باخذ بثارج يا ميره لو يحكموني فيه اعدام

**هب النسيم** · 2013-09-06, 23:23

كانت تحلم انها تتزوج مثل بااقي البنات ، خطبها واحد ، بعد
استخاره وتفكير وافقت ..

بعد ماتمت الشوفه و الطرفين رضوا ببعضهم البعض ، وتاخرت
الملكه شوي ، و عاشت ف ضغط نفسي بيتم الموضوع
ولا مابيتم و بعرّس ولاّ مابعرّس

ومرت الايام و نفسيتها بدت تدمر لين تحدد يوم الملكه وردت
لها الروح و بدت تجهز لحفل الملكه ، كانت حابه تكون
اميره و فعلاً كان فوق المستوى اللي تحلم
فيه ومرّت حفلتها بسلام

صاروا اهلها يعاملونها بدلال مب عشاان شي لان
ايام واشهر وساعات و بتفارقهم لبيت الزوجيه
وكان مستانسه فبيت اهلها ومرفوعة الراس
لان شراها ريّال و في ظل ان بنات العايله بصعوبه
يتزوجن رغم انهم عايله طيبه و متدينه ولكن
كل شي فالدنيا نصيب

بدت تتواصل ويا الرياال ، ويكلمها فالفون لانه خلاص
صارت ع ذمته اما ففترة الخطوبه راعت حق الله وماتعدت حدود الادب وما كلمته ابد

بداية الايام كان مبين انه ريال ونعم ، وكانت طايره من
السعاده وتتساءل منو تحصل ريال جي عازنها و
رازنها و محترمنها و يدللها ويدلعها وماعليها قاصر

وبعد مده بسيطه

ردت ساءت حالتها النفسيه لان اهلها بدوا يتساءلون ليش
للان ماصرف عليه المصروف الشهري هم مب عيزانين و
لازالوا يصرفون عليهاا بس لانها صارت ف ذمته لازم ع
الاقل يعطيها لو الف كمصروف حالها حال البنات

كانت تقول مستحيل مابيعطيني ودعت الله مايخذلها وياه
ودعت الله انه يبين لها حقيقته و فعلاً ما مر اسبوع الا
وهو ياي بيتهم و عطاهم اول مصروف لها

وارتاحوا اهلها للريال و ارتاحت له وماكانت تتوقع المصير
اللي يترياها

ميره : شفتي ي امّيه مستحيل كان مطنشني بس
يمكن كانت ميزانيته متدهوره من عقب حفلة الملجه

الام : مانع انسان طيب وولد اصول ونحن مب عيزانين
عن اننا نصرف عليج ابوج ماعليه قاصر الحمدلله
لكن الريال لازم مايقصر ع حرمته وهو يشلهاا

ميره : صح كلامج اميّه وانتي الخير ولبركه واكيد
كلامج ع العين و الراس

حبت راس امها ورن الفون .. "مانع يتصل بك"

ميره : عن اذنج اميه بسير غرفتيه

الام : سلمي ع مانع

ميره : يبلغ يالغاليه

الام رفعت يديها "الله يتمم لج ع خير يا امايه ويسخر قلب هالريال عليج ويعجل بفرحتنا فيج ولايحرمني من شوفة عيالج "

ملاحظه الاسامي وهميه

يتبع

المزيد من آخر المواضيع من نفس القسم:

**أم حمووود** · 2013-09-06, 23:28

وبعدين

**هب النسيم** · 2013-09-06, 23:35

مانع : وحشتيني يا الغاليه ..

ميره : انت بعد ..

مرت ساعاات كانت هذي اول مكالمه

مانع : اساليني اللي تبين تعرفينه عني وانا بعد وهالطريقه بتخلينا نعرف بعض اكثر

ميره : اوكيه انته ابدا ..

استمروا طول الليل يسالون بعض وكل واحد يتكلم عن نفسه ، تموا يسولفون ساعات
كانت هذي اول مكالمه بس لانهم تعارفوا بيّن انها المكالمه الالف ..

وفجأه اذن الفجر

ميره : اسفه سهرتك وانت عليك دوام

مانع : عادي تعودت اداوم مواصل

ميره : نزين شرايك نقووم نصلي

مانع : و برد اكلمج لين حزة دوامي

ميره : تمام

وصلوا وردوا يسولفون ، لين نوعد دوام مانع
وتلبس وداوم وميره نامت ع امل حلم بنته ويارب يتحقق ..

وماكانت تعرف مضير هذا الحلم لكن في كل مره تحس فيها بالخوف تردد ف خاطرها

"على الله "

ونامت لييييين الظهر و ماقامت الا على صوت مانع اللي بدت تحس انه الدنيا صارت احلا معاه ..

ورد مانع من الدوام ونام لييين العصر وماقام الا على صوت ميره و هي توعيه

وتموا على هذا الحال

ومر الشهر الاول عقب الملكه ..

يتبع

**شهد123** · 2013-09-06, 23:37

للرفع

**Nana23Smarty** · 2013-09-06, 23:40

قصه طويله

**مسك وعوود** · 2013-09-06, 23:41

وينك كملي

**ام السديس** · 2013-09-06, 23:43

وينج كملي

**çϋтê мéмë** · 2013-09-06, 23:47

شو السالفه؟؟؟

قصه ؟؟

**A+k** · 2013-09-06, 23:49

قصه صدقية ولا انتي كاتبتها ؟

**عيون دبي** · 2013-09-07, 01:12

نتريا تكملة القصة ,,,,, اموووووووووووووور وايده في بالي ’’’’’

**انستا** · 2013-09-06, 23:56

waitiiinnnnggggg

**هب النسيم** · 2013-09-07, 00:12

القصه صدقيه :

نزلت ميره موضوع في منتدى
شو تنصحوني البس بنات ريلي بيزورني لاول مره)

كعادة المنتديات النسائيه العضوات ماقصرن فالرد وتبعت كلامهن وتكشخت فالصالون و ردت البيت و لبست احلا مخوره والمكياج خليجي بسيط

و صل مانع واستقبلووه اخوان ميره و ابوها
وميره خايفه و قلبها يدق .. ويوم يات حزة انه يتم مع ميره استاذنوا الاخوان

ودخلت ميره ، كان مانع لطيف وايد ف اول زياره ، وبعد كان كاشخ لانه كان سالنها شو تحبين البس وكانت مخبرتنه انها تحب انها تشوفه بكندورة بيج و سفره حمرا وعقال واستانست لانه لبى لها اول طلب

و طلعت من عنده بعد ما قضت وقت وسوالف معاه وردوا اخوانها واستاذن مانع ..

ورد اتصل فيها وتم يكلمهاا لين رد البيت و فالبيت تم يكلمهاا لين اذن الفجر و استمروا على هالحال ..

مانع : عندج بي بي ضيفيني

ميره : لا للحين ماعندي

مانع : انا بخذ لج فون و بشركج فالخدمه

ميره : ماتقصر

وخذ لها بلاك بيري و علمهاا كيف تشترك فالخدمه ، و ضافته وكانت اول صدمه ..
الصوره الرمزيه ع جهازه "خليعه"

وتم يكلمها فالفون و هي كله سارحه

مانع : اليوم مب عايبتني

ميره : تعبانه شوي

مانع : شفيج اخليج تنامين

ميره : هيه مصدعه شوي

وانكسر قلبها لاول مره و اكتمت صاحت لين ضاق نفسهاا ونامت حزينه

وثاني يوم صارحته و غير الصوره ووعدها مايعيدها .. ووافق

مرت مده ومانع مقضي وقته بين البلاك بيري
وزيارتها فالبيت ، و مكالمته معاهاا وما كفته المكالمات بدى يطلب منها طلعات و بروحهم

ميره : اميه مانع يبانا نطلع يقول وده نتمشى

الام : لكن يا ميره مانع ماشوفه يطري العرس ولا امه فاتحتني فالموضوع ش السالفه هو مايطري لج ولا يطري لابوج ولا يطري لج

ميره : هاه ؟!! لا هيه هيه اليوم طرا لي الموضوع

الام : بتفاهم ويا ابوج عن الطلعه ولكن ماظنتي بيوافق

رفض الاب ومانع طلب من ميره تزاعل اهلها بعد ماعرف انها دلوعة ابوها و ابوها مايرد لها طلب كنوع من الضغط عليهم

طلب منها تروح الجمعيه وتشتري خفايف وترفض وجبات البيت و تبين لهم انها مضربه عن الاكل وكانت من حبها له تنفذ

طلبت من اختها توديها الجمعيه واختها رفضت لان ميره شرحت لها كل شي بما ان نوف بير الاسرار

نوف : مافيني اسوق

ميره : بليز نوف

نوف : افف ميره مالي خلق طلعي من غرفتي وسكري الباب

اتصلت ميره لمانع ، وخبرته

مانع : بعطيج الفين للاكل و عطيها 500 درهم ماظن مابتمشي بالفلوس

ميره : صح صدقك مدري كيف طافتني السالفه اوكي بند الحينه

مانع : فديت اللي يفهمني

وراحت ميره لغرفة نوف ،

نوف : هلا ميره بلاج شو تبين

ميره : نوف بعطيج 500 وتساعديني مدري ليش ابويه رافض نطلع و مانع ريلي مب غريب بديت اكره ابويه

نوف : ميره استحي ع ويهج

ميره : نزين نزين متى بنسير

نوف : المغرب وهاتي 500 قبل لا نسير

وافقت ميره علما ان نوف اصغر من ميره ولكن تسوق لان ميره تخاف من السواقه و ماتفكر تطلع ليسن

راحت الجمعيه و اشترت اكلات خفيفه عسب تنفذ الخطه ع اهلها و عطت نوف 500 منها عشان تساعدها ومنها تسكتها ونوف من النوع الكتوم

**هب النسيم** · 2013-09-07, 00:31

وبدت تطبق الخطه ، و مانع ف وقت نومهم يطلب لها اكل من برا و عن طريق الخدامه اللي هي بعد معطينها المقسووم
ومخلينها توصل الوجبات

نجحت فالسيطره على ابوها و امهاا وكلمها ابوها بوجود امها وشرحوا لها خطورة الطلعه و وعدتهم انها تكون عند حسن الظن

تحنت ميره ، وراحت الصالون وتمكيجت و تعدلت وطلعت كانها عروس .. كله عشان تكسب رضى مانع

اللي كان مستانس انه ميره من النوع الضعيف اللي يقدر يتحكم بها و يمشيها على هواه وبدى يطمع فيها لانهاا طاوعته في كل شي وهذا اكبر غلط تسويه البنت في فترة الملكه

وصل عند البيت و استاذنت ميره بعد ما لبست عباتها وتغشت وطلعت و ودعت اهلها ووصوها تكون ثقييييله و محترمه وحشيمه

ركبت معاه عقت الشيله و الغشوه وحطت ريل ع ريل و رغم ان الجامه الاماميه مش مخفي بالكامل الا ان ماغار عليها ولاقالها البسي الشيله الناس بتشوفج بالعكس

سحب شيلتها وقالها :
شعرج وااااااايد حلو وين مسوتنه

ميره : فالصالون عيبك

مانع : شو ماعيبني

مانع كان ف كامل اناقته ومثلها تماما كانه معرس .. وكان طول الدرب يسولف وماحست الا وهم فخط دبي

ميره : اووويه انت وين ساير

مانع : دبي

ميره : لا لا بليز خلنا فبوظبي

مانع نظر لها نظرة عصبيه و سكتت

وصلوا دبي ، و وقف عند احد الفنادق وتفاجئت بخدمة صف السياره يايين صوبهم وقالها نزلي ، وتغشي ، ولاتتعذرين ان حد بيعرفج نحن ف دبي مش ف امارتنا

ماطاعت واحتشرت

و سكر الباب وساروا في جهه بعيده شوي

ميره : انت حاجز !! ليش ماقلت لي

مانع : وليش اقولج نحن مزوجين

واشتد النقاش ورفضت تنزل وسار وكنسل الحجز وردوا وطول الطريج ساكت ومعصب وميره تصيح

ونزلها بيتهم وراح

محد حس فيها لانها تظاهرت انها مستانسه وانها تعشت احلا عشا و الفت قصه لاهلها

ولا اتصل

يتبع

**X_katom_X** · 2013-09-07, 00:50

هذا الغلط بعينه حتى لو مالجين

يوم هيه بعدها في بيت أهلها كل شئ له حدود وهالطلعات احسها منكر يوم بتكون عنده لو تسرح وياه ما شي خلااااااف

**انستا** · 2013-09-07, 00:59

waiting the rest of the story =)

الموضوع: باخذ بثارج يا ميره لو يحكموني فيه اعدام

أدوات الموضوع

عرض

العرض المتطور

باخذ بثارج يا ميره لو يحكموني فيه اعدام

المزيد من آخر المواضيع من نفس القسم:

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

رد: باخذ بثارج يا ميره لو يحكموني فيه اعدام

المواضيع المتشابهه

حوادث, قتل,اعدام, موت, تشويه.........الخ

الي تاخذ كلوميد لازم تاخذ ابر تفجيرية؟

اعدام