اريد مساعدت خواتي ...........مهم.....

[دنياالاسلام]

السلام عليكم ورحمة الله وبركاته


خواتي انا اليوم طالبتنكن طلبة

انا تعبانة ومضايقة وماحد حاس فيني غير ربي


اني اعاني ويا زوجي

اللي صح انه ما مقصر وياي لكن مهمل في اشياء ثانية واللي هيه واجباته تجاه زوجته وبنته

ومع اني والله ما مقصرة معاه في شي الا اني القى منه معاملة غير وكل شي يرده علي

كل مشكلة احاول احلها يقولي انتي غلطانة

لا اطلع اتحوط في دبي ولا الشارجة

ومن يوم عرسنا من سنة ونص ونحن ما سافرنا

وحاولت المح له اني اريد اسافر لكن يقول بعدين برد عليج


وينسي الموضوع

ولاني مترفه مثل باجي الحريم اللي تفصل ملابس متى ما تبي او تشتري عبي وغيره

انا افصل من مناسبة لمناسبة

والله يعرف بحالي:1 (6): :1 (6):

ومع انه صادفتني ظروف في ايام زواجنا الاولي الا اني احاول احلها واعوضة باي شكل

الا اني القي الصد والهجران منه

مع انه اهو انسان طيب واااااااااايد لكن ما اعرف شو السبب اللي ما يحب يطلع وياي


اتمنى القي الحل منكن

او استفيد من خبراتكن:22 (8):

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قرموشة]

يمكن يا اختي يوم تطلعين وياه
تطفرينه انج اتمين ساكته في السياره
او متضايقه
ولا تحشرينه وي عيالج
ليش ما تشاركينه في اهتماناته
يعني الشي اللي يحبه
تحولين تحبينه وتتزيدين معلومات عنه علشان تناقشينه
وبشذيه يحس انج معه على الخط
واذا مقصر عليج بشي
يلسي امدحي فيه مدح طويل عريض وانه ما فيه حد مثله
واطلبي الي تبينهعلى على قولتهم بدلع
وخليه يشاركج في اهتماماتج وقولي له شو مضيقج
وعلى طاري السفر يمكن ما تكون عنده الامكانيه انوه يسفرج
ولا ما يحب السفر
ولا تخلين السفر شي مهم لنه وايدين ما يسافرون حتى لومتوفر عندهم كل شي
واحمدي ريلج على هل الريال

[مجنونه]

صدقت قرموشه ...ماعندي زود على رمستها..

الله يسعدج.

[little lulu]

السلام عليج ...

الله يعينج يا اختي ....بس ترا يا اختي اذا ريلج طيب على قولتج ...خلي عنج هالكماليات الي ما تنفع .... في وايد حريم

يظهرن كل يوم و يروحن و يردن ....بس و الله مب مستانسين ويا رياييلهم.....انتي حاولي تسكتين فتره عن هالموضوع

و لا تفتحين هالسالفه وياه ....و بجوفين انشالله هو روحه بيي و بيظهرج ....صدقيني الريال ما يحب الحنه...

جربي و بتشوفين انشالله .....

و الله يهدي سرج انشالله

[فراشة دبي]

الله يعينج اختي..انا اقول لا تيلسين اتناقشينه وايد فالمشاكل ...ولا تيلسين تحنين..ما وديتني ما ظهرتني..ما سرنا ما يينا..لا تضغطين عليه..يوم بييج اضحكي و سولفي وياه و اهتميبه وانسي كل المشاكل...صدقيني كل ما اتغاضيتي بيكون احسن لج..حسسيه كم انتي تحبينه و اتولهين عليه..وماودج تيلسين بدونه..ادلعي عليه و دلعيه...بتشوفينه واايد متعلق فيج ولا يطيق اليلسه بدونج..اما اذا يلستي اتحنين و تلمحيله بأشياء يمكن هو ما يقدر يسويها..بيتم يشرد عنج عشان ما يسمع هالكلام..واذا حببتيه فيج و كسبتيه صدقيني ما يرد لج طلب..لكن شوي شوي..والله يوفقكم ان شاء الله و يرزقكم الذريه الصالحه..

[عروس الجنة]

شوفي حبيبتي ...

حاولي أنج تعرفين شو نوع السوالف إلي هو يحبها ، لا تحاولين تضغطين عليه بالطلعة ، لأن مثل ما يقولون كثرة الدق يفج اللحم ، أقولج نفس ما قالولج خواتي أنسي موضووع الطلعة وحاولي تركزين عليه
هو وشو يحب ، يعني تودديله بأي طريقة ، وبعدين حبيبتي أكثر الرياييل لما تستوي مشكلة يعلقها عالحرمة ..

أنتي وقت المشكلة لا تحاولين تردين عليه ، حاولي انج تفهمينه خلاف ما هو متصور لكن بعد ماتبرد السالفة
وحاولي وقت ما تكلمينه تستعملين أسلوب الهدوء ، وكثري من الكلمات الحلوة ، مثل : ياعمري ، الله يخليك لي يا أغلى أنسان في الدنيا ، أنت روحي كيف أنساك .... ألخ من هالكلمات الحلوة ...

وحاولي وقت ما تكلمينه أنج تمسكين بأيده ، وتطالعينه بنظره اتذوب شوي :1 (53):

وأتمنى لج التوفيق ...

[دنياالاسلام]

شكرا

لكل اخت ردت على الموضوع

ويزاكم الله الف خيرا


وجعله في ميزان حسناتكم

[بنبونه]

هلا اختي
مع اني دخلت متأخره
بس حبيت اقولج انها ستفرج انشالله بس يبالها صبر اصعب سنوات الزواج الخمس الاولى صدقيني وخاصه اذا كان زواج تقليدي..

تعالي في وقت يكون مرتاح فيه وافتحي وياه الموضوع بهذي الطريقه:
الاستئذان:
"ايلسي عداله وقوليله حبيبي ..ممكن اتكلم وياك ؟ولا مشغول؟؟
اذا عطاج مجال ابدي تقولين له مشاعرج شوي شوي واتحملي تعلين صوتج يوم بتتكلمين..
قوليله حبيبي انا ما ابا اثقل عليك واعيد وازيد في الرمسه..
خلنا نتفق على شي : على الاقل يوم في الاسبوع خله لنا ،عطنا شوي من وقتك..مش اليوم كامل لا ،عقب ما تصلي المغرب تعال
ودنا مركز نلعب بنتنا...وبنتفرج شويه..وبنتعشا ويا بعض

وحتى لو ردج في هذا الوقت صدقيني بتحز في خاطره وبيحس انه مقصر

اتعلثي ببنتج اول شي..وشوي شوي الله بيسخره لج انشالله
حددي كل بداية شهر تسيرون تاخذون اغراض للبيت وقوليله بسير وياك بناخذ اغراض ناقصتنا
اذا نجحتي في هذي ابدي الخطوه الثانيه:
عقب ما تكملين اسبوع من الطلعه الاولى
اتعلثي انج بتشترين ثياب لبنتج بتكون طلعه وبتغيرين جو و في نفس الوقت وانتو رادين البيت فليل قوليله خلنا نمر مطعم نتعشى...واذا ردج وما رضى اول ما توصلين البيت
قوليله حراام كان خاطري اتعشى وياك.. هذي كلمه بس بيحس انج تتريين الفرصه اللي تكونون فيها وياه عشان تقضون وقت ويا بعض اكثر وصدقيني بيكون متضايق من عمره..لانه ردج
لا تزودين الطلبات..
ولا تحسسينه انج انانيه بطلباتج يعني:
لا تقولين طلعني انا مضايقه
قوليله ابا اطلع وياك
ابا استانس وياك
ابا اتعشى وياك
ابا اتمشى وياك
عطنا من وقتك شوي مب النهار كامل ربع النهار بس
وبنتج كم عمرها؟؟
اذا كانت تفتهم ألفي شوي عليه عشان يحس بالذنب ,انا ما احرضج على الجذب بس عشان يحس فيها شوي
قوليله يوم اقول اسمك تتلفت تدورك
او يوم احط السماعه على اذنها وتسمع صوتك تدورك..
يعني حببيه فيها..

بس لو كنت اعرف سببب المشاكل اللي في بداية الزواج يمكن كنت اقدر اعطيج الحل المناسب
لانج مب الوحيده اللي تعانين من هالظروف فيه وايد بنات نفسج واخس بعد
بالنسبه للمصروف: اكيد هو ما بيقصر لو طلبتي بس انتي يمكن من النوع اللي ما تحبين تغامرين تخافين من الصد؟؟
صح؟؟
فكان لازم من البدايه تطلبين منه مصروف خاص لج كل شهر
او اذا ما فيه مصروف محدد يوم بتطلعين وياه كل طلعه خذي لج شي ناقصنج بس بحدود ...
اتمنى اكون فدتج لاني يوم اتكلم ما اسكت ههههههههه

[ام غايوتى]

لا اختى انا خلاف ما قالوه هو صح انج لا تحنين وايد مثل ما قالت بعض الاخوات { كثر الدق يفج اللحام } لكن ما تسكتين عن حقج انا والله ما احرضج على ريلج لكن ها الايام الطيب ما ينفع ويا الريايل لا تسكتين ناقشيه وحاوريه واهتمى بمشاكله وحاولى تحلينهن معاه بس بالهون مب بالحنة والصراخ وزيادة الكلام اذا شفتيه ما يتقبل منج اليوم اسكتى ولا تردين عليه بس ما تسكتين على طول تشوفين الوقت المناسب وتردين تفتحين الموضوع بطريقة حلوة ومهذبة . اختى اتبعى السياسة وياهم غير جذى لا . اختى ليش حارمه عمرج من اللبس والكشخه حبيبتى بعدين بيقول ما تلبس وما تتكشخ البسى اختى شو بتاخذين من هذى الدنيا والامور الثانية هو اللى يتدخل فيها ويشلها لا تعورين راسج . هذى نصيحة من وحدة مجربة ما انتى فيه .