هل لي ذنب في توظيفها؟؟

**أم ردينا** · 2013-09-11, 09:59

مرحبا بناااات

انا اشتغل بشركه قريب من دوام ريلي الفرق بينا 5 دقايق عازحمه المهم خبرني ريلي ان في شركتهم يبون موظفه فالاستقبال وكاتبه سجلات قالي شوفي وحده من صديقاتك اذ يريدن بس نبي بنت محترمه محتشمه لان البنات الي قبل كانن مب شي وريلي متضايق منهن وكل يوم يشتكي منهن
المهم انا خبرت صديقاتي قالن مانبي نشتغل بس وحده قالت لي انا اعرف وحده جارتنا اتدور شغل قلت لها اوكي خبريها ترسل السي في مالها
بس بشرط تكون بنت محترمه وزينه قالت لا هاي زينه محترمه وبعد تحني بنات تنقش ماشاء الله قلت لها اوكي مادام جيه خبريها..

صديقتي اعطتني رقم البنت اتواصل معها وكلمتها وعطيتها رقم الفاكس ترسل السي في ورسلت واتصلوا بها من الشركه عشان مقابله وراحت..

وريلي مخبر المدير وانها من طرفي المهم من وصلت البنت الشركه عشان المقابله الكل استغرب ماشاء الله تبارك الرحمن عليها جسم
انزين سوو لهامقابله ووافقوا عليها لاني من طرفي بنت زينه بس يوم داومت طلع كل المستخبي

الضحك واصل لبرع الشركه والعطور والبخور شال المكتب شل والميكب كانه فعرس والشعر برع وكل الي بالشركه من موظف مواطن او اجنبي يضحكوون عليها ويلعبون عليها واهي مبسووطه وشاقه الحلق ..

يوم خبرني ريلي عنها استغربت قلت لصديقتي انا قلت لج مواصفات بنت محترمه وزينه وخبرتها بكل شي وقلتي لي انها بنت محترمه
اقولها وين الاحترام وين الادب ودين الدين فشلتيني قدام ريلي والمدير والشباب فشركتهم ريلي طاح ويهي يحسبونها ربيعتي

قالت اهي قويه ماعليج منها .. مامهم قويه بس هذي طايحه الميانه فالشركه ..
وريلي بعدين خبرهم ان هاي من طرف ربيعتي مب اربيعتي مباشره وانا ولامره شايفتنها ولا اعرفها..
ومع مرور الايام طلعت بلاوي من وراها..
مابي اقول اكثر من كذا..

غير الله يستر عليها يارب..

مع العلم ريلي قالي سويلها بلوك ع رقمها ولاتراسليها..
وقبل اهي رسلت لي رساله شكر وامتنان لاني سويت لها واسطه وفرحانه ..

ملاحظة:...

بس هل انا لي ذنب لاني شغلتها كاني ساعدتها فالفحشاء والمنكر احسني مب مبرتاحه ..
مع اني سويت اجر بس الي تسويه البنت كانه لي ذنب فيه.. معرف كيف اقولكم بس متندمه
استغفر الله
كانهم الي يشوفوها بيكسبو ذنب مني لاني سويت لها واسطه.

بس تبت الي ماعرفه ماقدر اساعده مرات تحس التيسير لفريج هم
بس هذي احسها يابت لي غم استغفر الله واتوب اليه..

يوم تطري ع بالي افكر فيها احسها مسكينه.. تبي حد يمد لها يد العون وتطلع من الي اهي فيه وتصحى بس مرات
افكر اصارحها عشان تتوب بس احس ماتجرى

شو رايكن بنات؟

المزيد من آخر المواضيع من نفس القسم:

**نسايم روح** · 2013-09-11, 10:23

مابخصج انتي
وثاني شي اول مره اشوف شركه يبون بنت الاستقبال محتشمه اكثر الشركات يبون بنت فري

**ماحد شراتي** · 2013-09-11, 10:28

انتي مالج خص الغاليه سويتي خير وحبيتي تساعدينها
انتي ما تعرفين شو داخلها وثقتي بربيعتج واختيارها لهالبنت
قولي لريلج يكلم الاتش ار ويعطونها ورنج ليتر(warning Letter) عسب تلتزم

الله يهديها وانتي ريحي بالج ولا تلومين عمرج لانج اصلا ما تعرفينها

**sealady** · 2013-09-11, 10:29

اختي لا تفكري و لا تحتاري. انتس سعيتي في رزقة لانسان . و اللي قالولك عنها قالو انها انسانه محترمة . فلا تحملي حالك اي هموم انتي و ريلج ما الكم دخل فيها. و خلي ريلج ما يتعامل معها باي شكل من الاشكالز و اذا هي ما احترمت نفسها و ما فكرت انها تحافظ ع وظيفتها ز اكيد بيسوون فيها نفس اللي قبلهاز اهم شي انتي و ريلج لا تقربون صوبها . و المثل يقول عقلك براسك تعرف خلاصك. فشليها من راسك و ارتاحي

**أم ردينا** · 2013-09-11, 10:41

المشاركة الأصلية كتبت بواسطة نسايم روح

مابخصج انتي
وثاني شي اول مره اشوف شركه يبون بنت الاستقبال محتشمه اكثر الشركات يبون بنت فري

مب شرط فرري انا بالاستقبال والحمدلله محتشمه لا ميكب ولا شعر برع ولاشي الحمدلله..
فعلى حسب الشركات واصحابها..

المشاركة الأصلية كتبت بواسطة ماحد شراتي

انتي مالج خص الغاليه سويتي خير وحبيتي تساعدينها
انتي ما تعرفين شو داخلها وثقتي بربيعتج واختيارها لهالبنت
قولي لريلج يكلم الاتش ار ويعطونها ورنج ليتر(warning Letter) عسب تلتزم

الله يهديها وانتي ريحي بالج ولا تلومين عمرج لانج اصلا ما تعرفينها

جزيتي خير مشكوره اختي..
وهذا دورهم يعطوها او لا .؟ ما اقدر اسوي شي الي علي سويته لها
بس هذا الضمير منبني..

المشاركة الأصلية كتبت بواسطة sealady

اختي لا تفكري و لا تحتاري. انتس سعيتي في رزقة لانسان . و اللي قالولك عنها قالو انها انسانه محترمة . فلا تحملي حالك اي هموم انتي و ريلج ما الكم دخل فيها. و خلي ريلج ما يتعامل معها باي شكل من الاشكالز و اذا هي ما احترمت نفسها و ما فكرت انها تحافظ ع وظيفتها ز اكيد بيسوون فيها نفس اللي قبلهاز اهم شي انتي و ريلج لا تقربون صوبها . و المثل يقول عقلك براسك تعرف خلاصك. فشليها من راسك و ارتاحي

لا ريلي ماله دخل فيها حتى مايكلمها وشغله غير عن شغلها بس كان يسالها حاجات سوؤال ورد غطاه.
والله بردتو قلبي شويه بردودكم .
مشكوره احسنتي تسلمين ع الرد الطيب..

**ورقة ناعمة** · 2013-09-11, 11:10

الغالية انتي سويتي خير بس كان من الافضل تشوفين اللي عينج شافته بنت تعرفينه وتعرفين اخلاقها شخصيا انا مااعتمد على حد لان كل حد له وجه نظر

وانت يمكن لو شفتي وحده تعرفينها وجها لوجه احسن من ان حد يدور عالعموم الله يهديها يارب وادعولها بالهداية

**cute uae** · 2013-09-12, 16:34

المشاركة الأصلية كتبت بواسطة ورقة ناعمة

الغالية انتي سويتي خير بس كان من الافضل تشوفين اللي عينج شافته بنت تعرفينه وتعرفين اخلاقها شخصيا انا مااعتمد على حد لان كل حد له وجه نظر

وانت يمكن لو شفتي وحده تعرفينها وجها لوجه احسن من ان حد يدور عالعموم الله يهديها يارب وادعولها بالهداية

**أم ردينا** · 2013-09-15, 09:30

المشاركة الأصلية كتبت بواسطة شعاع امل

هلا اختي

هي المشكله من الحرمه الواسطه او ربيعتك يعني هي خبرتك عنها مب انتي

انتي وثقتي بكلامها والبنت طلعت شي ثاني

يمكن الحرمه ماتعرفها عدل مثلك بس تشوف ظروفك وانها مسكينه

بس هم اذا شافوا عليها غلط يطلعونها من الشغل اذا هم حابين محترمه

ثاني شي في اعلانات مبوبه ينشرون اعلان ويطلبون موظفه ملتزمه

يشوفون من الانسب وخلاص

مب ضروري معرفه عشان الشغل

وهي ثاني حتى لو مب محترمه هم ليش

مايتعاملون معاها بصرامه

يعني المسؤول عنها يوجه لهم انذار او لها انذار

مره صارت اتذكر في مكان المسؤول حس من موظفه وموظف شي

فانذر الاثنين طبعا والوشيات بين الموظفين موجوده!

يعني هي مسؤولية المكان

ايه صح كلامك
بس انا مااقدر اقطع رزقها واقول لريلي خلي يعطونها انذار
بس هذا دور المدير بحذ ذاته هو شافها بالمقابله ماقال مابيها
حتى وايد اتسولف فالتلفون المدير يشوفها مايقولها شي
مدري بهم صراحه

المشاركة الأصلية كتبت بواسطة احلى بعفويتي

انتي شو يخصج في ذنوبها ..
بس كنتي لازم تتاكدين اكثر ..
او تخلين الموضوع يرجع لمدير التوظيف هو الي يسوي مقابلات ويختارون واذا طلع اختيارهم غلط كيفهم ...

هاي غلطه واخر مره ان شاء الله
الواحد مايلتدغ من الحفر مرتين

مثل ماقالن البنات الي علي سويته بس اختياري غلط
وعسى ربي يسامحني ويغفر لي وياجرني بنفس الوقت ..

مشكورات حبيباتي .. ومشكوره نعووم..

**الأحلام الملونة** · 2013-09-11, 12:04

كل أنسان محاسب علي أفعاله أمام الله

وأنت لك ثواب أنك فتحت لها باب رزق وما عليك من تصرفاتها هي تحاسب علي تصرفاتها ---

ما لنا غير الدعاء لها بالهدايا وصلاح الحال

وعلي الشركة تعطيها أنذار وتقوم من سلوكها

**شعاع امل** · 2013-09-11, 14:10

هلا اختي

هي المشكله من الحرمه الواسطه او ربيعتك يعني هي خبرتك عنها مب انتي

انتي وثقتي بكلامها والبنت طلعت شي ثاني

يمكن الحرمه ماتعرفها عدل مثلك بس تشوف ظروفك وانها مسكينه

بس هم اذا شافوا عليها غلط يطلعونها من الشغل اذا هم حابين محترمه

ثاني شي في اعلانات مبوبه ينشرون اعلان ويطلبون موظفه ملتزمه

يشوفون من الانسب وخلاص

مب ضروري معرفه عشان الشغل

وهي ثاني حتى لو مب محترمه هم ليش

مايتعاملون معاها بصرامه

يعني المسؤول عنها يوجه لهم انذار او لها انذار

مره صارت اتذكر في مكان المسؤول حس من موظفه وموظف شي

فانذر الاثنين طبعا والوشيات بين الموظفين موجوده!

يعني هي مسؤولية المكان

**احلى بعفويتي** · 2013-09-12, 13:25

انتي شو يخصج في ذنوبها ..
بس كنتي لازم تتاكدين اكثر ..
او تخلين الموضوع يرجع لمدير التوظيف هو الي يسوي مقابلات ويختارون واذا طلع اختيارهم غلط كيفهم ...

**#وجدان#** · 2013-09-15, 09:43

لا تفكرين اختي ،،
الله يهديها

الموضوع: هل لي ذنب في توظيفها؟؟

أدوات الموضوع

عرض

العرض المتطور

هل لي ذنب في توظيفها؟؟

المزيد من آخر المواضيع من نفس القسم:

رد: هل لي ذنب في توظيفها؟؟

رد: هل لي ذنب في توظيفها؟؟

رد: هل لي ذنب في توظيفها؟؟

رد: هل لي ذنب في توظيفها؟؟

رد: هل لي ذنب في توظيفها؟؟

رد: هل لي ذنب في توظيفها؟؟

رد: هل لي ذنب في توظيفها؟؟

رد: هل لي ذنب في توظيفها؟؟

رد: هل لي ذنب في توظيفها؟؟

رد: هل لي ذنب في توظيفها؟؟

رد: هل لي ذنب في توظيفها؟؟

المواضيع المتشابهه

الرؤوس السوداء وعملية تنظيفها بكل بساطه

الثـــــلاجه و ترتيبها و تنظيفها

الرؤووووس السودااااااااااااء وطريقة تنظيفها بسهووووووووولة

شنطة بربري الجلد وتجاربكن في طريقة تنظيفها اللي ما حصلتلها حل!

المنطقه الحساسه تنظيفها وتعطيرها والاهتمام بها