اسافر له ولا لا

**بســـــكوته** · 2013-09-23, 00:05

السلام على خواتي وحبيباتي ونصي الثاني
ااااه يابناات اللي متابعه مواظيعي بتعرف قصتي بس ب اختصار انا متزوجه حاليا ومستقره في الامارات الحمدلله وعندي ولد من ريلي الاول وهو فبلد وانا فبلد والحين كملت 4 سنوات ماشفته واحس ناار ولهيييب في صدري بس احاول اتناسى واقص على عمري كل مااقول بسافر له اخاف من ابوه واهله يسوون فيني شي خصوصا ان ريلي رافض يروح معاي بنات انا محتاره ماابا اغيب عنه اكثر عشان مايكرهني وفنفس الوقت ماابا اخسر ريلي الحالي لانا الحمدلله متفاهمين ونحب بعض وهو ماعنده مشكله اني اروح لولدي ازوره بس انا وااايد خايفه اولا من لحظة لقانا اكيد بنهار من االبكى وثانيا لو ظميته لحظني والتقيت فيه كيف بيطاوعني قلبي افارقه مره ثانيه لاني واايد انهرت وتعبت المره الاولى وللحين وانا اعاااني من فراقه وابووه رافض تماما اني اييبه هني عندي خصوصا اني عرست اااه يابنات محتاره دلوني اسافر له ولا اتريى لما يكبر وييني ولا شو اسوي ماابا اخسره ولا اخسر ريلي وخايفه وايد من ابوه واهله ادعو لي ان ربي يجمع شملي وياه في خير وعافيه والحمدلله على كل حال
اتريى ردودكن

المزيد من آخر المواضيع من نفس القسم:

**ضياء الايمان** · 2013-09-23, 01:17

الله يكون فعونج اختي بصراحه مـَـْـْـَا أقدر أقولج شي الضنا غالي الله يصبرج

**عطر رومانس** · 2013-09-23, 01:37

الله يصبرج على فرقاه

**عطر رومانس** · 2013-09-23, 01:38

افضل شي الاستخاره وما خاب من استخار

**شعاع امل** · 2013-09-23, 02:00

مااعرف يااختي

يمكن احسن تستشيرين زوجك وتتصلين باهل الزوج وتخبريهم انك حابه تشوفين الولد

يمكن مادام زوجك يحبك وتفاهمه معاه يمكن يمكن يساعدك

تشوفينه

ثاني شي مش مفروض يكون في حكم محكمه انك تشوفين الولد !!!!!

يعني اتصور لازم تكلمون الجهات المختصه في البلد

**احلام البنات4** · 2013-09-23, 02:04

الله يجمعكم عاجل غير اجل ويصبرج عفراقه حبيبتي ادري انج بين نارين لكن لا تحرمين طفل من حضن امه ابدا الله ييسرلج امرج

**ورقة ناعمة** · 2013-09-23, 07:07

الغالية انتي قبلتي بهاالوضع من البداية وتعرفين ان الولد بيسافر مع ابوه وان المفروض يكون بحضنج هالوقت لو ماتزوجتى بس نصيبج تصبرين

اذا بتسافري لازم حد يكون وياج ولدج لاتقصرين معاه بالهدايا حاولي كل فترة تسيرين عشان ماينساج ...الله يجمعكم ويعوض الطفل بحنان دائم

**طيف الغربة** · 2013-09-23, 12:42

المشاركة الأصلية كتبت بواسطة ورقة ناعمة

الغالية انتي قبلتي بهاالوضع من البداية وتعرفين ان الولد بيسافر مع ابوه وان المفروض يكون بحضنج هالوقت لو ماتزوجتى بس نصيبج تصبرين

اذا بتسافري لازم حد يكون وياج ولدج لاتقصرين معاه بالهدايا حاولي كل فترة تسيرين عشان ماينساج ...الله يجمعكم ويعوض الطفل بحنان دائم

مع راي اختي ورقه ناعمه

**m3andah** · 2013-09-23, 23:45

المشاركة الأصلية كتبت بواسطة ورقة ناعمة

الغالية انتي قبلتي بهاالوضع من البداية وتعرفين ان الولد بيسافر مع ابوه وان المفروض يكون بحضنج هالوقت لو ماتزوجتى بس نصيبج تصبرين

اذا بتسافري لازم حد يكون وياج ولدج لاتقصرين معاه بالهدايا حاولي كل فترة تسيرين عشان ماينساج ...الله يجمعكم ويعوض الطفل بحنان دائم

احسن تشوفينه عشان ما ينساج وما يقول انج مقصرة

**فراشة فوشية** · 2013-09-23, 23:55

الله يكون في عونج ويصبرج على فراقه

أكيد سافري له كل ماحصلتي فرصة

وإذا كان في شي يمنعج حاولي قد ماتقدرين

هاي ولدج يحتاجج أكيد

صح صعبة وايد اللحظة اللي بتفارقينه فيها بعد ماتشوفينه، بس هاي مايمنع أكيد انج اتروحين له

الله اييسر أمرج يارب ويقر عينج بشوفته قريب ياااااااارب

**عطر 77** · 2013-09-23, 09:06

والله اختي ماعرف شو اقولج
الله يجمع بينكم ويسهل امورج

**احلى بعفويتي** · 2013-09-23, 09:29

حبيبتي اذا مافي سبب يمنعج من شوفه ولدج .. لا تضعين الفرصه ..
لا تمين خايفه ..
اهم شي شوفه ولدج حبيبج .. اذا كبر ما راح يحن عليج ابد .. وبيعتبرج مو موجوده ..
مادام عادي تشوفينه و يشوفيج روحيله بسرعه ..
خذي اغراض و لبسات و العاب و كل شي هو يحبه .. وعطيه شي قوليله هاي ذكرى من ماما لا تضيعها ..
ممكن تهدينه مثل غرسه نبات و تقوليله هاي ذكرى من ماما كل ما تكبر هي تمبر وياك وكل ما بتشوفها تذكر ماما... جي بتمين فباله دوم ..

اكيد فرقاه تعب .. بس الوصل يهدي الجرح و يريح البال ..

نصيحه هديتيه فصغر بينساج فالكبر ..

خلج جريبه منه بالفون بالايميلات بالمسجات بالزواره كل كمن شهر ..

لا تبعدين عنه ابد ..

**cute uae** · 2013-09-23, 15:16

المشاركة الأصلية كتبت بواسطة احلى بعفويتي

حبيبتي اذا مافي سبب يمنعج من شوفه ولدج .. لا تضعين الفرصه ..
لا تمين خايفه ..
اهم شي شوفه ولدج حبيبج .. اذا كبر ما راح يحن عليج ابد .. وبيعتبرج مو موجوده ..
مادام عادي تشوفينه و يشوفيج روحيله بسرعه ..
خذي اغراض و لبسات و العاب و كل شي هو يحبه .. وعطيه شي قوليله هاي ذكرى من ماما لا تضيعها ..
ممكن تهدينه مثل غرسه نبات و تقوليله هاي ذكرى من ماما كل ما تكبر هي تمبر وياك وكل ما بتشوفها تذكر ماما... جي بتمين فباله دوم ..

اكيد فرقاه تعب .. بس الوصل يهدي الجرح و يريح البال ..

نصيحه هديتيه فصغر بينساج فالكبر ..

خلج جريبه منه بالفون بالايميلات بالمسجات بالزواره كل كمن شهر ..

لا تبعدين عنه ابد ..

**ميرة المنصوري** · 2013-09-23, 10:18

الحمدالله ريلج راضي انج تروحين له و هذا شي طيب
اتوقع ماتبين يوم الولد يكبر يلومج و الا يسالج كنتي وين وانا صغير هو مسوول منج حتى وانتي متزوجه من غير ابوه و غير انج بتتحاسبين يوم القيامه علييه
توكلي على الله و روحي له وحاولي انج ماتقطعين الاتصال معاه خليج جزء مهم في كل يوم من حياته كلميه على النت او الفون حتى تقدرين اطرشين له هدايابين فترة اثانيةبيتددكرج فيهم و بيحط في باله انج تهتمين فييه
زوريه متى تقدرين حتى حاولي و اسعي انه هو يزورج بين فترة و الثانية اختي لا تستهنين في هدا الشي لانه امانه و باجر هدا الولد بيكبر و بيصير ريال و بيحاسبج و بيلومج

**يا معرفني** · 2013-09-26, 13:49

المشاركة الأصلية كتبت بواسطة ميرة المنصوري

الحمدالله ريلج راضي انج تروحين له و هذا شي طيب
اتوقع ماتبين يوم الولد يكبر يلومج و الا يسالج كنتي وين وانا صغير هو مسوول منج حتى وانتي متزوجه من غير ابوه و غير انج بتتحاسبين يوم القيامه علييه
توكلي على الله و روحي له وحاولي انج ماتقطعين الاتصال معاه خليج جزء مهم في كل يوم من حياته كلميه على النت او الفون حتى تقدرين اطرشين له هدايابين فترة اثانيةبيتددكرج فيهم و بيحط في باله انج تهتمين فييه
زوريه متى تقدرين حتى حاولي و اسعي انه هو يزورج بين فترة و الثانية اختي لا تستهنين في هدا الشي لانه امانه و باجر هدا الولد بيكبر و بيصير ريال و بيحاسبج و بيلومج

الموضوع: اسافر له ولا لا

أدوات الموضوع

عرض

العرض المتطور

اسافر له ولا لا

المزيد من آخر المواضيع من نفس القسم:

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

المواضيع المتشابهه

ابا اسافر بنهاية 11 وين تنصحوني اسافر؟؟؟؟؟

ابي اسافر

ودي اسافر

وين تنصحوني اسافر فهالشهر بتصادف اجازة ريلي وابا اسافر ؟؟

وين اسافر؟؟؟؟