عمة ريلي وبنتها 2

[Al3'wya]

السلام عليكم

مسا الخير خواتي انا طرحت مشكلتي من فتره وهذا الرابط

http://forum.uaewomen.net/showthread.php?t=1162269

طبعا ريلي رجع بعد كم يوم من المشكله .. وقبلها كان يحاول يتواصل معاي بس انا ما بغيت ارد عليه . الوالد ماقصر رحب فيه وفابوه واخوانه وبدون عصبيه طرح الموضوع وقاله لو البنت مقصره فحقك فمالك الا طيبه الخاطر والعذر والسموحه لكن لو انت مقصر قولنا شو المشكله اللي بينكم وما بتحصل الا اللي يرضيك .. هو حلف للوالد انه هو بنفسه معجب فيني وهو اللي اصر انه يخطبني لكن هو عنده مشكله او بمعنى اصح ما يعرف باي اسلوب يتعامل معاي وبخصوص بنت عمته فهو حب يستر عليها لا اكثر ولا اقل .. صارت مناقشات كان منها الحاد والهادي فالاخير طلب انه يشوفني فالبدايه رفضت بس اخوي اصر اني احضر .. دشيت وحاولت ما احتك معاك قعدت بعيد عنه .. ورجع يقولي انه معجب فيني بس ما وصل لدرجه انه يحبني للحين ما تعود علي وما يعرف يتعامل معاي انا اضايجت وقلتله بصوت عالي يعني تقدر تتعامل مع بنات عمتك وتسافر معاهن وما تقدر تتعامل معاي .. دخلت فنقاش حااد وفالاخير ادخلو الكبار وقالو ان خلاص هالمشاكل تكون فكل بيت وبعدها عطاني وعد يتغير وعطاني مفتاح بيتنا اليديد .. فرحت بس خفت شو بيصير عقب .. الحمدلله بدا يتحسن من جانب السوالف صح كله عن السفر بس يلا المهم يسولف وعمته قامت بس تزورنا فالويكند وبنتها حاولت تسوي مشاكل معاي بس انا مهما قالت ما ارد عليها .. فهالفتره اختي ربت ورحت مع ريلي ازورها حسيته ياهل مستانس عالبيبي وكان كل يوم يقولي خلينا نروح نشوفه لين ايينا بيبي نفسه .. ع منتصف شهر 9 سويت حفله للبنات خواتي وخواته وربيعاتي يعني حفله بنات ومن ضمنهن بنات عمته وهو رجع الفليل ومبسووط عالاخر لان كان عمي مطلعنهم عاليخت .. المهم اليوم اللي بعده كنا فبيت اهله حسيته متغير يقولي انتي للحين ما حملتي ومتى بتحملين ومن هالكلام قلتله كل شي بايد ربي مش بايدي انا .. دخلت بنت عمته وقالت ليش ما تدري انها تاخذ حبوب منع حمل انا امس شفتهن فدرج المطبخ المهم هو ما انتظر قام وراح البيت و لقى حبوب مع انهن والله مش لي وحلفتله بس ماعطاني مجال وقال قومي بردج بيت اهلج .. زعلت واضايجت وتنرفزت اكثر لما سافر عنده مؤتمر وما قالي .. الوالد واايد مضايج منه وحلف هالمره ما بيعديها عليه حتى لو فالموضوع طلاقي المهم ما اتغربل فحياتي معاه .. الاسبوع اللي مضى كنت شاكه باني حامل خذت الفحص من الصيدليه وطلعت النتيجه ايجابيه مابغيت اقول لاي حد مع ان امي شاكه وتبا توديني المستشفى وانا اقولها مافي اي شي .. صح ان اللي صار مب هين بس ما اريد حد يعرف بهالشي قبله .. بس خايفه من ردت فعله واذا بيتغير او لا .. للعلم اليوم بيرجع من السفر بس متاخر

اخبره والا اخليه لما ايي البيت عندنا ؟
تقولون بيتغير مع الياهل والا بيعاند ؟
انا غلطت لما رجعتله ؟
واايد اساله فباالي ماعرف شو اسوي فيها


دعواتكم خواتي الله يفرج همي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية