زواج من أجنبي

[المها2009]

صلى الاستخاره الله ييسر لج كل شي
مب شرط من نفس الجنسيه بيسعد البنت ومب شرط من غير يسعدها كل شي نصيب
عندي اختي ريلها كل يوم يكرها بالساعه اللي تزوجت وعندي بنت عمي ماخذه لبناني بس معيشها احلا عيشه وتقول لو الزمن يرد لورا غيره ما غيره الموضوع يرد على الشخص نفس حتى لو كان افريقي يمكن يكون اخلاق وادب وعلم واحترام مستحيل العالم كله سيئين في الزين والشين في كل عالم ال
موضوع نصيب واللى الله كاتبه انتي استخيري وسوي اللي الله سخره لج والله يوفقج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المها2009]

قولى لامج انا استخرت ورتحت له واللى اهله كاتبه لي بيصير سواء مواطن او وافد او غيره

[زوجة الملازم]

من رأي الاستخارة أولا وأخيرا
أما اهلج انتي أدرى بتفكيرهم
بس أنا أقول لاً تعرضين نفسج للمشاكل
لان بعد الزواج أمور وايد تتغير
وربي ييسر لج اللي فيه الخير حبيبتي

[روح.الامارات]

استخيري .. والخيره في ما اختاره الله ..
بس لاسمح الله صار اي شي و انجبر يسافر و يترك البلاد شو حالتج انتي و عيالج ؟!
الله يسر لج اللي فيه الخير

[بنت بوظبـي]

صلى الاستخاره الله ييسر لج كل شي
مب شرط من نفس الجنسيه بيسعد البنت ومب شرط من غير يسعدها كل شي نصيب
عندي اختي ريلها كل يوم يكرها بالساعه اللي تزوجت وعندي بنت عمي ماخذه لبناني بس معيشها احلا عيشه وتقول لو الزمن يرد لورا غيره ما غيره الموضوع يرد على الشخص نفس حتى لو كان افريقي يمكن يكون اخلاق وادب وعلم واحترام مستحيل العالم كله سيئين في الزين والشين في كل عالم ال
موضوع نصيب واللى الله كاتبه انتي استخيري وسوي اللي الله سخره لج والله يوفقج

[الغضـي]

صلى الاستخاره الله ييسر لج كل شي
مب شرط من نفس الجنسيه بيسعد البنت ومب شرط من غير يسعدها كل شي نصيب
عندي اختي ريلها كل يوم يكرها بالساعه اللي تزوجت وعندي بنت عمي ماخذه لبناني بس معيشها احلا عيشه وتقول لو الزمن يرد لورا غيره ما غيره الموضوع يرد على الشخص نفس حتى لو كان افريقي يمكن يكون اخلاق وادب وعلم واحترام مستحيل العالم كله سيئين في الزين والشين في كل عالم ال
موضوع نصيب واللى الله كاتبه انتي استخيري وسوي اللي الله سخره لج والله يوفقج

انا صليت استخاره ومرتاحه بس عشان اهلي كيف ابدالهم فالموضوع وكيف عرفني يعني ابا امهد للموضوع بطريقه يتقبلونها
وثاني شي بنت عمج كيف خذت لبناني؟

[الغضـي]

صلى الاستخاره الله ييسر لج كل شي
مب شرط من نفس الجنسيه بيسعد البنت ومب شرط من غير يسعدها كل شي نصيب
عندي اختي ريلها كل يوم يكرها بالساعه اللي تزوجت وعندي بنت عمي ماخذه لبناني بس معيشها احلا عيشه وتقول لو الزمن يرد لورا غيره ما غيره الموضوع يرد على الشخص نفس حتى لو كان افريقي يمكن يكون اخلاق وادب وعلم واحترام مستحيل العالم كله سيئين في الزين والشين في كل عالم ال
موضوع نصيب واللى الله كاتبه انتي استخيري وسوي اللي الله سخره لج والله يوفقج

انا صليت استخاره ومرتاحه الحمدالله .. بس ابا ابدا الموضوع ويا اهلي بطريقه يتقبلونها يعني كيف عرفني ولازم اعطيهم اسباب قويه ادري انه هذا مستقبلي وحياتي بس اريد اقنعهم بصوره سلسه بدون مشاكل ،،
ثاني شي بنت عمج اللي خذت لبناني كيف اهلها وافقوا؟

ومشكوره

[الغضـي]

صلى الاستخاره الله ييسر لج كل شي
مب شرط من نفس الجنسيه بيسعد البنت ومب شرط من غير يسعدها كل شي نصيب
عندي اختي ريلها كل يوم يكرها بالساعه اللي تزوجت وعندي بنت عمي ماخذه لبناني بس معيشها احلا عيشه وتقول لو الزمن يرد لورا غيره ما غيره الموضوع يرد على الشخص نفس حتى لو كان افريقي يمكن يكون اخلاق وادب وعلم واحترام مستحيل العالم كله سيئين في الزين والشين في كل عالم ال
موضوع نصيب واللى الله كاتبه انتي استخيري وسوي اللي الله سخره لج والله يوفقج

انا صليت استخاره ومرتاحه الحمدالله .. بس ابا ابدا الموضوع ويا اهلي بطريقه يتقبلونها يعني كيف عرفني ولازم اعطيهم اسباب قويه ادري انه هذا مستقبلي وحياتي بس اريد اقنعهم بصوره سلسه بدون مشاكل ،،
ثاني شي بنت عمج اللي خذت لبناني كيف اهلها وافقوا؟

ومشكوره

[عشوووقه]

اممم اذا الله كاتبنه لج بتاخذينه شاورتينا او ما شاورتينا ..
استخيري ربج وتمي استخيريه لين يبان كل شي لج ..
والسموحه

انا مع الاخت صادقه بهل الرمسه

الله يعينج ...على فكره ترا هذا القرار بيكون اصعب قرار في حياتج وحاولي انج ماتخسرين حد
اختي فكري بعقب دوم فكري باللي ياي و الله يوفقج في اختياارج
ونصيحه بعد كل ما استخرتي بقرااارج بتكونين شااريه راحتج ربي يريحج طووول العمر ..

[yas150uae]

حبيبتي تاكدي تاكدي تاكدي من دينه ومن ثم تاكدي ان كان قادر على يصرف عليجي واستخيري فان ارتحي. فاعلمي انه قد اتاكي بالدنيا والآخرة ولا تترددي لايهم نوع الجنسية

[وجدان الفجر]

قال عليه الصلأة والسلأم ..

(( لأفرق بين عربي ولأ اعجمي ولأ ابيض ولأ اسود الأ بالتقوى ))

صدق رسول الله صلى الله عليه وسلم ...

وقال تعالى في كتابه الكريم ..

(( ياايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم ان الله عليم خبير )) ..

صدق الله العظيم ...الحجرات 13

آنا طلبت نصيحتكم وانا عارفه شو العواقب .. انا قابله وانا ادري في وايد حريم عندهم مشاكل وهم مع مواطنين يعني التوفيق من الله والسعاده من الله وانا اريد الستر و الحلال واريد الله يسعدني .. اللي عنده كلمت خير يقولها وانا مثل اختكم

أختي السموحة منج , أنت ما تبي النصيحة أنت تبنا نوافقج على رايج . عني أنا نصيحتي لج كانت لوجه الله وصادقة فيها ولو كنت أختي أو بنتي أو قريبتي كنت بقول لها نفس الكلام .كل زواج مثل ما له إيجابياته له مشاكله وسلبياته الللي لازم الوحدة تقبل بها وتتعايش معاها لو بغت حياتها تستمر .والزواج من وافد له سلبيات أكثر بكثير من الزواج من نفس شخص من نفس جنسيتج .فكري فيها , هذا زواج ! مب وظيفة بجربها ولو ما عجبتني بتركها ! فيه تبعات لهذا القرار بتستمر طول العمر . في الزواج مب بس أنت وهو فيه أهلج وأهله , فيه أولاد بيوا بعدين , خلينا من الأهل, أولادج شو حقوقهم عليج ؟ ليش باكر يتبهدلوا ؟ من بيكون السبب ؟ وكيف بتبرري لهم ؟ لو شي ما بإيدج تراه ما بإيدج ومعذورة ولكن بهذه الحالة أنت مسؤولة عن هذا القرار .وحدة تزوجت واحد مب مواطن وكانت أول سنوات الزواج عايشة في عسل معاه والحين بعد ما جابت العيال والله العظيم ندمانة قد شعر راسها !زوجها طلع على حقيقته بعد كم سنة من الزواج وطلع ما خذنها بس علشان مصلحة وأنه تشتغل وتصرف ومواطنة وجاب أهله كلهم الدولة ,وهي خذت قرض علشانه علشان يسوي مشروعه الخاص وطبعاً مشروعه تبخر وتم الدين كاسر ظهرها , وبعد 12 سنة زواج بعدها تعيش في شقة إيجار وعيالها كل يوم يشتكوا لها من إحساسهم بالدونية وأنهم حاسين بالفرق بينهم وبين أولاد خالاتهم وأولاد أخوالهم وتقول وهي تبكي : ما شي كاسر قلبي غير إنكسار خاطر عيالي !!!.والثانية بعد ما سوت المستحيل وتزوجته مع أول مشكلة واجهته في حياته العملية , ترك الدولة وغادر من دون حتى ما تعرف !!!! والثالثة : تزوجته وجابت منه طفلين وبعدها قال أبي أرجع بلدي ومالي عيشة هنا وأجبرها على السفر معاه , يا تسافري معاي يا أخذ منج الأولاد ! وهي ماقدرت تتخلى عن أولادها والحين عايشة معاه بغربة في بلاده , وبعد تشتغل هناك علشان تساعد في مصاريف الحياة وتشتكي من الغربة والتعب وتغير سلوكيات أطفالها ومن تغير المستوى المعيشي !. وأعتقد أنج قرأتي قبل كم أسبوع عن المواطنة اللي تقدمت بشكوى أنها عطت شخص عربي وافد مبلغ من المال لأنه كان واعدنها بالزواج وبعدين خذ المبلغ وأختفى !!!!! ( الخبر كان في الجرايد ).
أختي ,,,, فكري زين وعدل ولا تخلي العاطفة تعمي عينج عن الحقيقة , وحطي السلبيات والإيجابيات كلها وقارني بينها عدل ولو شفتي إنج فعلاً مستعدة للعواقب وللنتيجة فإقنعي أهلج بطريقتج لأن هذول أهلج وأنت أدرى بهم منا . والله يوفقج .

[ورقة ناعمة]

نصيحة وايد لحقوا ورا قلوبهن وعاشو الرومانسية مع اللي مثل ماتقولين

لكن حلات الثوب رقعته منه وفيه ... نصيحة ابعدي هالتفكير باجر بيسير عند بنات بلاده اشكال والوان فديتج والواحد يحن لأصله ويمكن هذا حب مؤقت

انت عايشته لان اول واحد صادفج ... والرياييل عقب الزواج يتغييرون ... لاتندمين بعدين فكري بعقل العيال ...مستقبلا ... الزوج الاجنبي شو مصيره بعد العمل


كل واحد يعشق بلاده حتى لو فيها حروب مصيره يرجع ويرجع لاهله اذا متقبلة تعيشين وتسيرين معاه مستقبلاااا بلاده كيفج .....

[شهد123]

مثل ما قالت وجدان الفجر..
انتي ما عارضه موضوعج عشان تاخذين بنصيحة البنات انتي عارضه موضوعج عشان نأيدج بقرارج ونظهر لج حل عشان تقنعين اهلج وبعدين عقب ما يطيح الفاس بالراس تكتبين موضوع ثاني تلومين فيه البنات ع قرار انتي سعيتي فيه لج لعمرج..
البنات كفن ووفن انتي تفكرين بسعاده قد تكون مؤقته بس ما فكرتي بعيال بتظلمينهم بقرارج بقولج شي ابوي ربي يحفظه اذا انا كنت رايحه السوق ويايبه ملابس او العاب لعيالي وييت بيته مستحيل يخليني اظهر الثياب جدام عيال خواتي والا اخواني بس عشان ما يتم في خاطر العيال الي انا سويته لعيالي ويمكن امه او ابوه الواحد ما يقدر يشتري الي انا ماخذتنه لعيالي لظروفه في هالشهر ..
فما بالج باجر انتي بين عيالج وعيال اخوانج والا خواتج او حتى عيال الناس يمكن ظروف ريلج ما تساعد انه اييب الي ينشرا لعيال اهلج ما فكرتي شوه بكون في نفسهم هذا ابسط مشكله ممكن تواجهينها لعيالج في حقوق العلاج والمدارس والزواج ووووووو عزيزتي حلي عواطفج بصوب وفكري بحكمه وعرفي كل نصيحه انطرحت لج هي في صالحج..

[رهش]

اختي انصحج نصيحه اخويه .. لا تفكرين تاخذين واحد من غير جنسيتج و بلدج .. تقولين انج تحبينه .. حطي في بالج شغله .. بعد الزواج امور كثيره تتغير .. و منها المشاعر .. طبعا هذا غير المشاكل الي انتي بتواجهينها من المجتمع وعيالج في المستقبل .. ابناء المواطنات وايد محرومين في المجتمع و اهم شي نظرة المجتمع الدونيه لهم ( مع اني ضد هالتفكير ) بس هذا واقع مجتمعنا ما نقدر نغيره.. حرام تخطين خطوه راح تعضين ايدج من الندم عليها و بتقولين ياليت.. (لافات الفوت ماينفع الصوت).

[(( بسمه ))]

ما انصحج بهالزواج اختي فكري فعيالج