كيف تعيدي زوجك الخائن بطريقة مبتكره من طاغية الأنوثه

[طاغية الأنوثة]

مرحبا بنات أنا نادر جداً أطرح موضوع فالمنتدى بس لفت نظري من شوي موضوع لأخت جزاها الله خير عن كيف تعيدي زوجك الخائن لكي وما قصرت بالنصايح من ناحية الإهتمام والدلع ووو...إلخ وفالنهاية المصارحه هالنقطه هاي أنا لي وجهة نظر جديدة وماشفت ولا وحده خطرت فبالها شوفو الغاليات أنا متأكده ان السبب الرئيسي للخيانه يجي من قلة الوازع الديني يعني انتو ما عليكم قصور وما شاء الله كل وحده تحتار شو تسوي لريلها حتى ترضيه وأنا مع الكلام اللي يقول لا تخلي ريلج هو مصدر سعادتك الوحيد ولا تجعلين كل حياتك اتدور حولينه خليه جزء مضاف لحياتك وليس كل المهم طولت عليكم بالكلام بدخل فالموضوع يوم تصارحينه ويقعد يقول آخر مره وسامحيني واللي تبينه يصير ومستعد اسوي اللي تبينه اتشرطي عليه شرط واااااااااااااااحد بس وقوليله سوي وبترد ثقتي فيك شرات أول وهو :

تطلبين منه انه يحضر عدة ندوات دينية لشيخ دين محبوب عند الناس ويتمتع بأسلوب الفكاهة كالشيخ محمد العريفي الله يحفظه حتى لا يتملل ويستمتع بالمحاضرة وينصت لها وتلمس قلبه، تكون مره فالأسبوع أو مرتين

وبعدين كل أسبوعين تطلبين منه انج تسيرين وياه لدار أيتام تتشرون حلاو وألعاب وتوزعونها عالأيتام حتى يرق قلبه

تشترين سي دي محاضرات دينية وتشغلينها فالسيارة طول وانتو مع بعض وممنوع الأغاني - ترى والله والله والله الأغاني هي مصدر التعاسه والسبب الرئيسي للخيانات والمشاكل لأني كنت من هواة الاستماع بس الحمد لله انه ربنا هداني لتركها والحمد لله ألف شكر لله على هالهداية لا تتخيلون شكثر حسيت بفرق كبيييييييييييييير في حياتي الحين أنا تاركتنها هب بس لأنها حرام بعد لأنه نفسيتي وايد تحسنت يوم تركتها تعرفون ليش لأنه الواحد يوم يسمع الأغاني كلها تتكلم عن الحب والغزل والخرابيط واللحن مع الأغنية ما يقصر بعد على طول الواحد يربط الأغنية بمواقف تصير وياه ويبتدي القلب يحترق ويدور مصدر السعادة اللي الأغنية تتكلم عنه - وأنا ما قول أني تركتها بالمره لا أنا ما أسمع الأغاني صح بس يوم أكون فالمول عادي أسمع وأطنش وبعد فالأعراس أسمع بس ما أركز وأتمنى ان شاء الله اني أوصل لمستوى من التزام اني أقطعها كلها

آخر شي يخصص بعض الوقت فاليوم لقراءة حزب من القرآن ( الحزب ترى أقل عن الجزء بنات يمكن عشر صفحات مب متأكده )ويوم واحد فالأسبوع يكون ويك إند لقيام الليل ( لأني أعرف العاصي بيتثقل من هالأمور فالأفضل بالتدريج وخاصة قيام الليل فالويك إند عسب لا يتأخر فالسهرة بره ولو تأخر وبعدين سار يصلي بيحس بالندم عاللي سواه بره + بيحس انه ينافق ربه فأكيد هالشي بيأثر على نفسيته )

طبعاً ما وصيكم كل هالأمور يسويها وانتي للحين زعلانه عليه بس في كامل دلالج وكشختج ولو حاول يطري الجو وياج قوليله بس تنتهي المهله بعد شهر وأشوف كيف حالك صار بقرر هل بسامحك ولا لا ؟؟؟؟

(( عاد لو ما حسيتي بتغيير فشخصيته اغسلي ايدج منه والسموووووووووووووحه ))

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[زم_قمر_ان]

يزاج الله خير

فعلا من وجد الله فماذا فقد ومن فقد الله فماذا وجد

[طموحي الجنة]

يزااج الله خير أختي
نحن لازم نذكر ازواجنا دوم بهالشي بدون ما تصير خيانات

[عطر 77]

يزاج الله خير

[(خيماويه)]

تسلمين الغاليه

[فتاة ليبيا]

الله يبارك فيك يا غالية

والله المجتمع ديما بيحط اللوم على الزوجة لما زوجها يخون وزي ما قلتي انه السبب الحقيقي هو ضعف الوازع الديني

حسبنا الله في كل من يظلم الزوجات... فوق ما هى متحمله نذالته فوقها بيحملوها سبب نذالته!!!!

حسبنا الله ونعم الوكيل


اللهم اهدينا واهديهم

[اناناسة]

جزاج الله خير الغالية على الافكار



بس رايي الشخصي الخائن ( الزاني ) بلا ويع راس و الحرمة تخطط كل هالتخطيطات

لانها بتحتاج سنين و سنين و لين هاك الوقت جد عيزت و هو استمتع باجساد كثيرة !!



افضل حل تسويه ديليت و تريح بالها

مثل ما الريال ان حرمته تخونه ( مكالمات فقط !! ) بيسويها ديليت للابد !


هل يا ترى ان الحرمة تخون زوجها الريال بيلس يخطط و يطلع افكار و فناتك عسب

مردها يكون له !!!!

عشان ترد له و تحبه من اول يديد ؟؟!!!

او فقط على الزوجة القيام بذلك ؟؟

السؤال مب موجة لج غاليتي


-------------------


بل موجة للهواء

لانني ما بحصل جواب عليه ههههههههه و بنتم مثل ما نحن


النساء يسعن يرجعن الخائنين


و الرجال يستمتعون بحريم و بنات خلق الله

[لأنني مختلفة]

في شخصيات من الرجال ما ينفع وياها الحل اللي فيه سماع
لانه ما يحب يسمع
مثلا انا كامرأة المحاضرات الطويلة من صغري وانا اتعب من سماعها بعكس لو قريتها مكتوبة بستمتع فيها وبقتنع فيها اكثر ..

الحل الامثل هو المصارحة بين الزوجين
ومتى ما انوجدت الثقة بينهم مع الوازع الديني ان شاء الله تختفي الخيانة ويعيشون بسعادة

[طاغية الأنوثة]

جزاج الله خير الغالية على الافكار



بس رايي الشخصي الخائن ( الزاني ) بلا ويع راس و الحرمة تخطط كل هالتخطيطات

لانها بتحتاج سنين و سنين و لين هاك الوقت جد عيزت و هو استمتع باجساد كثيرة !!



افضل حل تسويه ديليت و تريح بالها

مثل ما الريال ان حرمته تخونه ( مكالمات فقط !! ) بيسويها ديليت للابد !


هل يا ترى ان الحرمة تخون زوجها الريال بيلس يخطط و يطلع افكار و فناتك عسب

مردها يكون له !!!!

عشان ترد له و تحبه من اول يديد ؟؟!!!

او فقط على الزوجة القيام بذلك ؟؟

السؤال مب موجة لج غاليتي


-------------------


بل موجة للهواء

لانني ما بحصل جواب عليه ههههههههه و بنتم مثل ما نحن


النساء يسعن يرجعن الخائنين


و الرجال يستمتعون بحريم و بنات خلق الله

هلا حبيبتي أناناسه
ليش لهدرجه تنظرون نظره سوداويه ربنا في كتابه يقول (( ان الله يحب التوابين )) يعني فيه شي اسمه انسان تايب وليش ما يكون هالإنسان هو الزوج الخاين ولحتى يتوب يباله مؤثرات دينية وجو يساعد ساعديه يا حرمته وهيئيله هالشي ( أكيد بالأمور الدينية اللي ذكرتها مب بالدلع والحركات لأنه أصلا شبعانين منها وبيحصلونها بره بالهبل وانتو أكيد بعد مب مقصرين من هالناحيه ) ولو ما قدرتي تأثري فيه من بعد هالشي فهالإنسان ما اعتقد يتوب نفس ما خبرتكم أول فوقتها غسلي ايدج منه والانفصال أبرك من حرقة الأعصاب

[طاغية الأنوثة]

في شخصيات من الرجال ما ينفع وياها الحل اللي فيه سماع
لانه ما يحب يسمع
مثلا انا كامرأة المحاضرات الطويلة من صغري وانا اتعب من سماعها بعكس لو قريتها مكتوبة بستمتع فيها وبقتنع فيها اكثر ..

الحل الامثل هو المصارحة بين الزوجين
ومتى ما انوجدت الثقة بينهم مع الوازع الديني ان شاء الله تختفي الخيانة ويعيشون بسعادة

هلا حبيبتي لأنني مختلفة وأنا متأكده من هالشي
شوفي الغالية انا وياج المحاضرات الطويلة تملل بس في فرق يوم أختار محاضر عن محاضر نفس ما قلت حاولي تختارين شيخ دين يتميز بالفكاهة والقصص و الأسلوب الشيق وهالشي أكيد بيكون عامل جذب كبير للزوج عسب يتشوق دايماً لمتابعة الشيخ وانتي بعد ادرى بريلج وشخصيته وترى في وايد أساليب جذب دينية كتبتها تقدرين تنوعين بينها
وبالنسبة لكلامج المصارحه بين الزوجين أكيد بيكون فيه مصارحه والا كيف بنطبق أسلوب العقاب الديني ( طبعاً من وجهة نظر الزوج بيكون عقاب ) بس صدقيني حبيبتي المصارحه بروحها ما تكفي لإعادة الثقة مهما حاولتي بيتم الشك موجود إلا لو فعلاً لاحظتي تغير من ناحية التدين وقتها فعلاً بتبتدي الثقة ترد من أول و يديد

[طاغية الأنوثة]

في شخصيات من الرجال ما ينفع وياها الحل اللي فيه سماع
لانه ما يحب يسمع
مثلا انا كامرأة المحاضرات الطويلة من صغري وانا اتعب من سماعها بعكس لو قريتها مكتوبة بستمتع فيها وبقتنع فيها اكثر ..

الحل الامثل هو المصارحة بين الزوجين
ومتى ما انوجدت الثقة بينهم مع الوازع الديني ان شاء الله تختفي الخيانة ويعيشون بسعادة

هلا حبيبتي لأنني مختلفة وأنا متأكده من هالشي
شوفي الغالية انا وياج المحاضرات الطويلة تملل بس في فرق يوم أختار محاضر عن محاضر نفس ما قلت حاولي تختارين شيخ دين يتميز بالفكاهة والقصص و الأسلوب الشيق وهالشي أكيد بيكون عامل جذب كبير للزوج عسب يتشوق دايماً لمتابعة الشيخ وانتي بعد ادرى بريلج وشخصيته وترى في وايد أساليب جذب دينية كتبتها تقدرين تنوعين بينها
وبالنسبة لكلامج المصارحه بين الزوجين أكيد بيكون فيه مصارحه والا كيف بنطبق أسلوب العقاب الديني ( طبعاً من وجهة نظر الزوج بيكون عقاب ) بس صدقيني حبيبتي المصارحه بروحها ما تكفي لإعادة الثقة مهما حاولتي بيتم الشك موجود إلا لو فعلاً لاحظتي تغير من ناحية التدين وقتها فعلاً بتبتدي الثقة ترد من أول و يديد

[اناناسة]

اختي طاغية نظرتي مب سوداوية بل واقعية

خلينا نكون صريحين و واقعيين




هل الحرمة اللي زوجها يخونها ( جسدي ) و لو يتوب

تقدر تنسى خياناته ؟؟ و ما تتخيله مع الحريم و كل مالها ما تذكره بهالشئ ؟؟

هل بامكانها تتصرف كأن ما حدث شئ و خيانته ( الجسدية ) مجرد نزوة و من بعدها تاب ؟؟


هل توبة الرجل اللي شغله الشاغل الخيانة ( جسدية ) بيريح قلب مرته ام عياله ؟؟


صدقيني حتى لو يتوب مستحيل علاقتهم ترد مثل ما كانت


الخيانة الجنسية مب شئ هيّن و الشخص الزوج او الزوجة مستحيل ينسونها و بمجرد توبة الطرف الاخر

يتصرفون كأن ما صار اي شئ


اللي يخون او تخون ( علاقات جنسية ) ما يستاهلون قدسية الزواج


اللي يتوب يتوب لنفسه

الرجل الحقيقي لما يتزوج يبتعد عن العلاقات و لو كان دون جوان عصره !!

الحين هو متزوج و عنده مسؤولية امراة هي شريكة حياته


الجرح ان انفتح مهما نحاول نغلقه ..نعم بينغلق و لكن بأقل ضربة سينفتح و ينزف ثانية و مكانه يتم للابد

بالذات ان الجرح كان مخيوط

[امراه]

حسبي الله ونعم الوكيل

[سامية22]

الله الهادي

[طاغية الأنوثة]

شوفي حبيبتي أنوسه أكيد الخيانه صعبه ومهما حاولت أتخيل بشاعتها ما بوصفها صح لأني ما جربتها وان شاء الله ربنا لا يبلانا بهالمصيبه بس بعد كوني انتي واقعية الحين نص الحريم اللي يكتبون فالمنتدى عن خيانة أزواجهم تظنين انه مجرد مكالمات وطلعات أكيد لا وأنا أعرف وحده قريبه لي مبتليه بهالشي للأسف ومع هذا صابرين وساكتين ويقولون نار زوجي ولا جنة أهلي !!! شو رايج ؟
الحريم هب كلهم نفس الشي في منهم مستحيل تنسى وهاي اكيد بتطلب الطلاق وفي اللي تحاول تتناسى تلتهي بالأهل والأولاد والطلعات وفي اللي فعلاً ممكن تنسى وأكيد كلهم بيحترق قلبهم من ورى الخيانه بس ما باليد حيله فهالطريقة اللي أنا حطيتها هي تقوية الوازع الديني في شخصية الخاين لأنه لو تاب مستحيل يرد للخيانه وبتظهر عليه علامات الإنسان الملتزم وبالتالي انا متأكده الحرمه بتنسى مئة بالمئة خيانة زوجها دام تاب لرب العالمين لأنه كل وحده تحلم بالإرتباط بالإنسان الملتزم فما بالك إنسان عاصي وبعدين التزم ترى التزامه بيكون أقوى بإذن الله وأقرب مثال على هالشي ما بروح بعيد (( خالي الله يحفظه بس هالشي قبل ليعرس كان يسوي كل شي يخطر على بالج بس سبحان الهادي الحين ما شاء الله ما يزقرونه إلا بكلمة الشيخ )) وبعدين باب التوبة مفتوح للجميع ليش ما تكون الحرمه هي طريق الزوج للهداية خاصة إنه هالطريقة هي الحاسمه بخصوص قرار الاستمرار او الانفصال !!