اصول التعامل مع اهل الزوج

[خفايا30]

مرحبا بنات اشحالكم
بنات فديتكم انا متزوجه تقريبا من سنة بس ماعرف اصول التعامل مع اهل زوجي
قصدي طريقة التوجيب والذرابه ومن هالسوالف
شو رايكم نتبادل خبراتكم في هالسوالف

انتظر ردودكم

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الأحلام الملونة]

مكان موضوعك قسم الحياة الزوجية الغلا

[شعاع امل]

مااعرف بس ان شاء الله تلاقين حل

اتصور اهل الزوج حسب يعني في مرات يكونون من نفس الاهل فيكون عادي التعامل يعرفونك وتفرفينهم

بس مرات يوم يكونون من بعيد ومافي صحبه مثلا مع خواته او امك ماتعرف امه زين

هني المشكله مرات يدققون

[ميمي ^^]

انا صار لي اربع سنوات وللحين ماعرف اتعامل مع عمتي

صدق هالموضوع بيفيييد

[Om-ssz]

موضوع ممتاز ياليت اللي تعرف تفيدنا انا صارلي 10 سنين وللحين مب عارفه كيف لانه طبعهم عداتهم نظام حياتهم تختلف جدا عن حياتنا يعني نحن اهلنا مب رسمين وحياتنا سهله جدا اما اهل ريلي وايد رسميين وتعاملهم صعب فإذا صرت رسميه معاهم يزعلون واذاتعاملت معاهم مثل تعاملي مع اهلي ما يعجبهم ما تعرفين كيف ترضين العالم واخيرا قررت اتعامل معاهم على طبيعتي وحسب ظروفي يزعلون والحل يعني

[همــ حزن ــسة]

سبحان الله العظيم

[همــ حزن ــسة]

أنا كملت 3 سنين و6 شهور مع أهل ريلي صمٌ بكمٌ عمٌ هههههههه ما أتدخل فيهم بس هم يدخلون فيني أنا طبعي جي هادية وايد وما أتكلم كثير وأهل ريلي نفس om-ssz
وما رتحت ولاتقبلتهم والله يعينا
بس أحاول قد مااقدر أكون اوك وياهم لانه هذا مبدأي عامل كما تحب أن تعامل

[USA Online]

موفقه اختي

[ورقة ناعمة]

مثل ماتعاملين الوالدة .... اهم شي الاحترام صدقيني العمات تظهر منهن زلات او احيانا مقصودة مابتعيبج

بس طنشي وسوي عمرج انج ماتعرفين اسلوب غير اسلوب الاحترام .. غلط اللي تقول ابدئي راويهن العين الحمرة عشان تحترمج

بالعكس راويها اسلوبج وطيبة اخلاقج وتربية اهلج ... صدقيني الانسان المحترم يفرض احترامه على الناس المحترمة والغير محترمة وربي يسعدج

[احلى بعفويتي]

جوفي كل وحده لها طريقه مع اهل ريلها لان كل اهل لهم طبع معين ..
بس الاسلم انج تبعدين عن التالي :
1- خوات ريلج ممكن يكونون صديقات بس حذار تعطينهم معلومات خاصه عنج او عن حياتج الكلوزز.. مهم جدا
2-ام زوجج لازم لها الحشيمه و الكرامه مهما سوت لانها امه .. وعادي يتغير عليج بسبتها اذا زعلتيها و لا شي .. مهما سوت او قالت طنشيها حرمه عوده وعندها ساعات سوالف وجي ..
3- مهما كانوا طيبين مهما كانوا كيوت ومهما كانوا فري .. انتي لج حدودج ما تتعدينها عشان محد يدخل في امورج الشخصيه
4- ابتعدي كل البعد عن نقل الكلام .. حتى لو بنيه صالحه .. ميخصج ابدا ..
5- خلي زياراتج لهم ويك اند اذا كنتي عايشه بروحج .. يعني يمعه يوم الخميس او الجمعيه من الصبح لين فليل عشان تكون لج خصوصيه صدقيني هالشي وااايد لها تاثير
6- لا تعودينهم ع كل عزيمه و لا عرس تحضرين معاهم يعني الاعراس الي مالها داعي وانتي مشغوله او شي اعتذري عنها .. مثل عرس ولد يرانهم عرس بنت اخت نسيبهم مثلا اناس بعاد ..
7- طرشي الهدايا ع المناسبات مثل العيد يوم الام عيد ميلاد حد من العيال و لادات خلج اول وحده وفكي عمرج ..
8- الي ياكلونه كليه .. يعني مو لازم تتشرطين انا ما احب الطماط .. سولي شوربا بلا كوسا مثلا لان هالشي ياثر ..
9- وان زعلتي من ريلج .. مهما كنتي مضايقه لا تبين لهم هالشي .. خلج عادي مشكلتج بينج وبين ريلج ماله داعي خواته يعرفون او يحسون .
جي يعني اشيا عامه

[خفايا30]

شكرا بنات على ردودكم عن جد استفدت وايد بس انا قصدي هم يوم يجونهم ضيوف وجي ﻻزم انا اقوم اوجبهم واصب القهوة والشاي مع العلم انا مب عايشه عندهم وااﻻ ﻻ وهم مرتاحين مايسون شي ادري يبون يفتخرون بمرت ولدهم بس احس مايكون هالشي اوفر صح وااﻻ ﻻ
ساعدوني بنصايحكم

[ميمي ^^]

انزين واللي وياهم بنفس الببت ...

استغفر الله الحياة وياهم لا تعلييييق

[ميميه88]

جوفي كل وحده لها طريقه مع اهل ريلها لان كل اهل لهم طبع معين ..
بس الاسلم انج تبعدين عن التالي :
1- خوات ريلج ممكن يكونون صديقات بس حذار تعطينهم معلومات خاصه عنج او عن حياتج الكلوزز.. مهم جدا
2-ام زوجج لازم لها الحشيمه و الكرامه مهما سوت لانها امه .. وعادي يتغير عليج بسبتها اذا زعلتيها و لا شي .. مهما سوت او قالت طنشيها حرمه عوده وعندها ساعات سوالف وجي ..
3- مهما كانوا طيبين مهما كانوا كيوت ومهما كانوا فري .. انتي لج حدودج ما تتعدينها عشان محد يدخل في امورج الشخصيه
4- ابتعدي كل البعد عن نقل الكلام .. حتى لو بنيه صالحه .. ميخصج ابدا ..
5- خلي زياراتج لهم ويك اند اذا كنتي عايشه بروحج .. يعني يمعه يوم الخميس او الجمعيه من الصبح لين فليل عشان تكون لج خصوصيه صدقيني هالشي وااايد لها تاثير
6- لا تعودينهم ع كل عزيمه و لا عرس تحضرين معاهم يعني الاعراس الي مالها داعي وانتي مشغوله او شي اعتذري عنها .. مثل عرس ولد يرانهم عرس بنت اخت نسيبهم مثلا اناس بعاد ..
7- طرشي الهدايا ع المناسبات مثل العيد يوم الام عيد ميلاد حد من العيال و لادات خلج اول وحده وفكي عمرج ..
8- الي ياكلونه كليه .. يعني مو لازم تتشرطين انا ما احب الطماط .. سولي شوربا بلا كوسا مثلا لان هالشي ياثر ..
9- وان زعلتي من ريلج .. مهما كنتي مضايقه لا تبين لهم هالشي .. خلج عادي مشكلتج بينج وبين ريلج ماله داعي خواته يعرفون او يحسون .
جي يعني اشيا عامه

ماشاء الله عليج كفيتي ووفيتي

[ميميه88]

شكرا بنات على ردودكم عن جد استفدت وايد بس انا قصدي هم يوم يجونهم ضيوف وجي ï»»زم انا اقوم اوجبهم واصب القهوة والشاي مع العلم انا مب عايشه عندهم وااï»» ï»» وهم مرتاحين مايسون شي ادري يبون يفتخرون بمرت ولدهم بس احس مايكون هالشي اوفر صح وااï»» ï»»
ساعدوني بنصايحكم

بالعكس اختيه انتي تعتبرين منهم وفيهم يعني لازم انتي اللي تنشين وتضيفين الضيوف