حبيت افضفض ولعل وعسى ربي يرحمني من اللي انا فيه يا رب

**مجروحة وأكابر** · 2013-09-15, 08:45

بنات صدق صدق ادري ان مب بس انا اللي جي وايد بنات نفسي بنات قبل فتره كتبت موضوع عن تصرفاتي الطايشه اللي ماسويتها الا وانا كبيره ومسؤوله عن تصرفاتي بنات انا متضايقه وايد مب عارفه كيف اطلع نفسي من هالتفكير عمري 34 سنه والعمر يمر فالعاده ايي الدوام نشيطه و اليوم لا احس مب مرتاحه أريد اعرس خلاص أحس بخنقه كل بنات الاهل إلا انا حكمه من الله بس ادعولي اني اعرس ادعولي الله يخليكم اريد عيال من بطني مب اربي عيال اخواتي و هلي اريد اسمع امي اريد احس بالامومه والحب والاهتمام يااااااااااااارب سامحني اني ارمس عبيدك بس اتمنى دعوه من قلب صادق لقلب ملهوف محروق من البارحه اصيح بكل حرقه مليت الوي على المخده مليت امثل السعاده و مليت اخلص اموري بروحي مليت افقد انوثتي مليت ارقع يوم حد يسألني ليش ما عرستي شقول نصيب كله عند الله مب راضين يفهمون الله المستعان ربي لا تذرني فردا وانت خير الوارثين

ما خطبني حد للحين خير شر مدري شو السر الله يعلم بس انا اصيح على نفسي وايد مب مرتاحه مب مرتاحه الله المستعان يارب ساعدني

المزيد من آخر المواضيع من نفس القسم:

**حمامة نودي** · 2013-09-15, 09:00

الله يفرج همج و يفرجها على جميع المسلمين
اقري سورة طه يوميا بنيه الزواج و ربي بيسهل امورج ان شاء الله

**الإحساس نعمه** · 2013-09-15, 09:02

الله يفرجها عليج حبيبتي حاسه بكل كلمة كتبتيها الحال من بعضه مريت بفتره نفسج كله صياح وهم وتفكير وشفت حالتي تسؤ وتدمر شلت فكرة الزواج من بالي من اني محتاجتنها كثير . قمت اسوي الي عليه اصلي وصدقات ودعاء وحسن الظن بالله وخلي الباقي ع ربج ولا تياسين ربج كريم...

**احلى بعفويتي** · 2013-09-15, 09:19

ان شالله تلاقين الريل المناسب الي يسر بالج ..
في بنات يتزوجون بالمرات .. سبحان الله من وين يلاقون ريل ماعرف ..
هههههه

الله يسر لكل البنات ازواج صالحين حنونين طيوبين راعين هدايا و رومنسيات ..

**أم ردينا** · 2013-09-15, 09:40

اختي يوم بتحسين بحرقه وودك اتصيحين
روحي اتوضي وصلي ركعتين قيام وادعي ربك وصيحي له وتذللي اليه
راكعه ساجده اطلبي منه بحررقه قلب و بكاء ان يرزقك بالزوج الصالح والذريه الصالحة

محد راح يستجيب لك الا هووو ان شاء الله
وربي ما اخر شي الا لاسباب لا يعلمها الا هو
وكل شي فيه خيره لج

تيقني عزيزتي ان الله ماراح يضيع صبرك ع الفاضي
واهم شي الامل بالله والوثوق والتوكل به وعليه..

والله يرزقك بالزوج الصالح الي يسعدك والذريه الصالحه الي تتمنيها يارب..
وربي يرزق كل محروم..

**مجروحة وأكابر** · 2013-09-15, 09:56

آمين يارب

**ماحد شراتي** · 2013-09-15, 11:17

الله يرزقج بالزوج الصالح

**دمووع الول** · 2013-09-15, 11:40

حبيبتي عليج تقرين سورة البقرة يوميا والصدقة بنية الزواج من رجل صالح ومداومة الاستغفار وقراءة أذكار الصباح والمساء .. والله يرزقج ان شاءالله باللي تتمنينه

**اللهم أحببتك** · 2013-09-15, 11:45

أختس حاولت اراسلج في الخاص بس ما قدرت ضروري ردي علي عندي لج حل باذن الله

**m3andah** · 2013-09-15, 12:33

المشاركة الأصلية كتبت بواسطة أم ردينا

اختي يوم بتحسين بحرقه وودك اتصيحين
روحي اتوضي وصلي ركعتين قيام وادعي ربك وصيحي له وتذللي اليه
راكعه ساجده اطلبي منه بحررقه قلب و بكاء ان يرزقك بالزوج الصالح والذريه الصالحة

محد راح يستجيب لك الا هووو ان شاء الله
وربي ما اخر شي الا لاسباب لا يعلمها الا هو
وكل شي فيه خيره لج

تيقني عزيزتي ان الله ماراح يضيع صبرك ع الفاضي
واهم شي الامل بالله والوثوق والتوكل به وعليه..

والله يرزقك بالزوج الصالح الي يسعدك والذريه الصالحه الي تتمنيها يارب..
وربي يرزق كل محروم..

**ثق بربك** · 2013-09-15, 12:50

الله يرزقج بالزوج الصالح يارب

**بطالية وأسفاه** · 2013-09-15, 13:08

تذكري كل تأخيره و خيره و ها شيء حكمه من الله
فلا تتضايقين يالغالية و الزواج مب كل شيء
و الزواج مب هو فقط اسباب السعادة
و ياما حريم تزوجوا و تعذبوا مع رياليهم
يحنو لايامهم قبل الزواج ويمكن ندموا ع الزواج
و ها من حقج تحلمين بالزواج و تكونين اسرة
و ادري صعب يوم تسمعين من تعليقات غيرج بس لا تخلينه يأثرج
خلج قوية و خلج ثقتج بالله قوية
الله يرزقج بزوج صالح اللي يسعدج و يهنيج

**مجروحة وأكابر** · 2013-09-15, 14:13

**fbi_73ifa** · 2013-09-15, 15:58

مرحبا حبيبتي

الله يرزقج ان شاءالله بالزوج الصالح ويسترعليج
لاتفكرين حببتي اشغلي عمرج بأمور وبييج ان شاءالله لاتحاتين ^^ رزقج مكتوب وبتحصلين عليه بأذن الله شيخ الرياييل
انزين تعاملي مع خطابة ؟؟
في موقع اعرفه
موثوق فيه من الامارات اسمه يباب ^^ وفي خطابة ماشاءالله من 20 مادري 15 سنة ,, مشهورة و صدق يعني وفقت وايد ناس فزواجهم =)
جربي عندها وسبحان الله يمكن تصييييييييييييب ويضبط وياج ^^ وتعرسين وتحملين وتستانسين مع ريلج

الله كريم

لاتفكرين حبيبتي .. لهّي عمرج بأشياء ولاتيلسين تفكرين..

**fbi_73ifa** · 2013-09-15, 16:02

http://*****.com/%D8%A7%D9%84%D9%86%...AD%D9%85%D8%AF

توكلي على الله وقدمي اوراقج هنيه ^^ وان شاءالله بيوونج خطاب وخطااطيب وبتصطانصين وايد خخخخخخخخ اختريلج فارس الاحلام 3>

الموضوع: حبيت افضفض ولعل وعسى ربي يرحمني من اللي انا فيه يا رب

أدوات الموضوع

عرض