متضايجة

[8asya]

سلام عليكم ورحمة الله وبركاته
شحالكم خواتي
حاسة بضيقة و حزن وفراق وشوق تعبانه وايد من كل شي حولي

انا احب واحد طبعا من دون علم اهلي تعرفت عليه عن طريق الانترنت
حبيته حب صادق وهو حبني حب صادق انا وهو صغار للحين على الزواج يعني عمرنا 19 ..
صار لي 8 شهور اعرفه تعودت على وجوده وعلى صوته وعلى كل شي تعودت عليه وحبيته حب ادمان حتى احيانا مافكر شو اسوي المهم ارمسه ويكون معاي
متضايجه الحين لان احس ان بدا يتغير ما قمت احس بوجوده دائما مشغول ومب موجود ويطلع لي اعذار ماقدر اقتنع فيها كل مرة وارجع اسامحه ويرجع يكرر نفس الغلط
تعبت من بعده عني ومن اسلوبه حسيت ان مايفهمني ومادري شو اسوي معاه انا ..
مادري قصتي غريبه ماقدر ارقد فليل ماقدر مافكر فيه استوينا نعرف عن بعض كل شي كل شي احب وجوده يريححني بس احسه تغير ومادري شو السبب ابي اخليه وابدا حياتي من يديد وماغضب ربي واخون اهلي اريد اسوي كل شي من جديد وانساه بس من افكر انه ممكن يتزوج غيري اموت من الغيره واحترق او مجرد يكلم بنت لما نفترق احترق من داخل اغار عليه من كلل شي تعبانه احس اني اعشقه واكرهه واريد افارقه وماريد افارقه
دخليكم حد ينصحني يكتب لي شو اسوي

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شعاع امل]

اختي لازم تعرفين ان العمر يضيع بسرعه

وانتي بعدك الحمدلله صغيره

تقدرين تبداين من جديد وتركزين في مستقبلك من دراسه وعمل

لو بعدين شتتي عمرك التوبه بتصعب لان تعلقك به وفي هذي الامور بيزيد

والجهاد بيزيد

الحين انتي احسن مع هذا تحسين بتعب كثير لو متعمقه بالعلاقه اكثر !!!

فهذا انذار لك وتعليم اختي

استغلي الفرصه لا تضيعينها

ابدائي بالعبادات التزمي بها شوي شوي

وفكري بدراستك بصورة انك تصيري متفوقه

وهذا ترى سهل مب صعب على اي حد انه يتفوق

[عطر 77]

الله يهديج ويصلح حالج , لا اتفكرين انج اذا كلمتيه يعني بتتزوجينه
مسسسسستحيل يقبل فيج كزوجه وام لعياله وانتي خنتي اهلج وكلمتيه من وراهم
اذا يبغيج بييج لباب بيتكم وبيخطبج . غير جي اقطعي علاقتج فيه خير شر
وحشمي امج وابوج واخوانج , وخلج بنت ثقيله محد يطالها بسهولة

[شعاع امل]

ثاني شي اختي انتي شو خذيتي غير عوار الراس

!

تخيلي لو كان ابن حرام ومسجل مكالماتك

واعطاها لاهلك تهديد لك

او رادك بالغصب وهددك

حمدي ربك اختي انه ساتر عليكي يمكن يعرفك بنت طيبه وعلى نيه

استغلي هذا الشي

في ناس يدخلون لهذي الاشياء مايفكرون!

[8asya]

لا ماتوصل فيه لدرجه ان يسجل مكالماتي هو شخص معروف في المجتمع تقريبا
بس حاسه اني كل ماشوف نفسي في المرايه ان ودي اتغير واصير احسن لاني كنت وايد متعلقه بربي وايد وايد وايد بس بعدين حسيت اني ابتعدت من ربي يمكن هو السبب
بس هو صدق انسان حساس وطيب لابعد الحدود ولو كنت اعرف انه يلعب او يتسلى ماكنت بظل معاه للحين

[future dreams]

إحساسج بالحب في عمرج هذا طبيعي ..
لكن الي محد يرضى به لا الله
ولا اهلج يرضوون انج تكلمين شاب والي أم بينكم علاقه محرمه ..
افرضي انه يلعب عليج حتى لو انتي متأكده لكن شو نهايه هل العلاقة ؟ زواج انتي بهل العمر اهلج بيزوجونج شخص بهل العمر ؟؟ أهله بيزوجون ولدهم وهو توه صغير 19 ...
افرضي مثلا بعد سنوات تنص مين انه تزوج غيرج ... بينساج .. بيعيش حياته وإنتي شو مستفيده !؟
قسم بالله تعبنا من كثر ما نعيد ونزيد في هل الموضوع ...
لكن الإنسان ما ليتعلم من الغلط لين يجرب بنفسه ..
أتمنى تراجعين نفسج ..

[نونة الدلوعة]

لو يباج صدق جان طق باب أهلج ما قال أنا صغير على الزواج
الحينه قوم 17 و 18 يعرسون ويفتحون بيوت يت عليه هو

هو يتسلى في مشاعرج ومادامج في أول الطريق سدي هالباب وافتحيلج باب وابدئي حياتج من يديد بعييد عن معصية ربج
لا اتميين ويا شخص ل ما تكملين وياه سنين وتبنين وياه آمال كبيرة وبالأخير تنصدممين
نصيحة إخت ابتعدي من الحييينه وركزي بدراستج
انتي بععدج صغيرة ومشاعرج بتتغير وبيي يوم بتحبين بس واحد يكون حلالج هذا هو الحب

انتي اللي تمرين فيه الحيينه مش حب وبتتذكرين كلامي
انتيي بسس تعودتتتي عليييه لا أكثر ولا أقل

الله يهديج

[احلى بعفويتي]

مادام تغير و طلعلج الاعذار .. نهايه قصت قريبه ..
هو ما حبج مثل ما حبيتيه ..
انتي كنتي صادقه هو مثل باقي الشباب .. حبه في لحظه يطير ..
طيرييه من عقلج قبل لا يغلق فونه ... ويغير رقمه .. او يقولها في ويهج لا دقين مره 2

[شعاع امل]

انا مع الاخت احلى بعوفيتي

تخيلي لو قالها في وجهك!!!!!!!!! كيف بتحسين

الحين بنات يوم يقاطعنك كيف بتحسين ويقولن نحن مانريدك صديقه وبعدي عنا

تنقهرين بيها طول عمرك وتريدين تاخذين حقك

عاد كيف ريال

هو الحين ساحب نفسه بهدوء وانتي متضايقه ويمكن معانده بس

فاحسن تفكرين بهدوء وطنشيه

كنت اعرف زمان وحده ايام الكليه كانت نفس مشكلتك

تحب واحد وكانت تخبرني عنه بس كان يتحجج لها دوم

بعد ماعلقها

مره كليه تعوره ويخاف يدمر مستقبلها معاه

مره يريد يسافر عشان عليه ديوم ومااعرف شو

يعني حاله

وهي مب فاهمه او مصره عليه

لييين ماتركها

وهي تركت دراستها بس الله ساعدها واشتغلت والحين صراحه ماعرف عنها!

بس اتذكر كانت يوم اتصل عليها في الشغل كانت دوم تقول ياحظكم كملتوا الدراسه

وكثير تزعل يوم ايب طاري الكليه!

[3washii]

و شو ضمنج انه يحبج
ترا الكل يقدر يقول بس خل يبين لج بالافعال
قوليله تباني تعال و رمس اهلى
و قوليله ما اقدر ارمسك و اذا بغيت شى تعال عند اهلي
و الله يستر عليج و يصلح بالج

[ماحد شراتي]

اي حب حبيبتي هذا يلعب ويتسلى ودام انه بدا يتغير ويتعلث فاكيد مل وما يبا يكلمج
طنشيه خلاص وإذا يبيج بدق باب بيتكم

الله يهديج

[ورقة ناعمة]

شوفي شاشة النت خلفها مليون بنت ومليون شخصية مستحيل اي شخص يتعرف على اي مخلوقة

على وجه الارض وما يكون مثالي انتي ماتقدري تحكمي على الشخص اذا زين ولا لا من خلال كلمات او حروف تنقال

ومب كل شاعر قال شعره معناته سيقصد نفسه الممثلين وايد بالحياه واشطرهم اللي يتقن التمثيل

وصدقيني خلص دوره مايقدر يمثل اكثر تعب الريال يبغي يلعب عليج ويمكن حصل وحده ثانية تلعب عليه

الحب موجود بمشاعرنا واحاسيسنا لكن المفروض نعرف وين مكان هالحب بعد حب الله تعالى ورسوله

المفروض ما يكون حبج لشخص مب شارينج ولا يدور على رضاج ... هذا مب حب ضياع وقت وتسلية وانتعاش للمشاعر بهالعمر وخاصة عمر المراهقة

باجر بتضحكين على نفسج وبتقولين معقولة وصلت لهذا الحد من الغباء ....

[tadom]

الله يهديج ويصلح حالج

[Black eye.s]

استغفري من ذنبج اول شي حبيتيه وثاني شي خنتي اهلج وربج

خذيها نصيحه البنت ماتحب الى اللي يشتريها ويتزوجها
اما سوالف النت انستا بيبي ام هاي كلها خرابيط الشيطان كم بتحبين ثاني شي الحب الى للحبيب الاولي لو تزوجتي بيتم قلبج مع الاول تتمنين يكون جنبج بدال ريلج تتخيلينه تذكرينه

احسن حل يكون ريلج الحب الاول والاخير

استعيذي من الشيطان ابدي حياة يديده

[امراه]

الزواج ستر ونص دين مافيه صغار وكبار واخذيه وكلميه بالحلال احسن من الحرام وربي ايسر امورج