سؤال ؟

[أوتار هادئة]

السلام عليكم و رحمة الله و بركاته
شحالكن خواتي عساكن بصحة و عافية

عندي استفسار بسيط عن موضوع تعبت نفسيا منه

أنا متزوجه صار لي شهر و اسبوع
و السالفة و ما فيها انه قبل الدورة بأسبوع نزل عندي قطرة دم لونها وردي و قبل الدورة بيومين صابتني لوعه شديده حتى ما أروم أنام الليل بسببها و بعدها يتني الدوره و بعد ما خلصت الدوره بكم يوم نزلت عندي إفرازات بنيه استمرت كم يوم و الحين خلال هاليومين تصيبني دوخه و غير جي احس في شي واقف لي عند البلعوم و احس بلوعه الصبح و احس بآلام اسفل البطن خاصة اليسار و احس في تقلصات في المنطقة تحت
أنا قرات انه ممكن يستوي حمل مع الدوره و اسمه الحمل الغزلاني
الحين أنا مب عارفه شو اسوي
و ما اعرف اذا أحلل او لا . استحي اطلب من ريلي ايب الجهاز و اخر شي ما في حمل
في اي وحده مرت بنفس حالتي
اللوعة و الدوخه و الألم تاعبيني حتى ما اقدر اركز في الكلاسات

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[#وجدان#]

اذا تستحين تطلبين الجهاز ،،،
روحي اقرب عياده لج منه تتاكدين ما عندج التهابات او شي
وتسوين فحص الحمل في العياده وتراجعينهم اليوم الثاني

[مياو مياو^_*]

حبيبتي عادي لاتستحين كله خير ورزق من الله
وإذا مب حابه تقوليله مثل ماقالت وجدان روحي العياده ع أساس تجوفين شو السبب ومنها سوي الفحص ولاتقوليله لين تعرفين النتيجه وإن شاء الله حامل بإذن الله

[أم شواقي ،،]

يوم بتسيرين بيت اهلج خلي حد من خواتج ياخذولج اختبار حمل منزلي وسويه فبيت اهلج وان شاء الله تبشرينا ،، وبعدين لاحقه على تحاليل الهرمونات اذا لاسمح الله تأخر حملج الافضل تسيرين العيادة مع ريلج عسب تعودينه انه دوم يسير وياج ..

[ام الغلا99]

مااتوقع حمل حبوبه دام يتج الدوره نادر نادر اذا صار حمل ..احتمال تغير هرمونات بعد الزواج وهشي طبيعي بعد الزواج

[الامارات999]

ما اتوقع حمل لان اللوعه تبدا بعد موعد الدورة باسبوعين

الي فيج لخبطة هرمونات

[احلى بعفويتي]

اتري اسبوع من بعد الدوره و روحي الصيدليه الي بالجمعيه وحليلي لا حد شاف و حد درا

واذا حامل مبروك عليج

[game over77]

اتوقع من الهرمونآت لان توهآ مخلصه منج الدورة ووقت تبويض ف يمكن تبويضج هوه السبب

[أوتار هادئة]

السلام عليكم و رحمة الله و بركاته
تسلمون خواتي ع الردود


الحمدالله الاسبوع الي طاف تشجعت و طلبت من ريلي اييب لي الجهاز و فحصت و طلع سالب بس الأعراض مستمرة و قلت له بسوي فحص دم للحمل و الدكتورة رفضت انها تسوي لي الفحص بس سوت لي فحص دم عادي و فحص البول أعزكم الله و قالت لي عندي التهاب بالبول و عطتني حبوب و قالت عندي حموضة و عطتني دوا اللوعة

الحمدالله اللوعة خفت بس اليوم و أنا في الكلاس ظهري عورني و احس عند السرة الم فضيع و بعدين وقت ما كنت امشي حسيت ظهري بنقسم نصين و غير انه بطني أحسه بتقطع و خاصة اذا شليت شي ثقيل ظهري يعورني و دورتي باقي لها ظ،ظ¢ يوم

[أوتار هادئة]

12 يووم **

[سديموو]

عادي يبي تست حمل كلير بلو بس بروحج بدون لايدري ريلج وحللي مره ثانيه وإذا سالب يمكن لخبطه هرمونات لانه توك عروس او اتري لموعد الدوره اليايه بما انها قريبه