زواج من أجنبي

**الغضـي** · 2013-09-16, 17:15

السلام عليكم ورحمه الله وبركاته

ما اريد أطول عليكم ..آنا اعتبركم مثل خواتي وامهاتي واريد رايكم ومساعدتكم

انا بنت عمري 23 اماراتية ورماني القدر على شاب قمه فالأخلاق طريقه التعارف صدفه يمكن ما يصدقها العقل ما اريد اتكلم وايد فالتفاصيل بس تعلقنا فبعض والصراحه عمري ما شفت مثل اللي يسويه حقي ،، خل عنكم المسلسلات انا اتكلم عن واقع بمشاكله والله اني استخرت واعرف اني اريده واني لو دورت الدنيا كلها ما بلقى حد يحبني ويعزني ويقدرني ويحطني فوق راسه مثله ..

بس المشكله هو من جنسيه عربيه وهنا تكون المشكله .. آنا عارفه فتقاليدنا ومحترمتنها بس آكيد هنا فالمنتدى حد عنده تجربه او ماخذه حد مب مواطن .. آبا اعرف كيف اقنع أهلي وابدا بدايه صح .. انا راضيه بالعواقب بس اريد تنصحوني كيف اقنع أهلي .. كيف اخليهم يتقبلون الفكره ..

انا وصلت لمرحله فهالعلاقه لازم اتخذ قرار وهو موافق على اي قرار اتخذه انا.. من كثر التفكير قلت بنهي كل شي عشان ما ننجبر فالنهايه نرضي بشي غصبا عنا بس الله انه هالانسان يستاهل اني احاول عشانه .. هو من ناحيته اهله موافقين وانا على تواصل معاهم والصراحه عايلته وايد محترمه ويحبون ولدهم وراضين باي شي يسعده ..

ياليت كل وحده مرت بهالشي او عندها شي ممكن يفيدني تحطه
ودعواتكم لي

المزيد من آخر المواضيع من نفس القسم:

**الإحساس نعمه** · 2013-09-16, 17:39

الله يهديج وينور طريقج شو سالفة الغير والخليجين الي البنات طايحين فيهم ...
الله عطانا عقل وفكر نفكر به العوا طف نخليها بصوب وانتي بحكم سنج الصغير وتوج باديه حياتج تفكيرين من زوايا معينه وناسيه زوايا ثانيه .. كل مرحلة ولها تفكيرها حبيبتي ...
نصيحه مني كملي دراستج واشتغلي وكوني نفسج وخلي الزواج لوقته سواء منه هو ولا غيره لانج لو فكرتي من اليووم لاخر عمرج مابيصير الا الي ربج كاتبنه حرام بعدج توج صغيره على الامور ..

**ناروتا** · 2013-09-16, 18:09

اختي انا مش مواطنه
لكن حابه احكيلك انت صغيرة بالعمر,واكيد قلبك متلهف لهالنوع من العاطفه, ويمكن هو اول تجربة بحياتك لهيك ظنيتي ان ما احد ممكن يقدملك الي هو قدمه
وخلي فبالك ان الكل بهالمرحلة يحاول يكون مثالي

موفقه

**#وجدان#** · 2013-09-16, 18:26

اختي قبل لا تفكرين في نفسج ..
فكري في عيالج بعدين .. منو بيرضى يزوجهم وابوهم مب مواطن ولا خليجي ع الاقل >> تري وايد ناس يفكرون بهالطريقه
وبعدين ع حسب هو من اي دوله ... انتي اتشوفين المشاكل السياسيه بالوطن العربي
حتي الدوله وايد مشدده ... فرضا اجبر انه يطلع من الدوله؟؟
اذا وافقتي عليه حطي في بالج هالشي وانه ممكن ايي يوم وتضطرين اتعيشين برى الدوله
ف اكيد هو يوم من الايام راح يقول اريد ارجع بلادي كافي غربه

**وجدان الفجر** · 2013-09-16, 19:09

أختي الصغيرة , ربي يحفظج ويقدم لج الخير ولكل بنت مسلمة , آمين.
حبيبتي ,, , أنا عندي أكثر من زميلة وصديقة متزوجات وافدين ومن اللي أشوفه من أحوالهن وندمهن وحالتهن الكسيفة , (مب لأني ضد الوافد لا سمح الله) , ولكن يا أختي فيه وايد مشاكل وفيه وايد تعقيدات تظهر بعد الزواج , يمكن أنت ما تفكري فيها ولا حتى تعرفيها أو تصدقي أنها ممكن تصير .

**سامية22** · 2013-09-16, 19:03

وخلقناكم شعوبا وقبائل لتتعارفوا

**فديتني والله7** · 2013-09-16, 19:04

هلااااااااااااااا

اولا العلااقه الي بينكم حـــــــــــــراااااااااااااااااااااامــــ

كيف يعني حبيتيه وتطلعين وياه عادي رفيجج يعني ********* هذا يسمونه قله حياااااااااااا والسمووووووووووووحه

هذا الواقع

ولا وحده من الاخوات قالت شي !!!!!!

**حبيبة كلود** · 2013-09-16, 20:34

فكرتي بدراستج واشتغلي قبل كل شي عقب بالزواج بعدج صغيرة ولحقه على الزواج ترا الزواج مب رومنسيه وحب طلعت واللي بالي بالج ومب اي حد ناخذه باجر بتذكرين كلامنااا عدل

**.Noura.** · 2013-09-16, 20:39

اممم اذا الله كاتبنه لج بتاخذينه شاورتينا او ما شاورتينا ..
استخيري ربج وتمي استخيريه لين يبان كل شي لج ..
والسموحه

**ماحد شراتي** · 2013-09-16, 20:50

المشاركة الأصلية كتبت بواسطة .Noura.

اممم اذا الله كاتبنه لج بتاخذينه شاورتينا او ما شاورتينا ..
استخيري ربج وتمي استخيريه لين يبان كل شي لج ..
والسموحه

**ام مصطفى..** · 2013-09-16, 21:43

المشاركة الأصلية كتبت بواسطة .Noura.

اممم اذا الله كاتبنه لج بتاخذينه شاورتينا او ما شاورتينا ..
استخيري ربج وتمي استخيريه لين يبان كل شي لج ..
والسموحه

**عشوووقه** · 2013-09-17, 01:45

المشاركة الأصلية كتبت بواسطة .Noura.

اممم اذا الله كاتبنه لج بتاخذينه شاورتينا او ما شاورتينا ..
استخيري ربج وتمي استخيريه لين يبان كل شي لج ..
والسموحه

انا مع الاخت صادقه بهل الرمسه

الله يعينج ...على فكره ترا هذا القرار بيكون اصعب قرار في حياتج وحاولي انج ماتخسرين حد
اختي فكري بعقب دوم فكري باللي ياي و الله يوفقج في اختياارج
ونصيحه بعد كل ما استخرتي بقرااارج بتكونين شااريه راحتج ربي يريحج طووول العمر ..

**الغضـي** · 2013-09-17, 15:49

المشاركة الأصلية كتبت بواسطة عشوووقه

انا مع الاخت صادقه بهل الرمسه

الله يعينج ...على فكره ترا هذا القرار بيكون اصعب قرار في حياتج وحاولي انج ماتخسرين حد
اختي فكري بعقب دوم فكري باللي ياي و الله يوفقج في اختياارج
ونصيحه بعد كل ما استخرتي بقرااارج بتكونين شااريه راحتج ربي يريحج طووول العمر ..

مشكوووره اختي

**نسايم روح** · 2013-09-16, 20:40

شي معروف لازم العرلي بيدلعج لكن بعد الزواج الله يعينج

**الغضـي** · 2013-09-16, 21:34

قال عليه الصلأة والسلأم ..

(( لأفرق بين عربي ولأ اعجمي ولأ ابيض ولأ اسود الأ بالتقوى ))

صدق رسول الله صلى الله عليه وسلم ...

وقال تعالى في كتابه الكريم ..

(( ياايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم ان الله عليم خبير )) ..

صدق الله العظيم ...الحجرات 13

آنا طلبت نصيحتكم وانا عارفه شو العواقب .. انا قابله وانا ادري في وايد حريم عندهم مشاكل وهم مع مواطنين يعني التوفيق من الله والسعاده من الله وانا اريد الستر و الحلال واريد الله يسعدني .. اللي عنده كلمت خير يقولها وانا مثل اختكم

الموضوع: زواج من أجنبي

أدوات الموضوع

عرض

العرض المتطور