كيف ادلع نفسي ؟؟؟

**ام احلى بنات** · 2013-10-21, 14:25

السلام عليكم

بنات لا تضحكوون انا عندي شوية مشاكل من غيير ما أذكرها. بس دايما اشوف ردودكم بشكل عام على كل مشاكل البنات اهتمي بنفسج، دلعي عمرج،،، فقلت بسألكم شلوون بالضبط أدلع نفسي؟؟؟

يعني تقولون روحي الصالون رحت واستانست بس وقتها رجعت البيت نسيت كل شي، و رجعت لهموم و مشاكل البنات والبيت.

ولا تقولون الهي بصديقاتج لان ما عندي للأسف الا القليل وهم اصلا مشغولات بحياتهم الخاصة و ما عندي وقت اطلع برع البيت و اخلي البنات واصلا ما يجيني نفس اخليهم و اروح الهي بحالي.

رحت بتسوق ما اشتهيت اشتري لعمري الاولوية لبناتي و كل شي غالي نار.

وقتي كله مقسم بين شغلي و بناتي (مذاكرتهم، اكلهم ، لبسهم، تمشيطهم....الخ) وما افضى لعمري الا بعد ما ارجدهم كلهم يعني الساعة 10:30 تقريباً واذا رجدت البيبي الصغيرة تصحيني بالليل مرتين على الاقل هذا اذا متعافية موب مريضة ( الله يحفظها)

قولو لي شسوي؟؟؟؟؟؟ كيف اهتم بنفسي و بمظهري؟؟؟؟؟

او عالأقل ششتري؟؟؟

المزيد من آخر المواضيع من نفس القسم:

**زم_قمر_ان** · 2013-10-21, 15:03

حبيبتى احسج تبحثى عن السعاده لالا تدورى برا بيتج وحياتج

استمتعى معا بناتج وبيتج سوى واجباتج اليوميه بحب وحنان

واعطى وانتى مرتاحه لا تحسسى نفسج ان الواجبات شى مزعج

بالعكس قولى الحمدلله ان الله رزقج باطفال واحلى شي يوم اطلع اتشراء

ملابس البنات احس عالم غير الوان وتنسيق ربي يحفظهن لج

وحافظى على الاذكار وتحصين بيتج ونفسج وبناتج

والاستغفار لا تنسيه اى وقت وعلمى بناتج

بعد اى وقت يقعدون لازم يستغفرن علشان

ربي يرزقهن السعاده والفرح والمال

**ام احلى بنات** · 2013-10-21, 15:11

اختي زم-قمر-ان، يزاج الله الف خير حبيبتي ، بس يمكن ما عرفت اوضح نفسي، انا وااايد مستمتعة ببناتي و بيتي و اسوي كل اللي ذكرتيه تقريبا و بحب و حنان بس بالفترة الاخيرة حاسة اني ما اعطي نفسي اي شي. وحبيت آخذ افكار منكم خواتي.

**عشق طاهر** · 2013-10-21, 17:18

نصيحه مني لج

بذات بسوالف السوق

خصصي اغلب الطلعات للتمشيه فقط
مب مشترى

و خلي طلعتين بالشهر للمشترى

طلع تشترين للامورات بناتجً

وطلع تشترين فيها اغراض ولبس حقج وتكونين ملكه هاليوم

و فالبيت عدليهم و لبسيهم ومشطيهم
و خليهم يلعبون
وانتي ادخلي البسي وتعدلي و اكشخي و ارجعي لهم درسيهم

انا نفسيتي تتعب اذا ماكشخت في يوم
طبعاً مب كشخه عزايم
لا
حتى لو لابسه بجامه
اروح اتعطر و اتجحل و احط بلاشر و روج ثابت
و اسوي حركه بشعري

يوم اسوي جي احس عمري مرتاحه نفسياً
والحين عندي بنت

البسها و اعدلها و ارضعها وعقب دوري اهتم بعمري

و حتى فالطلعات

احدد الي ابا اشتريه لها
واخذ لها

اما انا احدد طلعه خاصه فيني اخذ الي اباه
واغلب الطلعات نخليها للوناسه مره سينما ومره نيلس بكوفي
مره جذي نتطمش عالمحلات
مره بر و مره بحر
يعني جذي مقضين الحياه

اول الشهر مولات وفشخره
واخر الشهر عالبحر ونتعشئ فلافل ههههههه اسووولف
بس يعني اتمنى انج فهمتي قصدي

و عن روحه الصوالين
انا ما احس فيها دلع
كله عوار ب عوار
حلاوه
فيشل
بدكير ومنكير يعور يوم ينظفون وجذي
ما احس في استمتاع كل ما احس انه نظافه
فالاستمتاع يكون لما تحسين انج مرتبه وحلوه
انتي بروحج بتحبين عمرج و بتكون فيج طاقه ايجابيه والكل بيجوفج بنفس نظرتج لنفسج

**biskoota81** · 2013-10-21, 18:52

حبيبتي الله يحفظ بناتج
انا فهمت قصدج مليتي من الروتين تبين شي جديد مع دلع ..نفس احساسي
اشتريت لي ميك اب جديد و كريمات و من اقوم الصبح طبعا كلهم في المدارس بس انا و البيبي في البيت
اول شي احط شوية كريمات و مرطب للشفايف و بعدين اروح الصالة اشغل الكوفي مشين مالي و يا سلااام على ريحة الكوفي
و اعدل راسي بذاك الكوفي و اتصفح الانستغرام و ادور أشياء جديدة أكلات حلويات مطاعم جديدة فساتين لوكات جديدة و اخبار العائلة
و بعدين ايي دور البيبي ااكلها و العبها و ارضعها و تنام و ارجع أنا حق عمري أروح أسوي حملة تفتيش على تنظيف البشكارة و أعور راسها شوية خخخخ لا ما تهون علي مسكينة بس لازم التفتيش و بعدين ايي وقت الفواكه أدلع نفسي يا اما بعصير فرش أو سلطة فواكه و أقعد أشوف التلفزيون لين ايي وقت استقبال اليهال و بعدين الغدا
و في الأيام اللي عندي فيها دوام طبعاً يخترب كل شي و أقوم الصبح اركض و البس اسرع شي عندي و احط كريم سن بلوك و العباية و بسرعة على السيارة و العصر مذاكرة و المغرب رياضة و بعدين قعدة مع اليهال سوالف و عشاء و نوم

**كتكوته21** · 2013-10-22, 10:33

المشاركة الأصلية كتبت بواسطة biskoota81

حبيبتي الله يحفظ بناتج
انا فهمت قصدج مليتي من الروتين تبين شي جديد مع دلع ..نفس احساسي
اشتريت لي ميك اب جديد و كريمات و من اقوم الصبح طبعا كلهم في المدارس بس انا و البيبي في البيت
اول شي احط شوية كريمات و مرطب للشفايف و بعدين اروح الصالة اشغل الكوفي مشين مالي و يا سلااام على ريحة الكوفي
و اعدل راسي بذاك الكوفي و اتصفح الانستغرام و ادور أشياء جديدة أكلات حلويات مطاعم جديدة فساتين لوكات جديدة و اخبار العائلة
و بعدين ايي دور البيبي ااكلها و العبها و ارضعها و تنام و ارجع أنا حق عمري أروح أسوي حملة تفتيش على تنظيف البشكارة و أعور راسها شوية خخخخ لا ما تهون علي مسكينة بس لازم التفتيش و بعدين ايي وقت الفواكه أدلع نفسي يا اما بعصير فرش أو سلطة فواكه و أقعد أشوف التلفزيون لين ايي وقت استقبال اليهال و بعدين الغدا
و في الأيام اللي عندي فيها دوام طبعاً يخترب كل شي و أقوم الصبح اركض و البس اسرع شي عندي و احط كريم سن بلوك و العباية و بسرعة على السيارة و العصر مذاكرة و المغرب رياضة و بعدين قعدة مع اليهال سوالف و عشاء و نوم

ماشاء الله الله يديم عليج النعمه وصحه والعافيه

عيبني جدولج ماشاء الله مرتبه وقتج عدل

**تاجره قمر** · 2013-10-22, 00:21

الله يسعدج

**ام احلى بنات** · 2013-10-22, 08:48

مشكورات خواتي على الرد.
عشق طاهر ، أنا صعب اني اتعطر لان بنتي الصغيرة فيها الربو و الدكتور منعنا منعا باتا عن استخدام اية عطور او بخور و روايح ، و موضوع اني يوم ارد من الدوام اتجحل و احط بلاشر احسه صعب بعد لان اول ما ارد من الدوام تكون بشرتي واايد تعبانة و موب متحمله اي شي.

**ام احلى بنات** · 2013-10-22, 08:49

biskoota81، حلو النظام اللي مستويته بس احس مناسب لج لان اعتقد ان دوامج شفتات موب مثلي من الصبح لين 4:30 العصر يعني اوصل البيت الساعة 5 تقريبا شو بقي في اليوم عشان اسوي شي.

**ام احلى بنات** · 2013-10-22, 08:50

تاجرة قمر، مشكور على الدعوة الحلوه ، و لكم مثلها وافضل منها بإذن الله.

**أنثـى** · 2013-10-22, 09:19

ربي يطرح فيج البركه ويحفظ لج بناتك من كل شر اللهم امين وتفرحين فيهم

اما عنج انتي فأستخدمي الكريمات المعطره للجسم بعد الشور طوالي لانج ممنوعه من العطور بسبب الربو الي في بنتج ربي يشفيها اللهم امين اما عن ويهج فلا ترهقينه بالميك أب فقط خلي بشرتج دايمآ نظيفه ولو كانت دهنية او مختلطه سويلها فيشل بالسبوع مره بروحج واالطريقه باليوتيوب مايقصر كل شي فيه،بعد الفيشل داومي كل يوم وقت انشغالج في البيت حطي هالخلطه البسيطه في تحضيرها والغنيه في مفعولها والي هي ماي ورد مكس نشا يعني تخلين الخلطه كريمي سايل وحطيه على ويهج ورقبتج بس لاتنسين بعد الفيشل طوالي ومن عقبها كل يوم مره وراح تشوفين ويهج مورد طبيعي وصحي لاميك أب ولا شي بيخربها ودايمآ حطي واقي الشمس 100 بتلقينه بالصيدليات خذي الشفاف او الأبيض اربع نقط ومسحي ظهر ايدج وويهج وروحي الدوام اهنيه شكلج صحييييي وروعه نفس الدكاتره مشرقين على الصبح لأنهم يخلون بشرتهم دايمآ (معقمه ونظيفه ومحميه) وعن الروتين حاولي تسوين رياضة بعد صلاة العشا واهم شي خلي عشا عيالج من سبع الى ثمان مو اكثر وعقب سوي معاهم رياضه حلوه تنفس عنج وعن روتينج وهذي الرياضه مهمه لج ولعيالج وظروري تعودين عيالج انهم ماينامون الظهر لنه هذا الشي بيرهقج معاهم بالليل ودايمآ خلي وجبة العشا لهم خفيفه علشان معدتهم ترتاح وهم نايمين، اما عن اهتماماتج بنفسج انصحج تدخلين اليوتيوب حطي السؤال وبييج الجواب ، بالتوفيج شيختي واتمنالج كل الخير لعايلتج الحلوة الله يحفظكم من كل شر اللهم امين

**احلى بعفويتي** · 2013-10-22, 10:03

هيه والله يوم يكون عندج بيبي واحد كيف تنسين روحج ما بالج باطفال ثانين ..
انا بقولج عن تجربتي مريت بمثل حالتج والله ...
انا عندي بنوته وحده بس ..
عقب ما طلعت من ال 40 رديت عند ريلي شقتنا ..
ماعندي خدامه و لا حد يساعدني ..
حسيت باني زبااااااااااااااااله ..
نونو كل ساعتين تصيح ..
ابي اروح اتسبح ع كيفي ما اقدر ..
كنت اخليها في سيكلها الهزاز وافتح باب الحمام واخليها مجابلتني و اتسبح اي شي ..
خذت جهاز الليزر المنزلي لان روحه مراكز التجميل ما تناسبني ..
اوكي ريلي كان يمسكها مال ساعه عقب ؟؟؟؟
يعني كنت احس اني مجرمه بحق نفسي .. والله ..

هاجس الاطفال قللته من عقلي ..
يعني اخليها ويا خدامتي عند بيت اختي تلعب ويا بنتها و تستانس و انا اطلع استانس ..
يوم نروح المول .. اخليها في الحضانه و لا بيت الالعاب ويا الخدامه و اطلع استانس و ادور واهيت ع كيفي ..
طبعا انا اداوم .. وبيتنا ماما ما تزخ اليهال عقب وقت الدوام ..
فيومين اخليها حق عمري ..
اطلع استانس بطريقه الي اباها .. صالون .. مساج و احينا افكر بالفلر صراحه واااايد
او طلعه تغير جو الحينا جو حلو و جي ..

يعني قللي اهتمامج بالاطفال شويه وعطيه هالوقت لنفسج ..
مو شرط دوووم انتي الي تاكلينهم ..
خلي حد 2 يشرف عليهم ..
ونتي حطي ماسك بارد و استرخي فهالوقت ..

**ام احلى بنات** · 2013-10-22, 10:34

فديتكم ع هالردود الحلوة

ع فكرة نسيت أقولكم إني موظفة وجانب كبير من حياتي قرضته الهموم بسبب مشاكل بعض المدير اللي ما يعرف الله وظروف العمل بس أنا هنا ماني حابه نمضي الموضوع في الهموم اللي أتعبتنا لا ... ؟
حابة إنو نقوي بعض ونشد من أزر بعض فالمرء ضعيف بنفسه قوي باخوانه، و حابه استفيد اكثر من تجاربكم خواتي.

**ام احلى بنات** · 2013-10-22, 10:41

أختي العزيزة أنتى،
والله انت انتي انثى بكلامج الحلو و شيخة الشيخات بعد.
لكم نفس الدعوة و افضل بإذن الله، حبيت استفسر منج عن بعض الامور المذكورة في ردج لي:
استخدام الكريمات المعطرة ما راح يهيج الربو عند البيبي؟
خلطة ماي الورد بالنشا ، ممكن توضحينها اكثر، على فكرة انا على مشارف الاربيعين ، عمري 34+سنة بس لان بعد ما جاني السكر سويت رجيم قاسي فقدت فيه 8 كيلو بظرف شهر واحد و هذا اكبر غلط سويته لانه طلع لي الخطوط و افكر اسوي فيلر و بوتكس اول ما تتسهل اموري انشاء الله.

واقي الشمس 100 ما ينفع غير البنات البيض؟
و شكرا حبيبتي على باقي النصايح باتبعها انشاء الله.

**أنثـى** · 2013-10-22, 11:21

لافديتج ماراح يهيج الربو عند البيبي بالعكس بتكون ريحته ناعمه فيج وانصحج بالمسك الابيض كان الدهني او الي اييج جامد والجامد زوبيه على نار هااااديه مع زيت جونسون للأطفال وحطيه بعلبه زجاجيه بعدما يبرد شوي وكلما تخلصين سبوح حطيه ع جسمج وياااااسلامي على الدلع

... اما خلطه الماي الورد ف كالآتي،، غرشة ماي ورد ربيع وفظي نصها في كوب وحطي مال سبع ملاعق نشاء الذره بتلقينه في كــل بقاله او سوبر ماركت في كل مكان بتلقينه، وخظيه عدل عدل وردي علي الماي ورد الي في الكوب لين تنترس الغرشه وخليه بالثلاجه كل يوم تخظينها وتحطين بالقطنه وتمسحينها ع ويهج على بشره مغسوله ونظيفه خاليه من المكياج كليآ، وخليه روتين يومي بتشوفين العجب لا اثر حبوب ولا شي وظروري تستعملين زيت الأركان يوميآ قبل النوم ولا تحاتين ريحته نفس البيذام المحمص يعني حلوه، اقري عنه نتايجه مع الروتين خبااااال،، وعن الواقي الشمسي شي حبيبتي الي اييج باللون الأبيض والبيج والقمحي والشفاف وانتي اختاري الي يناسبج صدقيني ساعه تنامين فيها وقبلها كنتي مستانسه راح تشيل عنج كل التجاعيد وعلى فكره انا اكبر عنج والسبب انه مافيني تجاعيد لآني بعدني صغيره فحطي في بالج انتي بعدج توه الشباب يعني معناه انه روتينج هو الي متعبنج وغيريه نفس الاتفاق المريح

والفلر مايبي واحد يجهد نفسه وصدقيني بس يكون عدلتي روتينج ونظامج في الأكل ونوعيته والنوم وشوفي الجمال والدلع

،، فديتج ترا السالفة كلها في مخنا بس

بالتوفيج يادلــوعة الحلــوات

الموضوع: كيف ادلع نفسي ؟؟؟

أدوات الموضوع

عرض

العرض المتطور

كيف ادلع نفسي ؟؟؟

المزيد من آخر المواضيع من نفس القسم:

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

رد: كيف ادلع نفسي ؟؟؟

المواضيع المتشابهه

يومياتي ((بتحدى نفسي في عشرين يوم يا أنا يا نفسي ))

ابدئي تجارتج ب100 درهم ..الجزء الثالث ؟؟ اعتمدي على نفسج ..ودلعي نفسج ؟؟

ع الدنيا سلام كلن يقول نفسي نفسي

عالج نفسج أبــــــــــــــــــــــــــت نفسج روعه تعالي شوفي كيف ؟؟

هل تعتقد بأنك مريض نفسي وتحتاج مراجعة طبيب نفسي ادخل واختبر نفسك ..