التصوووير حق العرووس

[وله العيون]

السلام عليكم ورحمة الله وبركاته

بم ان عرسي مآجل قلت بشاوركم في امووور كنت مجهزتنه من فترة والحينه عندي وقت طويل عسب افكر فييهم...

التصووير منو يدفعه ؟ الريال ولا الحرمة

انا من فترة حصلت استوديو وايد حلو حق التصوير بس مشكلته غالي في حدود 15000 حق الفيديو والصور .. هو شافه غالي قاالي لا خلاص هو بياخذ تصوير اللي يي مع حجز الكوشة يعني باكيج ...بس انا مب عايبني هالشي ..

انا يالسه افكر الحينه اني بما اني اشتغل فافكر خلاص اني انا اللي بدفع وما بكلف عليه ..بس قبل ما ادفع ابغي اشاوركم منو المفروضض يدفع حق التصوير ؟؟

المزيد من آخر المواضيع من نفس القسم:

• ليالي الحناء و المكسار و الجلوة و اجواءها
• قاعه فيها درج للعروس
• الحنة تعلق
• بغيت رفم خبره التجميل عزة مطر
• للعروس إليكِ هذه الطرق لتطويل شعرك بسرعة قبل...
• صيحة خواتم الخطوبة الدارجة لعام 2018-العروس...
• كيفية اختيار اكسسوارات الزفاف
• خمس أمور لا بد من التفكير بها قبل الزواج
• مطلوب
• احلى واروع سيديات الاغاني والزفات بدون...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Marmoosh]

اول شي الف الف مبروك و ربي يتمملك ع خير
ثاني شي : تصوير الصالات مش حلو ابدا !!! ابدا !!
ثالث شي التصوير عالعريس اكيد ، و 15000 كثير كثير غالي !!!!
يا اختي انا مش عارفة ، يعني لو عم يكون البرواز تبع الصور ذهب ما بيطلع 15000 !!!
انا خطبتي كلها كلفتني هالمبلغ
في محلااات كثير ارخص
انتي بأي امارة ؟ و شو مطاليبك للالبوم ؟
يعني ديجيتال ولا عادي ؟ و كم صورة ؟ و هيك

[حرمة حمد]

مبرووووووك حبيبتي
والتصوير لازم يكون ع المعرس !!
وتصوير الصالات مب شي ما أنصحج فيه أبداً

شوفي عزة فوتو ويانا ف المنتدى شغلها حلو ما شاء الله وتصور تفاصيل العرس وكل شي

[mona yousef]

ربي يتمملك على خير

[rita hair]

upppp

[أحلام علي]

شوفي تصوير ياقوت

واااااااااااااااااااااااااااااااااايد حلو

ب8000 اتوقع مع الفيديو

امسات كنت اشوف البوم خالي وعيبني وقالتلي من الياقوت

وحتى البوم خالتي من 7 سنين من عندهم بعد وايد حلو

[عشتار]

التصوير يكون على المعرس
اذا كان هو ماسك كلشي من حجز قاعه وكوشه وغيرها

[عزة فوتو]

اولا تسلميلن يا حرمة حمد اشكرج ...
تانيا ...
الغالية بالنسبة للتصوير اسعاره تختلف متل اي بضاعة معروضة بالسوق وها الاسعار العالية شوي ترجع لاسعار الاحبار و الطباعة وهذة انواعها كتير والغش فيها هو الغالب للاسف
يعني انت ممكن تشوفي البومين مطبوعين كل واحد فيهم تكلفة مختلفة لكن النتيجة ما تبان معاج خلال اول او تاني سنة ممكن تبين معاج بعد فترة تلاقي الالوان باهتة او ظهرت نقاط صفرا عالصورة
وهذه تكون طباعة تشبه الطابعة اللي في البيت العادية بالاحبار العادية وهذة تكون تكلفتها اقل
لكن نتيجتها مب حلوة مع الوقت .. والاستديوا ممكن يعطيك سعر اقل وانت مب عارفة الفرق

بالنسبة للفيديو كمان حسب نوع الكاميرات وعادة تتراوح اسعار الكاميرات الفيديو البرفيشينال من ظ¢ظ¥ الف الى ظ£ظ¥ الف اقل شي
وهذه الكاميرات مع احترامي لمحلات الكوش ما تكون متوفرة عندهم وبالتالي يعطوا التصوير لمحلات اخرى ويتعاملوا معها نيابة عنج
وانا لهالسبب انصحج تاخدي تصوير من الاستديو بنفسج وما تعتمدي عالمحل مال الكوشة

وبالنهاية القرار يرجع للعروس وحسب اقتناعها

اخيرا اتمنى اكون فدتج وبالتوفيق

[امل السورية]

مووووووووووووفقة

[bronzy]

موووووووووفقه

[& اليازية &]

طبعا اكيد المعرس هو اللي يدفع حق كل شي
15 ألف
أشوف السعر اذا فيديو كرين معقول نوعا ما
بس بتحصلين أرخص
انتي حددي ميزانيتج
5 او 10
وكل استوديو وعنده الباكج اللي يناسب السعر اللي يحطه الزبون
ولاتنسين موقع الاستوديو بالنسبة لمكان العرس يلعب دور .... مع انه موب شرط
لان في العين حصلت استوديو الالبوم الفوتو داخل العين هو نفس السعر لبرع العين
شوفي عند عزة فوتو
انا شفت تصويرها وحجزت عنها فوتو وفيديو ...عشان جي اقترح عليج تشوفين شغلها
في العين شفت الجزيرة ... ابد ما انصحج ... وسام اوكي حلو بس مايطلعون برع العين
والجميرا اسعارهم مبالغة مقارنة بالبقية....
استوديو نواعم الصراحة ماحبيت تصويرهم وايد ....مادري الناس أذواق
انتي حددي ميزانيتج
وخذي الاقتراحات من المنتدى من ربيعاتج او العرايس اللي حواليج وعقب شوفي الشغل بعينج.... جي بتكونين مرتاحة
الله يتمم لج على خير

[pinkprincess]

ما فيها شي لو ساعدتي ريلج بألبوم العرس.. اذا في خاطرج من مكان معين ليش لا .. أنا أبي أفهم ليش كل حد يحط في باله إنه جميع تكاليف العرس على المعرس.. ساعدي ريلج عادي و اذا هو قالج غالي لانه يحسب حساب اشياء 2 نفس الكوشة و الاكل و القاعة و الفرق و شهر العسل..

أنا جربت فوتو أرت و شغلهم حلو بس مشكلتهم ايون من الشارجة متاخر فأكدي عليهم مليون مرة الوقت و احجزي إيمي للتصوير فيديو كرين مع تصوير ب 10 للحريم و لج 3 ألبومات و تسويلج فريم عود و فريم للتوقيع في عرسج او gUEST bOOK

[عزة فوتو]

عزيزتي لو حاسة ان المبلغ العالي مشكلة فان انصحج بالتالي :
ممكن تحجزي تصوير فوتو فقط على سي دي وفيديو كمان ممكن تصوير بدون مونتاج وتحتفظي بكل المواد على هارد ديسك
وبعد العرس يوم يكون عندج مبلغ معين تختاري البوم وتسوي الديزاين والطباعة يعني تعملي نفس الشغل على فترات
بهالطريقة تضمني العرس تصور بطريقة بروفيشينال وحصلتي النتيجة اللي تبينها

[وردة غلااا]

واااااااااايد غالي ب 15 ألف ... ليش ان شاء الله
دوري على شي ارخص واحلى

[أم شواقي ،،]

حبيبتي التصوير معروف انه على المعرس ،، بس مافيها شي اذا ساعدتي ريلج طبعا اذا هو ماعنده مانع،،

كلميه وقوليله انج انتي بتتكفلين بالتصوير واختاري اللي تبينه،،، بس ترى 15000 واااايد هالمبلغ تقدرين تصرفينه بأشياء اهم.


مبروك مقدما حبيبتي