استفسار : الولادة في مستشفى صقر او راس الخيمة (( راك هوسبيتال ))

**pumpkin** · 2013-10-08, 11:40

السلام عليكم خواتي ...
انا حامل و هذا اول حمل لي و موعد ولادتي في شهر 12 ان شاء الله و بما اني من راس الخيمة و ما ابا اولد في مكان بعيد ما عندي خيارات غير مستشفى صقر او مستشفى راك ..
مستشفى صقر نفسيتي ابدا مب متقبلتنه لأني في الشهر الثالث ياني نزيف و لما سرت لهم خلوني اتريا ساعتين و بعدين الدكتورة قالتلي الشفت مالي خلص !! و ما طاعت تكشف علي !! و روحت عني!! بعد شد و جذب يتني دكتورة ثانية قالتلي ما نروم نسويلج شي حاليا و لا نروم نكشف بالسونار لأن عندهم جهاز سونار واحد ما يشغلونه الا الصبح !! و انتظري للصبح او سيري البيت و اذا حسيتي بويع او نزل الجنين تعالي!! حسيت عمري داخله مقصب !! و روحت البيت و اترييت لين الصبح و سرت عيادة خاصة الحمدلله رب العالمين ربي سلم الجنين و استمر الحمل ..

بس وحده قالتلي ان في قسم الحوادث تكون معاملتهم غير لكن في الولادة يهتمون اكثر

الخيار الثاني هو مستشفى راس الخيمة
انا فتحت ملف في راك هوسبيتال بعد ما مدحولي دكتورة معينة هناك و للاسف لما سرت تفاجأت انها طلعت من عندهم ... شي كذا دكتورة غيرها بس ما اعرف اختار منو دخلت عند وحدة هندية يديدة توها مداومة عندهم حسيتها مرتبكة و متوترة يمكن لأنه كان اول يوم دوام لها و انا اول مراجعه تدخل عندها بس خوفتني اذا هي في المراجعه العادية متوترة و افكارها مخربطة تحت ضغط الولادة شو بتسوي؟؟؟ ..

شورو علي خواتي المجربات :’( وين اسير ؟؟ صقر و لا راك ؟؟؟ و الي تنصح براك اختار أي دكتورة ؟؟

الي مربية من فترة قريبة في متشفى راك يا ريت ما تبخل علي و تخبرني عن تجربتها و عند أي دكتورة لأن اغلب الدكتورات القدامى مب موجودين حاليا و لها دعوة بظهر الغيب
و يزاكم الله خير و الله ييسر امورنا جميعا يا رب

المزيد من آخر المواضيع من نفس القسم:

**عيوني UAE** · 2013-10-08, 11:48

غريبه انا بحملي الاولي ياني نزيف بالثامن وسرت الطوارى كانت الساعه ظ،الفليل

ع طول كشفت علي الدكتوره

وعقب حولتني الطابق الثاني وسوت لي سونار وتنومت الحمدلله ماتلعوزت

وعن الولاده الحمدلله كانت الامور طيبه والتاهيل من رب العالميين

**LoOveNisTa** · 2013-10-08, 12:06

الحمدالله انـا بعد افضـل صقر عن راك لان المـآدية عندهم تغلب على العلاج ..

انا ببجري ربيت براك وعناية وكل شي اوكية بس حاليا اغلب الدكاترة طلعن منـاك وفوق هذا مايصبرون على الحرمة .. وانا حـامل بالثالث ما شاء الله وبإذن الله بربي بصقـر للمرة الثانية ومرتاحه للعناية والادارة وكل شي تغير عندهم للافضل وصدق انا دخلت غرفة الولادة بالدور الاول باختي ومرت اخوي والحمدالله معاملتهم زينة ولو فيه شي اييونج ويصبرون عليج .. تعرفين اختي هم اول ثلاث شهور بيقولوج ريحي على الاخر وممكن يعطونج مثبت .. وعندهم سونار بغرفة الولادة وعندهم فوق بعد بس لان الجنين اصغير بالشهر الثالث مايقدرون يشوفونه بالسونار الجديم الا التفصيلي اللي يشغلونه الصبح .. ومرات من الضغط اللي كون بغرفة الولادة تضطرين تترين الدكتورة لين تنزل لج .. انا صارلي نفسج واتريت والحمدالله ريحت وخذت ابر تثبيت واموري طبيعية .. بالخامس صار نفس الشي بس صعدوني فوق وسولي سونار وطمنوا على كل شي .. وعقب توكـلت .. يعني بالطواري يعتمدون ع الحالة اول وثانيا على الدكاترة المتوفرة ..

واخيرا بالنسبالي صقر احسن عن راك مليون مرة وخليج تراجعين عن خاص وحكومي تكونين متطمنه على كل شي .. وبالنهاية انتي استخيري وشوفي المكان اللي ترتاحيله ..

**أم شواقي ،،** · 2013-10-08, 12:08

انا بعد هذي اول ولادة لي وناوية إربي ف صقر ان شاء الله.

انا كم مرة قبل سايرة لهم الطوارئ بالعكس كانوا وايد مهتمين على طول يتني الدكتورة ،، الدكاترة اللي مروا علي كلهم حبوبات وطيبات يطمنونج بس في دكتورة وحده يمنية مول ما ارتحت لها ان شاء الله ما أشوفها مرة ثانية ..

انا انصحج بصقر بحكم خبرتهم الطويلة والدكتورة معظمهم من القدامى مب مثل رآك كل يوم تشوفين ويه يديد.

الله ييسر حملنا وولادتنا.

**ساااندي** · 2013-10-08, 12:23

خوات ريلي امربيات ف صقر ،، ويمدحونهم

وسمعت منهم انه مستشفى صقر احسن عن مستشفى راك

وانا مرة ياني نزيف وسرت صقر ،، الصرااحة معاملتهم كاانت واايد زينة

اذا مترددة ،، صلي استخارة ،، وربي بيجدملج الي فيه الخيير

ربي يسهل علييج ان شاء الله

^_^

**ملاك دنيته** · 2013-10-08, 12:27

ربي في صقر احسن لج لان راك وايد اسمع شكاوي عليه

**مالتيزرس** · 2013-10-08, 13:09

أحسن لج. صقر. مغاملة واهتمام. أوكيه. انتي حكمتي عليهم من المراجعة بس؟.
هو حسب الشيفتات انتي وحظج. بُــًْــٍِّ>:/ــِّـْـَِسٌٍ بشكل عام صقر أحسن.

**تفاحه الخضراا** · 2013-10-08, 13:52

صقر

الله يسهل عليج وعلينا

**خفوق قلب** · 2013-10-08, 15:20

اليمنيه اللي بصقر طلعوهاً من المستشفى لانها تسببت بشلل طفل

وانا كل ولاداتي بصقر وهالمره بصقر ان شاء الله.
لان معاملتهم وااايد زينه
وعسى الله يسهل علينا

**ابتسامه ملاك** · 2013-10-08, 15:24

السلام عليكم

أنا الصراحة اتبهدلت بصقر ما أني بكريه وولد تني دكتوره يديده وما تعرف شي جالي نزيف بسبتها ولا طاع يوقف قطعت شي بالغلط وعلى طول حولوني العمليات اسميني تعب تعب من غير الم الولاده والحين تعقدت من الولاده بسبتها الله لا يسامحها

**أم شواقي ،،** · 2013-10-08, 18:48

المشاركة الأصلية كتبت بواسطة خفوق قلب

اليمنيه اللي بصقر طلعوهاً من المستشفى لانها تسببت بشلل طفل

وانا كل ولاداتي بصقر وهالمره بصقر ان شاء الله.
لان معاملتهم وااايد زينه
وعسى الله يسهل علينا

اليمنية اسمرانية و متينة اشوي صح ،،

انا من شهر سايرة ودخلوني عليها بعدها موجوده
انا خفت يوم شفتها تذكرت سالفه البيبي اللي تشلل بسببها.

**طيف الغربة** · 2013-10-08, 23:53

ربي يسهل عليك اختي .

**(خيماويه)** · 2013-10-09, 16:31

لو مستشفى صقر الوحيد فالدنيا ماربي فيه وع وصاخه وماشي اهتمام وماشي احترام واسمحولي ياللي تمدحون مافيهم شي ينمدح اختي مرتين عقب الوﻻده ياها نزيف بسبب اغﻻطهم وهم يولدونها ﻻتعليق بصراحه

**شذى راك** · 2013-10-11, 10:12

اختي صقر زينين في الولادة بس كل وحدة وحظها واذا ماديتج تسمح بالخاص روحي راك عند دكتورة لاليتا او دكتورة لبنانية اعتقد اسمها باولي فنانين وخبرررررة ةفي بعد دكتورة صوليحة طيوبة وانا ولدتني دكتورة لاليتا وحميتي ولدتها دكتورة باولي ^_^ الله يسهل عليج

**أم شواقي ،،** · 2013-10-13, 11:20

خواتي بسالكم في صقر الدكتورة هي اللي تولد ولا القابلات ؟؟ والخياطة بعد الدكتورة تخيط ولا القابلات؟؟

الموضوع: استفسار : الولادة في مستشفى صقر او راس الخيمة (( راك هوسبيتال ))

أدوات الموضوع

عرض

استفسار : الولادة في مستشفى صقر او راس الخيمة (( راك هوسبيتال ))

المزيد من آخر المواضيع من نفس القسم:

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

رد: استفسار : الولادة في مستشفى صقر او راس الخيمة (( راك هوسبيتال ))

المواضيع المتشابهه

الولادة في مستشفى دبي

مستشفى رأس الخيمة الخاص ودكتورة الولادة؟؟

مركز الامومه والطفوله بالكويت هوسبيتال

الولادة في مستشفى دبي

استفسار عن احسن مستشفى في الولادة