الدعوه للاسلام

**chanela** · 2013-09-11, 23:07

السلام عليكم

(الموضوع طويل شوي بس معليش ياريت لو تكملون للاخير)

اليوم كنت يالسه اطالع مقاطع فاليوتيوب عن اجانب اسلموا
وماشاءالله مراهقين وشباب يدخلون الاسلام بكل قناعه
حتى واحد عمره 14 سنه دخل للاسلام ومقتنع فديننا 100٪
الله يثبته يارب

14 year old american kid choose islam ,طفل امريكي يختار الاسلام بنفسه

شفت مقطع لواحد يدعي واحد شيبه للاسلام
الشيبه اتخيلوا شو قال فنص المقطع
( لن يطلب مني احد ان اصبح مسلما ابدا )
وين دورنا احنا كمسلمين
لو احنا ماعرفنا للاجانب او اللي غير مسلمين بدينا منو راح يعرفهم عليه ؟؟
منو راح يشرح لهم مدى روعه دينا ؟

احس نشر الدين دين فرقبتي ولازم أأديه على اكمل وجه
عندنا كثير ناس ف مجتمعنا غير مسلمين وصح يعرفون انه في دين اسمه الاسلام
لكن مايكون عندهم اي ادنى فكره عنه
لو بشكارتكم غير مسلمه او بشكاره اي حد من الاهل غير مسلمه نقدر نهديها كتيبات عن دينا وهي تقراه
اذا بغت تعرف اكثر تودونها على اي مركز اسلامي

اتوقع الحين اللي ف الجامعه او اغلب المدارس صاروا الاجانب يدرسون ليش مانعطيهم كتيبات اسلاميه مع هديه بسيطه
ماتعرفون يمكن تسلم على ايدكم وياسلام ع الاجر اللي بتحصلينه
وغير عاملات النظافه اللي فالمدرسه اغلبهم يكونون مو مسلمات
كل ماشفتي عاملات النظافه ابتسمي
سلمي عليها لاتتكبرين عليها
شفتي وصخ ف الارض شليه
عندج فلوس زياده اشتري لها ماي و ساندوتش او عصير
عامليها بطيب واحسان وعقب عطيها الكتيبات الاسلاميه
راح تحب الاسلام اولا من اخلاقج ومعاملتج معاها لها تأثير كبير عليها

وحتى لو كنتي مقصره فدينج وتقولين انا خل اعدل صلاتي ولا علاقتي ويا ربي وعقب راح ادعي للاسلام
هذي ابد مو حجه
دوري ع شي يشفع لج يوم القيامه

وهذي قصه يقولها محمد العريفي

الشيخ العريفي_ قصة الشاب الذى اسلم علي يده 2 من الهنود

لاتطوفون الفيديو شوفوه ^

ابسط شي الايدي العامله عندنا بالهبل
حاولتوا تدعون حد للاسلام او تهدون حد منهم هديه تفرحه ؟؟
عمال البناء ، عمال النظافه ، راعي الدكان ، الحلاقين ، الخياطين ، ورش السيارات ، عاملات النظافه ، المطاعم

اشتري الكتيبات حطيهم بكيس مرتب + قران مترجم معاه ورده ، حلاوه ، هديه رمزيه ، اي شي
عطي لاخوانج ، عيال عمج ،شباب العايله يوزعونه على الايدي العامله الغير مسلمه سواء هنود او فلبينين ، او باكستانين ، او حتى اثيوبين
لانه تتوفر الكتب بهاي اللغات
او تقدرين وانتي بالمطعم تعطين الكرسونه هالكيسه وخاصه الفلبينيات او فالصالون
نقدر نهدي للايدي العامله المسلمه

كيس فيه قران + بطاقه جميع الاذكار + خاتم التسبيح او مسواك + هديه رمزيه
وشوفوا الاجر اللي راح تحصلونه
اجر اسعاد مسلم + اجر عند قراته للاذكار او القران

البعض يمكن يقول راح يكلفنا هالشي
تقدرين اتيبين حصاله وتجمعين انتي واهلج كلكم تتشاركون
كل واحد يحط المبلغ اللي يقدر عليه
وخلوا اطفالكم يشاركونكم بهالاعمال يستانسون عليها

المولد النبوي
يوم مهم لجميع الامه الاسلاميه يوم ولد فيه اعظم شخصيه على وجه الارض

لكن للاسف ماشوف اي اهتمام بهذا اليوم لا من مدارس ولا من مولات
من السنه اللي طافت كانت في فكره فبالي وكان ودي اطبقها بس للاسف ماكان في وقت
وصحيح بدري على هذا اليوم بس التخطيط بدري يجيب نتايج زينه
يوم المولد النبوي حابه اوزع بروشرات عن رسولنا الكريم بعده لغات
اريد العالم كله يعرف عن حياه الرسول صل الله عليه وسلم
الفكره اني اخذ كورنر صغير عند المدخل الرئيسي في مولات ويكون شكله جذاب (دبي مول مثلا ، امارات مول ،jbr) >اكثر الاماكن اللي فيها تعدد بالجنسيات
والااماكن الزحمه اللي فيها ناس كثيره
واوزع ع الناس كتيبات صغيره عن الرسول صل الله عليه وسلم بلغات متعدده ومعاه شي رمزي

لاني شفت هالفكره في بريطانيه شباب جزاهم الله خير ردود افعالهم لما طلع الفيلم المسئ للرسول ماكان العنف لا عملوا العكس وزوعوا كتيبات عن رسولنا الكريم عليه الصلاه والسلام وبشكل انيق ومعاه ورده انجذبوا الاجانب لهالشي والحمدالله بهذيج الفتره كثير دخلوا للاسلام الله يثبتهم ان شاءالله

وهذي مقاطع بعد للحملات اللي تصير

أول فيديوا من حملة التعريف بالنبي فى النرويج.mp4

مسلمات بريطانيا يوزّعن الورود والأحاديث النبوية دفاعاً عن الرسول الكريم

احنا الحمدالله بلادنا كثير من الاجانب من مختلف الجنسيات يزورونها
ياريت لو نستفيد من هالشي ونقدر ندعيهم لدين الحق بطرق مبتكره وجذابه

المراكز الاسلاميه في دبي

مركز الشيخ محمد بن راشد للتواصل الثقافي الحضاري ( النسائي) 3455563 جميرا ــ بجانب مستشفى الإيراني

مركز الشيخ محمد بن راشد للتواصل الحضاري الثقافي 3536666 البستكية التاريخية- بجانب ديوان الحاكم

مركز المعلومات الإسلامي 3986950 الضيافة- خلف الدفاع المدني
مركز جميرا للتعليم الإسلامي 3949461 أم سقيم- خلف سبينس

في العين وعجمان

دار زايد للثقافة الإسلامية

وفيه غيرهم الكثير اللي تبي اكثر تراسلني

وهنا من دائره الشوؤن الاسلاميه والعمل الاسلامي
طلب اشهار اسلام

اخر شي عدنا الطريقه الاسهل واللي مافي اسهل منها
نشر الاسلام عن طريق الانترنت
تويتر ، فيسبوك ، keek ، kik ، انستقرام ،اليوتيوب

في اليوتيوب عندكم

الشاب عيضه ماشاءالله عليه
عنده عده مقاطع ف اليوتيوب وهذي وحده منهم

No One Died For Your !!!الشاب عيضه

وحتى الدعوه للاسلام موجوده بااللغه الكوريه

عبدالرؤوف الكوري

وغيرهم الكثيييييير
اكتبوا ف صندوق البحث
الدعوه الى الاسلام بأي لغه وان شاءالله راح تحصلون اللي تبغونه

keek

zh8an

من الشباب اللي استغلوا الكييك احسن استغلال
يدعوا المسيحين للاسلام وكيكاته مفيده
ماشاءالله عليه

تويتر

طريقة مبتكرة للدعوة إلى الإسلام عن طريق موقع "تويتر" العالمي

الانستقرام

فيه الكثييييير من الاجانب ومرات هالاجانب يكونون حاطين
kik ماسنجر تقدرون تتواصلون معاهم وتعرفوهم بالاسلام
او تردون بالاكاونت حقهم تعريف بسيط عن الاسلام
ونفس الشي مع الفيسبوك

مواقع عديده للدعوه الى الاسلام

1

2

3

^ التعريف عن الاسلام باللغه الانجليزيه

5

^ اسئله واجوبه عن الاسلام

6

( قد ماتقدرون انشروا مواقع , مقاطع اليوتيوب ، )
استغلوا مواقع التواصل الاجتماعيه باشيآء تنفع للاخره
مايبقى لنا غير العمل الصالح والاجر الجاري

تعبت ف الموضوع كنت ابيه يكون افضل من جيه
بس ها اللي طلع معاي
اتمنى الاقي ردود حماسيه
واتمنى الاقي تطبيق اتمنى هالشي من قلبي
لوعندكم مواقع ولا مقاطع يوتيوب اضيفوها هنا
ياريت لو احصل الدعم عشان حمله التعريف بالرسول صلى عليه وسلم
ولو حد عنده فكره عن كيفيه التواصل مع اداره دبي مول اوالامارات مول عشان الفكره يراسلني

الموضوع حلالكم انشروه على قد ماتقدرون

المزيد من آخر المواضيع من نفس القسم:

**chanela** · 2013-09-12, 19:39

ماشاءالله مواضيع احد طق ولدي عين ولا مووضوع حش بالعالم
نلاقي الصفحات بالخمسه والسته والسبعه
اما عن دينكم ؟؟

**ياقوتةخضرا** · 2013-09-13, 15:52

يزاج الله خير اختي الغالية على التذكير بالدعوة للاسلام ولو بشيء بسيط مثل الكتيبات

فعلا هذا شيء طيب واجره عظيم ..

لا تزعلين من قلة الردود لأنه المنتدى ما عاد مثل أول
لاحظي الكل يدخلن كزائرات بدون تسجيل
(لين الحين 89 مشاهدة) وهذا شيء زين لأنه الحين 89 وحدة قرت موضوعج وان شا الله تبدا التطبيق
ويكون لج الأجر العظيم باذن الله

اتمنى خواتي ترفعون هذا الموضوع ولو بدعوة لأهميته وعشان بعد تنالن الأجر

**ام خليفه3** · 2013-09-13, 19:57

جزاك الله خير اختي على طرح هالموضوع المهم وبالفعل احنا كمسلمين يجب علينا تعريف غير المسلمين بدينا الاسلامي ودعوتهم للدخول للاسلام

**بيذامة** · 2013-09-14, 14:06

اسال الله ان يجعل هذا الموضوع في ميزان حسناتج ان شا الله

**ملكة الاحاسيس** · 2013-09-14, 16:36

بدأ الاسلام غريبا وسيعود كما بدأ

**ماحد شراتي** · 2013-09-14, 17:50

في ميزان حسناتج
الله يحفظ المسلمين وبلاد المسلمين

**المول** · 2013-09-14, 19:53

الصراحه كفيتي ووفيتي. الله يجعله في ميزان حسناتج. اختي اذا لج علاقه بنشر الكتيبات. انا حابه توزعونها علي مول اب تاون مردف المنطقه وووايد فيها اجانب. وكثير ما يترددون على. اسبنس. بدال ما يكثرون طاولات جمع التبرعات والصدقات احس ان الصناديق اتكفي بدال ما يحطون ناس اتبرق في الاوادم ولا ينزلون عينهم عنج حطوا طاولات فيها. كتب اتعرف بالاسلام

**Jasssy** · 2013-09-15, 00:09

السلام عليكم ورحمة الله

جزاك الله كل الخير أختي... لكن الموضوع مب هين، خاصة في ظل كل هالدعاية ضد الاسلام. أنا عشت في أوروبا، ولما تحجبت وكنت فالجامعة قالتلي صديقتي الاجنبية : "صرتي تشبهين الـ"شخيدة" !!!" .. طبعاً عدهم كلمة "شهيدة" = اللي تفجر نفسها بالاماكن العامة باسم الاسلام !!!!!!!!!

هذيلا ممكن نفهمهم شو هو الاسلام وكل شي .. لكن غير الدعاية اللي يتلقاها وين ما راح ضدنا، كثير منهم ما يهتم بالحياة، ويستصعب ترك الزنا والخمر نهائيا، ومعظم الرجال الأجانب يفكرون لو يبغون يدخلوا فالاسلام لازم "يتختنون"

يعني .. فهمكم كفاية. وبما أن مثل هالموضوع صعب يتكلم فيه وأصلا مستحيل تلقين أي كتيب تعريفي بالاسلام يتكلم فيه، بيظل بالقلب وما يسالون عنه ولا يدرون شي ويبعدون الفكرة عن راسهم بسببه.
مرة واحد أجنبي خطب قريبتنا، ولما الاهل اتشرطوا طبعاً انه يسلم وجي، فتح الموضوع وهو مخسوف وايد

بصراحة حنا استغربنا من هالتفكير ! لكن كل الرجال الأجانب يفكرون جي، وصعب تيي لكل واحد وتفهمينه.
ومن الأشيا الثانية اللي تبعد الأجانب عن الاسلام، هو تصرفات المسلمين نفسها !!! خاصة في الخارج. تلقين الواحد من العرب طالع برع يدخن ويشرب ويزني ومن الذي منه ....... وهي الفكرة اللي بيوصلها للكل.
وبعد أذكر مرة واحد كان يبا يدرس شريعة، جا البلاد ولما شاف حال المسلمين أعرض عن الموضوع تخيلن ! .. قال: "البنات مب متسترات، والميك اب، والريايل يطالعون الحريم ويغازلون، ومو صايمين برمضان بالمولات، وحمل حموله ورجع بلاده

.
وبعد .... الخدامات اللي يجون للعوايل واللي معظمهم يتعاملون معاملة العبيد أستغفر الله، وين من ادخالهم الاسلام ؟

أنا ما أتكلم للخيبة ....... لا بالعكس للتفاؤل، ولإصلاح أحوالنا نحن المسلمين مع أنفسنا أهم الشي !!! وامام الناس ... الاسلام مب بالاسم أو البلد أو الكلام،... الكتيبات بالمولات ما تفي بالغرض أبد أبد أبد !!!!! ......... لنشر الاسلام الصحيح نحتاي شي ثاني وهو بناء مجتمعنا على الاسلام ابتداء من صغاااار الأمور ... مثل نتف الحواجب مثلا !!!!!!!!!! وهذي لعنة تساهل فيها 99% من نسائنا للأسف بحجة الجمال والموضة،.... مع انها "لععععععنننننة" تعرفن شو يعني لعنة ؟ ... وهذي اللي تقول: بشيل شوي من الاطراف، وهذي تقول: "ريلي طلب" وهذي وهذي ....... وذيك المسيحية تقلي: "ليش انت مسلمة وتنتفين حواجبك ما تعرفين انه حرام؟ " ... يا حسافتي شو كنت بقولها ... قتلها: "هيه" ................... وبس ........... كيف أبغي أدعيها للاسلام ؟ .. أقول: "معليش الله مسامح؟" ............ ؟؟؟

عذرا طولت عليكن ........... من حرقة قلبي ونية صافية والله لخير الامة الاسلامية

بالتوفيق

والسلام عليكم ورحمة الله

**chanela** · 2013-09-15, 20:47

المشاركة الأصلية كتبت بواسطة المول

الصراحه كفيتي ووفيتي. الله يجعله في ميزان حسناتج. اختي اذا لج علاقه بنشر الكتيبات. انا حابه توزعونها علي مول اب تاون مردف المنطقه وووايد فيها اجانب. وكثير ما يترددون على. اسبنس. بدال ما يكثرون طاولات جمع التبرعات والصدقات احس ان الصناديق اتكفي بدال ما يحطون ناس اتبرق في الاوادم ولا ينزلون عينهم عنج حطوا طاولات فيها. كتب اتعرف بالاسلام

مرحبا اختي
انا بعدني ماطبقت الكلام اللي قلتله بس راح اطبقه ان شاءالله من توصلني الكتيبات
بالنسبه للتوزيع الكتيبات في المولات
هالشغله ماتوقع راح تكون سهله
اول شي لازم اخذ اذن من مدير المول او تصريح عشان احط الطاوله
وبعد لازم متطوعين معانا عشان يساهمون ويفضل يكون اماراتين
او حتى لو من جنسيات ثانيه كلهم يعرفون انجليزي ولغات ثانيه
ماشاءالله في السعوديه العمل التطوعي منتشر بكل مكان وكلهم سعودين
خاطري ينتشر هالشي في الامارات بعد

يعني الفكره يبالها دراسه عدل وتخطيط وان شآءالله تطبق بكل مكان

**chanela** · 2013-09-15, 21:24

المشاركة الأصلية كتبت بواسطة Jasssy

السلام عليكم ورحمة الله

جزاك الله كل الخير أختي... لكن الموضوع مب هين، خاصة في ظل كل هالدعاية ضد الاسلام. أنا عشت في أوروبا، ولما تحجبت وكنت فالجامعة قالتلي صديقتي الاجنبية : "صرتي تشبهين الـ"شخيدة" !!!" .. طبعاً عدهم كلمة "شهيدة" = اللي تفجر نفسها بالاماكن العامة باسم الاسلام !!!!!!!!!

هذيلا ممكن نفهمهم شو هو الاسلام وكل شي .. لكن غير الدعاية اللي يتلقاها وين ما راح ضدنا، كثير منهم ما يهتم بالحياة، ويستصعب ترك الزنا والخمر نهائيا، ومعظم الرجال الأجانب يفكرون لو يبغون يدخلوا فالاسلام لازم "يتختنون"

يعني .. فهمكم كفاية. وبما أن مثل هالموضوع صعب يتكلم فيه وأصلا مستحيل تلقين أي كتيب تعريفي بالاسلام يتكلم فيه، بيظل بالقلب وما يسالون عنه ولا يدرون شي ويبعدون الفكرة عن راسهم بسببه.
مرة واحد أجنبي خطب قريبتنا، ولما الاهل اتشرطوا طبعاً انه يسلم وجي، فتح الموضوع وهو مخسوف وايد

بصراحة حنا استغربنا من هالتفكير ! لكن كل الرجال الأجانب يفكرون جي، وصعب تيي لكل واحد وتفهمينه.
ومن الأشيا الثانية اللي تبعد الأجانب عن الاسلام، هو تصرفات المسلمين نفسها !!! خاصة في الخارج. تلقين الواحد من العرب طالع برع يدخن ويشرب ويزني ومن الذي منه ....... وهي الفكرة اللي بيوصلها للكل.
وبعد أذكر مرة واحد كان يبا يدرس شريعة، جا البلاد ولما شاف حال المسلمين أعرض عن الموضوع تخيلن ! .. قال: "البنات مب متسترات، والميك اب، والريايل يطالعون الحريم ويغازلون، ومو صايمين برمضان بالمولات، وحمل حموله ورجع بلاده

.
وبعد .... الخدامات اللي يجون للعوايل واللي معظمهم يتعاملون معاملة العبيد أستغفر الله، وين من ادخالهم الاسلام ؟

أنا ما أتكلم للخيبة ....... لا بالعكس للتفاؤل، ولإصلاح أحوالنا نحن المسلمين مع أنفسنا أهم الشي !!! وامام الناس ... الاسلام مب بالاسم أو البلد أو الكلام،... الكتيبات بالمولات ما تفي بالغرض أبد أبد أبد !!!!! ......... لنشر الاسلام الصحيح نحتاي شي ثاني وهو بناء مجتمعنا على الاسلام ابتداء من صغاااار الأمور ... مثل نتف الحواجب مثلا !!!!!!!!!! وهذي لعنة تساهل فيها 99% من نسائنا للأسف بحجة الجمال والموضة،.... مع انها "لععععععنننننة" تعرفن شو يعني لعنة ؟ ... وهذي اللي تقول: بشيل شوي من الاطراف، وهذي تقول: "ريلي طلب" وهذي وهذي ....... وذيك المسيحية تقلي: "ليش انت مسلمة وتنتفين حواجبك ما تعرفين انه حرام؟ " ... يا حسافتي شو كنت بقولها ... قتلها: "هيه" ................... وبس ........... كيف أبغي أدعيها للاسلام ؟ .. أقول: "معليش الله مسامح؟" ............ ؟؟؟

عذرا طولت عليكن ........... من حرقة قلبي ونية صافية والله لخير الامة الاسلامية

بالتوفيق

والسلام عليكم ورحمة الله

اختي صح في كثير الحين ضد الاسلام بس مو نفس اول
في اللي فيهم خيير لين الحين وشوفي مقاطع اليوتيوب ياكثر البريطانين والامريكان اللي يدافععون عن الاسلام
واللي يدافعون عن القضيه الفلسطينيه والسوريه
شوفي شكثر الاجانب قاموا يسلمون الحين
اذا الكل تم يفكر نفسج ويقول انا مابعطي الكتيبات حق حد لمجدر انج تخافين فعمره ماراح ينتشر الاسلام
شوفي الداعيه الباكستاني اللي ف بريطانيا وشوفي كم واحد اسلم على ايده (موجوده مقاطعه ف اليوتيوب بس ماعرف شو اسمه)
اتخيلي واحد اسلم ب ظ¨ دقايق
الاجانب بالفطره وباعماقهم يأمنون بالله يحسون انه ف شي غلط بعبادتهم للمسيح > وهالكلام مو من فراغ يايبتنه
اغلب اللي اسلموا كان هذا كلامهم
بس للاسف ماعندهم اللي يخبرهم ان احنا نؤمن بعيسى عليه السلام كنبي ونؤمن بجميع الانبياء
مايعرفون عن الاسلام غير الارهاب اللي شوهه الاعلام
شوفي مقاطع في اليوتيوب عن الناس اللي توهم اسلموا والله بيقشعر جسمج من كثر تمسكهم بالاسلام وكيف ممتنين باللي دعاهم للاسلام

اما عن التصرفات المسلمين المشكله كلها تقع هنا وصادقه ظ،ظ ظ ظھ
للاسفففف الشديد
هالمشكله ماعرف كيف تتصلح بصراحه كل واحد وتصرفاته وصعب تقنعين مادري كم مليون مسلم عشان يعدل تصرفاته
الحين كل شي صار بالاعلام
الشباب يحتاج لبرامج توعيهم ف التلفزيون وتكون ممتعه وهادفه نفس الوقت
نفس برنامج احمد الشقييري خواطر
ماشالله من بعد برنامج خواطر ظ¨ زادت نسبه التطوع في السعوديه
وتغير مفهوم التطوع عند الشباب وصاروا يحبونه

ماقول الا الله يصلح حال الامه الاسلاميه بس

**مهرة القصر** · 2013-09-15, 22:53

؛

جزاكـِ الله خيراً ؛؛

سبحان الله وبحمده ~ سبحان الله العظيم

**ورد جوري33** · 2013-09-16, 01:53

جزاك الله خير

**Ahlami101** · 2013-09-16, 03:01

الله يصلح حال الأمة الإسلامية

**آمااال1** · 2013-09-16, 11:38

يزاج الله خير عالطرح الاكثر من راااائع

الموضوع: الدعوه للاسلام

أدوات الموضوع

عرض

الدعوه للاسلام

المزيد من آخر المواضيع من نفس القسم:

رد: الدعوه للاسلام

رد: الدعوه للاسلام

رد: الدعوه للاسلام

رد: الدعوه للاسلام

رد: الدعوه للاسلام

رد: الدعوه للاسلام

رد: الدعوه للاسلام

رد: الدعوه للاسلام

رد: الدعوه للاسلام

رد: الدعوه للاسلام

السلام عليكم ورحمة الله وبركاته ؛؛؛

رد: الدعوه للاسلام

رد: الدعوه للاسلام

رد: الدعوه للاسلام

المواضيع المتشابهه

كتب الدعوة للاسلام للفلبينيات

محتاجه كتب الدعوة للاسلام

دعوه للاسلام بالانجليزي

الين متى وين نصرتج للاسلام

هل تريدى هدايه احد للاسلام تفضلى