انتهيت

**mini_bunny** · 2013-09-09, 06:43

مادري حاسه بضيج أقوى شئ

عمري 20 ومطلقه من سنه وشهرين دراستي الجامعية. وخسارتها بسبت الضغط النفسي

أجوف خواتي أتمنى أكون مثلهم أعيش طبيعيه محد فاهمني كل حد عايش حق نفسه

حاليا مقدمه على كوليج وامتحنت سيبا ويبت 175 وإتريا متى بنداوم وما ردوو

اووووف مرات أقرى مواضيع تحبط انه في ناس حاولو يتقدمون بس نمو مكانهم

خايفه وايد من الي ياي

وأنا أجوف الشريرين. الي حولي مرتاحين ونحن مكانا لين متى جي حالنا

المزيد من آخر المواضيع من نفس القسم:

**احلى بعفويتي** · 2013-09-09, 08:15

>> حبيبتي .. الطلاق ينزل من نفسيت البنت وااايد يخليها داون ..

خلج من الماضي .. لان كل انسان له ماضي .. لو تبين تعيشين لازم تنسين معاناة الطلاق ..
انتي اكيد تعلمتي من هالتجربه .. و ان شالله الكليه ترد عليج بخصوص الدوام ..
انا صراحه ماعرف عن نظام التقنيه لاني درست جامعه ..
و الاشرار الحواليج اكيد في شي مضايقنهم ومنغص عليهم بس مو بينينه حق الناس .. عرفتي ..
اهم شي نفسج الحين ودراستج ..

**ماحد شراتي** · 2013-09-09, 08:58

حيااااااتي ما عليه
بعدج صغيره وان شاءالله رب العالمين بعوضج بكل خير
حاولي انج تنسين الماضي وفكري بمستقبلج واتصلي عالكليه وشوفي
وصدقيني جو الدراسه والبنات بخليج ترتاحين نفسيا شوي وبخف الضغط النفسي عليج

موفقه ان شاءالله

**mini_bunny** · 2013-09-09, 09:05

صح يمكن لأني بالبيت وجي نفسيتي أن شاء الله. مشكورات خواتي

**ورقة ناعمة** · 2013-09-09, 10:36

بالعكس اختى ابدئي قويي نفسج وابدئي حياه يديدة قولي لنفسج انا بسوي شي والعمر قدامي ببني نفسي وبستقل وبكون من المتميزات

انتي مب اول وحده تطلقت ولا اخر وحده هذا نصيبج وانتهى ومب نهاية العالم الطلاق

عيشي حياتج صح بتعيشين صح

توكلي على الله دايما وبكل امورج ورب العالمين يسهلها لج يارب

ادرسي ادرسي ادرسي اهم شي الدراسة واصلي لاعلى مستوى وابعدي عنج التفكير والوساوس الشيطانية

خلي ايمانج بالله قوي وعادي نفسج عالامتياز والمثابرة والنجاح وتحقيق اهداف

باجر بتتخرجين وبتتشتغلين وافتحيلج كمن محل وسوي لج مستقبل موعود ان شاءالله ليش الاكتئاب وليش

تشوفين غيرج انتي احسن عن غيرج بوايد في مطلقات سجينات لاتقدر تدرس ولاتقدر تكتب ... قولي الحمدلله عالنعمة ونعمة الصحة اهم شي

ابدئي حياتج صح ولا تشوفين او تراقبين غيرج عليج من نفسج وبس ... محد بينفعج غير نفسج

**m3andah** · 2013-09-10, 23:02

المشاركة الأصلية كتبت بواسطة ورقة ناعمة

بالعكس اختى ابدئي قويي نفسج وابدئي حياه يديدة قولي لنفسج انا بسوي شي والعمر قدامي ببني نفسي وبستقل وبكون من المتميزات

انتي مب اول وحده تطلقت ولا اخر وحده هذا نصيبج وانتهى ومب نهاية العالم الطلاق

عيشي حياتج صح بتعيشين صح

توكلي على الله دايما وبكل امورج ورب العالمين يسهلها لج يارب

ادرسي ادرسي ادرسي اهم شي الدراسة واصلي لاعلى مستوى وابعدي عنج التفكير والوساوس الشيطانية

خلي ايمانج بالله قوي وعادي نفسج عالامتياز والمثابرة والنجاح وتحقيق اهداف

باجر بتتخرجين وبتتشتغلين وافتحيلج كمن محل وسوي لج مستقبل موعود ان شاءالله ليش الاكتئاب وليش

تشوفين غيرج انتي احسن عن غيرج بوايد في مطلقات سجينات لاتقدر تدرس ولاتقدر تكتب ... قولي الحمدلله عالنعمة ونعمة الصحة اهم شي

ابدئي حياتج صح ولا تشوفين او تراقبين غيرج عليج من نفسج وبس ... محد بينفعج غير نفسج

اتفااااءلي ... وثقي ان بربج وان شاء الله كله خير ...
كلل حد ةعنده مشاكله ,, ربنا ما خلقنا للراحة ,,
وشوفي هالفيديو
https://www.youtube.com/watch?featur...&v=gfJhUl0Mj3c

**pearla96** · 2013-09-09, 11:11

ورقه ناعمه كلامج درر والله أنا يوم قريته تحمست مع انه مايخصني في السالفه هههه
اخت mini bunny الله يوفقج و يصلح حالج فديتج بعدج صغيره و العمر جدامج وان شاء الله بتحققين كل اللي في خاطرج

**ورقة ناعمة** · 2013-09-10, 07:38

المشاركة الأصلية كتبت بواسطة pearla96

ورقه ناعمه كلامج درر والله أنا يوم قريته تحمست مع انه مايخصني في السالفه هههه
اخت mini bunny الله يوفقج و يصلح حالج فديتج بعدج صغيره و العمر جدامج وان شاء الله بتحققين كل اللي في خاطرج

ربي يحفظج فديتج اتحمسي واجتهدي كله علشان مصلحة نفسج عيشي لنفسج وتحقيق اهدافج ومافي شي مستحيل ربي يحفظج

**شعاع امل** · 2013-09-09, 12:28

اختي ماشاء الله عيكي بعدك مب كبيرة

تقدرين تبدين حياتك

اهم شي التعليم والتعليم ماله خص بالعمر

وان شاء الله بتتخرجين وبتشتغلين

وتلاقين ابن الحلال

هذي بس تجربه كانت مب ناجحه ماراح اقول فاشله لانك تتعلمين منها

والغلط مب بس منك في اطراف اكيد ثانيه في الموضوع

ومافي انسان مرتاح اختي مافي

حتى لو شفتي الله رزقهم ومرتاحين ويظحكون وهم ماذينك

بس هذا مجرد رزقهم مثل اي شخص بس مايمنع ان الغلط بادر منهم

**اللهم أحببتك** · 2013-09-09, 19:07

الله يوفقج اشغلي عمرج بدورة أو شي بس لا تستلمين للفراغ لانه كلما كنت فاضية كلما زاد همج و كلما يلست تقارنين

لا تقرين تجارب فاشلة كله اقري تجارب ناجحة

**عطر رومانس** · 2013-09-09, 21:15

ما فيه شي اسمه انتهيت انفضي عنج غبار اللي فات .....
وقولي الحمد لله على النعم اللي تحيط بج من كل صوب .......

**العروس راك** · 2013-09-09, 21:44

الله ييسر لج حياتج يا رب، ويوفقج ف حياتج المستقبليه

**نونة الدلوعة** · 2013-09-10, 00:02

انتي للحينه عآيشششة في دائرة الماضي
خلاص خلي اللي فات ماات
الإنسان لابد إن يواصل ، حبيبتي انتي الحينه جدااامج نجاحات كثيرة تبا منج خطوة وحدة بسس

والفشششل هو أول خطووة للنجاااح
سواء كانت بالزواج أو بالدراسسة

انتي بعدج صغيرة ، والزواج مب مرة وحدة وخلاص ، أكييد فيه انسااان يستاهلج بس للحيينه ما يا الوقت المناسب إن يكون من نصيبج
ولازم تفرحين وتقولين دام إن طليقج طلع من حياتج فمعناته إن خيرره

لا تحطيين إيدج على خدددج وتتحسرين على اللي مضضى
تأكككدي في أشيا يمكن تجربينها بس بالأخير مش من نصيبج أو ان لو واصلتي في هالطريق بيكون هناك مضرة لج

لقوله تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
تأملي الآية مرة ومرتين وثلاث
هذا كلاام منووو ؟؟؟
الله سبحااانه
وفيه شي أعظم من كلام رب العبااد

والله سبحااانه وعد الصآبرين في بشااااارة
تفائلي وخلي عنج النظرة السوداوية لحياااتتتج

انتي مب أقل عن غييرج ، إنتي لج نصيب من هالدنيا ولج خير الأموور فيها
بس اصبري واحتسبي الأجججر
بصبرج هذا لج أجر ولج مكرمة عظيييمة

وثانيا الدراسسة أنا وحدة من اللي انطردوا
والحمدلله الحينه أكمل دراسستي و من الشطورات والتغير بأموري الدراسية غيرتلي أمور في حياتي الخاصة
تخيلي مع ان دراسة بس بعددد غيرت وايد أشيا من حياتي الخاصة
دايما أقول لو كملت دراستي في الجامعة الأولية ما كنت حصلت هالخير كله

ابدي خطوتج الأولى
دوريلج وظيفة ما حصلتي خذيلج تطوووع بأي مكان منها تغيير جووو ومنها أجر وما تدرين يمكن من ورا هالتطووع خير لج
سوي مشروع أو عمل خيري ، مب شرررط بالأمور المادية ، لاا اطلعي سوي زيارات للمرضى وكبار السن والمعاقين

وبعدين عندي سؤال
شو يعني مطلقة !!!!!
نحن الحينه في 2013
ومعروف إن أغلب حالات الطلاق يكون سببها الريااااال
ارفعي راسسسسج ، لا تكونين مكسسسورة ولا تخلين أي حد يأثر علييييج

وعلى قولتج الناس الشينة مرتاحة وانتي الطيبة لآآآ

رب العالمين إذا أحب عبد من عباده ابتلاه

ابتلائئئج هذا وصببببرج لج أجر عظيييم
انتي مميزة عن غيرج

عندج الأنبياء وأولهم سيد الخلق محمد عليه الصلاة والسلام ابتلى بالسحر وقذفوا زوجته وماتت أمه وزوجته وعمه واتهموه بأنه ساحر وغلطوا عليه
وهووو أشررررف الخلللق ومن أحب العباااد إلى الله سبحانه وتعالى

قولي الحمددلله وتقرربي من رببج أكثر وأكثر
وكل ما تتضايقين اشكي همج لربج وهو أحن عليج من أمج وأبوج
يسمعج كل يوم وفي كل وقت بلا كلل ولا ملل

واسمحيلي طولت عليج بالكتابة
وربي ييسر أمور حياتج ونسمع عنج أخبار طيبة =)

**نونة الدلوعة** · 2013-09-10, 00:05

وعندي كلمة لج
لآ تقولين انتهييت قولي ابتديت وابتدي أول خطواتج وتوكلي على الله

**كيوووت girl** · 2013-09-10, 22:46

أهم شي لتغيير النفسية انج تكملين دراستج او تشتغلين .. المهم تختلطين بالناس وتنشغلين فحياتج شوي

يلسة البيت تيب الاكتئاب وتخليج اتفكرين في الموضوع اكثر واكثر

الله ييسر امورج وان شالله ويقبلونج وتكملين دراستج وتستوين من انجح الناس ان شالله

الموضوع: انتهيت

أدوات الموضوع

عرض

العرض المتطور

انتهيت

المزيد من آخر المواضيع من نفس القسم:

رد: انتهيت

رد: انتهيت

رد: انتهيت

رد: انتهيت

رد: انتهيت

رد: انتهيت

رد: انتهيت

رد: انتهيت

رد: انتهيت

رد: انتهيت

رد: انتهيت

رد: انتهيت

رد: انتهيت

رد: انتهيت

المواضيع المتشابهه

أنا انتهيت خلاص ما عاد فيني حيل

عرسي انتهيت؟

خلاص يعني انا انتهيت ؟؟

انا انتهيت..

خلاص أحس اني انتهيت .. ما اعرف شو أسوي !!!