اسافر له ولا لا

**بنت الملحم** · 2013-09-23, 17:21

الله يعينج الصراحة كيف قدرتي ما تشوفينه اربع سنوات أحس وااااااايد صعبة
روحي شوفيه واشبعي من شوفته واخذيله هدايا وألعاب وتواصلي معاه على طول
عشان ما ينساج
الله يصبر قلبج

**ام مصطفى..** · 2013-09-23, 17:56

الضنا غالي اكيد محتاااج لج وايد ..
ان شاء الله يفيدونج البنات

**ماحد شراتي** · 2013-09-23, 19:55

اذا ريلج موافق سافري وخذي حد من إخوانج او محارمج

الله يعينج ويصبرج

**امراه** · 2013-09-23, 20:53

الله يصبرج

**m3andah** · 2013-09-23, 23:45

المشاركة الأصلية كتبت بواسطة ورقة ناعمة

الغالية انتي قبلتي بهاالوضع من البداية وتعرفين ان الولد بيسافر مع ابوه وان المفروض يكون بحضنج هالوقت لو ماتزوجتى بس نصيبج تصبرين

اذا بتسافري لازم حد يكون وياج ولدج لاتقصرين معاه بالهدايا حاولي كل فترة تسيرين عشان ماينساج ...الله يجمعكم ويعوض الطفل بحنان دائم

احسن تشوفينه عشان ما ينساج وما يقول انج مقصرة

**فراشة فوشية** · 2013-09-23, 23:55

الله يكون في عونج ويصبرج على فراقه

أكيد سافري له كل ماحصلتي فرصة

وإذا كان في شي يمنعج حاولي قد ماتقدرين

هاي ولدج يحتاجج أكيد

صح صعبة وايد اللحظة اللي بتفارقينه فيها بعد ماتشوفينه، بس هاي مايمنع أكيد انج اتروحين له

الله اييسر أمرج يارب ويقر عينج بشوفته قريب ياااااااارب

**munamoor** · 2013-09-24, 00:09

ما ادري شو اقول لج بس كيف قدرتي على فرقا ضناج 4 سنوات
ليش ما تميتي وياه !! ليش حرمتيه منج يا اختيه
تتوقعين بعد اربع سنوات راح يكون مشتاق لج !؟! حطي كل الاحتمالات في بالج
لان اكيد حد كرهه فيج

**بنت زاايد** · 2013-09-24, 11:18

الافضل تروحين تشوفيه حتى الولد لما يكبر مايقول امي ابدن ماسالت عني...

شو فايده يوم يكبر تسالين عنه بيفكر انتي تسالين عن وظيفته وفلوسه لانه طووول فتره طفولته ابدن ماسالتي عنه...

حتى لو في سنه مره لازم تجوفيه ويعرف انه انتي امه...

وكل مايكبر بيتذكر انه انتي تسالين عنه ماتركتيه

لكن بتتصرفك والله ماراح اروح لاني بنهااار وببكي خلاص مابروح هذا اكبر غلط وتفكير اطفال....
خلاص انتي تعرفين انه هو مع ابوه ورضيتي بهذا القرار الحين تقولين بنهار وببكي اكيد شعوووور صعب مب سهل بس مع معناته بعد انك تتركيه بالمررررره ماتسالين عنه....
حتى لو مره كل سنه ...اقل شي اتصلي وكلميه بالتلفون اذا هو يتكلم حسسيه انك مهتمه مب ناسيته

يوم يكبر مافيه فاىده تسالين عنه لانه راح يتذكر فقط لي سالوا عنه يوم هو طفل؟؟

**أســــرار** · 2013-09-24, 12:32

الله يصبرج على فراقة

بس نصيحتي لج انج تتشجعين وتروحين له من فترة لفترة عشان ما يحقد ولدج عليج ولا يقول انج مقصرة في حقه

الله يعين الجميع

**الامارات999** · 2013-09-24, 22:01

اكيد لازم تروحين له ليش تترينه يكبر
اذا كبر وفهم بيقول امي خلتني وحتى ما كانت تزورني
لازم تروحين له واتيبين له الهدايا المناسبة الي لعمرة عشان تخلينه يحبج ويتعلق بج مش ينفر منج

مياو مياو^_* · 2013-09-24, 23:46

فديتج اختي لاتحرمين ولدج من حضنة كلمي ريلج دام متفاهم بي ساعده أكيد وخليها يروح معاج ولا روحي مع حد من إخوانج عسب مايسوولج مشاكل هل ريلج إن يايه مع زوجها الثاني تعرفين الحساسيات بس روحي وجوفيه لاتتريينه يكبر وايي بنفسه انتي أمه من حقج وفي قانون يقول هالشي

**يا معرفني** · 2013-09-26, 13:49

المشاركة الأصلية كتبت بواسطة ميرة المنصوري

الحمدالله ريلج راضي انج تروحين له و هذا شي طيب
اتوقع ماتبين يوم الولد يكبر يلومج و الا يسالج كنتي وين وانا صغير هو مسوول منج حتى وانتي متزوجه من غير ابوه و غير انج بتتحاسبين يوم القيامه علييه
توكلي على الله و روحي له وحاولي انج ماتقطعين الاتصال معاه خليج جزء مهم في كل يوم من حياته كلميه على النت او الفون حتى تقدرين اطرشين له هدايابين فترة اثانيةبيتددكرج فيهم و بيحط في باله انج تهتمين فييه
زوريه متى تقدرين حتى حاولي و اسعي انه هو يزورج بين فترة و الثانية اختي لا تستهنين في هدا الشي لانه امانه و باجر هدا الولد بيكبر و بيصير ريال و بيحاسبج و بيلومج

**الحياة*أمل** · 2013-09-26, 14:15

ما اقول غير الله يعينج أختي الله يجمعج مع ولدج على خير

**مدام الرملي** · 2013-09-26, 14:26

الله يجمعج ويا ضناج على خيرر ومافيها شي روحيله وودي احد وياج من اهلج اذا خايفة ولازم تزورينه اما اذا انتظرتي لين يكبر أكيد مابيتقبلج وراح يقول انج تزوجتي ونسيتيه حراام روحيله او شوفيه عن طريق المحكمة يعني قانونيا اذا خفتي من ابوه والله يسهلج شوفته على خيرر انشالله

**بســـــكوته** · 2013-09-27, 21:02

خلاص قررت في اقرب فرصه تتيسر لي ان شاء الله بروح ويزاكن الله خير وايد حفزتوني وانا كنت خاايفه ومتردده خصوصا اني لما اتصل عشان اكلمه يرفض يكلمني خايفه اروح ومايرضىى يي صوبي او يتم وياي فترة جلوسي هناك بس في كل الحالات بروح ع الاقل يتذكر صورتي يشوف شكلي
بس ادعولي وضعي المادي يتحسن عشان اقدر اروح له وااخذ له هدايا
الحمدلله على كل حال الله كريم

الموضوع: اسافر له ولا لا

أدوات الموضوع

عرض

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

رد: اسافر له ولا لا

المواضيع المتشابهه

ابا اسافر بنهاية 11 وين تنصحوني اسافر؟؟؟؟؟

ابي اسافر

ودي اسافر

وين تنصحوني اسافر فهالشهر بتصادف اجازة ريلي وابا اسافر ؟؟

وين اسافر؟؟؟؟