انا جبانه

**موناليزا~** · 2013-09-29, 15:08

اولا السلام عليكم

ثانيا هالنك مب لي نك بنت خالتي

ثالثا عندي مجرد فضفضه لا اقل او اكثر

انا انسانه جباانه مب قصدي من الناحيه العاديه كجبانه اللي كلنا نعرفها

لا قصدي جبانه وخوافه من ناحيه نفسيه

انا جبانه ف كل شي اسويه انا منخشه ف البيت وف حجرتي 24 ساعه وكله بروحي

عندي كانت تجربه سيئه ف الدوام وكرهته وكرهت القطاع الخاص واستقلت قدمت على وظيفه اتصلو فيني كنسلت لاني خايفه لاني اعرف بيكون عندي نفس التجربه الاوليه

انا جبانه ابغي يكون عندي ليسن بس اخاف لاني ادري بسوي حادث وبموت ولا بتعوق اعرف بنات ماتو بحوادث مروريه وتاثرت وكرهت الليسن والسياير بس خاطري اجرب اكون معتمده على نفسي ف مشاويري

ابغي اكمل دراسه بس خايفه من البنات والاساتذه يعيبون علي وعلى شكلي لاني ادري انهم خقاقين وجايفين عمارهم

اكره الناس واكره الاحتكاك فيهم بس ابغي اتشجع واطلع من قوقعتي بس انا جبانه اخاف اواجهم

من شوي كنت اجوف الشارع بيتنا ع الشارع وفاتحه البلكونه واصيح اجوف صف السياير واقف ناس عادين رادين من الدوام اجوفهم وقول انهم ناس فيهم شجاعه عندهم ليسن وعندهم دوام وقادرين على انهم يتحدون كل يوم بيوم ليتني كنت معاهم ف الصف راده من الدوام واكد على نفسي نفسهم مايعرفون شو كثر اني تميت اجوفهم واصيح وقول شو عندهم احسن مني ؟ ليش انا جبانه جبانه اطلع لعالم الخارجي ويكون لي مغامرات نفسهم ويكون لي روتين معين نفسهم مايعرفووون كيف انهم يملكون شجاعه اتمنى اتكون عندي لدقيقه وحده بس اواجه فيها الناس والعالم برع

تعبت صياح وهم وارف ومافي حد يفهمني انا شو ابغي بظبط

دراسه شغل زواج وظيفه ليسن ؟؟ اشياء اساسيه حالي حال اي بنت ف الامارات !! حالي حال اي حرمه ف الامارات ؟

الزواج مستحيل افكر فيه لاني جبانه ادري انه مابيكون زواج طبيعي حاله حال اي شخص متزوج

انا بس ابغي شي اساسي واحد مابغي يكون عندي كل هالاشياء

ابغي يا دراسه يا شغل او ليسن بس انا جبانه

اروح اسجل وعقب انسحب سواء وظيفه ولا دراسه ولا ليسن لاني جبانه مب شجاعه مثل الناس الطبيعيه

جبانه ف ابسط الاشياء وف اسخف القرارات حتى الجيم اسجل وانسحب اسجل وانسحب حياتي عباره عن انسحابات واستسلامات لين متى ؟؟

شو فيني ؟؟؟؟؟؟؟؟؟؟؟؟؟؟؟؟؟؟؟؟؟

نفسيتي تحت الارررررض وصفررررررر انا روحي صفر ع الشمااااااال مب قادره حتى اتكلم من الهم ولا قادره اصيح اكثر خلاص واصله حدي
ادعولي مع السلامه

المزيد من آخر المواضيع من نفس القسم:

**.Noura.** · 2013-09-29, 15:15

كم مره استخدمتي كلمه جبانه ..!!
دام هذي نظرتج لنفسج بظليين جبانه ..
غيري تفكيرج بيتغير كل شي حولج ..

انا ابا اسوق رغم اني خايفه من العواقب ..
لكن ضاغطه ع نفسي و مصره اني آسوق
رغم ان زوجي ما يريدني آسوق
بس لازم آتغلب ع هالخوف اللي فيني من السواقه ..
الكل يظن ان انا لو مسكت السكان عادي بكون شجاعه ..
ومناك ما يدرون باللي في نفسي وكيف اتنافض ..

لكن لازم آسوق

**موناليزا~** · 2013-09-29, 15:16

اخاف ماقدر

**ام السديس** · 2013-09-29, 15:23

بمجرد انج كتبتي هالموضوع يعنى انتي شجاعه بس انتي حاطه في بالج هالشي شلى هالشي من بالج فكرى بايجابيه كملي دراستج وعشان يروح هالخوف اللي منج دشي انتي واحد من اهله خواتج ربيعاتج بنات عمج بنات خالج بتتشجعين
وغيري كلمه جبانه انتي مترددة لان تفكبرج سلبي

**laly66** · 2013-09-29, 15:24

شوفي أختي الغالية لا تياسين من الدنيا خلي عندك شجاعة وقوة عشان تعتمدين على نفسج. خلي يقينج بالله كبيييييييييييير. عيشي حياتج عادي شو السب لي يخليك تحرميني نفسج من كل هالاشياء وتمين يالسا بروحج انت كم بتعشين. بنعيش مرة وحدة في الدنيا. الحياه حلوة. قارني عمرج بالحريم لي عندهم مسؤوليات كبيرة. بيت عيال ريال كيف حياتهم. احسن شئ الواحد يعتمد على نفسه وانت لا تفقدين الأمل خلي شخصيج قوية ودوم ادعي رب العالمين بالتوفيق في حياتج ولا تقولين أخاف من أشياء لن يصيبا إلا ما كتب الله لنا ...الله يوفقج في حياتج. وان شاء الله تطمئنني عليج وتكوني تغيرتي للاحسن...انا احب وأشجع المراة القوية وبخصوص ل تعتمد على نفسها. عيشي حيااااااااتج. أختي

**laly66** · 2013-09-29, 15:28

أختي عيشي شبابج. صدقني بيي اليوم. وتقولين. يااااااا ليت الشباب يعودو. يوما وتحكي. له ماذا فعل المشيب

**aseela2** · 2013-09-29, 16:31

مرحبا اختي
من الشجاعة اعترافج وانت قد كل التحديات بس اوثقي ف نفسج ابدي بتكوين صداقات ويمعي اربيعاتج عندج ف البيت شوي شوي اطلعي ودوري شغل وربي يسهل لج وتحصلين ويمكن ف الشغل بكون نصيبج اهم شي قوي ثقتج ف نفسج
كونوا بخير

**delights** · 2013-09-29, 16:39

اختي انتي مو جبانة انتي بتقنعي حالك انك جبانة فخلص بتيأسي شيلي هاي الفكرة من راسك وشوفي كيف حتصيري اتحدي حالك واتحدي الخوف يلي جواتك احكي بدي اشتغل ولو فشلت عادي ولو ضحكو علي عادي بالنهاي كلهم بشر مو احسن منك يعني والله لو انهم ملائكة او مخلوقات غير عنك خافي بس كلهم بشر اللي يتمسخر خليه يتمسخر واللي بعلق خليه يعلق انتي شو خسرانة لو علقو او اتمسخرو مو خسرانة شي اتحدي حالك وروحي اتعلمي سواقة واركبي بالسيارة وانتي قوية ما تخافي من لحوادث ولا شي لان ممكن انتي وقاعدة ببيتك يوقع على راسك شي وتموتي اللي الله كاتبه رح يصير قوي ايمانك بربنا وتوكلي على الله ولا تخافي من شي وكثري استغفار وصلاة على النبي

**ملكان** · 2013-09-29, 17:12

اللّه ايفرجهااا عليج ...

**امراه** · 2013-09-29, 19:32

تغلبي هانفسيه اللي عندج وامورج طيبه

**مراسيل الوفاآ** · 2013-09-29, 22:30

اختي قبل لا تكون مشكلتج نفسيه ف هي
مشكلة ف ايمانج بالله، وحطي ف بالج انه
اللي يفكر مكروه بيصيبه تراه بيصيبه، اقري
عن اكثر اللي ماتوا بحوادث بسبب الخوف
الداخلي اللي فيهم، ما يصير اختي تقولين
بسوي حادث وبموت لانه هالشي لو تم ف
بالج ف من الخوف بيستوي - لا سمح الله -
قولي لنفسج انج تقدرين تتغلبين ع الخوف
وكوني حذره ما نقولج خلي الشجاعه تغلب
ع شخصيتج لانه الثقه الزايده بالنفس ممكن
تؤدي إلى نتايج سلبيه، لكن الثقه بأنج تقدرين
تتغلبين ع مخاوفج كافيه انها تخليج تعيشين
حياة طبيعيه، تدربي ع السواقه وحطي ف بالج
انج ما بتحصلين الليسن الا عقب ما تتمكنين من
السواقه وبالتالي ما بتخافين انج تطلعين ف الشارع
دام انج بتلتزمين بسرعات محدده، قدمي ع الوظيفه
اذا محتايتنها وقولي لنفسج انا سايره اخلص شغل
وارد البيت لا تحتكين وايد باللي ف مجال الشغل
عشان ما تستوي مشاكل او مواقف انتي ما تبينها
لنفسج وتذكري اختي انج مب جبانه لكن حذرة
والحذر واجب لكن باعتدال من بعد التوكل على الله
والله يوفقج اختي

**عنـ؛دي** · 2013-09-29, 22:39

.. اقري اكثر في تقنيه ( الحرية النفسية ) ... و اعقلي و توكلى .. دامممـا كل لي بسوينه ما بضرججججججج .. و كلنا نخاف من امور مختلفه .. بس الفرق في ناس تحاول و تسعى تتغلب على هل الخووف .. و في ناس واقفين بمكانهممم .. و حبي نفسججج ..

**شعاع امل** · 2013-09-29, 23:33

نفس قصتي

الا ليت الشباب يعود يوما فاخبره بما فعل المشيبُ

ياله ردوا معاي

المشيبُ

لوووول

اختي حاولي تدورين على مخارج

يعني بخصوص الدراسه سجلي بدورات كبدايه وشوفي كيف!

روحي مراكز التحفيظ للقران هناك بتلاقين ناس لله

يمكن يساعدنك وتكوني صدقات طيبه!

والسواقه اختي مااعرف

انا نفسي اسوق

تخيلي كل ربيعاتي عندهن ليسنات من سنه 2001 يعني مرت عشر سنين وفوق عليها

في منهن خذنها بس جي مايسوقن بيها

وفي منهن يسوقن

انا ماعندي جنسيه فمااقدر اقدم

تخيلي يوم امي راحت تسالهم قالوا لها

بالحرف الواحد

يوم يصير عندها جواز ان شاء الله بنسوي ليها ليسن!

وبخصوص الشغل انا نفسك

تجربتي قطاع خاص

بس اختي القطاع الخاص يلتفت بس للكفاءه عشان تعرفين الدرهم عندهم بالقطاره يعني عندك يمكن دكتوراه تاخذين عندهم 1500

حسب طبعا المكان

انا كنت بطيئه لاني بشكل عام بطيئه رغم اني متخرجه الحمدلله من الجامعه بس يمكن محتاجه بعد علم

المهم ظليت خمس سنوات في البيت رغم التجربه القاتله ذيك

وحاول اطور نفسي وادرس مني ومناك!

المهم

انا طايح حظي حتى في الشكل الحمدلله

في العمل كنت اشتغل كانوا دوم يعلقون على شكلي خاصه الجماعه كانوا كلهم رياييل وشاميين

وانا وحليلي سمراء بني

مستورده من الهند يعني

خخخخخخخخخخخخخخخخخ

فالتعليقات يوم انتي

منوره اليوم ولا اللمبه منورتنك

يوم

نحن عندنا ورد هوووووووون ماشفنااااااااا

!

المهم

اخرها شوفي اشكالهم

استغفر الله

بياض على الفاضي

المهم

تركت الشغل وانا مبسوطه مع نفسي الحين

اقدم اوراقي من خمس سنوات

ليييين مالاقي شغل يريحني في يوم من الايام

ان الغد لناظره قريبُ

ردوا معاي

قريبُ

**ماحد شراتي** · 2013-09-30, 07:45

هذه مجرد اوهام وافكار سلبيه انتي بروحج مقنعه نفسج فيها وهيه يمكن مب موجوده
ليش تيبين حق عمرج الطاقه السلبيه ؟ انتي مب جبانه هذا يسمونه ضعف شخصيه
اطلعي من الدائرة اللي انتي فيها ولو حد صرخ عليج ولا هزأج صح بتصيحين وبتخافين لكن اقنعي نفسج انه انتي اقوى عن جذيه
خلي ايمانج برب العالمين قوي " قل لن يصيبنا الا ما كتب الله لنا " يعني وين ما تكونين حتى لو حابسه نفسج.. لو رب العالمين رايد لج شي بصير بصير المكتوب يا حياتي مامنه هروب
لا تضيعين ايام وسنوات من عمرج وانتي بعدج مثل ما انتي تشوفين الناس تتقدم وتتطور وانتي مثل ما انتي
استعيني بحد قريب منج ..اختج او امج او قريبه او حتى صديقه وافتحي قلبج لها يمكن على ايدها تقدر تطلعج من السجن اللي ساجنه نفسج فيه بس اهم شي يكون عندج القناعه داخليا انج تبين تتغيرين وانتي قدها صدقيني

ربي يحفظج حبيبتي

**كتكوتة حبيبي** · 2013-09-30, 08:09

هذا يسمونه ضعف شخصية او قلة الثقة بالنفس ادخلي دورات في كيفية بناء الذات

افتحي اليوتيوب وشوفي محاضرات الدكتور ابراهيم الفقي الله يرحمه ممممممممتاز ما شاء الله

الموضوع: انا جبانه

أدوات الموضوع

عرض

انا جبانه

المزيد من آخر المواضيع من نفس القسم:

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

رد: انا جبانه

المواضيع المتشابهه

ربيعتي مسحت عند حرمة و سوت خبانه و بعد يومين اكتشفت انها حامل

طبيبة باكستانية تقطع عضو مولود أثناء ختانه وتلوذ بالفرار ..!! (صورة)

ختانه الاولاد

سؤال عن ختانه الاولاد لكم ام ختنه ولدها؟

ختانه الياهل