لو مكاني شو بسوون

[كرزه صفرا]

السلام عليكم ورحمة الله وبركاته


شحالكن عساكن بخير


استوي لي موقف مع وحده من البنات


انا ادرس والمشكله انا ووحده نخلص بنفس الوقت وانا اسوق وليسني توه يديد يعني مب متمكنه ميه بالميه من سواقه ..


والمشكله دايم تتصل لي وطرش مسجات انه تبا تسير وياي ...؟؟
اوقات اطنش واوقات ارد عليها ...

تقريبا وصلتها بيتها 3 مرات

احس اني مب ملزومه فيها اشلها واوصلها يعني صح بيتها مب بعيد ....

يعني قبل لا اسوق كنت دوم اتصل لها في بريكاتي ما ترد عليه

اطنشني ...

ووقت يوم تباني تتصل

رغم اني اطنشها الا بعدها تحاول

فما اعرف شو اسوي احسها مصلحه ... ويوم اشلها تكون امانه عندي

مثلا لو سويت حادث وماتت لا قدر الله


او اي شي ...؟؟؟


لو مكاني بتوصلوها .... والكورس تقريبا يخلص شهر 2 مع انها قبل تروح فالباص وصبح يشلها الباص ....؟؟؟


شو بسوون انتن ...؟؟

المزيد من آخر المواضيع من نفس القسم:

• النشرة الإخبارية الأسبوعية للمتداولين...
• إذا لم تجرب أساليب جديدة، لن تعرف الأفضل
• أوبك تتوقع زيادة في الطلب على النفط في عام...
• الدولار يواصل ارتفاعه مع بداية العام
• مايكروسوفت تتفوق على آبل لتصبح الشركة الأعلى...
• النشرة الإخبارية الأسبوعية للمتداولين...
• حتى لو كنت على الطريق الصحيح
• مؤشر نيكاي 225 يصل إلى أعلى مستوياته في...
• استمرار انخفاض التضخم في أستراليا، والزوج...
• البنك الوطني السويسري يتكبد خسائر بقيمة 3...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملاآك قلبكـ،،]

مابرد عليها
بخلي رقمها فالبلاك لست
واذا قالتلي ليش ماتردين
بقولها ماتصلتي فيني
وبراويها السجل مابيطلع رقمها

[munamoor]

مابرد عليها
بخلي رقمها فالبلاك لست
واذا قالتلي ليش ماتردين
بقولها ماتصلتي فيني
وبراويها السجل مابيطلع رقمها

انا ما احب البنات الي يركضون وراي عسب المصالح
و ربي أقوى طاف يا ختيه انا هب ملزومة بها

[شعاع امل]

هي بس يمكن حبت تخلص من موضوع الباص! وقالت بيتك قريب توصلينها بسياره اسهل لها واكشخ لها

بس المشكله انك مب ربيعتها ولا هي ربيعتك

ومافي بينكم سوالف ولا طلعات ولا زيارات لو وحده وهلها مايعرفون هلك اتصور


فليش هذي اللزقه


!

يعني فتره وخلاص

انا زمان كان عندي ربيعه كل الوقت معاها في المحاضرات وكل شي واعرف هلها ويعرفون بيتنا بس كانت تعتبرني لزقه!!!!

وامها ماتحب توصلني!

كيف عاد وحده مايعرفونها!!!!!

فاحسن شي يوم تتصل وتبعث مسجات تهربي قول لها عندي محاضره في هذا الوقت يعني انضافت على جدولي او مب راده البيت رايحه بيت قرايبي

معزومه

دوم سوي معها جي

اعرف بيتك قريب من بيتها وحلو الواحد يساعد اخوه الانسان بس انتي مب دراويل

[شعاع امل]

صار معاي موقع مع ربيعه دوم نلتقي في نهاية الاسبوع ونطول مع بعض ونطلع نتمشى السوق
اخرها انا اخذ تاكسي اروح البيت وهي تاخذ واحد لانها ماتسوق ولا انا

يوم اخذ اخوها ليسن

اخوها يديد في السواقه صار يوصلها وانا اروح في تاكسي

منظري كان مب حلو وايد يوم اخوها مثلا يرد لها السوق وتركب معاه وانا اركب تاكسي

هو عادي

فهي في البدايه قالت مااقدر اوصلك عشان اخوي يسوق جديد ونخاف نسوي حادث وهذا الكلام!!!

هي عندها وجهة نظر بس ماصدقتها عشان اختها نفس الشي ماخذه الليسن جديد وتسوق حتى مره صار لنا حادث بسيط معاها بس التاير بنشر!!!

بس قلت يمكن هو مايوافق او هي تريد ترد البيت بسرعه

اخر شي هي كلمته وافق حسيت بعصبيه بس هو يعرف بعد امي فيمكن سكت وامها كلمته انه مايصير فصار عادي يوصلني

بطريق رغم ان بيتهم ابعد عن بيتي وتوفير للتاكسي ومنه يدرب

بس نحن مب دوم نلتقي بس اخر الاسبوع ولكن يوم اركب معاه اخاف! لانه يديد ومرات مايفكر ويحب يسابق يعني مايعطي فرصه لحد ياي من فتحات ولفات

وللحين منحرجه يعني مرات ماركب معاهم اخاف هو مجبور

مااعرف في مرات الناس يحتاجون حد يوصلهم

بس اكتشفت ان التاكسي اشرف شي وعندي رقم وحده تاكسي حريمي اتصل عليها توصلني وين ماريد

مااعرف الناس صايره ماتحب تساعد


ماقصدك اختي

هي الاخت مثقله عليكي وغلط

[مراسيل الوفاآ]

قوليلها انج خبرتي اهلج وحذروج من خطوره هالشي
وانج مب مستعده تتحملين مسؤوليه حد خاصه انه
توج مطلعه الليسن، لا تتجنبينها . .

[candy box]

للرفع

[كتوف حبك كتوف]

لاتعطينها ويه ولله تحرقين اعصابج ع فاضي

[أم البراعم]

انا من راي لاتكذبين عليها وعطيها كاش في الويه قولي لها انتي قبل ماتدرين عني

واللحين صرت اسوق وكل يوم تتصلين فيني وانا ماحب الناس اللي تركض

ورا مصلحتها واسمحيلي ماقدر اوديج واييبج مرة ثانية اوووووووووووووو

نفس ماقالت وحده من البنات قولي لها ان اهلي يقولون ان انا توني ماخذة

الليسن ومايستوي اركب معاي بنات الناس سبحان الله يصير شي

ماقدر اتحمل مسؤولية احد

[شعاع امل]

هي المشكله يااختي الناس يوم ماتلاقي مصلحه من شخص يعطونه على طول في وجه حتى هي بعد تتذكره في مصلحتها!

هي حتى لو زاعجتنك مافي داعي تنفرينها منك


يوم تتصل قول لي لها باحرف الواحد مثل ماقالت الاخت مارسيل

سامحيني وماتزعلين مني انا ماقدر اوصلك صراحه انا مااعرف اسوق وايد واخاف اسوي حادث ولا سمح الله يصير فيكي شي

واسفه مااقدر

بهدوء

يوم بتمكن اسوق ان شاء الله على الكورسات اليايه بوصلك

وخلاص هي بتفهم

اذا قالت لا وماشاء الله سواقتك زينه

قولي انا اعرف نفسي سواقتي على قدي وماقصدي شي بس صعبه علي لو صار حادث انتي بعد ممكن تتحملين مسؤوليه انا مااتحمل

واذا زادت قولي

هلي خبروني

اذا ذكرت انتي بتتهربين مني

قول لي طبعا لا بس هذي مسؤوليه وانتي بعد كل ماكلمك تتهربين وقت ماتحتاجيني فلا تدخلينا في كلام ماله داعي

كل واحد يدور مصلحته!

بتحس وخلاص

يعني خذي الموقف بهدوء

[مجروحة وأكابر]

بصراحه ما اقتنعت بنات من المكتوب شو لو صار حادث و لو صار شي لو اهلها يدرون وهي على دربي مافيها شي محد يمسك القضاء والقدر عادي لو الناس انانيين مب معناته نكون نفسهم احس ما فيها شي ابدا لو مب على دربي معاكم حد بس لو على دربي شو المانع بالعكس بوصلها عادي وين المساعده و التعاون صار اي شي بسيط نسويه نحس ان الكل يستغلنا لا حشا ما بنتخالط جي عيل انا رايي وصليها لو على دربج ولا تنتظرين اجر منها

[مراسيل الوفاآ]

^

حتى لو اهلها يدرون اختي اتم مسؤوله عنها لين ما توصل البيت، يعني
لا سمح الله صار حادث وياها شي هل اهلها بيسكتون؟ خلنا نكون واقعيين
حتى لو اهلها يدرون بعد بتم بنتهم وياها شي وبيحطون ع فلانه اللي كانت
توصلها وهي السبب وعمرهم ما بينسوون هالشي، اذا الامهات يسوقن والعيال
وياهن وبعدهم يخافون من السرعه لانه ف ذمتهم ارواح ممكن يصير فيها شي بسبب
اهمالهم ما بالج بوحده غريبه ويصير فيها شي بسببي هل اهلها بيسكتون؟، ومن ناحيه
المساعده والتعاون، ترا البنت كانت تسير ف باص يوديها ويردها يعني المواصلات موجوده
ومثل ما قالت الاخت قبل لا تحصل الليسن ما كانت تسأل عنها والحينه حصلته وتقولها
وصليني! هذا هو الاستغلال اختي . .

[ام ريوما77]

صارحيهااا إذا ماتبيين توصلينهاا وياج

خليج واضحه وياهااا أحسن


والله يعينج

[supeer girl]

ف اخر كلاس اغلقي فونج وروحي خخخخخخخخ
ويوم بتسالج قولي فوني خربان او مافيه ارسال خخخ

حسيت عمري شريره يوم قلتلج هالكلام خخخ بس بصراحه قهر ،، يوم دورتيها مالقيتيها ويوم بغتج حصلتج ،، لا وبعد عندها مواصلات يعني جد مب ملزومه فيها
اخاف تتعود عليج وتتقيدين فيها

[كرزه صفرا]

كلامج صح ومقتنع