خيانة الزوج مع الخدامة

[high heel]

السلام عليكم سيدات

كل عام وانتوا بخير اعرف اتس تووو ليت انشغلنا

زين اباكم تمخون وياي وتخبروني كيف اعرف ان الريال متى يخون زوجته لني وايد اسمع عن خيانات الزوج مع الخدامة

اسمع من خدامتنا ان الخدامة الفلانية لها علاقة مع مخدومها او الريال (الفلاني ) مايخلي اي خدامة بحالها لينما يشردهم

وايد قمت اسمع جي من سمعت من خدامتنا جي ونا مب كلي على بعضي من الصبح ماكلني التفكير

فهالعايلة ياربي اخاف ريلي يطلع جي لاسمح الله كيف اتأكد ان ريلي مب مال علاقات داخل او خارج البيت
؟؟؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[بريكية]

حبيبتي اتركي عنج هتفكير
انتي ارضي ربج ومن ثم ارضي ريلج ومول لاتتركينه يعني لو حتى انتي زعلانه منه اعطيه حقه الشرعي وهذا ما اوصى به دينا الحنيف حتى لايروح الريال بلحرام والله يسخرلج ريلج ويسعدج وياه

[high heel]

الأفكار تييبني وتوديني شو اسوي ابا حد يطمنني

[احلى بعفويتي]

اخيه هالريال طفس وصل للخدامه ... استغفر الله واتوب اليه ..
خبيبتي ليش تفكرين بريلج جي ...
احتكاكه كيف مع ااخدم ... هو يسولف وياهم .. يروح صوب حجرهم كيف الموضوع ...
اذا هو مافي من هالامور ..لا تصدعين راسج و انا انصحج التفكير بهالامور بتعقدج وبتعقد حياتج

[رجاء سعيد]

فديت روحج خلي عنج هالخرابيط تراج يالسه تضرين روحج وانتي ماتدرين
انا ريلي حتى موبايله ما افتحه
عشان ما انصدم وتضيع حياتي وياه
مافيني اشوف بلاوي احسن لي غافله

بطلي هالسوالف عنج عيوني
واصلا يبان ، شوفي حركاته هل لما اتيي تنظف او شي يخز جسمها
او فليل وانتي نايمه يقوم نص الليل ؟
الخدامه شلون؟
شوفيها لما تيي تييب الاكل او تنظف تيلس تتميلح وتتغنج له

وفالاخير نصيحه لج لبسيها ثياب وسيعه ومتبهذله
عشان مول مايبين منها شي

انا هالايام الشغاله تلبس تنورة مدري شو
ولمن تركب السياره ترفعها ثلاث ارباع ريولها برع حسبي الله عليها يعل ريلها الكسر
المشكلة ماقدر اكلمها لانها شغالة اهل ريلي

[لأنني مختلفة]

في رياييل عندهم نظرة ان الخدم من شرق اسيا عندهم خبرة بهالشي ويحبون يجربون
وفي منهم يفكر بالحلال ويتزوج من هناك وهالسبب في انتشار هالنوع من الزواج
وفي منهم ما يخاف ربه ويطالع الخدامة

صح ان هالشي منفر وممكن تشمئزين منه ..
بس اول شي ما تعطين الخدامة مجال تقولج اشيا تعيشج في وسواس
ثاني شي اكيد تعرفين تحركات ريلج في البيت واحس هالشي واضح مستحيل يكون بالخش والدس
يختفي لفترة ..
ولا نص الليل يطلع من الغرفة ويغيب لوقت ..

التوعية الدينية بالحلال والحرام وعدم التقصير في حق الزوج ان شاء الله بتساعدج تتطمنين
ولا تحكمين ع الريال من طبيعة هله..
كل انسان وشخصيته ووازعه الديني

[Mall.08]

ليش تفتحين عليج ابواب ما تتمناها أي وحده؟!

[وجدان الفجر]

أختي , فيه خدمات يكون هدفهن الزوج , ويسعن بكل الطرق لإغوائه لين يلين ويميل ناحيتها . يعني أنتبهي لهذه النقطة , زوجج لا تهمليه وأنتبهي لتصرفات الشغالة .

[Rose.Style]

لا ياختيه خلي عنج هالتفكير
انتي يالسه ادمرين عمرج بروحج ، وادمرين علاقتج

ماتوصل انج تشكين في ريلج يخونج مع الخدامه
صح شي هالامور حاصله وموجوده بس اكيد تبين
لو ريلج وايد يدخل المطبخ ولا يسولف ويا الخدامه
ولا ولا

بس نصيحه خلي عنج هالتفكير =)

[فسحة عيش]

شوفي اختي انا بالنسبة لي يعتمد شكي او عدمه اولا عثقتي بالشغالة لان ممكن تكون قالتها عن مجرد خبرة لصديقاتها او ممكن قالتها لتخليج تشكين في ريلج او تصير مشاكل بينكم

وممكن تريد توصلج شي ... انا ضد ان الوحدة مماتنتبه وضد الحرمة الشكاكة .. وبالنسبة للطرق بدون اي طرق خلال فترة صغيرة تقدرين تشوفي تصرفات زوجج وتصرفاته من

الصبح .. وبعدها تحكمين ... وانا توقعي ان مجرد كلام شغالة تريد تتسلى بقصة سمعتها

[عشقي H]

يا بنت الناس لاتفتحين مجال للشيطان يلعب براسج
لانه اذا عطيتيه المجال عز الله عشتي حياه سعيده
هذا وسواس
انتي عليج تقومين بواجب ريلج وقدر الامكان حاولي تبتعدين عن الاتكال على الخدامه
وكل الي يطلبه ريلج انتي سوويه لاتتركين المجال للخدامه

الله ييعد عنا شر الوسواس يارب

[نبض الشارقة]

خلى عنج هالتفكير
ودام انج ما شايفه عليه شي ليش تفكرين

[high heel]

أهل ريلي كلهم من عوايدهم يضحكون ويسولفون ويا الخدامات ، شي طبيعي ريلي كان يضحك ويسولف بس مرة وضحتله باني ماحب هالحركات ، من عقبها قلل من الكلام بس بعد ساعات ياخذ لها اشياء ويعطيها بيزات
على اساس ان امه تسكن ويانا اخليه يكمل شغله مال الدوام عاللاب وارقد
عاد الله يعلم اذا في شي من ورا راسي

[مبتسمةمتفائلة]

اقولك على شئ انا اتاكدت منه بنفسي
الاثيوبيات عادي عندهم يقولون هلشئ حتى لو ما حصل و يفترون على الريال اللي فلبيت و خاصا بعد ما يطلعون من البيت و ينقلون الكلام وانا لاحظت دة مع اكتر من خدامة من اصحابي و ناس اعرفهم لدرجة ان شخص مطوع و اعرفه و اعرف حرمته صديقتي جدا و الريال فاتح بيت لوجه الله و لطالب العلم و معروف و متزوج 2 و طلعت الخدامة تقول يباني انام وياه و يقولي شوفي لي اي واحدة لو ما تبين وطبعا انا كنت سامعه اكثر من قصة بس عن ناس ما اعرفهم و كنت اصدق بس لين سمعت عن هلشخص المطوع اتاكدت ان فئة الاثيوبيات يكذبون و يفترون عادي عندهم و ما يستحون ابدااااا و بعد ما طلعت هلكلبة من عندهم ردت تاني طيب لما الريال كدة و انتي الشريفة العفيفة ليش رديتي مرة ثانية.

وصديقيني هلخدامات ليهم عاااااالم تغرقين فيه و قصص و حكايات فاحسن ما تسمعين لهم وتخلي علاقتك سطحية مع الخدامة و لاحظي و أحكمي كل شي فنفس الوقت
هدول الجهل و الفقر وعدم درايتهم بالدين و خاصا لو كانت غير مسلمة و بيئتهم و دولهم فقرا وجهل فظييييع بيخليهم يقولون و يتصرفون تصرفات غريبة (دة تحليلي الشخصي للخدامات)

[أم أية 2]

أختي أنا انصحج لا تخلين الشك يسيطر عليج ونفس الوقت لا تغفلين حلي عينج مفتوحة الشغالة سويلها حدود وريلج ادا ترومين امنيعيه يكلم الشغالات تراهم صدقيني بلاوي نحن باليين عمرنا بيهم الله يحفضنا