أخيرا سويت الكراتين... رووووووووعة

[ظبيانية فدمي]

السلام عليكم خواتي عساكم بخير إن شاء الله
حبيت أشارككم تجربتي فالكراتين
من سنة ونصف تقريبا فكرت أسوي الكراتين سمعت عن صالون غاردينيا وعن شغلهم للكراتين وسرت للعين لسببين ازور أختي وأطمن عليها وأمر هالصالون وأشوف شغلهم وفعلا سرنا انا وأختي لكن للأسف ماعرفنا وين موقعه بالظبط
ورجعت لدبي وقتها كنت أسكن فالزيد وخبرتني أختي إنها سارت وسوت عندهم وعجبتها النتيجة
لكن الصراحة من وقتها مالقيت وقت أرجع مرة ثانية للعين خاصة إننا إنتقلنا لبوظبي وإنشغلت
مابطول عليكم ..
أمس سرنا العين مرة ثانية وكنت مقررة اسير لهالصالون وأسوي الكرايتن عندهم خاصة إن العيد قرب وسرت لهالصالون وفحصولي شعري وطبعا ماكنت حاجزة معاهم موعد عشان جيه قالتلي راعية الصالون مابتسويلي الكراتين للأسبوع الجاي لكن أنا طبعا خبرتها إن وقتي مش بيدي ويمكن مااقدر أرجع العين وبعد جدال طويل وافقت تسويلي وقعدنا عندهم ثلاث ساعات تقريبا للأمانة يابنات يوم شفت طريقة الكراتين خفت على شعري خاصة يوم سووه بالفير لكن لما غسلوه وشفت النتيجة استانست وااااااايد ودعيت لها من الخاطر والله ووعدتها إني أول ماأرجع لبوظبي أسويلها دعاية وأخبر عن تجربتي عندها
والأهم من هذا كله إنه عجب بعلولي حبيبي إلي مايعجبه العجب
والله يابنات مابذل عليكم فكلمة وربنا شاهد إني صادقة فكل كلمة قلتها
وربي يوفقكم جميع إن شاء الله

المزيد من آخر المواضيع من نفس القسم:

• خلطة عصير البصل السحرية لتطويل الشعر حصري
• طريقة استخدام المايونيز لترطيب الشعر
• ابرز فوائد بذور الكتان للشعر
• طريقة عمل شامبو طبيعي للعناية بالشعر الجاف...
• افضل خلطة طبيعية لعلاج قشرة الشعر نهائيا
• افضل خلطات زيت الارغان الفعالة للعناية بالشعر
• ماسك طبيعي لترطيب وتغذية الشعر الجاف حصري
• خلطة البيض والزبادي لاستعادة صحة وجمال الشعر...
• 3 أسباب تجعل زيت جوز الهند معجزة للشعر حصري
• 6 أسباب تجعل زيت الزيتون رائعًا لشعرك حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام مصطفى..]

حبيبتي مبروك على اللوك اليديد ..
انا شعري ما يحتاي ولا جان سسويت هههههه . .

[ظبيانية فدمي]

حبيبتي مبروك على اللوك اليديد ..
انا شعري ما يحتاي ولا جان سسويت هههههه . .

تسلمين يالغالية واحمدي ربج مليون مرة إن شعرج مايحتاج .. ماشاء الله

[قلب الكندي]

عليج بالعافيه حبيبتي
تتهنين

[شهد123]

اول شي مبروك ع اللوك اليديد ..
ثاني شي ما قلتيلنا كيف اسعارهم..؟
ويزاج الله خير ع طرح الموضوع للافاده..

[كتكوتة حبيبي]

مبروك

[ظبيانية فدمي]

عليج بالعافيه حبيبتي
تتهنين

الله يسلمج حبيبتي

[ظبيانية فدمي]

اول شي مبروك ع اللوك اليديد ..
ثاني شي ما قلتيلنا كيف اسعارهم..؟
ويزاج الله خير ع طرح الموضوع للافاده..

ماعرف الصراحة لكن بالنسبة لشعري طوله لين نصف الظهر دفعت لهم 2300 درهم مع الشامبو والبلسم
أحس المبلغ أوكيه لأن ربيعتي مسوية فدبي ودفعت 3500 درهم وشعرها نفس شعري

[طيرة الوله]

لو سمحتي أختي ظبيانية هالصالون لهم فرع هني فالشارجة ؟؟

[ميميه88]

ماعرف ليش مب مقتنعه بها الصالون واساسا لمن ينزل الكيراتين يردون يسوون لج الجذور فقط وهذا اكبر غلط كاتجربه شخصيه ماجربت ولكن سامعه كذا حد يذمه

[Days passed]

انا ما انصح بهالاشاء شعري كان ناعم وانا طماعة اباه يستوي نفس الاندونسيات
وسويت كيراتين و اول اسبوع متخبله ع شعري ومال صالون ذكية ماقالت لي استخدم شامبو او بلسم خاص للكيراتين الله يسامحها بعد اسبوع شعري أستوى خشن ومحروق ونجبرت اقصه بوي والحمدالله عالجته ..

يعني من تغيرين شامبو وبلسم عادي أجوفين نتيجة ثانيه

[عيناوية مررة]

ماعرف ليش مب مقتنعه بها الصالون واساسا لمن ينزل الكيراتين يردون يسوون لج الجذور فقط وهذا اكبر غلط كاتجربه شخصيه ماجربت ولكن سامعه كذا حد يذمه

ابا اقولج شي اختي ميمة أنا سويت الكراتين فهالصالون أكثر من مرة وعمري ماكد سمعتهم يقولون هالشي بالعكس فكل مرة كنت أسوي عندهم جانو يقولون مانروم نسوي الجذور بس لمن تطول
لازمن نعيد على الشعر كاااااامل ويشرحونلج إن الكراتين مادة تدخل فالشعر وتغذيه وفنفس الوقت تحيط فالشعرة نفسها ولو سوو الجذور بس بحسب قولهم يفك الكراتين عن الشعر وعسب جيه يسحبون الكراتين على الشعرة من أولها لين آخرها
وفراي أختي دامج مايربتي شغلهم ليش تتكلمين عن لسانهم شي هم أصلا مايقولونه ؟ أمرج غريب الصراحة

[ظبيانية فدمي]

انا ما انصح بهالاشاء شعري كان ناعم وانا طماعة اباه يستوي نفس الاندونسيات
وسويت كيراتين و اول اسبوع متخبله ع شعري ومال صالون ذكية ماقالت لي استخدم شامبو او بلسم خاص للكيراتين الله يسامحها بعد اسبوع شعري أستوى خشن ومحروق ونجبرت اقصه بوي والحمدالله عالجته ..

يعني من تغيرين شامبو وبلسم عادي أجوفين نتيجة ثانيه

صحيح له شامبو وبلسم خاص

[محتاااارة]

اذا كنتي تقصدين غاردينيا إلي مجابل دايسو عدال مستشفى النور أنا بعد مسوية عندهم الكراتين وكنت مستنية لين أربي أسويه مرة ثانية فالأربعين لاكني الصراحة مالقيت فرصة
مبروك عليج حبيبتي

[ظبيانية فدمي]

اذا كنتي تقصدين غاردينيا إلي مجابل دايسو عدال مستشفى النور أنا بعد مسوية عندهم الكراتين وكنت مستنية لين أربي أسويه مرة ثانية فالأربعين لاكني الصراحة مالقيت فرصة
مبروك عليج حبيبتي

مظبوط كلامج أول مرة سرت العين قعدنا أنا وأختي ندور عدالي مستشفى النور وماحصلته حصلت صالون مال الرياييل وصالون لولو للسيدات .. طلع داخل المجمع السكني نفسه إلي فيه المستشفى وشويترام