تجربتي للحلاوة على المنطقة الحساسه تفضلوا

**أم اصايل** · 2013-10-30, 03:32

السلام عليكم

ما ادري من وين ابدا بالموضوع
صراحه تشائمت من تجربة الحلاوه على المنطقه الحساسه ، مع اني منزله من زمان موضوع عن اضراره بس مب متاكده من صحة المعلومات اللي فيه فمره تشجعت قلت خلني اجرب الحلاوه و النعومه لمدة شهر.

المهم موضوعي ان اشتريت مخدر املا و فعلا كان يخدر بنسبة 80 بالميه ، قمت من بعد ساعه من وضع المخدر احف المنطقه بحلاوه ، و ليتني ما سويت هالشي

صوب جبهة العانه صار فيه اسمرار و تكتل بالدم و للحين ما راح ، و صوب منطقة الاشفار تحسست و التهب عندي و صار يعورني حيل قمت حطيت عليهن كريم فيوسيدين المضاد للالتهابات و الحمدلله بدا الالم يخف عن قبل.

قبل يوم كنت استمر على الموس بعنايتي الخاصه ما كان يظهرلي الشعر بسرعه و لا يظهر سواد

و لا حبوب الحمدلله بالعكس كانت المنطقه تبارك الله ما شاء الله حلوه و مشدوده و ناعمه.

اللحين بسبب الاسوداد لازم اراجع دكتوره ان مكنتني الظروف و اتعالج لاني مستحيل اخليه مب متقبلتنه ابدا ، و بخصوص الالتهاب و الحساسيه اللي صارت للاشفار خفت وايد عن قبل بس بعد بستشير الدكتوره الجلديه.

رجاء أنا بموضوعي هذا ما ابغي تستوي ضرابات وحده تقول الحلاوه انظف و الموس وع يلوع الجبد أو الموس اسهل و احلى عن الحلاوه ، هدفي من الموضوع كل وحده تدور على الطريقة اللي تناسبها ، سبحان الله اعرف ناس الموس يسبب لهم سواد و التهابات او حبوب و اعرف ناس مستمره على الموس و امورهم طيبه الحمدلله ما يشكون شيء.

كل جسم يختلف من بنت للثانيه ، مب شرط وحده مدحت طريقه يعني تناسب الكل ، لازم نراعي درجة الحساسيه اللي بجسمنا.
و أنا صراحه دام ما ناسبتني الحلاوه يمكن اجرب الة براون لنتف الشعر من الجذور بشوف ان ناسبني بتوكل استخدمه متى ما حبيت ، و إذا ما ناسبني لا يكلف الله نفسا الا وسعها ، برد اهتم بنفسي شرات طريقتي للموس او طريقتي باستخدام اداة الحلاقه اللي بآلة براون.

المزيد من آخر المواضيع من نفس القسم:

**zozo zooz** · 2013-10-30, 04:26

احسن طريقة نتف الشعر بالبراون خياااال
بس كتير بتوجع لازم تستخدمي مخدر املا وبعدين البراون
والشعر بطلع بعد اسبوعين تقريبا

**ام-مريم** · 2013-10-30, 07:08

الموس يكثف الشعر ويطلعه بسرعه

**أم راشد~** · 2013-10-30, 07:51

صباح الخير ..
صح يختلف من جسم لجسم ..
أنا ما استخدم غير الحلاوة ومرتاحة لها بس في فترة حمالي الأول استخدمت شفرة كنت خايفة من الحلاوة لكن ما حبيتها لأن الشعر يطلع بسرعه وعقب ما ربيت رجعت للحلاوة ولا فكرت ارجع للشفرة ..
بس احيانا اعاني من حبوب بس لجأت للتقشير اليومي والسدر واايد ارتحت ..
بس ف النهاية هو يعتمد على الجسم وعلى شو انتي معودة جسمج ..
من الناحية الاسمرار عانيت منه من الاثنين ..
شو حله؟!

**ماما سلطان** · 2013-10-30, 10:26

الرسول صلى الله عليه وسلم وصى بحلق العانة ونتف شعر الابط.... واكتشفوا إن ازالة شعر العانة من الجذور يسبب البرود الجنسي وهبوط الرحم على المدى البعيد.... وبالتوفيق....

**كوكي الكتكوته** · 2013-10-30, 13:57

انا عكسج . الموس مسودلي المنطقه ومطلعلي حبوب ، وشكله فضيع المنطقه الحساسه عندي ،،، بس بما اني بعدني صغيره مابهتم لشكله يوم ابا اعرس بعالج عند الدكتوره اما الحلاوه عمري ماجربتها ولا المكينه اخاف من العوار وايد

وان شاء الله موفقه

**Lady Reem** · 2013-10-30, 14:31

سلامتج اختي ماتشوفين شر ،
انا استخدم الموس غصباً عني لان اسهل طريقة
لكن الشعر يطلع ثاني يوم وكثيف وحبوب وحالة
مستغربة من اللي يمدح هالطريقة ؟
يمكن طريقة استخدامي غلط ؟ مادري !!

دام انتي مريحتنج خبريني طريقتج اتمنى تيوزلي !!

وبالنسبة حق مخدر املا ممكن اشوف شكله ؟ و من وين ؟ وما له اضرار ع المنطقة؟
الحين افكر بآلة براون بس ماعرف اي نوع تقصدون ياريت اذا في صورة توضح ومشكوراات

**غدي امل** · 2013-10-30, 15:12

أم اصايل صدقتي كل وحده تختلف بشرتها عن الثانيه وفي منهن يرتاح للموس وفي لا

يمكن طريقتج كانت غلط عسب جيه سببت لج كدمه يمكن كنتي قاسيه وانتي تشدين

او كنتي ماخذه حلاوة وايد احسن طريقه تاخذين حبه صغيره وتفردينها جيه ما بتحسين بعوار

وان شاء الله ما بتسويلج كدمه ...

ماما سلطان منو اللي اكتشف هالشي واي دراسه اثبتت هالشي ؟؟؟

استغرب الصراحه من هالرمسه انا عن نفسي سألت دكاتره بالنت ومباشر

ومحد قالي هالمعلومه استغرب انها متداوله في المنتديات وين مصدرها ما عرف

وبعد سألت دار الافتاء عن اذا الحرمه حفت المنطقه بغير الموس هل يعتبر حرام

كلهم اكدولي ان الاهم النظافه وازالة الشعر بأي طريقه ترتاحيلها المهم اتباع السنه

بالنظافه وانا ما نتم اربعين يوم من غير تنظيف

اسمحولي على ردي الطويل

**أم اصايل** · 2013-10-30, 20:34

المشاركة الأصلية كتبت بواسطة غدي امل

أم اصايل صدقتي كل وحده تختلف بشرتها عن الثانيه وفي منهن يرتاح للموس وفي لا

يمكن طريقتج كانت غلط عسب جيه سببت لج كدمه يمكن كنتي قاسيه وانتي تشدين

او كنتي ماخذه حلاوة وايد احسن طريقه تاخذين حبه صغيره وتفردينها جيه ما بتحسين بعوار

وان شاء الله ما بتسويلج كدمه ...

ماما سلطان منو اللي اكتشف هالشي واي دراسه اثبتت هالشي ؟؟؟

استغرب الصراحه من هالرمسه انا عن نفسي سألت دكاتره بالنت ومباشر

ومحد قالي هالمعلومه استغرب انها متداوله في المنتديات وين مصدرها ما عرف

وبعد سألت دار الافتاء عن اذا الحرمه حفت المنطقه بغير الموس هل يعتبر حرام

كلهم اكدولي ان الاهم النظافه وازالة الشعر بأي طريقه ترتاحيلها المهم اتباع السنه

بالنظافه وانا ما نتم اربعين يوم من غير تنظيف

اسمحولي على ردي الطويل

الله وكيلج كنت احف كأني بحرب خخخخخ
أكيد دام سببلي كدمات معناته استخدامي غلط
بس ما عليج بحاول بالمرات اليايه بس بطرق ثانيه

مممم بالنسبة للمعلومات انها تسبب برود و جيه أنا يوم كنت صغيره كنت اصدق ع نياتي ، بس صراحه كبرت و فمهت و ما شفت لها دليل علمي ، و ما شاء الله اللي يحفون بالحلاوه ما قط سمعت وحده اشتكت من البرود او مشاكل بالاعصاب الحسيه بهالمنطقه.

بالنهايه فديتكم كل وحده و لها طريقتها الخاصه و أنا احترم كل وحده و كيفية اعتناءها للمنطقه ما بتفلسف ع راسها و بقول لها ان الحلاوه افضل او الموس افضل

بس بعدي مصره ع المره اليايه بحط مخدر املا و بجرب بمكينة براون تنتف من الجذور و بشوف شو اللي. يصير

**أم اصايل** · 2013-10-30, 20:38

المشاركة الأصلية كتبت بواسطة zozo zooz

احسن طريقة نتف الشعر بالبراون خياااال
بس كتير بتوجع لازم تستخدمي مخدر املا وبعدين البراون
والشعر بطلع بعد اسبوعين تقريبا

هيه خلاص أنا بعد بجرب بالبراون
يختي حامل و ادور الراحه و افتك من الشعر مده اطول

**أم اصايل** · 2013-10-30, 20:41

المشاركة الأصلية كتبت بواسطة ام-مريم

الموس يكثف الشعر ويطلعه بسرعه

صح كلامج حبوبتي

بس صراحه أنا قبل يوم استخدم الموس استخدمه بعنايتي الخاصه و اكون راضيه بالنتيجه الحمدلله

**أم اصايل** · 2013-10-30, 20:49

المشاركة الأصلية كتبت بواسطة أم راشد~

صباح الخير ..
صح يختلف من جسم لجسم ..
أنا ما استخدم غير الحلاوة ومرتاحة لها بس في فترة حمالي الأول استخدمت شفرة كنت خايفة من الحلاوة لكن ما حبيتها لأن الشعر يطلع بسرعه وعقب ما ربيت رجعت للحلاوة ولا فكرت ارجع للشفرة ..
بس احيانا اعاني من حبوب بس لجأت للتقشير اليومي والسدر واايد ارتحت ..
بس ف النهاية هو يعتمد على الجسم وعلى شو انتي معودة جسمج ..
من الناحية الاسمرار عانيت منه من الاثنين ..
شو حله؟!

يا مرحبا بأم راشد

بالحمال يوم يكبر البطن ما ترومين تاخذين راحتج بالحف سواء بالحلاوه او بموس و أي طريقه كانت تحسين ظهرج بينجلع خخخخ

و يالله هات يا مرايا و نقعد نبصبص على المنطقه لان الكروشه ساده الطريج هههههههههههه

بالنسبة للاسمرار شيكي يمكن من الرطوبه او تاكدي من الاندوير يكون قطني و هالله هالله بتجفيف المنطقه بعد كل حمام

يلا ما عليج مع تقشير و اسبوعي و ترطيب خاص بيخفف من الاسمرار اهم شيء لا تستسلمي حلاتنا احنا الحريم يوم نهتم بانوثتنا

**أم اصايل** · 2013-10-30, 20:59

المشاركة الأصلية كتبت بواسطة كوكي الكتكوته

انا عكسج . الموس مسودلي المنطقه ومطلعلي حبوب ، وشكله فضيع المنطقه الحساسه عندي ،،، بس بما اني بعدني صغيره مابهتم لشكله يوم ابا اعرس بعالج عند الدكتوره اما الحلاوه عمري ماجربتها ولا المكينه اخاف من العوار وايد

وان شاء الله موفقه

هلا فيج حبيبتي

صدقيني أكبر غلط انج تبدين تهتمين يوم جريب عرسج
اهتمي اول باول و كل نتيجة تبين بالتدريج مب من اول مره

و اشجعج تروحين عياده جلديه شيء حلو و بالمره يعطونج كورس اهتمام معين يناسبج.

فديتج دام الموس ما ناسبج مول دوري على حلول ثانيه اضمن لج لان ان استمريتي على الموس بالعكس راح يزيدلج من مشاكل المنطقه الحميمه و تصير غير مرضيه

انزين إذا ما تبين حلاوه حاليا شو رايج تجربين الحلاقه مال براون مريح و حلو و ما يسود بعد ابحثي عنه بالنت و استفيدي و لج القرار

**أم اصايل** · 2013-10-30, 21:09

المشاركة الأصلية كتبت بواسطة Lady Reem

سلامتج اختي ماتشوفين شر ،
انا استخدم الموس غصباً عني لان اسهل طريقة
لكن الشعر يطلع ثاني يوم وكثيف وحبوب وحالة
مستغربة من اللي يمدح هالطريقة ؟
يمكن طريقة استخدامي غلط ؟ مادري !!

دام انتي مريحتنج خبريني طريقتج اتمنى تيوزلي !!

وبالنسبة حق مخدر املا ممكن اشوف شكله ؟ و من وين ؟ وما له اضرار ع المنطقة؟
الحين افكر بآلة براون بس ماعرف اي نوع تقصدون ياريت اذا في صورة توضح ومشكوراات

الله يسلمج من الشر حبوبه

شوفي الغاليه موضوع مريم الشحي بالقسم هذا طريقتها الخاصه بالعنايه بالمنطقه الحساسه وايد بتستفيدين منه و انصحج تجربين طريقتها

مخدر املا موجود صورته بقوقل كتبي اسمه و بيظهر و طريقة استخدامه وايد حلو ناس يخدرهم خلال نص ساعه و ناس ساعه و نص على حسب و صراحه روعه يخفف الالم بنسبة كبيره و شوفي تجارب البنات بالنت عنه.

و الة براون اشتري اللي فيها العده كامله مالت الحف حتى ملحقات المنطقه الحساسه

**MAJIDA** · 2013-10-30, 22:17

مشكوره اختي

الموضوع: تجربتي للحلاوة على المنطقة الحساسه تفضلوا

أدوات الموضوع

عرض

تجربتي للحلاوة على المنطقة الحساسه تفضلوا

المزيد من آخر المواضيع من نفس القسم:

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

رد: تجربتي للحلاوة على المنطقة الحساسه تفضلوا

المواضيع المتشابهه

كيف اشل شعر المنطقة الحساسه ...........................؟

حبة ع المنطقة الحساسه

المنطقة الحساسه

المنطقة الحساسه

شعر المنطقة الحساسه