:

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

رد: ضايقة فيني الوسيعة

المواضيع المتشابهه

ضايجة فيني الوسيعة.، مالي غيركن خواتي

ماحب اخلي حياتي كتاب مفتوح بس ضاقت فيني الوسيعة ..

ضايقة بي الدنيا ووين ماطقها عوية

ضايقة الدنيا

ضايقة حدي من البشاكير