ابنتي ضاعت

[شنيوبة]

يا بنات عندي مشكلة كبيرة جدا اتمنى من كل قلبي مساعدة من الجميع ، عندي بنت في الصف الثاني الابتدائي ومشكلتها انها ما تأسست جيدا في الاول الابتدائي بسبب المدرسة الي دائما غايبه حتى انو خلص الكورس الاول من السنة وهم بعدهم في الدرس الثالث ، وفي النصف الثاني من المدرسة كملت معاهم الكتاب الاول والثاني بسرعة البرق شو اسوي ساعدوني بنتي ضاعت ، ما تعرف تركب كلمة او تقرا كلمة بالموت تقدر تكتب كلمات بسيطة جدا ، وفي الصف الثاني مطلوب منها تكتب جمل وتجاوب على الاسئلة بالكتابة مش شفوي ، انا افكر اني ارجعها الصف الاول عشان تتأسس عدل وامري لله ، لكن البنت ممتازة في باقي المواد درجاتها كلها فوق 94 ، شو تنصحوني اعمل .

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ro0o7_m]

حطيلها مدرسه فالبيت ..

[كل الرقة]

حطيلها مدرسة تاسسها من اول .. ماتعتمد على المنهج الحين يعني تدرسها صف اول صح...
كان المفرووض انج تسوين هالشي في الصيف علشان تكون مستعده للصف الثاني..

[ام شموه]

اختي الغاليه كان المفروض تحطينها فالصيف لان الحين وايد عليها دراستها ولا تاسيسها فالعربي المهم اختي انا انصحج تحطيلها معلمه ولا انتي بنفسج تخصصين وقت انج تقرينها وتملاينها كل يوم انا بنتي كانت ضعيفه فالعربي وباقي المواد ممتازه وجيه نصحتني معلمتها وقمت اسوي جيه الحين.

واسموحه منج الغاليه

[طي السنيين]

حطيلها مدرسة متخصصه لغه عربيه تأسسها لج من أول ويديد لا تخافين عليها بتتحسن وبتتميز بس من أحين شوفي مدرسه وتكون ممتازه

[خواطر©]

اختي انتي ليش مااهتميتي فيها من البداية

المفرووض تتابعين معاها..

وتعلمينها حتى في الاجازة قبل المدارس تدرسينها او تحطين لها مدرس..

حاولي من اليوم تتابعين معاها وحطي لها مدرسه اذا انتي مش فاضيه..
وممكن ترجعينا الصف الاول.. مافي اشكال دام هذا في صالحها

[Space Toon]

اشتريلها لعبة من مركز التعليم المبكر تخص هالشيء وبتجوفينها بروحها تسوي وتركب الحروف

بس لازم أتابعينها وخصصيلها ساعتين في نهاية الإسبوع تعلمينها اللي مضى تبع الصف الأول


وإن شاء الله ما بتضيع الحافظ الله

الله يوفقها

[رزينة]

أنا أخالفش في سالفة تردينا صف أول ابتدائي ،، حرام ضيعين سنة من عمرها

والحل مثل ما قالو الخوات حطيلها مدرسة في البيت تأسسها من أول وجديد

[&المزيونه&]

الله يعينج الصراحه 00000 انتي جربي اتحطين لها مدرسة لغه عربيه مثل ماقالوا خواتي 0000 وإن شاءالله خير00

[bentalbdo0]

حطيلها مدرسه فالبيت احسن الها

[إمارات الحب]

الله يكون في عونج ..

إنتي إهتمي فيها .. و حاولي دوم تذاكريلها أول بأول ..

و حتى في سالفة اللعب .. خليه لعب تعليمي ..
مثلا يوم بتطلعين معاها في السيارة العبي لعبة الحروف و الأرقام ..
يعني مثلا قوليلها دوريلي على رقم 1 (من لوحات أرقام السيايير)

يعني كل لعبة خليها لعبة تعليمية


و خذيلها من هالألعاب التعليمية ..

و خذيلها بعد سبورة تتعلم عليها .. في وااايد أنواع كثيرة يستانسون عليها اليهال و يحبون يرسمون عليها .. ومنه تتعلم الكتباة

و لصقي على يدران اليبت لوحات أ ب ت ث و معاها كلمات و الأعداد .. علشان كل ما تمشي تشوف و تحاول تقراه

و إن شاء الله كل شي يكون بخير

[afsm2002]

الله يوفقكم خواتي على هالردود الحلوة

مشكورين ما تقصرون