ابي مساعدتكم

[عشقي H]

السلام عليكم ورحمة الله وبركاته . .

شحالكن بنات؟؟


حبيت اسالكن عن قاعة نادي الضباط القوات المسلحه الي في بوظبي

شو رايكن فيها ؟

يمكن احجز لعرسي ان شاء الله هناك بس ماعرف عنها شي

ف ممكن الي عندها خلفيه تساعدني

وشكراااا لكم دخوولكم مووضووعي ^^

المزيد من آخر المواضيع من نفس القسم:

• ليالي الحناء و المكسار و الجلوة و اجواءها
• قاعه فيها درج للعروس
• الحنة تعلق
• بغيت رفم خبره التجميل عزة مطر
• للعروس إليكِ هذه الطرق لتطويل شعرك بسرعة قبل...
• صيحة خواتم الخطوبة الدارجة لعام 2018-العروس...
• كيفية اختيار اكسسوارات الزفاف
• خمس أمور لا بد من التفكير بها قبل الزواج
• مطلوب
• احلى واروع سيديات الاغاني والزفات بدون...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت عقيد]

وايد حلوة
موفقة
شكلج من الاهل هههههههههههه

[عشقي H]

ههههههههه

منو انتي ؟؟؟؟

[بنت الشوامخ]

ما انصحج
انا كنت بحجز فيها لعرسي بس القاعه نظامها اصلا مب مسوينه للاعراس
ينفع للمؤتمرات وجي
لانه يوم الناس تدش ماراح تشوف الكوشه سيده بويهم
مثل ممر ويايه بالطول ماعرف كيف

يعني باختصااار مب كل المعازيم راح يشوفونج .. اللي يكونون بآخر القاعه ماراح يشوفونج لان جدامهم مثل ممر

انا رحت لها ويا ريلي وكنا بنحجز بس محد نصحني
مع انه المكان راقي وحلو


على فكره احيد الحرمه اللي تشتغل هناك قالت لي انه بيسوون قاعه يديده للاعراس عندهم وبتخلص على شهر تسعه اظن

يعني اكيد الحين جاهزه ومخلصه لاني رحت شهر ثلاثه اللي طاف


اسألوو عنها ونفس القيمه راح تكون

بغيت احجزها بس ماشفتها بعيني ماكانت جاهزه وكنت بعيش على احتمال خالصه ولا لا


عالعموم يبالج تروحين هناك تشوفين القاعه عشان تحكمين مناسبه ولا لا وبعد لو مخلصه القاعه اليديده شوفوها

وعلى فكره عندهم قاعه ثانيه اوكي نظامها تصلح للملجه لانها صغيره
وشي قاعة رياييل اظن اسمها ابو موسى او الطنب الكبرى

[عشقي H]

بنت الشوامخ مشكوووره على النصايح

لكن نحن نبا قاعات للعرس يعني لازم تكون كبيره

[USA Online]

بادن اله البنات يفيدونك

[المغربية3]

موفقين

[pinkprincess]

عشقي H
ما أنصحج أبدا القاعه كلها أعمدة و وما تبين الكوشة و الكل بيسحب كراسيه جدام و بيخلي الطاولات اللي ورى

اذا معازيمج بين ال 500 و 600 عندج قاعة الوثبة و الشهامة أرتب و أذا أكثر عندج صالة حارب بس أاكدي عليهم على المكيف لأن فطسنا حر و قوليلهم ما بدفع المبلغ كامل اذا حر لانهم فضحونا بالمكيفات الخربانة بس قاعتهم كبيرة و نظيفة و مرتبة نوعا ما

و اذا عندج ميرزانية سيري روتانا قاعتهم فخمة و ما عليها كلام الثريا

[استديوفيرمونت]

موفقة

ما انصحج
انا كنت بحجز فيها لعرسي بس القاعه نظامها اصلا مب مسوينه للاعراس
ينفع للمؤتمرات وجي
لانه يوم الناس تدش ماراح تشوف الكوشه سيده بويهم
مثل ممر ويايه بالطول ماعرف كيف

[عزة فوتو]

يعني انا اشوفها مناسبة وبيحطولج بارتشن ببعض الاماكن عاي متل اي فندق
وسبق صورت فيها اعراس فخمة الصراحة

لكل عريسي الي تبا تشوف موقعي تراسلني عالخاص

[mona yousef]

مووووووفقة

[عزة فوتو]

مووفقة

[عشقي H]

تسلموون حبايبي على دخولكم ونصايحكم الحلوه

بنك برنسس المشكله الوثبه والشهامه والخ مافي حجوزات على التاريخ الي نباه

[حرمة حمد]

ما انصحج
انا كنت بحجز فيها لعرسي بس القاعه نظامها اصلا مب مسوينه للاعراس
ينفع للمؤتمرات وجي
لانه يوم الناس تدش ماراح تشوف الكوشه سيده بويهم
مثل ممر ويايه بالطول ماعرف كيف

يعني باختصااار مب كل المعازيم راح يشوفونج .. اللي يكونون بآخر القاعه ماراح يشوفونج لان جدامهم مثل ممر

رايي من راي الإخت
موووووووووول مب حلوه وما أنصحج فيها
ومثل ما قالت ما تبين الكوشه وما بيشوفونج كل المعازيم لأن تصميم القاعه مادري كيف
أحيد ولد عمتي كان عرسه هناك من زمان وكانت هاي المشكله تصميم القاعه غلط